Կատալոնիայի օրենսդիրներն իրենց շրջանում արգելել են ցլամարտը: Պաշտոնական տվյալներով, շրջանի խորհրդարանն այս օրենքն ընդունել է` ելնելով <<կանաչների>> ճնշումներից, սակայն պատգամավորներին արդեն սկսել են մեղադրել նրանում, որ վերջիններս պարզապես ցանկանում են ցույց տալ երկրի մյուս շրջաններից Կատալոնիայի անկախությունը: Ընդդիմությունն արդեն սկսել է հայց ներկայացնել` բողոքարկելու այս որոշումը:

Քաղցկեղի առաջացման պատճառներ պետք է փնտրել ոչ այլ ուր, քան մեր կենցաղում` թաքնված պոլիէթիլենային տոպրակներում ու տարրաներում: Այսօր լրագրողների հետ հանդիպման ժամանակ բնապահպան Լիլիթ Դաշյանը նշեց, որ պոլիէթիլենային տոպրակները, շշերն ու տարրաներն ոչ միայն սպառնում են էկոլոգիայի պահպանմանը, այլև` մեր առողջությանը:

Մի քանի օր առաջ ArmSport.am- ի հետ զրույցում Հայաստանի հավաքականի դարպասապահ Գևորգ Կասպարովը նշել էր, որ ամենայն հավանականությամբ մրցելույթները կշարունակի Իրանում, որտեղ հանդես էր գալիս նախորդ մրցաշրջանում:Միաժամանակ, Կասպարովը չէր բացառել հայաստանյան թիմերից մեկում խաղալու տարբերակը:

Վերլուծական comScore ընկերության հետազոտողները պարզել են, որ կանայք սոցիալական ցանցերի առավել ակտիվ կիրառողներ են, քան տղամարդիկ: Ըստ վերլուծաբաների` յուրաքանչյուր ամիս կանայք միջին հաշվով մոտ 1,5 ժամ ավելի շատ են անցկացնում սոցցանցերում, քան տղամարդիկ: Ուսումնասիրությունները նաև ցույց են տվել, որ սոցացներից օգտվում են ընդհանրապես ինտերնետ մտնող կանանց 75 %-ը, այն դեպքում երբ տղամարդկանց մոտ այդ ցուցանիշը չի գերազանցում 70 %-ը: Նշենք, որ ընկերությունն <<հետևել է>> սոցցանցերից օտգվողներին ողջ աշխարհում:

Սինգապուրում օգոստոսի 14-26-ին անցկացվելիք օլիմպիական պատանեկան ամառային առաջին խաղերին Հայաստանից կմասնակցեն 14 մարզիկ - մարզուհիներ,որոնք հանդես կգան 11 մարզաձերում:Նրանք են' ծանրորդներ Սմբատ Մարգարյանը (56կգ,Երևան), Գոռ Մինասյանը (+85կգ,Գյումրի), հրաձիգ Ռոմիկ Վարդումյանը (10մ. օդամղիչ ատրճանակ ,Երևան), նետաձիգ Վասիլ Շահնազարյանը (Արմավիրի մարզ, գյուղ Մերձավան), մարմնամարզիկ Վահան Վարդանյանը (Երևան), ձյուդոիստ Դավիթ Ղազարյանը (66կգ, Վանաձոր), բռնցքամարտիկ Հրայր Մաթևոսյանը (60կգ,Երևան), հունահռոմեական ոճի ըմբիշ Վարոս Պետրոսյանը (85կգ,Գյումրի), ազատ ոճի ըմբիշ Արտակ Հովհաննիսյանը (46կգ, Հոկտեմբերյան),

Թբիլիսիում անձը չպարզած երկու հոգի հարձակվել են մայրաքաղաքի տարածքում հեռարձակվող <<Մոնտե-Կարլո>> ռադիոկայանի լրագրողուհի Շորեն Կարչավի վրա, երբ վերջինս կամուրջն անցնելիս է եղել: Հարձակվողները հետևից մոտենալով կնոջը, սև պարկ են գցել նրա գլխին ու սկսել քաշքշել: Տուժածը պատմել է, որ վերջիններս նրանից չեն պահանջել ոչ’ պայուսակը, ոչ’ էլ բջջայինը:

