էս նո՞ր ես թրաշվել… «երկնագույն» ուղևորը վարորդին

Ամեն անգամ նման բողոք լսելիս` հադարձում եմ, որ սեռական փոքրամասնության ներկայացուցիչներն էլ են իրենց հետաքրքրությունների ճամբարից դուրս մարդկանց իրավունքներ ոտնահարում, բնականաբար իրավապաշտպանները սրա հետ չեն համաձայնում: Այս թեմային չէի անդրադառնա, ինչպես երբևէ չեմ էլ անդրադառձել, եթե այսօր տաքսով երթևեկելիս` չլսեի վարորդի դժգոհությունը:

Ազատամարտի մասնակից վարորդն այնքան էր վրդովված, որ առաջին իսկ րոպեին սկսեց «թեթևացնել» սիրտը .«Առավոտ մեկը տաքսիս նստեց, նախընտրեց դիմացը` կողքիս: Արտաքինից ոչ մի տարբերվող բան, բայց երբ արդեն մեքենան խոդի տվեցի` ձեռքը տարավ երեսիս, թե էս նո՞ր ես թրաշվել ու սկսվեցին անվայելուչ առաջարկները: Մեքենայիցս իջացրեցի: Մեքենաս սեռական նման կողմնորոշմամբ էլի են նստել, իմացել եմ աղջիկ են, հետո պարզվել է : Բայց նման առաջարկ ինձ ուղղված չէր եղել: Արդեն տես ուր ենք հասել: Մի անգամ, երկու հոգի կանացի հագուկապով նստեցին: Մեռածներն էնքան էլ փող ունեին, երբ տեղ հասանք` սա ասում էր` ես եմ վճարելու, մյուսն էլ, թե ` ես պիտի… Ես էլ միջամտեցի.« Աղջիկներ, էկեք հերթով վճարեք»: Սա ասեցի, մեկ էլ նրանցից մեկն ոգևորված դիմեց.« Վա՜խխ, մի հատ էլ կասեք, աղջիկնե՜ր»: Փաստորեն իրենց դա դուր էր եկել: Ամոթ մեզ, էս ուր ենք հասել: Շատացել են, մեր նման փոքր ազգը չի կարող նման բան թույլ տալ: Վաղը մյուս օր բանակ գնացող տղա չի լինելու»:

Շարունակելով միտքը, զրուցակիցս բերեց մի քանի իրական փաստեր, երբ աղջիկն ամուսնացել է և հետո պարզվել է ,որ ամուսինը զուրկ է … .«Հիմա էդ աղջիկը դժբախտացավ, անունն ընկավ: Առանց այն էլ անպտղության ցուցանիշը մեծ է»:

«Լավ ես զարմանում եմ մարդ ոնց կարող է սիրուն աղջիկ տեսնի` չնկատի ու տղու սիրի»,- եզրափակեց ազատամարտիկ վարորդը` նկատելով, թե նույնասեռականները վերջին տարիներին շատ են թևավորվել.«Տեսաք էդ շքերթը, տենց բան տեսել էի՞ք….»

Մարիամ Պետրոսյան

HayNews.am