Facebook   Twitter
 
«Խոսրովի անտառ» արգելոցում ընթանում են ողնաշարավոր կենդանատեսակների և գիշատիչ թռչունների հաշվառում

«Խոսրովի անտառ» արգելոցում ընթանում են ողնաշարավոր կենդանատեսակների և գիշատիչ թռչունների հաշվառում

13 Ապրիլի 2017 - 17:33
«Խոսրովի անտառ» պետական արգելոցի գիտական բաժնի կողմից ընթանում են ողնաշարավոր կենդանատեսակների և գիշատիչ թռչունների կենսաէկոլոգիական առանձնահատկությունների ուսումնասիրման և հաշվառման աշխատանքներ:

Կենդանիների պոպուլացիային և միգրացիոն ուղիներին հետևելու համար Վայրի բնության հիմնադրամի /WWF/ հետ համատեղ շարունակվում են տեսա և ֆոտոբռնիչների օգնությամբ կատարվող կենդանական աշխարհի սեզոնային միգրացիային ուղղված աշխատանքներ:

Այս մասին հայտնում են ՀՀ բնապահպանության նախարարության լրատվական ծառայությունից։

Նախարարությունից հայտնում են, որ «Դիլիջան» ազգային պարկում շարունակվում են շուրջօրյա ստուգայցերն ապօրինի ծառահատումների և որսագողության դեպքերը կանխարգելելու և բացահայտելու նպատակով:

Աշխատակիցների կողմից շուրջօրյա շրջայցերի ընթացքում հայտնաբերվել է անտառխախտման 4 դեպք /ապօրինի 11 ծառահատում/, կազմվել են անտառխախտման արձանագրություններ և ուղարկվել ՀՀ բնապահպանության նախարարության աշխատակազմի բնապահպանական պետական տեսչության Տավուշի տարածքային բաժին:

Ազգային պարկի հարակից համայնքների բնակիչներին տրամադրվել է քամատապալ, հողմատապալ փայտանյութից առաջացած 6 խ.մ. վառելափայտ:

Էկոերթուղիների ընթացիկ վիճակին ծանոթանալու նպատակով իրականացվել է շրջայց Պարզ լիճ-Գոշավանք երթուղու սկզբնամասում գտնվող խաչքարերի տարածքում:

Ազգային պարկի աշխատակիցների կողմից էկոտուրիզմի գովազդման նպատակով այցելություններ են իրականացվել Դիլիջան քաղաքում գործող հյուրատներ և բացատրել, որ էկոտուրիզմի սիրահարները կարող են այցելել «Դիլիջան» ազգային պարկ և օգտվել ազգային պարկի կողմից մատուցվող ծառայություններից: Ազգային պարկն ունի 19 երթուղի և մեկ հեծանվային երթուղի, որոնց մեջ ներառվում են պատմամշակութային կոմպլեքսներ, բնության հուշարձաններ: Այցելուները հնարավորություն ունեն նաև տեղադրել վրաններ, ինչպես նաև դիտակետերից հետևել կենդանական աշխարհի շարժին:

ՀՀ բնապահպանության նախարարության «Զանգեզուր» կենսոլորտային համալիրի տնօրինության տակ գտնվող ԲՀՊՏ-ներում շարունակվում են շուրջօրյա հերթապահությունները, իրականացվում են պարբերական շրջայցեր։

«Զանգեզուր» կենսոլորտային համալիրի գիտության բաժնի աշխատակիցների կողմից կազմակերպվել են ստուգայցներ «Շիկահող» պետական արգելոց մասնաճյուղում, որոնց ընթացքում տարածքում հանդիպել են 4 հատ եվրոպական այծյամ, 1 հատ փորսուղ, 1 հատ աղվես, 6 հատ շնագայլ։ Թռչուններից տարածքում հանդիպել են սև կեռնեխ, սոսնձակեռնեխ, խայտաբղետ փայտփոր, կանաչ փայտփոր, արշալուսիկ, գարնանային գեղգեղիկ, անապատային մորեհավ, գյուղական ծիծեռնակ, քաղաքային ծիծեռնակ, սովորական կարմրատուտ, հոբալ, անտառային աղավնի, սովորական սարյակ, մեծ երաշտահավ, սև երաշտահավ, երկարագի երաշտահավ, երկնագույն երաշտահավ, սև ագռավ, անտառային կաչաղակ, տափաստանային ճոռակ, և անտառաբու։ Թռչուններից գարնանային վերադարձ է գրանցվել գյուղական և քաղաքային ծիծեռնակների, գարնանային գեղգեղիկի և անապատային մորեհավի մոտ:

