Facebook   Twitter
 
Որոշել ենք գյուղացիների պարտքերը զիջել, այսուհետ շատ կոշտ կարգադրությամբ գնում ենք, նայեք՝ նկարչություն չլինի. վարչապետի հանձնարարականները

Որոշել ենք գյուղացիների պարտքերը զիջել, այսուհետ շատ կոշտ կարգադրությամբ գնում ենք, նայեք՝ նկարչություն չլինի. վարչապետի հանձնարարականները

14 Սեպտեմբերի 2017 - 12:28
Կառավարության այսօրվա նիստին վարչապետ Կարեն Կարապետյանն անդրադարձավ գյուղատնտեսական ոլորտում զանազան ծրագրերով գյուղացիներին տրամադրվող պարարտանյութերի և սերմերի դիմաց պարտքերի հավաքագրման խնդրին:
Խոսելով 2012-2016 թվականների ընթացքում ձևավորված պարտքի մասին՝ վարչապետը հիշեցրեց, որ դեռևս մայիսին տրվել էր հանձնարարական, որ կազմեն ցանկն այն գյուղացիների, ովքեր դեռևս պարտքեր ունեն: Գյուղատնտեսության նախարար Իգնատի Առաքելյանը հայտնեց, որ դիմել են Տարածքային կառավարման նախարարություն ու մարզպետարաններ, որպեսզի հասցեատերերի ցուցակները ներկայացնեն:

«Դեռևս հստակ չկան ցուցակները, քանի որ մարզպետարանները տրամադրում են դրանք, հետո պարզվում է, որ թերի են լինում, նորից հետ ենք տալիս, նորից լրացումներ կատարում: Մինչև չլինեն անվանական ցուցակները, չենք կարող ամփոփել ու ներկայացնել կառավարություն՝ զիջելու կամ այլ կարգադրություն տալու համար»,-ասաց գյուղատնտեսության նախարարը:

Վարչապետի դիտարկմամբ՝ 2017թ.-ին այս առումով պարտք չի եղել և նշեց, որ այս տարի սուբսիդավորման մեխանիզմների տրամադրման ժամանակ ֆինանսական կարգապահությունը 100 տոկոսով է եղել:

«Մենք որոշել ենք, որ այն պարտքերը, որոնք կուտակվել են գյուղացիների մոտ, զիջել համապատասխան փաստաթղթերի առկայության դեպքում և մաքուր էջից սկսել, քանի որ պրակտիկան թույլ է տալիս առանց պարտքերի կարգավորել այդ խնդիրը»,-հայտնեց նա:

Վարչապետը հանձնարարեց մարզպետներին մեկ ամսվա մեջ կազմել պարտապանների վերջնական անվանական ցանկերը ու ներկայացնել, որն էլ նախարարությունն էլ մեկ ամսում պետք է ամփոփի:

Բացի այդ, Կարեն Կարապետյանը գյուղատնտեսության նախարարին հանձնարարեց պարտքի ցանկը ստանալուն պես համապատասխան առաջարկություն ներկայացնել պարտքերի զիջման մեխանիզմների կիրառմամբ:

«Այսուհետ շատ կոշտ կարգագրությամբ գնում ենք, բոլոր միջնորդ կազմակերպություններին հանում ենք, աշխատում ենք ուղիղ հասցեատիրոջ հետ, մի անգամ պայմանավորվում ենք խաղի կանոնների մասին ու գնում ենք առաջ»,-ասաց նա:

Խնդրի շրջանակներում վարչապետը տարածքային կառավարման նախարար Դավիթ Լոքյանին էլ հանձնարարեց մաքսիմալ ուշադիր լինել այդ ցուցակների նկատմամբ, քանի որ նախկին պրակտիկայի մեջ դեպքեր են եղել, որ «ֆիկտիվ հասցեատերեր են եղել»:

Արձագանքելով ասվածին՝ Դավիթ Լոքյանը նշեց, որ պարզապես կան գյուղապետեր, ովքեր չեն բաշխել գյուղատնտեսական այդ սերմերը, պարարտանյութերը և այլն, և նրանցից ոմանք օրինակ ՀՀ-ում չեն, և խնդիրը հենց սա է:

«12 տոկոսով է պակաս ամբողջ գումարից, 12 տոկոսը այն գյուղապետերն են, ովքեր ստացել են, չեն բաշխել կամ այլ խնդիր է եղել»,-ասաց նա:

Ի պատասխան ասվածին վարչապետը հարցրեց, թե այսինքն՝ 12 տոկոսը հասցե չունի՞, իսկ նախարարը դրական պատասխանեց:

«Գյուղապետերի մեծ մասը կա՞ն»,-շարունակեց հարցադրումները վարչապետը և Դավիթ Լոքյանը կրկին դրական պատասխան տվեց, որից հետո վարչապետն ասաց. «Դե ֆսյո գյուղապետերից ստացեք, գյուղացուց մի ստացեք, գյուղապետերից ստացեք, եթե հասցեատիրոջը չի հասել, ինչո՞ւմն է խնդիրը։ Նայեք, որ նկարչություն չլինի»:

