Facebook   Twitter
 
Պահանջատերը մենք ենք՝ հայերս, իսկ պահանջը՝ հատուցո՛ւմ և ո՛չ թե ճանաչում. Էդիկ Մինասյան

Պահանջատերը մենք ենք՝ հայերս, իսկ պահանջը՝ հատուցո՛ւմ և ո՛չ թե ճանաչում. Էդիկ Մինասյան

20 Ապրիլի 2017 - 19:55
Ցեղասպանությունից 102 տարի անց էլ մեր նպատակը շարունակում է մնալ պահանջատիրությունը՝ Ցեղասպանության փաստի ոչ այնքան ճանաչումը, որքան հատուցումը, այս մասին այսօր լրագրողների հետ հանդիպման ժամանակ ասաց պատմական գիտությունների դոկտոր-պրոֆեսոր Էդիկ Մինասյանը:
«Մենք այսօր վստահություն չունենք, որ մեր պահանջն իսկույն կկատարվի, ավելին, գուցե այն երբեք չկատարվի, սակայն դա չի նշանակում, որ չպետք է բարձրաձայնենք, օգտագործենք բոլոր պատեհ ու անպատեհ առիթները, բոլոր միջազգային բեմերն ու կոնֆերանսները՝ ևս մեկ անգամ հիշեցնելու, որ մենք պահանջատեր ենք,- նշեց բանախոսն ու հավելեց.- 1.5 միլիոն նահատակներին չենք վերադարձնի, բայց ունեցել ենք նաև տարածքների, ունեցվածքի, մշակութային արժեքների կորուստ: Մենք այդ ամենի հատուցում ենք պահանջում»:

2015-16թթ.-ին Թուրքիան մի քանի փորձ է արել ետ կանչել իր դեսպաններին այն երկրներից, ովքեր ճանաչել են Հայոց Ցեղասպանությունը: Խոսելով Թուրքիայի ժխտողական քաղաքականության մասին, բանախոսը հատկանշական համարեց այն, որ թեև իշխանությունների դիրքորոշումը անփոփոխ է, սակայն թուրք հասարակության մեջ արմատական փոփոխություններ կան՝ հատկապես Հրանտ Դինքի սպանոււթյունից հետո, երբ թուրք երիտասարդները «ՀՐԱՆՏ ԴԻՆՔԸ ՄԵՆՔ ԵՆՔ» կոչերով և պաստառներով ցույցեր էին կազմակերպել Անկարայում:

Էդիկ Մինասյանի խոսքով՝ այսօր էլ շատ թուրք երիտասարդներ, քաղաքական մի շարք գործիչներ շարունակում են իրենց, գուցե և թաքնված, բայց հակաժխտողական քաղաքականությունը, ինչի պատճառով էլ ոմանք ենթարկվում են ազատազրկման և այլ դաժանությունների:

«Վերջերս ես եղա Մուշում, որտեղ թուրք, գուցե և ծպտված, թրքացած հայ երեխաներին հայերեն էին սովորեցնում, ինչ-որ տեղ դա արվում է գաղտնի: Մեր ամենակարևոր խնդիրն այսօր քրդերի հետ համագործակցություն, հարաբերություններ ձևավորելն է: Իսլամացած հայության թիվը միլիոնների է հասնում, այդ ուղղությամբ աշխատել է պետք»,- HayNews.am-ի հարցին, թե ճշմարտությունը թուրք երիտասարդությանը և առհասարակ հասարակությանը հասցնելու համար ինչ քայլեր են արվում նշեց Էդիկ Մինասյանը:

27 երկիր ընդունել է Հայոց ցեղասպանության փաստը, դատապարտել Թուրքիայի ժխտողական քաղաքականությունը, կոչ արել վերջինիս ընդունել իր մեղքը: ԱՄՆ-ի շուրջ 46 նահանգներ ևս ճանաչել են 1915թ.-ի դեպքերը որպես Ցեղասպանություն, ինչը սակայն չի արել Սենատը:

Արդյո՞ք մենք նորից սպասում ենք մեր «մեծ եղբոր»՝ Ռուսաստանի օգնությանը Հայոց Ցեղասպանության ընդունման գործընթացում HayNews-ի հարցին ի պատասխան Մինասյանը նշեց.

