Facebook   Twitter
 
Եթե  պահանջս  չբավարարեցին՝    գնալու  եմ  Արևմտյան    Հայաստանն  ազատագրելու    և   դառնալու  եմ այնտեղի  նախագահը

Եթե պահանջս չբավարարեցին՝ գնալու եմ Արևմտյան Հայաստանն ազատագրելու և դառնալու եմ այնտեղի նախագահը

13 Մայիսի 2013 - 18:04
Մայիսի 11-ից նստացույց հայտարարած պահեստազորի գնդապետ, ազատամարտիկ Վոլոդյա Ավետիսյանն այսօր մոտ հինգ տասնյակ ազատամարտիկների ուղեկցությամբ շարժվեց դեպի կառավարություն և բաց նամակի տեսքով իր պահանջները հանձնեց նամակների և բողոքների բաժնի պետին:
Կառավարությունից խոստացան սեղմ ժամկետներում պատասխանել նամակին: Ավելին` առաջարկեցին ազատամարտիկներին իրենց պահանջներն անհրաժեշտության դեպքում նաև բանավոր ներկայացնել: Նամակը հանձնելուց հետո ազատամարտիկները վերադարձան Ազատության հրապարակ, իսկ վաղը կդադարեցնեն նստացույցը և կառավարության արձագանքին կսպասեն «փակ» երկնքի տակ` տներում նստած: HayNews.am-ի հետ զրույցում Վոլոդյա Ավետիսյանը նկատեց, թե լռելն այս դեպքում սխալ կլիներ, պետք է կոտրել այս կարծրատիպը:

«Ես դժգոհ եմ այն կենսաթոշակից, որը ստանում եմ: Մեզ ասում են, թե գումար չկա: Ես գիտեմ, որ կա գումար, պարզապես ցանկություն, հայրենասիրություն է պետք , որ ազատամարտիկը լավ ապրի: Ես փորձեցի քանդել կարծրատիպը, թե ամոթ է խոսել խնդիրներից, թող չիմանան: Մենք հո գողություն չենք անում, որ իմանան կամ չիմանան: Պետությունը գումար է տալիս, իբրև շնորհակալություն մեր ծառայության համար, մենք էլ գտնում ենք, որ այդ նյութական շնորհակալությունը քիչ է և պետք է ավելացնեն այդ գումարը, որպեսզի կարողանանք ապրել: Ի վերջո, այդ գումարը ապրելու համար չե՞ն տալիս, մենք էլ ասում ենք` չենք կարողանում դրանով ապրել: Ինչ է, ձայն չհանե՞նք: Այդ գումարի չափը սահմանել են 10 տարի առաջ, հիմա էն 100 դրամանոց ապրանքը դարձել է 1000 դրամ: Էսօր մեկը զանգել ասում է` Վոլոդյա ջան, Թալինի ջոկատի հրամանատարն եմ, բայց գումար չունեմ, որ գամ միանամ ձեզ, ո՞նց կլինի: Կառավարությունը 10 մլն. դոլար ճանապարհաշինության մեջ լվաց, 20 միլիոն էլ չգիտեմ, որտեղ, թող չլվան տան ազատամարտիկներին: Սա է մեր ուզածը»,- ասաց նա։

Դիտարկմանը` պաշտպանության նախարար Սեյրան Օհանյանը, երեկ «Արմենիա» հեռուստաընկերության եթերում հայտարարեց, որ սոցիալական հարցերով զբաղվող վարչությանը հանձնարարել է ծանոթանալ ձեր պահանջներին: Միաժամանակ նախարարը նշեց, որ աշխատավարձերի բարձրացումը հանգեցնելու է կենսաթոշակների ավելացման և, որ մեծ հաշվով, իրենից քիչ բան է կախված, սրանից հետո ի՞նչ ակնկալիք ունեք և, եթե ձեր ուզած շեմը չսահմանվի, ի՞նչ քայլեր եք ձեռնարկելու. «Խոստացավ լավ արեց, թող բարձրացնեն: Իսկ թե ինչ եմ անելու, գնալու եմ Արևմտյան Հայաստանն ազատագրելու և դառնալու եմ այնտեղի նախագահը: Եթե ավելի լուրջ մենք կհամագործակցենք տղաների հետ, կհստակեցնենք մեր հետագա քայլերը, ինչ անենք, ճիշտ ենք անելու, որ դուք գաք ասեք` ճիշտ եք արել, ոչ թե` սխալ եք անում: Կառավարության պատասխանը 10 օրվա ընթացքում կստանանք»:

Ազատամարտիկ Վարդգես Սմբատյանն ասվածը լրացրեց. «Այն տղաներն, որոնք կռվել են, էն հին տղերքն են: Թոշակը քիչ է, մարդ կա 5 երեխա ունի և 46 հազար դրամով չի կարողանում պահել նրանց: Մարդ կա հիմնարկության շենքում է ապրում: Մեր հույսը պաշտպանության նախարարությունն է: Այստեղ միայն թոշակի չէ, 50 տարեկանից հետո գործ չենք ճարում, թող մեզ աշխատանք տան, աշխատենք, մի պահակությունից բանից, ում ֆիզիկականն ինչ –որ թույլ կտա»:

Խոսակցությանը միջամտեց հավաքվածներից մեկն, ով ներկայացավ որպես չգրանցված ազատամարտիկ` պնդելով, որ Մոնթեի զինվորներից է եղել. «Ես պայքարել եմ, երբ չունեինք բանակ: Իմ հայրենիքը վտանգի մեջ եմ տեսել և պարտավորված զգացել պաշտպանելու: Ես ծնվել եմ Երևանում, ծնողներս ղարաբաղցի են, նախնիներս` Մշեցի: Պահանջում եմ լուծվի, որպեսզի մեր բանակի կորիզը զգա պետական հոգածություն: Այսօր մեր հողերը ծախում ենք պարսիկներին, պարսկահպատակ երազիկներին, իսկ մեր ժողովրդին ստիպում արտագաղթել: Ես չունեմ փաստաթուղթ, թեպետ Մոնթեի զինվորներից եմ եղել և մասնակցել թեժ մարտերի, ինձ ասում են` ծառայել եք, երբ չունեինք բանակ:Պարսատիկով, որսորդական հրացանով հող ենք ազատագրել, իսկ պիստալետ չտեսածները քաղաքի տերերն են դարձել»:

Այս առնչությամբ փորձեցինք պարզել նաև իշխող կուսակցության ներկայացուցիչների տրամադրությունները: ՀՀԿ խմբակցության անդամ Արտակ Զաքարյանը մեզ հետ զրույցում վստահեցրեց, որ այս խավը բոլոր առումներով առաջնային ուշադրության կենտրոնում է. «Այլ հարց է, որ ազատամարտիկների լայն շրջանակ ունենալով նրանց բոլոր խնդիրներին չենք կարողանում լուծում տալ: Ոչինչ չի մոռացվել, ոչ ոք չի մոռացվել: Բայց պետք է նշեմ նաև , որ այսօր թացը չորից բաժանելու խնդիր կա նաև: Այս հարցը միայն օրենքի լուծման առարկա չէ, թեպետ նախագծեր կան շրջանառության մեջ դրված, քանի որ դեռ չունենք լավագույն մոդելը, որը կբավարարի բոլորին: Կրկնում եմ` թացը չորից տարանջատելու անհրաժեշտություն կա: Հանրապետական կուսակցությունը և նրա ղելավարներն անցել են արցախյան պատերազմի միջով և լավ գիտեն նրանց արժեքը: Բոլորս ազատամարտիկ հասկացողությանը պետք է հարգանքով մոտենանք»:

Թե որքանով է չհայտարարված պատերազմի մեջ գտնվող երկրի իշխանությունների համար առաջնային երկիրը պահածի և պահողի ճակատագիրը կհաստատի կամ կհերքի առաջիկա շաբաթը, իսկ մինչ այդ պետք է մի ցավալի փաստ արձանագրենք` ազատամարտիկների նստացույցն ու արված հայտարարությունները բարկացրել են մարտական ընկեր օրենսդիրներին:

Ըստ ֆեյսբուքյան օգտատեր Կարապետ Նուրիջանյանի` գեներալ Մանվել Գրիգորյանը ուղարկել է իր թիկնազորի պետին՝ Էջմիածնում հայտնի Նհոյին ու նա լկտիաբար ազատամարտիկ Ռեմբոյի կրծքից պոկել է նրան տրված «5-րդ բրիգադ» հուշամեդալը: ԵԿՄ քարոզչության վարչությունից HayNews.am-ին հայտնեցին,որ Մանվել Գրիգորյանն այս պատմության հետ որևէ կապ չունի և տեղյակ չի էլ եղել, բայց Ռեմբոյի և Նհոյի միջև իրականում քաշքշուկ և վիճաբանություն եղել է: Այս մասին կփորձենք լրացուցիչ տեղեկություն ստանալ երկու կողմերից և ավելի ուշ ներկայացնել:

Մարիամ Պետրոսյան:

HayNews.am
 
Նմանատիպ նորություններ
Ըմբշամարտիկ Մ.Ամոյանը հաղթեց մրցակցին և դուրս եկավ ԱԱ եզրափակիչ
18 Սեպտեմբերի 2018 - 21:02
Սլովակիայի Տրնավա քաղաքում ընթացող հունահռոմեական ոճի ըմբշամարտի երիտասարդների աշխարհի առաջնության շրջանակում մինչև 67 կգ քաշային կարգում Հայաստանը ներկայացնող Մալխաս Ամոյանը դուրս է եկել եզրափակիչ:
Վրաերթի են ենթարկել 5-ամյա խուլ-համր երեխային. Վարորդն ինքնակամ ներկայացել է
18 Սեպտեմբերի 2018 - 20:56
Սեպտեմբերի 17-ին, ժամը 11.30-ին, ոստիկանության Երեւան քաղաքի վարչության օպերատիվ կառավարման կենտրոն է զանգահարել մի կին եւ հայտնել, որ Երեւանի «Խուլ-համրերի» դպրոցի մոտ՝ հետիոտնային անցումի վրա, վրաերթի են ենթարկել իր 5-ամյա խուլ-համր երեխային:
Դադարեցնե՛լ վարկաբեկիչ նյութերի տարածումը. Արտակ Զեյնալյանը կոչով դիմեց համակիրներին
18 Սեպտեմբերի 2018 - 20:26
Երեւանի ավագանու ընտրություններում «Լույս» դաշինքի քաղաքապետի թեկնածու, արդարադատության նախարար Արտակ Զեյնալյանն իր համակիրներին կոչ է անում հակաքարոզչություն չիրականացնել մրցակից ուժերի նկատմամբ։
«Վարչապետը նախ թող ներողություն խնդրի երկրորդ և երրորդ նախագահներից, ապա նրանց հրավիրի անկախության տոնը միասին նշելու»․ Շարմազանով. factor.am
18 Սեպտեմբերի 2018 - 20:22
«Նոր իշխանությունները և մասնավորապես վարչապետ Նիկոլ Փաշինյանն առանձնանում են իրենց հակասական գործունեությամբ»,- Factor.am-ի հետ զրույցում արձագանքելով վարչապետի աշխատակազմի ղեկավար Էդուարդ Աղաջանյանի հայտարարությանը, որ Հայաստանի երեք նախագահներն էլ կհրավիրվեն անկախության տոնին՝ կարծիք հայտնեց ԱԺ փոխնախագահ, ՀՀԿ խոսնակ Էդուարդ Շարմազանովը:
Մենք պատրաստ ենք նաեւ պատերազմի. Նիկոլ Փաշինյան
18 Սեպտեմբերի 2018 - 20:20
ՀՀ վարչապետ Նիկոլ Փաշինյանն այսօր մեկնել է Արցախ:
«Ուզում եմ ձեզ մի գաղտնիք ասել». Նիկոլ Փաշինյան
18 Սեպտեմբերի 2018 - 20:17
Րոպեներ առաջ ֆեյսբուքյան ուղիղ եթերի ժամանակ դիմելով ընտրողներին՝ Նիկոլ Փաշինյանն ասաց. «Ուզում եմ ձեզ մի գաղտնիք ասել:
Պարացետամոլը կարող է երեխաների մոտ ասթմայի զարգացման պատճառ դառնալ
18 Սեպտեմբերի 2018 - 20:15
Երեխաներին կանոնավորապես պարացետամոլի հիմքով դեղորայքով բուժելը մեծացնում է ասթմայի հետագա զարգացման վտանգը: Այս մասին է վկայում Մելբուռնի համալսարանի գիտնականների հետազոտությունը:
1 | 2 | 3 | 4 | 5 | 6 | 7 | 8 | 13302
 
Լրահոս`
 
 
 
 
 
 
 
 
 
 
 
 
 
 
 
 
 
 
Վարչապետն ուղիղ եթերում է.
Քաղաքական, Տեսանյութեր