Facebook   Twitter
 
Ինչպե՞ս նորաձև լինել այս աշնանը. ոճաբանի խորհուրդները (Լուսանկար)

Ինչպե՞ս նորաձև լինել այս աշնանը. ոճաբանի խորհուրդները (Լուսանկար)

12 Հոկտեմբերի 2017 - 16:50
Ամեն եղանակի համար նորաձևության աշխարհն իր պահանջներն ու առաջարկն է անում: Ձեզ միշտ գեղեցիկ տեսնելու ցանկությամբ, HayNews.am-ը զրուցել է կյանքի ոճաբան, բլոգեր ARGATA-ի հետ, պարզելու, թե որո՞նք են այս աշնան նորաձևության տենդենցները:
«Նախ փորձենք հասկանալ ի՞նչ բան է նորաձևությունը։ Այսօր այն կրում է բացառապես կոմերցիոն և ստեղծագործական իմաստ։ Եթե տարիներ առաջ նորաձևությունը ոճ էր թելադրում և շատ դեպքերում օգնում գրագետ հագնվել, այսօր դրան հետևելը առօրյայում գրեթե հնարավոր չէ, հետևաբար ինքս երբեք չեմ առաջնորդվում նորաձևության տենդենցներով և նույնը խորհուրդ եմ տալիս այն կանանց և աղջիկներին, ովքեր դիմում են ինձ»,-ասաց ոճաբանն ու հորդորեց չմոռանանլ այն մասին, որ մենք ապրում ենք մի երկրում, որտեղ բնակչության հիմնական մասը մտածում է պրակտիկ և հարմարավետ հագուստի մասին, և ոչ նորաձևության տենդենցների։

Այնուամենայնիվ, ըստ ARGATA-ի նորաձևությունն իր ողջ հմայքով գոյություն ունի և դիզայներները շարունակում են առաջարկել, թելադրել, ցուցադրել իրենց մտքի թռիչքը, ինչին շատ հետաքրքիր է հետևել։

«2017-2018 աշուն ձմեռ նորաձևությունն ընդգրկում է կանացիություն և էքստրավագանտություն։ Դիզայներները կրկին վերադարձել են 70-80-ականների ոճին՝ լայն ուսերով պիջակներ, վանդակավոր պրինտ, ռետրո մորթյա բաճկոններ»,-մանրամասնեց մասնագետը, տեղեկացնելով, որ գործվածքներից այս տարի ակտուալ են թավիշը և վելվետը։

«Ցուցադրություններում իրենց ուրույն տեղն ունեն կարմիր թավշե զգեստները։ Կարմիրն այս աշնանը կարևորագույն շեշտադրում ունի և նույնիսկ ձմռան մռայլ եղանակին այն իր ակտուալությունը չի կորցնի»-ասաց ոճաբանը։

Շարունակելով խոսել պահանջված գույներից, ARGATA-ին ընդգծեց, որ կարևոր է, թե գրագիտության առումով ո՞ր գույներն է ճիշտ կրել աշնանը։

«Աշունը շատ բազմագույն եղանակ է, և բնությունն ինքն էլ օգնում է ճիշտ գույներ ընտրել։ Աշնանն ակտուալ են ավելի տաք գույներ, օրինակ մուգ վարդագույնը, ավելի հստակ գինու գույնը, որը հոյակապ համադրվում է ոսկեգույնի հետ։ Պետք է խուսափել շատ բաց երագներից»,-ասաց ոճաբանը։

Աշնան ամենագեղեցիկ հագուստը, ըստ բլոգերի, կարդիգանն է, այն շատ պրակտիկ է ու հարմարավետ, և հաղորդում է տեսքին հատուկ կանացիություն։

«Նորաձևությունն այսօր (ի ուրախություն ինձ) վերադարձրել է բազմազան գլխարկները՝ տարբեր գործվածքների և ձևի, որոնք շատ տեղին ու գեղեցիկ համալրում են կերպարը։ Չմոռանանք նաև շարֆերի մասին, որոնք նույնպես իսկական աշնանային աքսեսուարներ են և այնքան բազմազան են, որ հնարավոր է ցանկացած կերպարին համապատասխան գտնել»,-մանրամասնեց ARGATA-ն:

Վերջինիս խոսքով՝ այսօր շատ նորաձև են լայն, հաստ գործվածքով շարֆերը, որոնք երբեմն կրում են, որպես կարդիգան։

«Մնացած բոլոր աքսեսուարները եղանակային սահմանափակում չունեն՝ կարևորը գրագետ համադրություն ստանալն է»,-նկատեց փորձագետը:

HayNews.am-ի այն հարցին, թե որո՞նք են այն պարտադիր երեք սկզբունքները, նորաձև և գեղեցիկ լինելու համար, ARGATA-ն վստահեցրեց. «Նախ և առաջ՝ պետք չէ լինել նորաձև։ Իմ խորհուրդը իմ շատ սիրելի կանանց։ Մոռացե՛ք այդ բառը։ Փնտրեք ձեզ համապատասխան ոճ ու կերպար։ Հագնվեք այնպես, ինպես հարմար է Ձեզ, ինչպես Դուք Ձեզ դուր եք գալիս։ Մեր նորաձևությունը մենք ենք ստեղծում։ Այն ամբողջապես անհատական գաղափար է»։

