Facebook   Twitter
 
«Հրապարակ». Նախագահականից՝ վարչապետի աշխատակազմ

«Հրապարակ». Նախագահականից՝ վարչապետի աշխատակազմ

13 Հուլիսի 2018 - 09:16
«Հրապարակ» թերթը գրում է.
Անդրադառնալով վարչապետ Նիկոլ Փաշինյանի խորհրդականներին՝ գրել էինք, որ նրանց թվում են Սերժ Սարգսյանի օրոք նախագահականում գլխավոր խորհրդական աշխատած Արամ Ղարիբյանն ու Ներման, քաղաքացիության, պարգեւների եւ կոչումների շնորհման վարչության պետ, ապաեւ՝ նախագահի ռեֆերենտ Ջեմմա Հակոբյանը:

Նախագահի աշխատակազմում վերոհիշյալ վարչությունն այլեւս գոյություն չունի, նույնանուն բաժինը այժմ վարչապետի աշխատակազմում է ներգրավված, որի պետ է նշանակվել Կարեն Գրիգորյանը: Նա հերթական կադրն է, որը նախագահականից տեղափոխվել է վարչապետի աշխատակազմ: Ի դեպ՝ Գրիգորյանը, դատելով վարչապետի ծառայողական կայքից, հունիսի 20-ին է պաշտոնը ստանձնել, սակայն ընդամենը մի քանի օր առաջ՝ մեր անդրադարձից հետո, նրա անձնական տվյալները զետեղվեցին կայքում: Մինչ այդ որեւէ մեկի անունը, որպես բաժնի պետ, նշված չէր եւ ենթադրել էինք, որ նշանակում դեռեւս չի եղել: Անկուսակցական, մասնագիտությամբ իրավաբան, երեք երեխաների հայր Կարեն Գրիգորյանի մասնագիտական ողջ գործունեությունն ու ծառայողական առաջխաղացումը, կարելի է ասել, կապված է եղել նախագահականի հենց այդ բաժնի հետ, որը հետագայում վարչություն է դարձել: Գրիգորյանն աշխատել է երեք նախագահների օրոք. 1994-1996 թթ. եղել է հիշյալ բաժնի բաժնի 1-ին կարգի մասնագետ, 1996-1998 թթ՝ նույն բաժնի առաջատար մասնագետ, 1998-1999 թթ՝ գլխավոր մասնագետ, 1999-2017 թթ՝ արդեն իսկ վարչության պետի տեղակալ: 2017թ. նոյեմբերից 2018թ. հունիսը Գրիգորյանը վարչության պետի պաշտոնակատարն էր: 46 ամյա պաշտոնյան ունի պահեստազորի ավագ լեյտենանտի կոչում, ՀՀ քաղաքացիական ծառայության 2-րդ դասի պետական խորհրդականի դասային աստիճան: Նշենք նաեւ, որ ՀՀ նախագահի աշխատակազմի իրավաբանական վարչությունն ունի ներման եւ քաղաքացիության բաժին, որի պետն է Անի Մուրադյանը:

Նախագահականի անձնակազմի կառավարման եւ պետական պարգեւների վարչությունն էլ, որի պետը Նարե Դանիելյանն է, ունի պարգեւների եւ կոչումների բաժին, պետ՝ Մարգարիտա Թադեւոսյան: Երկու պետական հիմնարկներում այս՝ միմյանց կրկնող վարչություն-բաժինների խնդիրն առաջավ Սերժ Սարգսյանի վարչապետացումը նախապատրաստելու պատճառով, երբ նրա նախագահության վերջին ամիսներին որոշվեց, որ պետք է նախագահից «խլվի» ու վաչապետին «բաշխվի» մասնավորապես ներման եւ պարգեւների ու կոչումների շնորհման լծակը: (Այս ամենն, իհարկե բացատրվեց համապատասխան օրենքները սահմանադրությանը համապատասխանեցնելու համատեքստում): Նախագահը այս հարցերում սոսկ հաստատող-վավերացնողի ֆունկցիա ունի:

HayNews.am
 
Նմանատիպ նորություններ
Առաջին անգամ Հայաստանում բնագրային գիրքն ու հայերեն թարգմանությունն ընթերցողի սեղանին կդրվեն նույն օրը
10 Նոյեմբերի 2018 - 11:48
«Ո՞ւր է իմ պանիրը» գրքի շարունակությունը կդրվի ընթերցողի սեղանին:
Հերմինե Նաղդալյանը մեկնում է Չինաստան
10 Նոյեմբերի 2018 - 10:55
«Հրապարակ» օրաթերթը գրում է․
«Ժամանակ». Նիկոլ Փաշինյանը գնում է Փարիզ. Հայաստանը կարևոր սահմանագծին
10 Նոյեմբերի 2018 - 10:04
«Նիկոլ Փաշինյանը վաղն աշխատանքային այցով մեկ­նում է Ֆրանսիայի մայրաքաղաք Փարիզ, որտեղ կմասնակ­ցի Առաջին աշխարհամարտի զինադադարի պայմանագրի 100-ամյակին նվիրված հան­դիսությանը և Փարիզի խա­ղաղության համաժողովին:
«168 Ժամ». Ներքին վտանգներ` դրսից
10 Նոյեմբերի 2018 - 10:00
«168 Ժամի» հետ զրույցում ռուս քաղաքագետ Ալեքսեյ Մալաշենկոն, անդրադառնալով Աստանայում կայացած ՀԱՊԿ գագաթաժողովի ընթացքում գլխավոր քարտուղարի թեկնածության շուրջ անհամաձայնությանը, ասել է.
«Ժողովուրդ». Որոտան-Խնձորեսկ ավտոճանապարհին տեղի ունեցած ավտովթարից հետո ԳՇ-ում հատուկ արտա­հերթ ժողով է հրավիրվել
10 Նոյեմբերի 2018 - 09:55
«Նոյեմբերի 7-ին Որոտան-Խնձորեսկ ավտոճանապարհին տեղի ունեցած ավտովթարի հետևանքով որոշում է կայացվել ՀՀ ՊՆ N զորամասի բոլոր աշխատակիցների գործողություննե­րի մասով ծառայողական քննություն նշանակելու մասին:
Ուսխորհուրդների թնջուկը. ինչպե՞ս են գտնելու լուծումները. «Փաստ»
10 Նոյեմբերի 2018 - 09:53
«Փաստ» օրաթերթը գրում է.
«Հանրապետություն» և «Ազատ դեմոկրատներ» կուսակցությունները միավորվում են
10 Նոյեմբերի 2018 - 09:43
Դեկտեմբերի 9-ին կայանալիք արտահերթ խորհրդարանական ընտրություններին ընդառաջ «Հանրապետություն» և «Ազատ դեմոկրատներ» կուսակցությունները կմիավորվեն։
1 | 2 | 3 | 4 | 5 | 6 | 7 | 8 | 1402
 
Լրահոս`