Զարգացման կենտրոն` «Նավապետ Քիդի գանձերի կղզի» ժամանցի կենտրոնում (լուսանկարներ)

Կենտրոնի տնօրեն Աննա Մելքոնյանը լրագրողների հետ զրույցում հայտնեց, որ սա նախատեսված է այն երեխաների համար է, ովքեր, բացի աշխույժ խաղերից, սիրում են հանգիստ, զարգացնող և, ինչու ոչ, կենցաղային խաղեր: «Փորձել ենք ստեղծել մի անկյուն, որտեղ երեխան կկարողանա հանգիստ խաղալ»,-ասաց նա:

Նա նշեց, որ կենտրոնում նորույթ են ներկայացրել, որը երեխային թույլ է տալիս, միգուցե, իր երազանքն իրագործել: Ըստ խաղի` երեխան ընտրում է իր ցանկացած հերոսի, ներկում է և իր աշխատանքը երևում է պատի վրա տեղադրված ինտերակտիվ էկրանի վրա: Աննա Մելքոնյանն ասաց, որ երեխաները տարբեր կերպարներ են ընտրում և նույնիսկ ռոք-արքայադուստրների տարբերակներ են եղել:

Բացի այդ կենտրոնի պատերը դրսից խաղերով են պատված, ինչը երեխաներին ևս հետաքրքրում է: «Ունենք մեծ տնակ, որտեղ երեխաները ծանոթանում են կենդանիների հետ: Փազլի նման խաղ կա, որը երեխային ևս ստեղծագործելու հնարավորություն է տալիս: «Մեգա Թոյս» խանութից գեղեցիկ հավաքածու կա՝ խոհանոցային խաղերի և աղջիկների սիրելի հերոսների տիկնիկների»,-ասաց նա:

Կենտրոնի տնօրենը նաև ասաց, որ զարգացման կենտրոնում տարիքային սահմանափակում չկա, իսկ 30 րոպեն արժե 1000 դրամ: «Հաճախորդներին չնեղացնելու համար ընտրել ենք ամենաօպտիմալ արժեքը»,-ասաց նա և նշեց, որ «Նավապետ Քիդի գանձերի կղզի» մանկական ժամանցային կենտրոնում նոր խաղերի տեսքով նորություններ կլինեն նաև այս տարեվերջ:

HayNews.am