Հուլիսի 29-ի նիստում Հայաստանի կառավարությունը համաձայնություն է տվել ՀՀ և ՌԴ կառավարությունների միջև Հայաստանի տարածքում միջուկային նոր էներգաբլոկներ կառուցելու համար համագործակցության համաձայնագրի կնքման առաջարկությանը։ Ավելի վաղ գործադիրը հավանություն էր տվել Հայաստանում կառուցվող միջուկային նոր էներգաբլոկը կահավորել ՌԴ ջրաջրային էներգետիկական ռեակտորային տեղակայանքով, ինչպես նաև ստեղծել հայ-ռուսական համատեղ «Մեծամորէներգաատոմ» ՓԲԸ-ն, որը բաց է այլ ներդրողների համար։ Այդ մասին հայտնում է կառավարության պաշտոնական հաղորդագրությունը:

Սոցիոլոգ Ահարոն Ադիբեկյանն այսօր կայացած ասուլիսի ժամանակ հայտարարել է, որ անկախ նրանից, թե ինչ որոշում կկայացներ Հաագայի դատարանը, մենք պետք է շարունակեինք պայքարել Արցախի ինքնորոշման իրավունքի համար. <<Այսինքն` մի նախադեպ, բարոյական շարժառիթ կա, որ մենք շարունակենք պայքարը>>: Սոցիոլոգը նաև կարծիք է հայտնել, թե մենք չպետք է Կոսովոյի նախադեպին ուշադրություն դարձնենք. <<Ես մնում եմ այն կարծիքին, որ Հայաստանը պետք է դուրս գա գործընթացից`թողնելով, որ արցախցիները լեզու գտնեն ադրբեջանցիների հետ>>:

Գործադիրն այսօր հաստատել է ոչ նյութական մշակութային ժառանգության պաշտպանության, տարածման և օգտագործման 2011թ. տարեկան ծրագիրը։ Որոշման ընդունումը հնարավորություն կտա նշված ոլորտում իրականացնել նպատակային ծրագրեր, պահպանել, մոռացությունից փրկել ոչ նյութական մշակութային ժառանգության անհապաղ պաշտպանության կարիք ունեցող արժեքները և ապահովել դրանց կենսունակությունը։

Լրացում և փոփոխություններ կատարելով իր ավելի վաղ ընդունած երկու որոշումներում, կառավարությունը պահուստային ֆոնդից աղետի գոտուն տրամադրած 60 մլն 500 հազար նախատեսված գումարից 7 մլն 220 հազար դրամը հատկացրել է «Գլենդել Հիլզ» ՓԲԸ կողմից Սպիտակ և Գյումրի քաղաքներում կառուցված բազմաբնակարան շենքերի (բնակելի տների) կառուցապատման համար հատկացված հողամասերի ձեռքբերմանը։

ՀՀ կառավարությունն այսօր հաստատել է «ՀՀ 2010-2014թթ. ցորենի սերմնաբուծության և սերմարտադրության զարգացման ծրագիրը»։ ՀՀ գյուղատնտեսության նախարարությանը թույլատրվել է ծրագրի իրականացման նպատակով ՌԴ Ստավրոպոլի երկրամասի «Լուչ» փորձարարական ՍՊԸ-ից ձեռք բերել և ՀՀ ներկրել աշնանացան ցորենի երկրում չգրանցված մի շարք սորտերի և գրանցված «Կրասնոդար 99» սորտի 950 տոննա էլիտային վերարտադրության սերմացու։ ՀՀ գյուղատնտեսության նախարարին հանձնարարվել է «Սերմերի գործակալություն» ՊՈԱԿ միջոցով կազմակերպել սերմացուի ձեռքբերումը` համապատասխան պայմանագրեր կնքելով Ստավրոպոլի երկրամասի «Լուչ» ՍՊԸ և Հայաստանում էլիտային սերմերի արտադրությամբ զբաղվող տնտեսավարող սուբյեկտների հետ։

