Facebook   Twitter
 

Warning: file_put_contents(cache/news/91124.dat): failed to open stream: Permission denied in /home/haynews/public_html/news.php on line 35
«Դատարանը ապացուցված չհամարեց անմարդկային վերաբերմունքի փաստը »

«Դատարանը ապացուցված չհամարեց անմարդկային վերաբերմունքի փաստը »

14 Հոկտեմբերի 2013 - 18:15
«Ցանկացած վայրում էլ անձը կարող է նյարդահոգեբանական սթրեսի ենթարկվել, դա չի նշանակում, որ ոստիկանությունը բռնություն է կիրառել»,- նշում է ՀՀ Հատուկ քննչական ծառայության հատկապես կարևոր գործերով Ա. Ս. Գրիգորյանը:
2013 թվականի հոկտեմբերի 11-ին Կենտրոն և Նորք-Մարաշ վարչական շրջանների ընդհանուր իրավասության դատարանը դատավոր Գագիկ Խանդանյանի նախագահությամբ քննեց Հովհաննես Էլոյանի կողմից իրեն Երևան քաղաքի ոստիկանության Քանաքեռ-Զեյթուն բաժնում անմարդկային վերաբերմունքի ենթարկելու փաստի կապակցությամբ իրականացված անարդյունավետ քննության դեմ ներկայացված բողոքը:

2013 թվականի մայիսի 31-ին Հովհաննես Էլոյանը բերման է ենթարկվել Ոստիկանության Քանաքեռ-Զեյթուն բաժին, որտեղ բաժնի պետի օպերատիվ գծով տեղակալ Նարեկ Սիմոնյանը նրան հայհոյել է, բռնության ենթարկել: Արդյունքում Հովհաննես Էլոյանի ինքնազգացողությունը կտրուկ վատացել է և ոստիկանության աշխատակիցները ստիպված են եղել շտապ բուժօգնություն հրավիրել, և մոտ 2 ժամ 15 րոպե բժշկական օգնություն տրամարդել: Այնուհետև Հովհաննես Էլոյանը շտապ բուժօգնության մեքենայով տեղափոխվել է հիվանդանոց, որտեղից թ օր անցնոր դուրս է գրվել:

Կատարված հանցագործության վերաբերյալ Հ.Էլոյանի կողմից հաղորդում է ներկայացվել ՀՀ հատուկ քննչական ծառայություն: 2013 թվականի հուլիսի 25-ին կայացվել է քրեական գործը մերժելու մասին որոշում:

Դատական նիստի ժամանակ “Իրավունքների պաշտպանություն առանց սահմանների” ՀԿ նախագահ, Էլոյանի ներկայացուցիչ Հայկուհի Հարությունյանը ներկայացրեց մի շարք բացթողումներ ու խախտումներ, որոնց քննությունը չի անդրադարձել և հետևաբար չէր կարող բավարարել Եվրոպական Կոնվենցիայով և Եվրոպական դատարանի նախադեպային որոշումներով սահմանված խոշտանգումների քննության արդյունավետության պահանջներին:

Մասնավորապես` իրականացված քննության ընթացքում հարցաքննվել են նույն ոստիկանության 4 աշխատակիցներ, որոնցից երեքն իրենց ծառայողական պարտականություններով կախվածության մեջ են գտնվել այն անձից, ում վերագրվում է անմարդկային վերաբերմունք դրսևորելու վարքագիծը: Վերջիններիս ցուցմունքները համարվել են արժանահավատ և դրվել քրեական գործի հարուցումը մերժելու մասին որոշման հիմքում:

Բացի այդ, թեև Հովհաննես Էլոյանը բերման է ենթարկվել, սակայն նրան իր`բերման ենարկվածի քրեադատավարական կարգավիճակից բխող պաշտպանության իրավունքն իրացնելու հնարավորություն չի ընձեռնվել: Վերջինիս չի բացատրվել իր իրավունքները, հնարավորություն չի տրվել զանգահարել և իր հարազատներին տեղյակ պահել գտնվելու վայրի մասին, չի օգտվել “լռելու” իր իրավունքից:

Ոստիկանության աշխատակիցները որպես ընթերականներ անձնական զննության և առարկաների առգրավման համար քաղաքացիներին հրավիրել են այն ժամանկ, երբ արդեն Հովհաննես Էլոյանի անձնական իրերը զննությամբ առգրավված և դրված են եղել սեղանին առանց ընթերականների մասնակցության:

Քննությունը չի պարզել, թե ինչ պատճառներով և հանգամանքներում է Հովհաննես Էլոյանի առողջական վիճակը վատացել, մինչդեռ եվրոպական դատարանի նախադեպային որոշումներով, երբ անձը բավարար առողջական վիճակով մուտք է գործում ոստիկանություն, իսկ այնուհետև ոստիկանության բաժնից դուրս գալիս վատթարացած առողջական վիճակով, պետությունը պոզիտիվ պարտավորություն է կրում բացահայտել դրա պատճառները և պատասխանատվության կանչել դրանում հնարավոր մեղավորներին:

Չնայած բերված փաստարկներին և անկասելի ապացույցներին դատավորը մերժեց Էլոյանի հայցը նշելով, որ բավարար ապացույցներ չեն ներկայացվել, որ վերջինս ոստիկանության բաժնում ենթարկվել է անմարդկային վերաբերմունքի:

Տեղեկացնենք նաև, որ այն ժամանակ, երբ Հայկուհի Հարությունյանը ներկայացնում էր Եվրոպական դատարանի նախադեպերով սահմանված արդյունավետ քննության չափանիշները, դատավոր Գագիկ Խանդանյանն անկաշկանդ պատասխանում էր իր բջջային հեռախոսազանգերին:

Հովհաննես Էլոյանի ներկայացուցիչ Հայկուհի Հարությունյանը պատրաստվում է առաջին ատյանի կայացրած որոշումը բողոքարկել վերաքննիչ դատարանում:

Հիշեցնենք, որ 2013թվականի մայիսի 30-ին Ժամը 16-ին մոտ, Զեյթունում գտնվող «Երեւան Սիթիի» մոտ մի կին կանգնեցրել է Հովհաննես Էլոյանի տաքսին: Սուպերմարկետի աշխատակիցը իրերը դրել է մեքենայի բեռնախցիկը, իսկ ուղեւորուհին նստել մեքենան ու շարժվել են: Տեղ հասնելով` կինը վճարել է ուղեվարձը, շնորհակալություն հայտնել եւ մոռանալով իր իրերը մեքենայի բեռնախցիկում, հեռացել: Իրերի մասին մոռացած է եղել նաեւ վարորդը: Մոտ մեկ ժամ անց նրան զանգահարել են, ասել, որ իրեր են մնացել բեռնախցիկում եւ առաջարկել գնալ նույն սուպերմարկետի մոտ: Այդ ժամանակ էլոյանը թոռնուհուն պարի պարապմունքից տուն տանելիս է եղել: Շուտով նա մոտեցել է խանութին: Այստեղ նրան ասել են, թե իրերի տերը հիմա կգա, կվերցնի: Սակայն Էլոյանը հիշելով, թե ուր էր տարել հաճախորդին, գնում է հենց տան բակ: Այստեղ կանգնած են լինում այդ կինը եւ եւս երկու երիտասարդ, որոնք չեն թողնում, որ իրերը նա իջեցնի ու մեքենայով հանդերձ նրան տանում են ոստիկանության բաժին: «Հենց ներս մտա կաբինետ, դռան մոտ կանգնած քաղաքացիական հագուստով մեկը հայհոյելով հարձակվեց ու խփեց ինձ»,- մեր հետ զրույցում պատմեց էլոյանը: Վերջինս սրտի հիվանդություն ունի, որը նյարդային այդ իրավիճակից սրվել էր: Շտապօգնության մեքենա են կանչել, որին, սակայն, երկար ժամանակ թույլ չեն տվել էլոյանին տեղափոխել հիվանդանոց: Նրան թույլ չեն տվել նաեւ զանգահարել հարազատներին:

HayNews.am
 
Նմանատիպ նորություններ
Պարզվել է երեկ Երևանում BMW-ի վարորդի կողմից վրաերթի ենթարկված 4 քաղաքացիների ինքնությունը. նրանք բոլորն ուսանողներ են. ՏԵՍԱՆՅՈՒԹ
29 Ապրիլի 2017 - 19:24
Ճանապարհային ոստիկանության ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունքի ավագ հետաքննիչ Աշոտ Դարբիանյանի կողմից նյութերի նախապատրաստման ընթացքում պարզվել է երեկ՝ ապրիլի 28-ին, Երևանում BMW մակնիշի 98 ԼV 988 համարանիշի ավտոմեքենայի վարորդի կողմից վրաերթի ենթարկված 4 հետիոտների ինքնությունը։
Շղթայական ավտովթար Երևանում. բախվել են Քննչական կոմիտեի Toyota-ն, Infiniti-ն և Opel-ը. կան վիրավորներ
29 Ապրիլի 2017 - 19:21
Երեկ՝ ապրիլի 28-ին, շղթայական ավտովթար է տեղի ունեցել Երևանում։
Կոտայքի մարզի Քանաքեռավան գյուղի սկզնամասում oձ են տեսել
29 Ապրիլի 2017 - 19:04
Ապրիլի 29-ին, ժամը 15:18-ին տեղեկություն է ստացվել, որ Կոտայքի մարզի Քանաքեռավան գյուղի սկզնամասում գտնվող շինության մեջ օձ է նկատվել, որին բռնելու և անվտանգ տարածք տեղափոխելու համար անհրաժեշտ է փրկարարների օգնությունը:

Կանաչ տարածքներն ավելացնելու խնդիր ունենք. Նիկոլ Փաշինյան
29 Ապրիլի 2017 - 18:49
Մենք Երևանում կանաչ տարածքներն ավելացնելու խնդիր ունենք․Մալաթիա Սեբաստիա վարչական շրջանի բակերից մեկում՝ Երևանի ավագանու ընտրությունների քարոզարշավի շրջանակներում այցի ժամանակ, լրագրողների հետ զրույցում այսպես ասաց ԱԺ պատգամավոր, «Ելք» դաշինքից Երևանի քաղաքապետի թեկնածու Նիկոլ Փաշինյանը:

Երեւանի ավագանու ընտրությունները դիտարկելու են 5138 դիտորդ
29 Ապրիլի 2017 - 18:37
2017 թվականի մայիսի 14-ին կայանալիք Երեւանի ավագանու ընտրությունների ժամանակ դիտորդական առաքելություն իրականացնելու նպատակով հավատարմագրվելու կամ հավատարմագրված դիտորդների ցանկում փոփոխություններ (լրացումներ) կատարելու համար դիմումներ ՀՀ կենտրոնական ընտրական հանձնաժողով կարող էին ներկայացվել մինչեւ ս.թ ապրիլի 29-ը:
Եղանակը Հանրապետությունում
29 Ապրիլի 2017 - 18:23
Հանրապետության տարածքում ապրիլի 30-ին գիշերը և կեսօրից հետո շրջանների մեծ մասում սպասվում է անձրև և ամպրոպ, առանձին վայրերում հնարավոր է կարկուտ:
Հռոմի պապը կոչ է արել միավորվել ընդդեմ կրոնական ֆանատիզմի
29 Ապրիլի 2017 - 18:13
Հռոմի պապ Ֆրանցիսկոսը, որը պապական այցով գտնվում է Եգիպտոսում, Կահիրեում մատուցած պատարագի ժամանակ կոչ է արել միավորվել ընդդեմ կրոնական ֆանատիզմի:

Մենք ունենք սոցիալապես անապահով խավի խումբ և փորձում ենք նրանց աջակից լինել․ Տարոն Մարգարյան
29 Ապրիլի 2017 - 17:43
Մենք ներկայացրել ենք ձեզ նախընտրական մի ծրագիր, որը նախորդ 4 տարիների «Ավելի լավ Երևան»-ի շարունակությունն է. այս մասին այսօր Նոր Մարաշ համայնքի բնակիչների հետ հանդիպման ժամանակ հայտարարեց Երևանի քաղաքապետ, ՀՀԿ-ի քաղաքապետի թեկնածու Տարոն Մարգարյանը:


Ռուսաստանում 31-ամյա ադրբեջանցու են սպանել
29 Ապրիլի 2017 - 17:29
Ռուսաստանի ՔԿ-ի Օրենբուրգի շրջանի վարչությունը պարզել է Օրսկի Չերնիգովյան փողոցի տան բակում սպանված տղամարդու անձը՝ պարզվել է, որ սպանվածը Ադրբեջանի 31-ամյա քաղաքացի է։
1 | 2 | 3 | 4 | 5 | 6 | 7 | 8 | 7025
 
Լրահոս`
 
 
 
 
 
 
 
 
 
 
 
 
 
 
 
Ռուսաստանում 31-ամյա ադրբեջանցու են սպանել
Միջազգային, Հասարակություն