Facebook   Twitter
 
Ստեփանակերտում եզրափակիչ բանաձև են ստորագրել հայկական կուսակցությունների երրորդ համաժողովի մասնակիցները

Ստեփանակերտում եզրափակիչ բանաձև են ստորագրել հայկական կուսակցությունների երրորդ համաժողովի մասնակիցները

19 Հունիսի 2017 - 17:31
Հայկական կուսակցությունների երրորդ համաժողովի մասնակից կուսակցությունները Ստեփանակերտում եզրափակիչ բանաձև են ստորագրել:
Մենք` 2017 թվականի հունիսի 16-18-ը քաղաք Ստեփանակերտում անցկացված Հայկական կուսակցությունների երրորդ համաժողովի մասնակիցներս, արձանագրելով Հայաստանի Հանրապետությունում և Արցախի Հանրապետությունում սահմանադրական փոփոխությունների իրողությունը և կարևորելով
Հայկական երկու պետություններում քաղաքական համակարգերի կատարելագործումը,

Մարդու իրավունքների և հիմնարար ազատությունների երաշխավորման իրավական կառուցակարգերի հետագա իրացումը,

Քաղաքական գործընթացներում հանրային կառավարման արդյունավետությունը,

Հայկական կուսակցությունների բացառիկ դերակատարությունը հայոց պետականության կերտման գործում և արդյունավետ համագործակցության անհրաժեշտությունը համազգային նշանակություն ունեցող հարցերում,

Հայկական պետություններում կուսակցությունների վերլուծական և կառուցվածքային կարողությունների զարգացման նպատակով փորձագիտական ձևաչափերով քննարկումների համար հարթակների ստեղծման անհրաժեշտությունը,

Հայկական պետություններում տնտեսության առաջանցիկ զարգացումը և արդյունավետության բարձրացումը, ինչպես նաև սոցիալական արդարության նպատակային քաղաքականությունը՝.

1. Խստորեն դատապարտում ենք Ադրբեջանի կողմից շփման գծում հրադադարի խախտման քաղաքականությունը, որն ուղեկցվում է նաև մարդկային զոհերով, միաժամանակ ընդգծում ենք, որ իրավիճակի հետագա սրման ողջ պատասխանատվությունն ընկնում է Ադրբեջանի ռազմաքաղաքական ղեկավարության վրա:

2. Վերահաստատում ենք մեր համոզմունքը, որ Հայաստանի Հանրապետության և Արցախի Հանրապետության հետագա զարգացման բացառիկ երաշխավորն անվտանգության միասնական համակարգն է, և հատկապես՝ հայկական զինված ուժերը:

3. Արձանագրում ենք, որ Ադրբեջանի կողմից վարվող հակահայկական քաղաքականությունը և ԼՂ հիմնախնդիրը ռազմական ճանապարհով լուծելու սպառնալիքները լրջորեն վտանգում են բանակցային գործընթացը, խնդրի խաղաղ կարգավորման հնարավորությունը և տարածաշրջանի անվտանգությունը:

4. Կարևորում ենք ԼՂ հիմնախնդրի՝ ինքնորոշման իրավունքի հիման վրա լուծման և բանակցային գործընթացում Արցախի Հանրապետության ուղղակի մասնակցության անհրաժեշտությունը:

5. Կոչ ենք անում ԵԱՀԿ Մինսկի խմբի համանախագահներին և միջազգային հանրությանը հետամուտ լինել շփման գծում միջադեպերի ուսումնասիրության և հետաքննության մեխանիզմների ներդրմանը, դատապարտել Ադրբեջանի ղեկավարության ապակառուցողական քաղաքականությունը, հրաժարվելով անարդյունավետ համահարթեցման մոտեցումներից՝ հասցեական գնահատականներ տալ և նախահարձակ կողմի նկատմամբ կիրառել զսպող մեխանիզմներ:

6. Փաստում ենք արտաքին քաղաքականության ոլորտում և միջազգային հարթակներում Հայաստանի Հանրապետության և Արցախի Հանրապետության համար ռազմավարական նշանակության հարցերում կուսակցությունների համագործակցության անհրաժեշտությունը:

7. Արձանագրում ենք ներկուսակցական ժողովրդավարության և միջկուսակցական հարաբերությունների արդյունավետության մեծացման և հանդուրժողականության անհրաժեշտությունը:

8. Նպաստելու ենք ընտրական համակարգերի շարունակական կատարելագործմանը և քաղաքացիական հասարակության ինստիտուտների զարգացմանը:

9. Վերահաստատում ենք Ստեփանակերտ քաղաքում հայկական կուսակցությունների ամենամյա քննարկումների անցկացման անհրաժեշտությունը՝ ստեղծելով կուսակցությունների ոլորտային կառույցների համատեղ քննարկումների անցկացման զուգահեռ հարթակներ:

10. Առաջարկում ենք Սփյուռքի մյուս երկու ավանդական կուսակցություններին հետագայում միանալ այս համաժողովի աշխատանքնքներին:

«Ազատ hայրենիք» կուսակցություն
«Ազատություն» կուսակցություն
«Ազգային միաբանություն»կուսակցություն
«Ազգային վերածնունդ» կուսակցություն
Արցախի ժողովրդավարական կուսակցություն
Արցախի Հանրապետության Կոմունիստական կուսակցություն
Արցախի Արմենական կուսակցություն
Արցախի Հանրապետական կուսակցություն
«Բարգավաճ Հայաստան» կուսակցություն
«Լուսավոր Հայաստան» կուսակցություն
Հայաստանի Հանրապետական կուսակցություն
Հայ Յեղափոխական Դաշնակցություն
Հայաստանի Կոմունիստական կուսակցություն
Հայաստանի Քրիստոնեա-դեմոկրատական միություն
Հայոց Համազգային շարժում
«Հանրապետություն» կուսակցություն
Հզոր Հայրենիք կուսակցություն
Միացյալ Ազատական Ազգային Կուսակցություն
«Սահմանադրական Իրավունք» միություն
«Քաղաքացիական պայմանագիր» կուսակցություն

HayNews.am
 
Նմանատիպ նորություններ
Կույսերին սիրելու հինգ պատճառ
21 Օգոստոսի 2017 - 22:16
1. Կույսերը զգայուն են, այդ պատճառով զգույշ եղեք նրանց զգացմունքների հանդեպ
Կույսերը վերահսկում են իրենց զգացմունքները, քանի որ գիտեն, որ չափազանց զգայուն են, եւ չեն ուզում շատ սուր արձագանքել: Հաճախ, երբ վերջապես հասկանաք, որ նրանց ինչ-որ բան է անհանգստացնում, նրանք պարզապես պայթում են՝ փաստելով հասցրած վիրավորանքը: Նրանց հնարավորություն ընձեռեք արտահայտել իրենց զգացմունքները եւ մի հարձակվեք նրանց վրա, երբ դուրս են գալիս ափերից: Նրանց պետք է, որ լսեն իրենց, եւ երբ հասնեն դրան, կարող են թուլանալ:

Դեբեդից պոմպակայանների միջոցով են ջուրը գյուղ հասցնում. սահմանամերձ Զորական եւ Բերդավան գյուղերում ոռոգման ջուր չկա
21 Օգոստոսի 2017 - 19:56
Տավուշի մարզի սահմանամերձ մի քանի գյուղեր 20 օրից ավելի է՝ զրկված են ոռոգման ջրից: NEWS.am-ի հետ զրույցում սահմանամերձ Զորականի գյուղապետ Սուրեն Մարտիրոսյանը նշեց, որ օգոստոսի 1-ից սկսած գյուղում ոռոգման ջուր չկա, սակայն, Տավուշի մարզպետարանից խոստացել են, որ խնդիրը երկու օրից կլուծվի: Գյուղապետը նշեց, որ ոռոգման ջուրը Զորական եւ հարակից գյուղեր է հասնում Դեբեդ գետից՝ տեղադրված քառաստիճան պոմպակայանների միջոցով:
Փողոցում բացահայտ հափշտակել է 46-ամյա կնոջ դրամապանակը
21 Օգոստոսի 2017 - 19:36
Ոստիկանության կազմակերպված հանցավորության դեմ պայքարի գլխավոր վարչության ԹԱՇԴՊՎ, Արարատի մարզային վարչության եւ Մասիսի բաժնի ծառայողների ձեռնարկված միջոցառումների շնորհիվ, օգոստոսի 20-ին, ժամը 13.30-ին, կողոպուտ կատարելու կասկածանքով Մասիս քաղաքի 4-րդ փողոցից բերման է ենթարկվել 26-ամյա Նարեկ Ա.-ն:

Վիգեն Սարգսյանի գլխավորած պատվիրակությունը մեկնել է ՌԴ
21 Օգոստոսի 2017 - 19:27
ՀՀ պաշտպանության նախարար Վիգեն Սարգսյանի գլխավորած պատվիրակությունն այսօր մեկնել է Ռուսաստանի Դաշնություն:

Մոսկվայում հայաստանցին 2.5 մլն ռուբլու արժողությամբ տեխնիկա է գողացել
21 Օգոստոսի 2017 - 19:19
Մոսկվայում հայաստանցին տեխնիկայի առևտրով զբաղվող ֆիրմայի մեքենայից 2.5 մլն ռուբլու արժողությամբ տեխնիկա է գողացել, այս մասին հայտնում է moslenta.ru-ն:

Կալանավորվել է Տավուշում ծառայակցին սպանելու, ապա նրա մարմինը այրելու մեջ մեղադրվողը
21 Օգոստոսի 2017 - 19:11
Տավուշի մարզի Ներքին Կարմիրաղբյուր գյուղում օգոստոսի 17-ին ծառայակցի եւ համագյուղացու սպանելու մեջ մեղադրվող 37-ամյա Արթուր Լալայանը կալանավորվել է:
Արցախում քննարկել են տոնական միջոցառումները
21 Օգոստոսի 2017 - 18:37
Նախագահ Բակո Սահակյանն օգոստոսի 21-ին հրավիրել է աշխատանքային խորհրդակցություն՝ Արցախի Հանրապետության 26-ամյակին նվիրված տոնական միջոցառումների վերաբերյալ:

Կոտայքում վրաերթի ենթարկված 2-ամյա երեխայի մահանալուց հետո հիվանդանոցում մահացել է նրա պապիկը
21 Օգոստոսի 2017 - 18:18
Կոտայքի մարզի Բալահովիտ գյուղում օգոստոսի 20-ին թոռան հետ վրաերթի ենթարկված 67-ամյա Գրիշա Ասատրյանն գիտակցության չգալով մահացել է: Այս մասին այսօր՝ օգոստոսի 21-ին, NEWS.am-ի հետ զրույցում ասաց ոստիկանության ԶԼՄ-ների հետ կապի բաժնի պետ Էդգար Ջանոյանը՝ նշելով, որ ոստիկանությունն հիվանդանոցից ահազանգը ստացել է այսօր:

Ամենայն Հայոց Կաթողիկոսին Մայր Աթոռ Սուրբ Էջմիածնի պաշտոնեությունը իր բարեմաղթանքներն է ուղղել
21 Օգոստոսի 2017 - 17:45
Օգոստոսի 21-ին Մայր Աթոռ Սուրբ Էջմիածնի պաշտոնեությունը հանդիպում է ունեցել Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի հետ` շնորհավորելով նրան ծննդյան տարեդարձի առիթով:
1 | 2 | 3 | 4 | 5 | 6 | 7 | 8 | 9208
 
Լրահոս`