«ՌԴ-ի պետդուման օրենսդրորեն դատապարտել է 1915թ.-ի դեպքերը, հայրենազրկում տերմինը ևս կիրառվել է: Հատկանշական է նաև, որ Ռուսաստանը 2015թ.-ին վերահաստատեց իր դիրքորոշումը: Թուրքիայի հետ հարաբերությունները կարծես լարվել էին և մենք ուրախացանք, թե դա օգուտ կտա մեզ, այնինչ ամեն բան հարթվեց և նորից մեղրամսի իրավիճակ ստեղծվեց երկու երկրների միջև:

ՌԴ-Թուրքիա հարաբերությունները կայուն չեն, բայց դրանց վատթարացման ակնկալիքով սպասել Ռուսաստանի, միմիայն նրա աջակցությանը, պետք չէ: Մենք չպետք է ապավինենք ոչ ոքի օգնությանը, մենք ունենք բոլոր ռեսուրսները, որ ամենուր հնչեցնենք միմիայն հատուցման արդարացի պահանջը»:


Անուշ Կրկյաշարյան
 
Նմանատիպ նորություններ
ՀՀ քաղաքացին «գրին քարտ» է շահել, այն ստանալու համար իր անունով ատեստատ է պատրաստել և ներկայացրել դեսպանատուն. գործը դատարանում է
24 Հուլիսի 2017 - 23:00
ՀՀ քաղաքացի Աշոտ Ստեփանյանը «գրին քարտ» է շահել,սակայն դրանից հետո պահանջվող փաստաթղթերից չունենալով միջնակարգ կրթության վկայական, ինքն է պատրաստել փաստաթուղթ ու ներկայացրել դեսպանատուն:
Photo. Հմայիչ Մարինկա Խաչատրյանը կարճ շորտով լուսանկար է հրապարակել
24 Հուլիսի 2017 - 22:00
Հմայիչ դերասանուհի Մարինկա Խաչատրյանը ինստագրամի իր էջում նոր լուսանկար է հրապարակել, որը ներկայացնում ենք Ձեր ուշադրությանը:
Զինհաշմանդամների առողջության վերականգնման հետ կապված խնդիրները լինելու են մեր ուշադրության կենտրոնում. Վիգեն Սարգսյան
24 Հուլիսի 2017 - 21:59
Հուլիսի 24-ին ՀՀ պաշտպանության նախարար Վիգեն Սարգսյանը հանդիպել է Մ. Հերացու անվան պետական բժշկական համալսարանի «Հերացի» թիվ 1 համալսարանական հիվանդանոցում «Զինվորական հաշմանդամների վերականգնողական կենտրոնի» ստեղծման նախաձեռնող խմբի անդամներին և կենտրոնում ապաքինվող զինհաշմանդամների։

Արտակարգ դեպք Երևան-Չարենցավան ավտոճանապարհին. երթևեկությունը գրեթե կաթվածահար է եղել
24 Հուլիսի 2017 - 18:38
Այսօր՝ հուլիսի 24-ին, ժամը 17:00-ի սահմաններում ավտովթար է տեղի ունեցել Երևան-Չարենցավան ավտոճանապարհի Արզնի գյուղի տարածքում:
Հայաստանի կիոկուշին կարատեի ֆեդերացիան հավաք է անցկացնում Ծաղկաձորում
24 Հուլիսի 2017 - 18:12
Հուլիսի 21-ից 27-ը Հայաստանի կիոկուշին կարատեի ֆեդերացիան (նախագահ Անդրանիկ Հակոբյան), ամենամյա ամառային ուսումնամարզական հավաքը է անցկացնում Ծաղկաձորում:
Ռուսաստանում թոշակառուն վայր է ընկել երրորդ հարկից՝ պատշգամբի փլուզման պատճառով
24 Հուլիսի 2017 - 18:07
Ռուսաստանի Դաշնության Սարատովի մարզի Էնգելս քաղաքում փլուզվել է բնակելի տան պատշգամբը, որում թոշակառու է եղել:
Ինչպես է նշել իր 40-ամյակը Լուիզա Ներսիսյանը (լուսանկարներ)
24 Հուլիսի 2017 - 17:40
Երեկ՝ հուլիսի 23-ին, լրացավ Լուիզա Ներսիսյանի ծննդյան 40-ամյակը, որը դերասանուհին ընկերների հետ միասին նշեց երևանյան ժամանցի վայրերից մեկում:
Բացահայտվել է Երևանում 3 անձի դանակահարությունը
24 Հուլիսի 2017 - 17:37
ՀՀ քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժնում քննվող քրեական գործով բացահայտվել է 3 անձի դանակահարությունը։ Մեղադրանք է առաջադրվել է 1 անձի:
Եթովպիայում փիղը ժանիքով խոցել է իսպանացի զբոսաշրջիկին
24 Հուլիսի 2017 - 17:34
Եթովպիայի հարավում գտնվող Չեբերա Չարչարա պարկում փիղը սպանել է իսպանացի զբոսաշրջիկին: Այս մասին հայտնում է Ezega-ն:
1 | 2 | 3 | 4 | 5 | 6 | 7 | 8 | 8993
 
Լրահոս`