Facebook   Twitter
 
Հայրենասիությունը չի սահմանափակվում մեկ առարկայով. Լ. Մկրտչյան

Հայրենասիությունը չի սահմանափակվում մեկ առարկայով. Լ. Մկրտչյան

21 Ապրիլի 2017 - 12:14
Երևանի Կ. Դեմիրճյանի անվան մարզահամերգային համալիրում շարունակվել է ռազմակրթական ոլորտի հիմնախնդիրներին նվիրված «Ազգ-բանակ 2017» խորագրով համաժողովը: Բացման պաշտոնական արարղությունից հետո տեղի է ունեցել քննարկում՝ «Ռազմական կրթության հնարավորություններն ու հեռանկարները ՀՀ-ում» թեմայով, որի ընթացքում ՀՀ ԿԳ նախարար Լևոն Մկրտչյանը պատասխանել է քննարկման մասնակիցների հարցերին:
Նախարարը մասնավորապես անդրադարձել է «Ռազմագիտություն» առարկայի ուսուցման արդյունավետթյան բարձրացման ուղղությամբ նախատեսվող քայլերին, դրանից բխող կրթական ծրագրերում և չափորոշիչներում հնարավոր փոփոխություններին.

«Ռազմահայրենասիրական դաստիարակությունը բազմաշերտ գործընթաց է, որը չի սկսվում և ավարտվում դպրոցում կամ չի սահմանափակվում մեկ առարկայով: Այն փոխանցվում է ոչ միայն ռազմագիտության, այլ բոլոր առարկաների միջոցով և միջառարկայական կապերի ակտիվ փոխգործակցությամբ: Այս գործընթացում յուրաքանչյուրն ունի իր ուրույն դերակատարումը: Հայրենասիությունը բացարձակ արժեք է, որն ընդգրկում է բոլոր ոլորտները»,- ընդգծել է Լևոն Մկրտչյանը :

ՀՀ ԿԳ նախարարի տեղակալ Դավիթ Սահակյանը ներկայացրել է նախարարության կողմից 2016 թվականին մշակված և շրջանառության մեջ դրված «Սովորողների ռազմահայրենասիրական դաստիարակության» հայեցակարգը, որի նպատակն է նպաստել ՀՀ պաշտպանության ամրապնդմանը և կատարելագործմանը, խաղաղության ապահովմանը, քաղաքացիական հասարակության կայացմանը, հայրենիքի պաշտպանությանը հոգեպես և ֆիզիկապես պատրաստ քաղաքացու ձևավորմանը:

«Աճող սերնդի մոտ ինչպես հայրենիքի վերաբերյալ պատկերացումների, հայրենասիրական գաղափարների և նվիրվածության, այնպես էլ ընտանիքի, դպրոցի, համայնքի, քաղաքի, պետության և ազգի հանդեպ իր պարտքը կատարելու պատրաստակամության ձևավորումը, ինչպես նաև սփյուռքի հայկական ուսումնական հաստատությունների հզորացումը մեր գլխավոր խնդիրներն են»,- նշել է ԿԳ նախարարի տեղակալը: Դ. Սահակյանի խոսքով՝ ՀՀ ԿԳ նախարարության գործունեությունը «Նախնական զինվորական պատրաստության» ոլորտում հիմնականում ուղղված է եղել ոլորտի բարելավմանը, ուսումնական ծրագրերի և ռազմահայրենասիրական դաստիարակությանն ուղղված աշխատանքների ակտիվացմանը:

Մշակման փուլում է ուսումնական հաստատությունների զինվորական ղեկավարների (ՆԶՊ ուսուցիչների) թափուր տեղի համար անցկացվող մրցույթի նոր կարգը:

Նախնական զինվորական պատրաստության ծրագրին աջակցություն են բերում նաև արտադպրոցական կրթադաստիարակչական ուսումնական հաստատությունները, մասնավորապես ՀՀ ԿԳՆ ենթակայության հրաձգության հանրապետական մարզադպրոցը: «ԿԳ նախարարության գործունեությունը «Նախնական զինվորական պատրաստության» ոլորտում հիմնականում ուղղված է եղել ոլորտի բարելավմանը, ուսումնական ծրագրերի և ռազմահայրենասիրական դաստիարակությանն ուղղված աշխատանքների ակտիվացմանը: Աշխատանքներ են տարվում ոլորտը կարգավորող իրավական ակտերի արդիականացման ուղղությամբ»,- նշել է Դ. Սահակյանը:
Քննարկման ժամանակ ցուցադրվել է նաև տեսաֆիլմ՝ դպրոցներում Նախնական զինվորական պատրաստություն առարկայի դասավանդման փորձի մասին :

Նշենք, որ «Ազգ-բանակ 2017» համաժողովի շրջանակում մարզահամերգային համալիրի տարածքում, մինչև ապրիլի 23-ը գործելու է ցուցահանդես, որտեղ կրթական ոլորտի մի շարք առաջատար հաստատություններ ներկայացնելու են կրթական ծրագրերը և արձանագրած հաջողությունները:

HayNews.am
 
Նմանատիպ նորություններ
Շուշան Պետրոսյանն ամուսնալուծվել է
20 Մայիսի 2018 - 21:20
Վերջին շրջանում հանրության ուշադրության կենտրոնում է երգչուհի, ԱԺ պատգամավոր Շուշան Պետրոսյանը, եւ նրա անձնական կյանքը։
Պաղեստինի նախագահը հիվանդանոցում է
20 Մայիսի 2018 - 21:15
Պաղեստինի նախագահ Մահմուդ Աբբասն ականջի վիրահատությունից հետո առաջացած բարդությունների պատճառով տեղափոխվել է հիվանդանոց, հաղորդում է «ՌԻԱ Նովոստի»-ն՝ վկայակոչելով իսրայելական «Կան» ռադիոկայանը:
Նիկոլ Փաշինյանը տիկնոջ հետ՝ Գրետա մայրիկի հոգեհանգստի արարողությանը (Տեսանյութ)
20 Մայիսի 2018 - 21:15
Այսօր ժամը 17-ից սկսվել է սպարապետ Վազգեն Սարգսյանի մոր՝ Գրետա Սարգսյանի հոգեհանգստի արարողությունը:
Արցախում զինծառայող է զոհվել
20 Մայիսի 2018 - 21:08
Մայիսի 20-ին` ժամը 11:00-ի սահմաններում, ՊԲ արևելյան ուղղությամբ տեղակայված զորամասերից մեկի պահպանության տեղամասում, դեռևս չպարզված հանգամանքներում, մահացու հրազենային վիրավորում է ստացել ՊԲ զինծառայող, 1999թ. ծնված Համլետ Նորայրի Գրիգորյանը:
Հանդիպում-զրույց Սփյուռքի նախարար Մխիթար Հայրապետյանի հետ (Տեսանյութ)
20 Մայիսի 2018 - 21:05
Սփյուռքի նախարար Մխիթար Հայրապետյանի հետ LOFT-ում հանդիպում-զրույց է ընթանում։
20-ամյա աղջիկը հատել է Դավիթաշեն կամրջի վտանգավոր եզրագիծը եւ սպառնում է ցած նետվել. Ինքնասպանությունը կանխվել է
20 Մայիսի 2018 - 21:00
Հայաստանի ԱԻՆ-ում, այսօր՝ մայիսի 20-ին, ժամը 18:58-ին «911» ծառայությանն ահազանգ է ստացվել, որ Երեւան քաղաքի Դավթաշենի կամրջի ստորին հատվածում նկատվում է քաղաքացի, ով ցանկանում է ինքնասպանության փորձ կատարել:
1 | 2 | 3 | 4 | 5 | 6 | 7 | 8 | 11421
 
Լրահոս`
 
 
 
 
 
 
 
 
 
 
 
 
 
 
 
 
 
ԱՄՆ-ում կատվառյուծը հոշոտել է հեծանվորդին
Միջազգային, Հասարակություն