Նորաձևության փոխարեն, ոճաբանն առաջարկեց խոսել կնոջ գեղեցկության սկզբունքի մասին։

«Նախ յուրաքանչյուր կին պարտավոր է լինել կանացի: Գեղեցկության հաջորդ սկբունքը կայանում է էլեգանտ լինելու մեջ։ Իրականում այս գաղափարը իր մեջ ներառում է գեղեցկության բոլոր մասնիկները՝ ներաշխարհ, արտաքին տեսք, խոսելաձև, շարժուձև, ժպիտ և այլն»,-ընդգծեց զրուցակիցս ու հավելեց, որ երրորդ սկզբունքը սեքսուալությունն է։ Շատերն, ըստ բլոգերի, հաճախ շփոթում են սեքուսալությունը վուլգարության հետ։

«Լինել սեքսուալ չի նշանակում մերկ դուրս գալ փողոց՝ ի ցույց դնելով բոլոր բարեմասնությունները։ Սեքսուալությունը գաղտնիության մեջ է, այն կարող է լինել թեկուզ մեկ ժպիտի, հայացքի և ձեռքի շարժման մեջ։ Լինել կին նշանակում է լինել կանացի, էլեգանտ և սեքսուալ»,-վստահ է ARGATA-ն։

Տաթև Առաքելյան
 
Նմանատիպ նորություններ
Սիրուշոն ներկայացրել է, թե ինչից է ոգեշնչվել «Հուհ-հահ» տեսահոլովակը նկարահանելիս (Լուսանկարներ)
18 Հոկտեմբերի 2017 - 16:46
Սիրուշոն վերջերս ներկայացրեց «Հուհ-հահ» երգի տեսահոլովակը:
Դերասանուհի եւ «Միսս Արմենիա 2017»-ի տիտղոսակիր Արմինե Մանուկյանն իր գեղեցիկ կազմվածքի մասին
18 Հոկտեմբերի 2017 - 16:42
NEWS.am STYLE-ի «Հմայքի գաղտնիքներ» խորագրի այսօրվա հերոսուհին «Կայարան» հեռուստասերիալի դերասանուհի, բալետի պարուհի եւ «Չորրորդ Վիցե Միսս Արմենիա» տիտղոսակիր Արմինե Մանուկյանն է:
145 կգ կշռող կինը նստել է զարմուհու վրա և խեղդել նրան
18 Հոկտեմբերի 2017 - 16:35
Ամերիկուհուն մեղադրել են սպանության մեջ‚ քանի որ նա նստել է իր զարմուհու վրա: Այս մասին գրում է The Washington Post-ը:
Այրվել են հավաբունն ու զուգարանը
18 Հոկտեմբերի 2017 - 16:31
Հոկտեմբերի 17-ին, ժամը 18:36-ին ահազանգ է ստացվել, որ Արարատի մարզի Մասիս քաղաքի 6-րդ և 7-րդ փողոցների մոտակայքում այրվում են տնակ և խոտածածկ տարածք:
Վարչապետը ծանոթացել է «Դվին» հյուրանոցային համալիրի վերակառուցման աշխատանքների ընթացքին
18 Հոկտեմբերի 2017 - 16:29
Վարչապետ Կարեն Կարապետյանն այսօր այցելել է «Դվին» հյուրանոցային համալիրի շինհրապարակ: Նշենք, որ ՀՀ կառավարությունը 2016 թ. մայիսի 5-ին կայացած նիստում հավանություն էր տվել «Դվին» հյուրանոցային համալիրի վերակառուցման ներդրումային ծրագրին:
Երևանում հայտնաբերվել է 87 հանցավոր խումբ
18 Հոկտեմբերի 2017 - 16:24
ՀՀ ոստիկանության Եր7ան քաղաքի վարչությունը հոկտեմբերի 17-ին ամփոփել է 2017թ. անցած 9 ամիսների օպերատիվ-ծառայողական գործունեության արդյունքները։
«Լևոն Հայրապետյանի անունը ոսկե տառերով է գրվել բոլորիս սրտերում». Արցախի պետնախարար
18 Հոկտեմբերի 2017 - 16:22
Մեծ բարերար Լևոն Հայրապետյանի մահը մեծ կորուստ է համայն հայության համար: Այս մասին «Արմենպրես»-ի հետ զրույցում նշեց Արցախի Հանրապետության պետական նախարար Արայիկ Հարությունյանը:
Հայկական տոլման աշխարհի ամենահամեղն է. Գարիկ Մարտիրոսյանի կինը տոլմա է պատրաստել
18 Հոկտեմբերի 2017 - 16:22
Գարիկ Մարտիրոսյանի կինը` Ժաննա Լևինան, ինստագրամյան իր էջի Story բաժնում ներկայացրել է իր պատրաստած թփով տոլման` նշելով, որ հայկական տոլման աշխարհի ամենահամեղ տոլման է:
1 | 2 | 3 | 4 | 5 | 6 | 7 | 8 | 8495
 
Լրահոս`
 
 
 
 
 
 
 
Լևոն Հայրապաետյանը՝ Արցախում (Տեսանյութ)
Միջազգային, Հասարակություն, Քաղաքական