Facebook   Twitter
 
էկոկրթության  նկատմամբ պետության վերաբերմունքը զրոյի է հավասար. Լեւոն Գալստյան

էկոկրթության նկատմամբ պետության վերաբերմունքը զրոյի է հավասար. Լեւոն Գալստյան

18 Ապրիլի 2017 - 20:25
Երբ Հայաստանի նման երկրի դեպքում բնապահպանական խնդիրները առաջնային պլան չեն մղվում, մյուս բոլոր տեսակի խնդիրներն ու գործունեությունները դառնում են պրոբլեմատիկ, HayNews.am-ի հետ զրույցում ասաց Լեւոն Գալստյանը:
Ըստ Հայկական բնապահպանական ճակատ քաղաքացիական նախաձեռնության անդամի, կառավարող համակարգի եւ ժողովրդի մոտ տարբեր պատճառներով էկոլոգիական մտածողությունը, բնապահպանական խնդիրների վերաբերյալ գիտակցությունը գտնվում է ցածր մակարդակի վրա, դա էլ հետեւանք է, որ ունենանք մի վիճակ, երբ ցանկացած տեսակի՝ տնտեսական, նույնիսկ կենցաղային գործունեությունը հանգեցնում է էկոլոգիական լուրջ հետեւանքների:

«Չենք կրթել սերունդ որն ունենա էկոլոգիական գիտակցություն: Ըստ էության դա չենք արել ոչ սովետական միության տարիներին, ոչ էլ անկախացումից հետո: Դրա համար էլ որոշում կայացնողների հետաքրքրության շրջանակներից բնապահպանական բաղադրիչը դուրս է»,- ասում է աշխարհագրագետ Լեւոն Գալստյանը:

Հարկավոր է մանկապարտեզից սկսել երեխաների էկոկրթությունը եւ դա պետք է անի պետությունը: Դպրոցականներին հնարավորություն տալ շատ շփվել բնության հետ: Տարբեր խաղերի եւ այլ միջոցներով ծանոթացնել նաեւ հասկացնել, որ մարդու ազդեցությունը բնության վրա պետք է քիչ լինի: «Մեր պետությունը այդ խնդրի վրա խաչ է քաշել, չի զբաղվում: ԶԼՄ-ներով պետք է կարճ ու որակյալ սոցիալական էկոլոգիական հոլովակներ ցուցադրվեն, որոնք ազդեցություն կթողնեն մարդկանց վրա»,- նշում է Լեւոն Գալստյանը:

Ըստ աշխարհագրագետի, էկոխնդիրների վերաբերյալ ժողովրդի կողմից պահանջ եւս չկա, քանի որ նրանք հայտնվել են սոցիալ-կենցաղային այնպիսի ծանր վիճակում, որ բնության խնդիրները առաջնային չեն համարվում: Մարդիկ խնդրին անդրադառնում են միայն այն ժամանակ, երբ հասկանում են, որ դա կարող է ազդեցության ունենալ նաեւ իրենց վրա:

«Ցավոք սրտի ժողովրդի մեծ զանգվածների կողմից բնապահպանական պահանջ չկա: Դրա համար էլ կառավարողները շատ հաճախ այդ ամենը օգտագործում են ի նպաստ իրենց, ասելով՝ 100 կամ 200 հոգի ակտիվիստներով հետաքրքրված եք բնապահպանությամբ, մինչդեռ մեծամասնությանը դա չի հետաքրքրում, ուրեմն խնդիր չկա: Իրականում այդ խնդիրը շատ լուրջ է»,- ասում է Հայկական բնապահպանական ճակատ քաղաքացիական նախաձեռնության անդամը:

Այսօր Հայաստանում ունենք այնպիսի մի վիճակ, որ նույնիսկ տնտեսական գործունեությունը, որ պետք է բնության վրա լուրջ հետեւանքներ չունենա, դարձել է բնության վրա աղետալի ազդեցություն ունեցող գործոն:

Լեւոն Գալստյանը բերում է փոքր ՀԷԿ-երի օրինակը. «Աշխարհում փոքր ՀԷԿ-երը համարվում են վերականգնող էներգետիկա, բնությանը քիչ վնաս հացնող եւ այլն… Բայց մեզ մոտ դրանք այնպիսի անվերահսկելի, ոչ ճիշտ օրենսդրական դաշտում են գործում, որ բերել են գետային էկոհամակարգերի ուղղակի ոչնչացման՝ իր կենսաբազմազանությամբ, ջրային ռեժիմով եւ այլն»:

Աշխարհագրագետը առանձնացրեց բնապահպանական այն հիմնական խնդիրները, որոնք այսօր առկա են Հայաստանում. «Հատկապես մետաղական հանքարդյունահանումը երկարատեւ եւ շատ հաճախ նաեւ անվերջ ազդեցություն է ունենում, թողնելով լուրջ ու անդառնալի հետեւանքներ: Հաջորդը, դա ջրային պաշարների աղտոտումն ու դրանց ոչ ճիշտ օգտագործումն է: Մյուս կարեւորագույն խնդիրը, դա անտառային տարածքների չասեմ ոչնչացումը, բայց իրականում անխնա եւ ոչ ճիշտ մոտեցմամբ ծառահատումներ իրականացնելն է: 4-րդը՝ մեր երկրի աղբի մեջ թաղված լինելու հանգամանքն է»:

21-րդ դարում Հայաստանում միջազգային չափանիշներին համապատասխանող աղբավայր չկա, մեր երկրում աղբի տեսակավորում եւս չի իրականացվում:

Բնապահպանական մի շարք օրենքներ ու ենթաօրենսդրական ակտեր այդպես էլ թղթի վրա կմնան, կյանքի չեն կոչվի այնքան ժամանակ, քանի դեռ որոշում կայացնողների մոտ առաջնային է համարվում միմիայն տնտեսական շահը եւ ներդրումները:

Լեւոն Գալստյանի հետ բնապահպանական, մասնավորապես՝ Ամուլսարի խնդիրների վերաբերյալ հարցազրույցը կհրապարակենք առաջիկայում:

HayNews.am
 
Նմանատիպ նորություններ
Բուժաշխատողների աշխատավարձերի բարձրացման հարցը առաջնային հարցերից է. նախարար
24 Մայիսի 2018 - 18:03
Կառավարության նիստից հետո առողջաահության նախարար Արսեն Թորոսյանը լրագրողների հետ ճեպազրույցում անդրադարձավ դեղերի ներմուծման շուկային: Ըստ նրա` այս ոլորտում մենաշնորհների մասով կզբաղվի ՊԵԿ-ը, իսկ առողջապահության նախարարությունը նոր կարգ կսահմանի դեղերի զուգահեռ ներմուծման համար, երբ նույն դեղը կկարողանան ներմուծել մի քանի ընկերություններ, ինչը թույլ կտա մրցակցային դաշտ և գների իջեցում ապահովել:
«Սասնա ծռերից» Խաչատուր Գիչյանն ազատ չի արձակվի. Միջնորդությունը մերժվեց
24 Մայիսի 2018 - 18:01
Այսօր Երևանի ընդհանուր իրավասության դատարանի Ավան և Նոր Նորքի նստավայրում ընթացող ոստիկանության ՊՊԾ գնդի գրավման գործով դատական նիստում խորհրդակցական սենյակից վերադառնալուց հետո դատավոր Արտուշ Գաբրիելյանը մերժեց ամբաստանյալ Խաչատուր Գիչյանի փաստաբան Մարինե Ֆարմանյանի միջնորդությունը՝ իր պաշտպանյալի խափանման միջոց կալանքը վերացնելու մասին։
Կառավարության շենքի դիմաց բողոքող քաղաքացու հայտարարությունն իրականությանը չի համապատասխանում. Բիչախչյան
24 Մայիսի 2018 - 17:54
ՀՀ կառավարության շենքի դիմաց Մարդու իրավունքների պաշտպանին մոտեցած քաղաքացու հայտարարությունը, որ մինչ այժմ իրեն անձնագիր չեն տրամադրում հաշվառման հասցե չունենալու պատճառով, չի համապատասխանում իրականությանը։
Քննչական կոմիտեն դիմել է ՀՔԾ
24 Մայիսի 2018 - 17:50
ՀՀ Քննչական կոմիտեն դիմում և առաջարկում է ՀՀ Հատուկ քննչական ծառայությանը՝ օրենքով սահմանված կարգով ընթացք տալ ՀՀ կառավարության շենքի մոտ քաղաքացու հնչեցրած այն հայտարարությանը, թե ՔԿ նախագահը կաշառք է պահանջել։ Այս մասին հայտարարություն է տարածել ՀՀ քննչական կոմիտեն:
«Դիլիջան ազգային պարկում» ապօրինի ծառահատումների և անտառամիջյան ապօրինի ճանապարհ բացելու դեպքերի առթիվ հարուցվել են քրեական գործեր
24 Մայիսի 2018 - 17:46
2018 թ. մայիսի 11-ին Տավուշի մարզի դատախազությունից ՀՀ ոստիկանության Տավուշի մարզային վարչության Դիլիջանի բաժին է ուղարկվել «hetq.am» լրատվական կայքում տեղադրված ««Դիլիջան ԱՊ ՊՈԱԿ»-ում ծառեր են հատվել» վերնագրով հրապարակումը՝ ՀՀ քրեական դատավարության օրենսգրքի 180-181-րդ հոդվածներով սահմանված կարգով՝ դրանցում առկա տվյալներն ստուգելու և հետագա ընթացքը լուծելու հանձնարարությամբ:
Դիանա Գրիգորյանը հմայիչ լուսանկար է հրապարակել
24 Մայիսի 2018 - 17:45
Սցենարիստ, հաղորդավարուհի, դերասանուհի Դիանա Գրիգորյանը վերջին շրջանում շատ ակտիվ է սոցցանցերում: Սցենարիսն Instagram-ի իր էջի story հավելվածում նոր լուսանկար է հրապարակել:
ՀՅԴ-ն Ազգային ժողովում նոր պատգամավոր ունի
24 Մայիսի 2018 - 17:44
Հայաստանի Կենտրոնական ընտրական հանձնաժողովն իր արտահերթ նիստում, այսօր՝ մայիսի 24-ին, որոշեց ՀՅԴ պատգամավորի մանդատը վայր դրած Արմեն Բաբայանի փոխարեն պատգամավորական մանդատ տրամադրել ՀՅԴ համամասնական ցուցակում հաջորդ թեկնածուին՝ Սպարտակ Սեյրանյանին:
Թուրքիայում հայկական եկեղեցու շենքը վերածվում է գրադարանի, որը բաց է լինելու 24 ժամ
24 Մայիսի 2018 - 17:43
Թուրքիայում հայկական եկեղեցու շենքը վերածվում է գրադարանի, որը բաց է լինելու 24 ժամ: Կեսարիայում գնտվող Սուրբ Մարիամ եկեղեցին, որը որպես եկեղեցի գործել է մինչև առաջին համաշխարհային պատերազմը, իսկ դրանից հետո օսմանյան կայսրության համար այն ծառայել է որպես ոստիկանութայան, այնուհետև քաղաքապետարանի պահոց, իսկ 1961թ.-ին այն հանձնվել է սպորտի և երիտսարդության նախարարությանը, ու ծառայել է որպես սպորտային կենտրոն:
Մեկ օրում բացահայտվել է հանցագործության 35 դեպք
24 Մայիսի 2018 - 17:42
Ըստ ոստիկանության օպերատիվ հաղորդագրությունների ամփոփագրերի` մայիսի 23-ից 24-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 35 դեպք։
1 | 2 | 3 | 4 | 5 | 6 | 7 | 8 | 11518
 
Լրահոս`
 
 
 
Քննչական կոմիտեն դիմել է ՀՔԾ
Հասարակություն, Քաղաքական
 
 
 
 
 
 
 
 
Սպասվում է անձրև և ամպրոպ
Հասարակություն
 
 
Նիկոլ Փաշինյանի անունից զանգահարել են Մեծ Բրիտանիայի ԱԳՆ ղեկավարին (Տեսանյութ)
Միջազգային, Հասարակություն, Քաղաքական, Տեսանյութեր