Հայտնի դարձավ, որ Հայաստանի հավաքականն օգոստոսի 11-ին ընկերական հանդիպում է անցկացնելու Իրանի հավաքականի հետ: Այդ օրը ՖԻՖԱ- ի օրացույցով ընկերական հանդիպումների օր է և բազմաթիվ այդպիսի խաղեր են կայանալու: Մեր հավաքականը, ի տարբերություն շատերի, միայն երեկ Իրանի հետ համաձայնության եկավ մրցախաղի անցկացման շուրջ: Հանդիպման կարևորությունը շատ մեծ է Հայաստանի հավաքականի գլխավոր մարզիչ Վարդան Մինասյանը ArmSport.am–ի հետ զրույցում նշեց, որ շատ է կարևորում այդ խաղի կայացումը. “Սա կլինի ստուգողական վերջին խաղը “Եվրո- 2012-ի” ընտրական մրցաշարի մեկնարկից առաջ:

ՀՀ փոխվարչապետ, տարածքային կառավարման նախարար Արմեն Գևորգյանն այսօր ընդունել է Հայաստանում Շվեյցարիայի դեսպան Լորենցո Ամբերգին` դիվանագիտական առաքելության ավարտի կապակցությամբ: Փոխվարչապետը հաջողություններ է մաղթել դիվանագետին` հետագա գործունեության մեջ և երախտագիտություն հայտնել Շվեյցարիայի կառավարության աջակցությամբ տեխնիկական, տնտեսական, հումանիտար ոլորտներում մի շարք նախագծերի իրագործման հարցում դեսպանի անմիջական մասնակցության համար:

Կահիրեյի ալ-Ազհար համալսարանի աստվածաբանները համաձայնել են, որ իսլամի հետևորդ ֆուտբոլիստները կարող են Ռամադան ամսում պաս չպահել, այն դեպքում, եթե այդ ամսին նախատեսվում է ֆուտբոլային հանդիպում: Աստվածաբանները նշել է, որ եթե տվյալ մուսուլմանի եկամուտի միակ աղբյուրը ֆուտբոլն է, իսկ պասն էլ կարող է վատ անդրադառնալ վերջինիս մարզավիճակի վրա, ուրեմն մարզիկը կարող է հրաժարվել պասից:

<<Առավոտում>> կարդում ենք, որ Սինգապուրի առայժմ չգործող Սուրբ Գրիգոր Լուսավորիչ հայկական առաքելական եկեղեցին այս տարի 175 տարեկան է, և տեղի հայկական համայնքը պատրաստվում է մեծ շուքով նշել այն: <<Առավոտի>> զրուցակից` Սինգապուրի Չինական միջազգային դպրոցի միջազգային բակալավրիատ ծրագրի ղեկավար Վահագն Վարդանյանն ասել է, որ հայերին այդ երկրում լավ են ճանաչում, սակայն մեր երկրի մասին տեղեկություններ չունեն:

Ինչպես փոխանցում է Ведомости–ն, Ռուսաստանը պատրաստվում է Ադրբեջանին վաճառել հակաօդային պաշտպանության C-300 ПМУ-2 <<Фаворит>> զենիթահրթիռային համակարգի 2 դիվիզիոն: Ռուսական պարբերականի փոխանցմամբ` պայմանագիրը, որի արժեքը գերազանցում է 300 միլիոն դոլարը, կնքվել է դեռ անցյալ տարի, սակայն այդ փաստը մինչև վերջերս գաղտնի է պահվել: Ռուսական "Рособоронэкспорт" ընկերությունը, որն Ադրբեջանի հետ կնքել է հակաօդային պաշտպանության համակարգերի վերաբերյալ պայմանագիրը, հրաժարվել է մեկնաբանություններ տալ այս կապակցությամբ: Նման պահված է ցուցաբերում նաև ադրբեջանական կողմը, որը նույնպես հրաժարվում է մեկնաբանություններ տալ:

Թուրքիայի նախագահ Աբդուլլահ Գյուլը պատրաստվում է այցելել Ադրբեջան: Ինչպես փոխանցում են ադրբեջանական լրատվամիջոցները, այս մասին հայտնել է Թուրքիայի պետնախարար Զաֆեր Չաղլայանը Բաքվում կայացած թուրք և ադրբեջանցի գործարարների բիզնես-ֆորումի ժամանակ: Թուրք նախարարը չի մանրամասնել այցի ժամկետները:

<<Հայկական ժամանակը>> գրում է, որ ՀՀ գյուղատնտեսության նախարարության մասնագետներն այս տարի ակնկալում են 210-215 հազար տոննա խողողի բերք, իսկ նախորդ տարի, պաշտոնական տվյալներով, հավաքվել է 208 500 տոննա խաղող: Օրաթերթը նաև գրում է, որ ոչ պաշտոնական տվյալներով, սակայն, խաղողի բերքն այս տարի լավագույն դեպքում կկազմի 200 հազար տոննա. <<Հարցերի հարցը մնում է խաղողի և ընդհանրապես գյուղմթերքների մթերման խնդիրը:

Օպերատիվ հետախուզության վարչության դիտակետում այս անգամ «Վոյաժ» տաքսի ծառայությունն էր: Ստացված օպերատիվ տեղեկությունների հետքերով գնացած վարչության աշխատակիցները պարզել են, որ տաքսի ծառայությունն, իրոք, գործում է` առանց համապատասխան ելակետային տվյալների վերաբերյալ հարկային տեսչություն տեղեկություններ ներկայացնելու:

Ֆրանսիայի ոստիկանությունը 8 նորածինների ոսկորներ է հայտնաբերել Վրլե-օ-Տերտըր գյուղի տներից մեկում: Ոստիկանությանը դիմել են տան նոր բնակիչները, որոնք լողավազանի համար տարածք փորելիս մարդկային ոսկորներ են հայտնաբերել: Ոստիկանությունն անմիջապես ձերբակալել է տան նախկին բնակիչներին`մոտ 45-ամյա ամուսիններին. մոտ ժամանակներս նրանց դեմ մեղադրանք կներկայացվի: Գյուղի բնակիչները, սակայն, միաձայն նշում են, որ ամուսինները շատ հաճելի մարդիկ են եղել:

Հուլիսի 28-ին, ժամը 15.16-ին Աբովյան քաղաքի ոստիկանությունից տեղեկություն է ստացվել, որ Երևան-Սևան ավտոճանապարհի 13-րդ կմ-ում տեղի է ունեցել ճանապարհատրանսպորտային պատահար։ Դեռևս չպարզված հանգամանքներում բախվել են «ԳԱԶել» մակնիշի 1677 Լ պետհամարանիշի և «ԶԻԼ-130» մակնիշի 069 ՏԼ 65 պետհամարանիշի ավտոմեքենաները, ինչի հետևանքով «ԳԱԶել» ավտոմեքենայի վարորդ, 1958 թ. ծնված Կարո Հակոբյանը ստացել է տարբեր աստիճանի մարմնական վնասվածքներ:

Ինչպես հայտնում է <<Հայոց աշխարհը>>, հայտնի է դարձել, որ Ադրբեջանում նախարարության կարգավիճակ ունեցող մի կոմիտեի նախագահի Լոնդոնում սովորող դուստրը ազգությամբ հայ տղայի հետ սիրավեպ է սկսել: Այդ մասին «Ենի Մուսավաթին» տեղեկացրած աղբյուրը հայտնել է, որ իրադարձությունը շոկ է առաջացրել իշխանության նույնիսկ ամենաբարձր վերնախավում: Սիրավեպից տեղյակ Լոնդոնում սովորող ադրբեջանցիները Ադրբեջանի արտակարգ իրավիճակների նախարար Քեմալադդին Հեյդարովի որդու՝ Թալեհ Հեյդարովի գլխավորությամբ, որը նաև Եվրոպայի ադրբեջանական համայնքի նախագահն է,