Կատարվել են «Սոսու պուրակ» պետական արգելավայր մասնաճյուղի տնկարանի ցանքսի շարունակական աշխատանքներ:

ՀՀ բնապահպանության նախարարության «Խոսրովի անտառ» պետական արգելոց-ի աշխատակիցների կողմից «Խոսրովի անտառ» պետական արգելոց, «Խոր Վիրապ», «Գոռավանի ավազուտներ» պետական արգելավայրերի միջոցառումները պատշաճ իրականացնելու համար իրականացվել են շուրջօրյա հերթապահություններ և շրջագայություններ:

HayNews.am
 
Նմանատիպ նորություններ
Աղի հիմնական վտանգը պարզվել է
16 Հունվարի 2018 - 19:04
Ամերիկյան գիտնականները պարզել են, որ սնունդի մեջ աղի մեծ քանակության կանոնավոր օգտագործումը, աղիներում իմունային համակարգի փոփոխությունների է բերում, որոնք իրենց հերթին բերում են մարդու կոգնիտիվ ֆունկցիաների դեգրադացիայի:
Վաղվանից Հայաստանի դպրոցներում համաճարակաբանական ֆիլտր կգործի
16 Հունվարի 2018 - 19:02
Հունվարի 17-ից Հայաստանի դպրոցներում համաճարակաբանական ֆիլտր կգործի. մասնագետը (պոլիկլինիկայի բժիշկը կամ դպրոցի բուժքույրը) դպրոցի մուտքի մոտ կզննի բոլոր աշակերտներին եւ հիվանդներին տուն կուղարկի:
Վրաստանում ավազակային հարձակման հետևանքով տուժած ՀՀ քաղաքացին դուրս է գրվել հիվանդանոցից
16 Հունվարի 2018 - 18:58
ՀՀ քաղաքացի Արթուր Սուքիասյանի առողջական վիճակի վերաբերյալ տեղեկատվություն
Հայաստանի դեսպանն Իրանում քննարկել է էներգետիկ խոշոր ծրագրերը
16 Հունվարի 2018 - 18:49
Հունվարի 15-ին տեղի ունեցավ ԻԻՀ-ում ՀՀ դեսպան Արտաշես Թումանյանի եւ ԻԻՀ էներգետիկայի նախարար, Հայաստանի Հանրապետության եւ Իրանի Իսլամական Հանրապետության միջկառավարական համատեղ հանձնաժողովի համանախագահ Ռեզա Արդաքանիանի հանդիպումը:
Խորհրդարանական դիվանագիտությունն ավելի ճկուն է եւ ազատ․ Արմեն Աշոտյան
16 Հունվարի 2018 - 18:47
Խորհրդարանական դիվանագիտությունն ունի մի շարք առավելություններ, քանի որ այն ավելի ճկուն է, ազատ, բազմակողմ եւ, միեւնույն ժամանակ, ավելի շատ ռեսուրսներ ունի հասարակության ներգրավման համար:
Ինչպե՞ս նվազեցնել մանկական հանկարծամահության հավանականությունը
16 Հունվարի 2018 - 18:34
ԱՄՆ-ում մանկական հանկարծամահության համախտանիշի կամ քնի մեջ պատահական շմչահեղձության հետեւանքով ամեն տարի 3500 երեխա է մահանում:
1 | 2 | 3 | 4 | 5 | 6 | 7 | 8 | 9335
 
Լրահոս`