Facebook   Twitter
 
Ադրբեջանցի մարզիկը  պետության  կողմից   հատուկ     պարգևների է արժանանում  հային  հաղթելու   համար. Արսեն  Ջուլֆալակյան

Ադրբեջանցի մարզիկը պետության կողմից հատուկ պարգևների է արժանանում հային հաղթելու համար. Արսեն Ջուլֆալակյան

18 Օգոստոսի 2012 - 15:09
 
Յուրաքանչյուր մարզիկ, երբ որևէ մրցաշարի է մեկնում ,իր թիկունքում պիտի ունենա սպորտային որոշակի կենսագրություն :
Հայ մարզիկները Լոնդոն են մեկնել սպորտային հարուստ պատմությամբ ու տարբեր կարգի մեդալներով և որ ամենակարևորն է առանց առողջական խնդիրների և գերազանց մարզավիճակում: Այս մասին լրագրողների հետ հանդիպմանը հայտարարել է օլիմպիական փոխչեմպիոն, ըմբիշ Արսեն Ջուլֆալակյանը: Վերլուծելով իր գոտեմարտը, Ջուլֆալակյանն անկեղծանում է, թե ռուս մարզիկի «յուղած» մարմինը չէր ոսկե մեդալ չնվաճելու միակ և գլխավոր պատճառը.«Գնում էինք մեդալի համար պայքարելու, և բնականաբար ցանկալի էր ոսկե մեդալ նվաճել: Եզրափակիչում ինչ-որ տեղ անհաջող ստացվեց, ինչ-որ տեղ ես վրիպեցի, չեմ կարող կոնկրետ պատճառ ասել, առաջին մրցափուլում պետք է միավոր չզիջեի, երկրորդում շատ լավ բռնվածք կար, որ թողեցի՝ հակառակորդը ոտքի կանգնեց: Այսօր ունենք այն, ինչ ունենք, այլևս հետ չես բերի, շատ ուրախ եմ, որ արժանացել եմ օլիմպիական արծաթե մեդալի, առավել ևս, որ Հայաստանում 16 տարի չէր եղել: Ավելի ուշ գիտակցեցի, թե ինչպիսի լուրջ հակառակորդների եմ հաղթել: Ճիշտ է հակառակորդիս «յուղած» մարմինը ինչ-որ տեղ խանգարեց և դժվարացրեց որոշ հնարքների կատարումը, բայց կարող էի հաղթել»:

Վերջին մտքի համատեքստում, Արսեն Ջուլֆալակյանը նկատում է, թե «յուղած» մարմնով մրցագորգում հայտնվելը դարձել է մի տեսակ օրինաչափություն. վերջերս շատերն են այդ հնարքին դիմում, բայց ինքը մտածելու բան չունեմ, իրենք յուղ են մարմնին քսում իրենից պաշտպանվելու համար, իսկ մրցավարները դրա վրա աչք են փակում: Մասնավորապես` թուրք մարզիկներն ի սկզբանե «յուղած» մարմնով են պարապում, այդպես էլ մրցաշարերի են մասնակցում: Անդրադառնալով ադրբեջանցի ըմբիշի հետ գոտեմարտին, օլիմպիական փոխչեմպիոնը նկատեց, թե իր համար կաևոր չէր, թե ով է մրցակիցը, կարևորն այն էր, որ հաղթանակած դուրս գար: Արսեն Ջուլֆալակյանն առհասարակ խորհուրդ է տալիս մարզիկներին ճակատագրական պահին, առհասարակ, ոչ մի բանի մասին չմտածել, թե ինչքան գումար է ստանալու, ինչ ազգի ներկայացուցիչ է հակառակորդը.«Բնական է, որ եթե անգամ ես հաշվի չառնեի, թե ում հետ եմ մրցում, իմ հայրենակիցները պետք է ակնկալիք ունենային, բայց ասեմ, որ ադրբեջանցի ըմբիշը հաղթել էր մի քանի չեմպիոնների, ես փորձեցի լարվածությունից ինձ ազատել ու մտածել հաղթանակի մասին: Ես հոգեբանորեն պատրաստված էի»:

Ի դեպ, Արսեն Ջուլֆալակյանը հենց ադրբեջանցի ըմբիշից տեղեկացել է, որ Ադրբեջանում հատուկ պարգև է սահմանված` հային հաղթելու համար .«Բացի նախատեսվածից, մարզիկը մեծ պարգևների է արժանանում սեփական պետության կողմից հային հաղթելու համար, եթե անգամ, նա վերջնական արդյունքում պարտված դուրս գա և վերադառնա առանց մեդալի »,- նշեց ըմբիշը: Արսեն Ջուլֆալակյանի անձնական մարզիչն էլ որպես լրացում, հիշեցրեց, որ Իլհամ Ալիևը երբ պարզել է, որ Արսենը Լևոն Ջուլֆալակյանի տղան է, որ նա ունի նվաճած մեդալներ, որ ադրբեջանցին հաղթելու հնարավորություններ չունի` կանչել է իր վարորդին և թիկնապահներին ու հեռացել դահլիճից: Խոսելով Արսենի և մյուս մարզիկների հետագա անելիքներից , Սամվել Գևորգյանը վստահեցրեց, որ մեդալի չարժանացած ըմբիշները չեն լքի հավաքականը և հաջորդ օլիմպիական խաղերից անպայման ոսկե մեդալներով են վերադառանալու.«Շատ դժվար էր ոսկին ձեռքներիցս բաց թողնելը, բայց ուրախ ենք, որ մեդալ ենք բերել, որ գույնի էլ լինի: Օլիմպիական խաղերում հաղթելու գրավական է հոգեբանական գործոնը: Բացի ֆիզիկական պատրաստվածությունը, հոգեբանական մեծ ուժի շնորհիվ է հնարավոր մեդալներ բերել»,- նշեց Սամվել Գևորգյանը` կես կատակ, կես լուրջ լրացնելով, թե մի կողմից լավ է, որ Արսենը արծաթ նվաճեց` սպորտը շուտ չի թողնի:

HayNews.am
 
Նմանատիպ նորություններ
Ավարտվեց ՈՍԿԵ ԾԻՐԱՆ Երևանի 11-րդ միջազգային կինոփառատոնը
20 Հուլիսի 2014 - 17:39
“Ոսկե ծիրան” Երևանի 11-րդ միջազգային կինոփառատոնը մոտեցավ իր ավարտին, և Ժյուրիի կազմը փառատոնի փակման հանդիսավոր արարողության շրջանակներում հայտարարեց մրցանակակիրներին` հուլիսի 19-ին Ալ. Սպենդիարյանի անվան Օպերայի և բալետի ազգային ակադեմիական թատրոնում:
Մեկնարկել է «Կարող ենք միասին» հանրային իրազեկման արշավը
18 Հուլիսի 2014 - 17:17
ՄԱԿ-ի մանկական հիմնադրամը (ՅՈՒՆԻՍԵՖ) մի շարք գործընկեր կազմակերպությունների հետ այսօր Պողոսյան պարտեզներում մեկնարկեց հաշմանդամություն ունեցող երեխաների սոցիալական ներառմանն ուղղված հանրային արշավը:
Գեներալի ծնունդին ներկա են եղել երկրապահներ. ՀՀ նախագահը երկրապահ է ուղնուծուծով
16 Հուլիսի 2014 - 18:54
Հուլիսի 14-ին նշվում էր ԵԿՄ վարչության նախագահ, Արցախի հերոս, գեներալ-լեյտենանտ Մանվել Գրիգորյանի ծննդյան 58-րդ տարեդարձը:
Նոր մանրամասներ արեւաբուժության աղանդի մասին (լուսանկարներ, տեսանյութ)
12 Հուլիսի 2014 - 20:35
Հարգելի հայրենակիցներ, երբ <<Միացյալ Երիտասարդական Լիգա>> երիտասարդական շարժումը, դեռևս 2013 թվականին խոսեց Արևաբուժություն աղանդի մասին, շատ մարդիկ՝ այդ թվում Քայքայիչ պաշտամունքներից տուժածների օգնության և վերականգնողական կենտրոնի տնօրեն Ա. Ամարյանը մեր հայտարարությունը համարեցին ինքնագովազդ՝ ասելով, որ նման բան հնարավոր չէ, որ լինի Հայաստանում:
Արարատի Սուրբ Հակոբ եկեղեցում տեղի ունեցավ «Մենք մեր զինվորի կողքին ենք» ծրագրի դրամաբաշխությունը (լուսանկարներ)
12 Հուլիսի 2014 - 20:24
Այսօր ԱՀԹ Արարատի Ս. Հակոբ եկեղեցում տեղի ունեցավ Արարատյան Հայրապետական թեմի կողմից կազմակերպած «Մենք մեր զինվորի կողքին ենք» ծրագրի դրամաբաշխությունը:
ՀՀ գլխավոր հարկադիր կատարողը նոր տեղակալ ունի
10 Հուլիսի 2014 - 12:54
Հայաստանի Հանրապետության արդարադատության նախարարի հուլիսի 8-ի N61-Ա հրամանով Արմեն Հարությունյանը նշանակվել է ՀՀ գլխավոր հարկադիր կատարողի տեղակալ:
Վահե Խանամիրյանը Հ1-ի ուղիղ եթերում ամուսնության առաջարկ է արել Լիլիթ Մուրադյանին (տեսանյութ)
07 Հուլիսի 2014 - 22:47
Այսօր Հ1-ի «Առավոտ լուսո» ծրագրի ժամանակ հաղորդավար Վահե Խանամիրյանն ուղիղ եթերում ամուսնության առաջարկ է արել իր գործընկերուհուն՝ Լիլիթ Մուրադյանին, ում հետ արդեն տևական ժամանակ է, ինչ ընկերություն է անում:
1 | 2 | 3 | 4 | 5 | 6 | 7 | 8 | 6905
 
Լրահոս`
 
 
Կիմ դի Կուկի ասուլիսի լուսանկարները
Մշակույթ, Հասարակություն