Հուլիսի 28-ին, ժամը 11.09-ին ահազանգ է ստացվել, որ հրդեհ է բռնկվել Երևանի Գայի պողոտայի թիվ 16/5 հասցեում գտնվող «RR» բենզալցակայանում: Դեպքի վայր է մեկնել երկու մարտական հաշվարկ: Հրդեհը մեկուսացվել է ժամը 11.17-ին, մարվել` 11.20-ին: Բենզալցակայանում այրվել է լիցքավորման սարքավորումը: Հրդեհի հետևանքով բենզալցակայանի աշխատակիցներ` Ա. Սարգսյանը, Վ. Մարկոսյանը և Ք. Դանիելյանը ստացել են թեթև աստիճանի այրվածքներ, տեղափոխվել Երևանի Ճառագայթային բժշկության և այրվածքների գիտական կենտրոն և ստանալով առաջին բուժօգնություն` դուրս գրվել:

Ինչպես գրում է <<Առավոտը>>, երեկ տեղի է ունեցել ՀԱԿ-ի քաղխորհրդի նիստը, որը վարել է Լևոն Տեր-Պետրոսյանը: Քաղխորհրդում քննարկվել են Հայաստանի ներքին և արտաքին քաղաքական իրավիճակն ու Կոնգրեսի հետագա անելիքները: Նիստում որոշվել է Կոնգրեսի հաջորդ համապետական հանրահավաքն անցկացնել սեպտեմբերի 17-ին: Կոնգրեսի համապատասխան կառույցներն հանձնարարվել են ակտիվորեն զբաղվել հանրահավաքի նախապատրաստման աշխատանքներով:

Երևանի քաղաքապետի հանձնարարությամբ երեկ Կենդանաբանական այգուց Կարապի լիճ են տեղափոխվել երկու կարապներ: Այս մասին տեղեկացնում է Երևանի քաղաքապետարանը՝ նշելով, որ այսուհետ երևանցիները հնարավորություն կունենան ամեն օր հիանալու լճում լողացող սևաթույր կարապների հմայքով: <<Լողալուց հոգնած կարապների զույգի համար արևից պատսպարվելու և հանգստանալու համար առանձին տեղ է առանձնացվել: Կարապների խնամքով, ինչպես նաև սննդակարգով զբաղվելու են Կենդանաբանական այգու մասնագետները:

ՀՀ սահմանների պաշտպանության ժամանակ ծառայողական պարտականությունները կատարելիս մարտական դիրքում բարդ իրավիճակում արագ կողմնորոշվելու, ինչպես նաև զինակից ընկերոջ կյանքը փրկելու համար ՀՀ պաշտպանության նախարար Սեյրան Օհանյանի հրամանով «Վազգեն Սարգսյան» գերատեսչական մեդալով պարգևատրվել են ժամկետային զինծառայողներ, կրտսեր սերժանտ Սասուն Գևորգյանը և շարքային Նարեկ Ղարաքեշիշյանը: Հուլիսի 28-ին ՀՀ ՊՆ կենտրոնական կլինիկական զինվորական հոսպիտալում Սեյրան Օհանյանը պարգևը հանձնեց շարքային Նարեկ Ղարաքեշիշյանին:

Լիբանանի քաղաքացի Ահմադ Շումանը ձերբակալվել է Facebook ցանցում երկրի նախագահ Միշել Սուլեյմանի հասցեին հնչեցրած քննադատության համար: Ինչպես հաղորդում է The Daily Telegraph-ը, կասկածյալին ձերբակալել են Բեյրութի օդանավակայանում. Շումանը ժամանել էր Կիևից: Դատախազության տվյալներով` վերջինս իր 3 ընկերների հետ նախագահ Սուլեյնանին նվիրված էջ էր բացել Facebook-ում, որը վերնագրել էր` <<Մենք չենք ուզում երկերեսանի նախագահ>>: Այժմ մեղադրող կողմը պնդում է, որ էջը պարունակել է Սուլեյմանի հասցեին զրպարտություններ ու վիրավորանք:

Տավուշի մարզի Մեհրաբ զորամասում հուլիսի 27-ին մահացած պայմանագրային զինծառայող Արտակ Նազարյանի հոգեհանգիստը տեղի կունենա այսօր` հուլիսի 29-ին ժամը 17.30-ին, Հարավ-արեւմտյան թաղամաս, Բ-2 թաղամաս, Բաբաջանյան 129, բն. 31 հասցեով: Հուղարկավորության ժամը կհայտնվի լրացուցիչ:

Հայ երաժշտարվեստը ծանր կորուստ կրեց: Հուլիսի 28-ին Մոսկվայում վախճանվել է անվանի երգչուհի, ՀՀ ժողովրդական արտիստ Արաքս Դավթյանը: Ա. Դավթյանը ծնվել է 1949 թվականի ապրիլի 22-ին զինվորական օդաչուի ընտանիքում: 1975թ. ավարտել է Երեւանի պետական կոնսերվատորիան: Որպես մեներգչուհի 1975-86 թթ. աշխատել է կոնսերվատորիայի օպերային ստուդիայում, 1986-92-ին` ՀՀ հեռուստառադիոպետկոմի սիմֆոնիկ նվագախմբում:

Հուլիսի 28-ի գիշերը եւ օրվա ընթացքում ղարաբաղա-ադրբեջանական զորքերի շփման գոտու մի շարք հատվածներում ադրբեջանական կողմը կրկին խախտել է հրադադարի ռեժիմը: Հակառակորդը տարբեր տրամաչափի հրաձգային զենքերից եւ դիպուկահար հրացաններից գնդակոծել է Մեհդիլի, Հորադիզ, Կորգան, Քյուրդլար, Աշաղը Վեյսալի, Կարաչուկ, Բաշ-Քարվենդ, Քենգեռլի, Ջրաբերդ եւ Թալիշ ուղղություններում տեղակայված ղարաբաղյան դիրքապահների հենակետերը:

ԵԱՀԿ Մինսկի խմբի համանախագահներ Իգոր Պոպովը (Ռուսաստան), Բեռնար Ֆասիեն (Ֆրանսիա) եւ Ռոբերտ Բրադկեն (ԱՄՆ) հանդիպել են Մինսկի խմբի անդամների հետ: Հանդիպումը տեղի է ունեցել երեկ, Վիեննայում: Ինչպես փոխանցում է ԵԱՀԿ կայքէջը, Մինսկի խմբի համանախագահները տեղեկացրել են Արցախի հակամարտության կարգավորման բանակցային գործընթացի, այս տարվա հունիսի 17-ին Սանկտ-Պետերբուրգում Հայաստանի, Ադրբեջանի և Ռուսաստանի նախագահների եռակողմ հանդիպման, Ալմաթիում և Կուսկոկում համանախագահող երկրների կողմից տարածած հայտարարությունների մասին:

Թուրքագետ Արտակ Շաքարյանն ասյօր լրագրողների հետ հանդիպման ժամանակ նշել է, որ սեպտեմբերին հայ-թուրքական հարաբերությունների վերաբերյալ օրակարգը հարուստ կլինի, քանի որ սպասվում է Ախթամարի Սբ. Խաչ եկեղեցում պատարագի մատուցում, Հայաստանում ՆԱՏՕ-ի զորավարժություններ, իսկ հոկտեմբերին լրանում է հայ-թուրքական արձանագրությունների ստորագրման մեկ տարին:

2010 թվականի օգոստոսի 11-ին Հայաստանի ազգային հավաքականը կանցկացնի ընկերական հանդիպում Իրանի ազգային ընտրանու հետ: Հանդիպումը կկայանա «Հրազդան» մարզադաշտում, ժամը 21:00-ին: Այս մասին տեղեկացնում է ՀՖՖ-ից։

Օտարալեզու դպրոցները վերաբացելու վերաբերյալ նախաձեռնությունը, որը վերջին ամիսներին հասարակական բուռն քննարկումների արժանացավ և որի իրագործման համար «Լեզվի մասին» և «Հանրակրթության մասին» ՀՀ օրենքներում փոփոխություններ և լրացումներ կատարելու մասին օրենքների նախագիծն ընդունվեց ՀՀ Ազգային ժողովի կողմից առաջին ընթերցմամբ շարունակում է մնալ օրակարգում:

Երևանի քաղաքապետարանի և իտալական Ռենկո ընկերության համատեղ ներդրումային ծրագրով մայրաքաղաքում կկառուցվի եվրոպական չափանիշներին համապատասխան նոր ու ժամանակակից հեծանվահրապարակ: Ծրագրի մեկնարկն այսօր ազդարարեցին Երևանի քաղաքապետն ու Ռենկո ընկերության Հայաստանյան մասնաճյուղի տնօրենը: Գագիկ Բեգլարյանն ու Ֆռանչեսկո Ջուստոտտին ստորագրեցին հռչակագիր սկիզբ դնելով Երևանում ժամանակակից հեծանվահրապարակի կառուցմանը: “Երևան քաղաքի համար կարևոր այս ներդրումային ծրագիրը կնպաստի Հայաստանի Հանրապետության և Իտալիայի հանրապետության ժողովուրդների բարեկամական կապերի զարգացմանն ու ամրապնդմանը ի բարօրություն հայ և իտալացի ժողովուրդների”,- այսպիսի բովանդակությամբ ուղերձով պարկուճը Երևանի քաղաքապետն ու Ռենկո ընկերության Հայաստանյան մասնաճյուղի տնօրենը տեղադրեցին կառույցի հիմքում:

Թուրքիայում Հայաստանի Հանրապետության քաղաքացի է անհետացել: 29-ամյա Աննա Դավթյանը հուլիսի 15-ին մեկնել էր Անթալիա` արձակուրդն անցկացնելու նպատակով: Երկու օր անց Դավթյանը մեկնել է Անկարա, ուր էլ խորհրդավոր պայմաններում անհետացել է հյուրանոցից, ուր նրան թողել էր ամուսինը: Արդեն Թուրքիա է մեկնել աղջկա մայրը` Կարինե Դավթյանը, ով նշել է, որ իր դուստրը հղիության վեցերորդ ամսում է, ինչպես նաև չի բացառել առևանգման վարկածը: Աննան մեկ տարի առաջ էր ամուսնացել և բնակվում էր Դուբայում: Այս մասին հայտնում է Ermeni լրատվական գործակալությունը:

Այսօր լրագրողների հետ հանդիպման ժամանակ Հանրապետական խորհրդարանական խմբակցության ղեկավար Գալուստ Սահակյանը խոստովանեց, որ ինքն արդեն սկսել է մոռանալ, թե ընդդիմությունն ի՞նչ բան է: Ըստ նրա, այն, որ ընդդիմությունն ընդդիմության հետ կռվում է, արդեն ընդդիմության խնդիր չի կարող լինել:

Երեկ <<Գուդրայք Ջոն>> աստղասերների հասարակական կազմակերպությունը կազմակերպել է սիրողական աստղադիտության հերթական միջոցառումը: <<Կասկադ>> համալիրի վերին հարթակում բոլոր ցանկացողներին հնարավորություն է տրվել կազմակերպությանը պատկանող 3 հզոր աստղադիտակների օգնությամբ ուսումնասիրել Լուսինը, Մարսը, Վեներան և Սատուրնը:

Հուլիսի 28-ին ՆԱՍԴԱՔ ՕԷՄԷՔՍ ԱՐՄԵՆԻԱ ԲԲԸ-ում կայացել է 3000000 ԱՄՆ դոլարի առք և վաճառք 371.33 դրամ մեկ ԱՄՆ դոլարի դիմաց միջին կշռված փոխարժեքով: Փակման գինը կազմել է 371.5 դրամ:

Մադրիդի <<Ռեալի>> նախկին հարձակվող Ռաուլը պայմանագիր է կնքել Գելզենկիրխենի <<Շալկեի>> հետ: Պայմանագիրը նախատեսված է երկու տարվա համար: Գերմանական ակումբի գլխավոր մարզիչ Ֆելիքս Մագատը մեծ ուրախություն է հայնտել` կապված Ռաուլի տեղափոխության հետ և հույս հայտնել, որ նրա հետ նոր բարձրունքների կհասնեն: 33-ամյա ֆուտբոլիստն իր նոր թիմի կազմում կմասնակցի Չեմպիոնների լիգայի խաղարկությանը, որի իրավունքը Մագատի սաները ստացել են` նվաճելով Բունդեսլիգայի արծաթե մեդալները: