Facebook   Twitter
 
ՀՀ գյուղատնտեսության նախարարն ընդունել է ՀՀ-ում Բելառուսի դեսպան Իգոր Նազարուկին

ՀՀ գյուղատնտեսության նախարարն ընդունել է ՀՀ-ում Բելառուսի դեսպան Իգոր Նազարուկին

21 Ապրիլի 2017 - 15:54
ՀՀ գյուղատնտեսության նախարար Իգնատի Առաքելյանն այսօր ընդունել է ՀՀ-ում Բելառուսի արտակարգ և լիազոր դեսպան Իգոր Նազարուկին` գյուղատնտեսության ոլորտում համագործակցության շրջանակների ընդլայնման հնարավորությունը քննարկելու նպատակով:

Իգնատի Առաքելյանը տեղեկացրել է, որ մեկնարկել է «Հայաստանի Հանրապետությունում գյուղատնտեսական տեխնիկայի ֆինանսական վարձակալության` լիզինգի պետական աջակցության» ծրագիրը, որի նպատակն է վերազինել և արդիականացնել գյուղատնտեսական տեխնիկայի պարկը:

«Այս ծրագրով մենք ստեղծել ենք մեխանիզմ, որով ֆերմերն ինքը կարող է որոշել, թե ինչ գյուղտեխնիկա է նրան հարկավոր գյուղատնտեական աշխատանքներն արդյունավետ կազմակերպելու համար: Շուկան ազատ է, սահմանափակումներ չկան, և եթե Բելառուսում գտնվեն գյուղտեխնիկա արտադրողներ և մատակարարներ, որոնք հետաքրքրված են հայկական շուկայով, ապա կարող են ևս մասնակից դառնալ ծրագրին», - նշել է նախարար Իգնատի Առաքելյանը:

Դեսպան Իգոր Նազարուկն իր հերթին նախարարին է ներկայացրել Բելառուսում գյուղատնտեսական տեխնիկայի տրամադրման պայմանները, պետության կողմից արտադրողներին և մատակարարնեին տրամադրվող աջակցության գործիքները: Քննարկվել են այս ուղղությամբ հայկական և բելառուսական պետական, մասնավոր և ֆինանսական կառույցների ներգրավմամբ փոխգործակցության հնարավոր ուղիները:

Հանդիպման ընթացքում կողմերը քննարկել են նաև անտառային տնտեսությունների արդյունավետ կառավարմանն առնչվող հարցեր: Մասնավորապես դիտարկել երկու երկրների միջև առկա փոխգործակցության սերտացման հնարավորությունը: Առաջարկվել է նաև ուսումնասիրել հետագայում անտառանյութի վերամշակման գործարանի հիմնման հնարավորությունը:

Բելառուսի դեսպանը նշել է, որ իրենք հետաքրքրված են բելառուսական պարարտանյութը Հայաստանում իրացնելու հնարավորությամբ:

Զրույցի ընթացքում անդրադարձ է կատարվել Բելառուսի ագրարային բուհերում հայ մասնագետների ուսուցման և վերապատրաստման հարցին:

Տեղեկացնելով, որ հունիսի 6-ից 10-ը Մինսկում կազմակերպվելու է ամենամյա «Բելագրո» մասնագիտացված միջազգային ցուցահանդեսը` Բելառուսի դեսպան Իգոր Նազարուկը առաջարկել է հայկական կողմին ևս մասնակցել այդ միջոցառմանը:

ՀՀ գյուղատնտեսության նախարարության տեղեկատվության և
հասարակայնության հետ կապերի բաժին

HayNews.am
 
Նմանատիպ նորություններ
Մոսկվայում գրանցվել է այս ձմռան ամենացուրտ գիշերնը
20 Հունվարի 2018 - 13:10
Լույս հունվարի 20-ը դարձել է ձմռան սկսվելուց ի վեր Մոսկվայում գրանցված ամենացուրտ գիշերը, օդի ջերմաստիճանն իջել է մինչև -10,7°С, գրում է gazeta.ru-ն՝ ՌԴ մայրաքաղաքային օդերևութաբանական բյուրոյի տվյալներին հղումով։
Նախագահն աշխատանքային այցով կմեկնի Ֆրանսիա
20 Հունվարի 2018 - 13:08
Նախագահ Սերժ Սարգսյանը հունվարի 22-24-ն աշխատանքային այց կկատարի Ֆրանսիայի Հանրապետություն՝ Փարիզ և Ստրասբուրգ: Հանրապետության Նախագահն այցի շրջանակներում հունվարի 22-ին և 23-ին հանդիպումներ կունենա Ֆրանսիայի նախագահ Էմանուել Մակրոնի, Սենատի նախագահ Ժերար Լարշեի, Ազգային ժողովի նախագահ Ֆրանսուա դը Ռյուժիի, ինչպես նաև Ֆրանսիա-Հայաստան բարեկամության պատգամավորական խմբի անդամների հետ:
Հանրային ճնշման գործընթացն սկսել ենք և բավական հաջող. Էդմոն Մարուքյան
20 Հունվարի 2018 - 13:07
Հանրային ճնշման գործընթացն սկսել ենք և բավական հաջող. Tert.am-ի հետ զրույցում ասաց ԱԺ «Ելք» խմբակցության պատգամավոր Էդմոն Մարուքյանը, անդրադառնալով հունվարի 19-ին կայացած երթին: Ըստ նրա՝ թանկացումների դեմ երթը շատ լավ մեկնարկ էր պայքարի համար:
Ինչու՞ է զինծառայողն ազատվել զինվորական ծառայությունից. պարզաբանում ԱՀ ՊՆ-ից
20 Հունվարի 2018 - 13:06
Արցախի Հանրապետության պաշտպանության նախարարությունը ի պատասխան forrights.am կայքում հունվարի 19-ին հրապարակված «Պայմանագրային զինծառայողին պարբերաբար ծեծել են և նվաստացրել» վերտառությամբ հոդվածի՝ ներկայացրել է, թե ինչու՞ է զինծառայողը ազատվել աշխատանքից և թե ի՞նչ է դրան նախորդել:
Նոր հակագրիպային պատվաստանյութը կարող է մեկընդմիշտ լուծել գրիպի խնդիրը
20 Հունվարի 2018 - 13:05
Գիտնականները զգուշացնում են գրիպի համատարած համաճարակի մասին 1918 թվականի իսպանական գրիպի օրինակով, որին զոհ էր գնացել մոտ 50 միլիոն մարդ ամբողջ աշխարհում: Նրանց կարծիքով նման համաճարակի բռնկումը շատ հավանական է:
Վրաերթի ենթարկված փոքրիկն ունեցել է որովայնի սալջարդ
20 Հունվարի 2018 - 13:02
Երեւանի Բագրատունյաց պողոտայում հունվարի 19-ին վրաերթի ենթարկված 9-ամյա աղջիկը դուրս է գրվել Երեւանի «Սուրբ Աստվածամայր» բժշկական կենտրոնից:
Նախագահական ընտրությունների նախապատրաստությունը Ադրբեջանում սկսվել է
20 Հունվարի 2018 - 12:31
Ադրբեջանի կենտրոնական ընտրական հանձնաժողովն անցել է երկրում 2018 թվականի հոկտեմբերին նախատեսված նախագահական ընտրությունների նախապատրաստական աշխատանքներին, հայտնում է «Թրենդ» գործակալությունը:
Հանրահայտ Կառլով կամուրջը գտնվում է վատ վիճակում
20 Հունվարի 2018 - 12:26
Պրահայի տարածքում Վլտավա գետի վրա գտնվող կամուրջների մեծ մասը, ներառյալ՝ հանրահայտ Կառլով կամուրջը, գտնվում են վատ վիճակում։ Այդ մասին, ինչպես հայտնում է «ՌԻԱ Նովոստի» գործակալությունը, վկայում են Հաղորդակցությունների տեխնիկական վարչության տվյալները, որոնք փոխանցվել են քաղաքային խորհրդին։
1 | 2 | 3 | 4 | 5 | 6 | 7 | 8 | 11437
 
Լրահոս`
 
 
 
 
 
 
 
 
 
 
 
 
 
 
 
Էս ու՞ր ես սենց շտապում
Հասարակություն