Facebook   Twitter
 
Մեծացե՛ք, Առուշ… Մեծացե՛ք գոնե հանուն այն բանի, որ Ձեզ վրա մարդիկ մի քիչ պակաս ծիծաղեն

Մեծացե՛ք, Առուշ… Մեծացե՛ք գոնե հանուն այն բանի, որ Ձեզ վրա մարդիկ մի քիչ պակաս ծիծաղեն

12 Հուլիսի 2018 - 23:21
«Goris Today»-ը հուլիսի 10-ին հրապարակել է մի նյութ, որտեղ Գորիսի քաղաքապետ Առուշ Առուշանյանը պատասխանելով հնչեցված հարցին, թե «ո՞վ է ֆինանսավորել Գորիսի կենտրոնական հրապարակի վերակառուցման աշխատանքները և ո՞ւմ նախաձեռնությամբ», անհիմն ինքնավստահությամբ ու լկռահաչությամբ պնդել է, թե «Գորիսի կենտրոնական հրապարակի վերակառուցումն իրականացվել է Զանգեզուրի պղնձամոլիբդենային կոմբինատի միջոցներով, ընթացել՝ երկու փուլով և շուտով կմեկնարկի երրորդ փուլը նույնպես»։
Ասեմ՝ նորելուկ քաղաքապետը հրապարակավ ստել է։

Հարկ եմ համարում անգետ տղային տեղեկացնել, որ Սյունիքի նախկին մարզպետ Սուրիկ Խաչատրյանի նախաձեռնությամբ և «Զանգեզուրի ՊՄԿ» ՓԲ ընկերության (տնօրեն՝ Մաքսիմ Հակոբյան) ու Գորիսի քաղաքապետարանի համատեղ ուժերով բարեկարգվել է Գորիսի Մխիթար Սպարապետի անվան հրապարակը:

Սուրիկ Խաչատրյանի նախաձեռնությամբ ու ֆինանսական ներդրումով նույն թվականի հոկտեմբերի 16-ին՝ Գորիս քաղաքի 140- ամյակի առիթով, նա իր հայրենի քաղաքին նվիրեց Սուրբ Գրիգոր Տաթևացու հրաշակերտ կոթողն ու նույն հրապարակի նորաոճ շատրվանները՝ Սևադա Զաքարյանի հեղինակած նախագծով (քանդակագործ՝ Նարեկ Օրդյան):

Ինչ վերաբերում է Գորիսի Գրիգոր Տաթևացու անվան հրապարակի կառուցման շուրջ ծավալված խոսակցություններում շրջանառվող պնդումներին, թե այն կառուցվել է նախկին մարզպետ Վահե Ալբերտի Հակոբյանի կողմից, առնվազն անհեթեթություն է. թեկուզև այն պատճառով, որ Վահեն նույնիսկ չգիտի, թե ով է Գրիգոր Տաթևացին:
Վստահ եմ, որ գոնե Գորիսում այս մասին քաջատեղյակ են։

Իսկ վստահ ստելուց առաջ արժեր մտածել, որ նման անհեթեթ խոսքով ծիծաղելի եք դառնում նորովի:
Համայն(Ք)ապետ Առուշին մի հորդոր ունեմ՝ վատ է Առուշ, նույնիսկ շատ վատ, որ Ձեր անունը մամուլի էջերում տեսնելու համար, առանց շունչ քաշելու, պատեհ-անպատեհ, Սուրիկ Խաչատրյանի անունն եք տալիս։

Տիեզերական գիտելիքներ ամենևին էլ պետք չեն՝ հասկանալու Ձեր լպիրշ պահվածքն ու ինֆանտիլիզմին բնորոշ դրսևորումները։Դուք բարդույթներ հաղթահարելու լուրջ խնդիր ունեք,Դուք կայանալու խնդիր ունեք…

Մեծացե՛ք, Առուշ, աճե՛ք վերջապես… Աստծու սիրույն։ Դրանից Գորիսը միայն կշահի։ Իսկ Սուրիկ Խաչատրյանի՝ հավերժությանը մեկնված գործերին հասնելու համար,Դուք միայն կարող եք երազել, այն էլ՝ մեղր-կարագի ու հաց-պանրի ամենօրյա սննդակարգով։ Մինչդեռ, նկատի ունենալով Ձեր՝ հիմնարար գիտելիքների գենետիկ պակասը, բնատուր ունակությունների ու հմտությունների ամուլ վիճակը, քսանչորսժամյա ռիթմով աշխատելու դեպքում նույնիսկ հազիվ թե այդ երազանքներն իրականություն դառնան։

Հետևաբար՝ փորձեք համեստորեն թաքնվել ու չերևալ. դեռ չրթի –վիրթի անել ու սնոտիաբանությամբ զբաղվել կարող եք, բայց աշխատել ու լինել Գորիսի արժանապատիվ ղեկավար՝ չեք կարող։

Մեծացե՛ք, Առուշ… Մեծացե՛ք գոնե հանուն այն բանի, որ Ձեզ վրա մարդիկ մի քիչ պակաս ծիծաղեն։

Արմինե Օ.
 