ԹԵՐԹ.am
 
Նմանատիպ նորություններ
ՔՀԿ ինկուբատորների խմբերը հանդիպել են 15 համայնքների ղեկավար պաշտոնյաների հետ
25 Մայիսի 2018 - 12:10
Եվրամիության կողմից ֆինանսավորվող «Կառուցողական երկխոսության հանձնառություն» ծրագրի շրջանակներում մայիսի 24-ին, քաղաքացիական հասարակությունների կազմակերպությունների (ՔՀԿ) ինկուբատորների խմբերը հանդիպումներ են ունեցել Գյումրու, Վանաձորի, Գավառի, Կապանի և Երևանի տեղակայման համայնքների ղեկավարների հետ։
Գյուղի «էլիտար» աշակերտը. 17 մլն մեկ աշակերտի կրթության համար
25 Մայիսի 2018 - 11:12
Գեղարքունիքի մարզի Գեղաքար համայնքի միակ դպրոցը ունի ընդամենը մեկ աշակերտ: Դպրոցը «գոյատևում» է այդ մեկ աշակերտի շնորհիվ, քանի որ չկան փաստացի գրանցված այլ աշակերտներ, ովքեր ամեն օր դպրոց են հաճախում և կրթություն ստանում:
Ինչո՞ւ է դեկտեմբերին հանդիսավոր բացված Մեղրիի ազատ տնտեսական գոտին այժմ փակ. պարզաբանում են տնօրենը և փորձագետը
25 Մայիսի 2018 - 10:49
Դեռևս նախորդ տարվա դեկտեմբերին Մեղրիում հանդիսավոր բացված «Ազատ տնտեսական գոտին» չի աշխատում՝ դռները փակ են, գոտում եղած վարչական շենքում աշխատակիցներ չկան:
Կոտայքի մարզպետը հրաժարականի դիմում է ներկայացրել
24 Մայիսի 2018 - 16:09
Slaq.am -ի հավաստի տեղեկություններով Կոտայքի մարզպետ Կ. Գուլոյանն այսօր հրաժարականի դիմում է ներկայացրել:
Լոռիի 2 համայնքներում գայլերը ոչխարներ են հոշոտել
24 Մայիսի 2018 - 14:34
Մայիսի 24-ին, ժամը 09:55-ին «911» ծառայությանը տեղեկություն է ստացվել, որ ժամը 05:00-ի սահմաններում Լոռու մարզի Լեռնահովիտ համայնքի թիվ 1 փողոցի 2-րդ տանը հարակից անասնագոմում գայլերը հոշոտել են Գ. Վ.-ին պատկանող 8, վնասել՝ 2 ոչխար, իսկ 12 ոչխար կորել է:
Ցանկալի չէր, որ հանքավայրը Ջերմուկում լիներ․ ՀՀԿ-ական քաղաքապետը վստահում է նոր կառավարությանը
23 Մայիսի 2018 - 19:20
ՀՀ Վայոց ձորի մարզի Գնդևազ գյուղի և Ջերմուկ քաղաքի մի խումբ ակտիվիստներ փակել էին Ամուլսարի ոսկու հանք տանող ճանապարհը՝ այդ կերպ ներկայացնելով իրենց բողոքն ընդդեմ Ամուլսարի ոսկու հանքի շահագործման:
Նիկոլ Փաշինյանն իմ երազած վարչապետը չէ, բայց ցանկացած բանակցություններում նրա մեջքին կանգնած եմ. Շարմազանով
22 Մայիսի 2018 - 17:45
Ազգային ժողովի փոխնախագահ Էդուարդ Շարմազանովը ընդգծում է, որ Հայաստանի վարչապետ Նիկոլ Փաշինյանի հետ ունի գաղափարական և քաղաքական խորը տարաձայնություններ, սակայն վստահեցնում է, որ ԼՂ հակամարտության կարգավորման ցանկացած բանակցության ժամանակ նրա մեջքին կանգնած է լինելու:
Սիսիանում դեմ են բուժկենտրոնի լուծարմանը. պայքարը շարունակվում է
22 Մայիսի 2018 - 16:17
armlur.am -ի փոխանցմամբ Սիսիանի բժշկական կենտրոնի բուժանձնակազը շարունակում է բողոքը` կապված բուժկենտրոնի լուծարման խնդրի հետ:
Լեռնագոգում տեղի ունեցած ջրալցման հետևանքով վնասվել է 43 տուն
22 Մայիսի 2018 - 14:29
Արմավիրի մարզի Լեռնագոգ համայնքում մայիսի 21-ին տեղի ունեցած ջրալցման հետևանքով տարբեր չափով վնասվել է 43 տուն:
1 | 2 | 3 | 4 | 5 | 6 | 7 | 8 | 31
 
Լրահոս`