Նմանատիպ նորություններ
«Իմ քայլը» դաշինքն ստացել է 82.70%, ԲՀԿ-ն՝ 6.43%, «Լույս» դաշինքը՝ 4.78%. ԿԸՀ-ն հրապարակում է Երևանի ավագանու ընտրությունների նախնական արդյունքները
23 Սեպտեմբերի 2018 - 23:56
Կենտրոնական ընտրական հանձնաժողովն սկսել է ամփոփել Երևանի ավագանու ընտրությունների նախնական արդյունքները:
Հայտնվել ենք մահակների հարվածների տակ, որ մոտեցնենք էս օրը․ Արարատ Միրզոյան
23 Սեպտեմբերի 2018 - 23:53
Առաջին փոխվարչապետ Արարատ Միրզոյանը սոցցանցի իր էջում գրում է․ «2004֊ից (շատերը՝ 95֊96֊ից) տեղամասերում կռիվ ենք տվել, պայքարել ամեն քվեաթերթիկի համար, մարմնով պաշտպանել քվեատուփերը, լսել սպառնալիքներ, հետո փողոց դուրս եկել՝ պաշտպանելու քաղաքացու քվեն և արդարություն պահանջելու, հայտնվել մահակների հարվածների ու կրանի տակ, որ մոտեցնենք էս օրը։
Երեւանի ընտրություններում ջախջախիչ հաղթանակ է տարել «Տանը նստածների» կուսակցությունը. Գարիկ Քեռյան
23 Սեպտեմբերի 2018 - 23:50
Երեւան քաղաքի ավագանու ընտրություններում ջախջախիչ հաղթանակ է տարել «Տանը նստածների»» կուսակցությունը: Այս մասին Facebook-ի իր էջում գրել է քաղաքագետ Գարիկ Քեռյանը:
Երեւանի ավագանու ընտրության արդյունքներին ուղիղ կարող եք հետեւել այստեղ
23 Սեպտեմբերի 2018 - 23:47
Հայաստանի Հանրապետության կենտրոնական ընտրական հանձնաժողովն առցանց եղանակով հրապարակում է Երևանի ավագանու արտահերթ ընտրությունների նախնական արդյունքները:
ԿԸՀ թեժ գծին քվեարկության վերաբերյալ 100-ից ավելի զանգ է ստացվել
23 Սեպտեմբերի 2018 - 23:37
Կենտրոնական ընտրական հանձնաժողովի թեժ գծին Երեւանի ավագանու արտահերթ ընտրությունների քվեարկություն վերաբերյալ 100-ից ավելի զանգ է ստացվել:
Հայտնի են թիվ 9/48 ընտրատեղամասի քվեարկության նախնական արդյունքները. «Իմ քայլը» առաջին տեղում է
23 Սեպտեմբերի 2018 - 23:33
Երեւանի ավագանու ընտրություններում 9/48 ընտրական տեղամասում քվեարկության նախնական արդյունքները արդեն հայտնի են:
ՀԱԹ 7/14 ընտրատեղամասում ընտրողների շուրջ 81 տոկոսը քվեարկել է « Իմ քայլը» դաշինքի օգտին
23 Սեպտեմբերի 2018 - 23:27
ՀԱԹ 7/14 ընտրատեղամասի դռները, օրենքով սահմանված կարգով, ժամը 20։00-ին փակվեցին հանձնաժողովի նախագահ Գայանե Մինասյանի կողմից։
«Լուսավոր Հայաստան» կուսակցության անդամը քվեարկում է «Իմ քայլը» դաշինքի օգտին
23 Սեպտեմբերի 2018 - 23:17
«Լուսավոր Հայաստան» կուսակցության անդամ Վիկտոր Ենգիբարյանը Facebook-ի իր էջում գրել է․
1 | 2 | 3 | 4 | 5 | 6 | 7 | 8 | 13384
 
Լրահոս`