Facebook   Twitter
 
Մեկնարկել է ԱՊՀ երկրների միջազգային բակալավրիատի դպրոցների ասոցիացիայի 11-րդ ամենամյա համաժողովը

Մեկնարկել է ԱՊՀ երկրների միջազգային բակալավրիատի դպրոցների ասոցիացիայի 11-րդ ամենամյա համաժողովը

21 Ապրիլի 2017 - 15:12
Երևանի «Էլիտ Պլազա» բիզնես կենտրոնում այսօր մեկնարկել է ԱՊՀ երկրների միջազգային բակալավրիատի դպրոցների ասոցիացիայի 11-րդ ամենամյա համաժողովը, որին մասնակցել են մի շարք երկրների շուրջ 250 պատվիրակ, Միջազգային բակալավրիատ և Ռաունդ Սքվեր կազմակերպությունների համաշխարհային գրասենյակների, պետական գերատեսչությունների ներկայացուցիչներ, ուսհաստատությունների ղեկավարներ:
Համաժողովի մասնակիցներին իր ողջույնի խոսքն է հղել ՀՀ վարչապետ Կարեն Կարապետյանը, որում, մասնավորապես, ասված էր. «Կրթության համակարգի զարգացումը և կատարելագործումը համարվում է ՀՀ կառավարության հիմնական գերակայություններից մեկը: Այս գործընթացում կարևոր է ժամանակակից պահանջներին համապատասախան կրթական ծրագրերի և բարձր որակավորում ունեցող մասնագետների դերը: Վստահ եմ, որ այս համաժողովը կդառնա կրթական խնդիրների և դրանց լուծմանն ուղղված քննարկումների արդյունավետ հարթակ, նոր խթան կհանդիսանա Հայաստանի կրթության ոլորտի հաջող զարգացման համար, ինչպես նաև կստեղծի հիմքեր` տարբեր երկրների դպրոցների, ուսուցիչների և սովորողների միջև հետագա արդյունավետ համագործակցության համար»:

Համաժողովին բացման խոսքով հանդես է եկել ՀՀ կրթության և գիտության նախարար Լևոն Մկրտչյանը, ով շնորհակալություն է հայտնել համաժողովի կազմակերպիչներին՝ Երևանը միջոցառման անցկացման վայր ընտրելու համար: «Կարծում եմ, որ Երևանի ընտրությունը կապված է նաև այն որոշակի արդյունքի հետ, որ ունենք Հայաստանում գործող մեր դպրոցում: Այս կապակցությումբ շնորհակալություն եմ հայտնում Շիրակացու ճեմարանին՝ ոչ միայն Միջազգային բակալավրիատի ծրագրի հաջող փորձարկման, այլ նաև կրթական մեծ տարածքներում աշխատելու համար: Մենք չէինք կարող ունենալ կրթագիտական հաջողություններ, եթե ինտեգրված չլինեինք Խորհրդային Միության կրթական հզոր տարածքին: Այսօր Հայաստանը կրթական առումով ակտիվ աշխատում է երկու ուղղությամբ՝ նախկին խորհրդային երկրների հետ՝ ինտեգրվելով թե տարածաշրջանային կառույցներում և գիտակրթական համակարգերում, թե ԵՄ-ի հետ: Մենք համարյա բոլոր եվրոպական կրթական ծրագրերի ակտիվ մասնակիցն ու ներկայացուցիչն ենք: Այս իմաստով Միջազգային բակալավրիատը մեծ դեր է խաղում աշխարհում՝ ազգային կրթական համակարգերը միավորելու, միջազգային չափորոշիչներին համապատասխան միջին մակարդակի համաշխարհային կրթական ձևաչափ ստեղծելու ուղղությամբ: Հայաստանում այս ձևաչափով գործում են մի քանի դպրոցներ, ունենք միջազգային ներկայացվածություն և մենք ողջունում ենք այս քաղաքականությունը, քանի որ ՀՀ կրթական համակարգը բաց հարթակ է: Մեր երկրի բարձրագույն կրթական համակարգում աշխատում են ինչպես միջպետական համաձայնագրով, այնպես էլ անհատական-կազմակերպական նախաձեռնություններով ստեղծված միջազգային համալսարաններ, մասնավոր համալսարանների մի ամբողջ համախումբ, և նաև այս գործունեությունը տեղափոխված է հանրակրթության համակարգ: Հատկապես ավագ դպրոցում ներկայումս տեղի են ունենում լուրջ փոփոխություններ Հայաստանում, և Միջազգային բակալավրիատի փորձը շատ կարևոր է մեզ համար՝ հատկապես ավագ դպրոցի առաքելության, ուսումնական պլանների, ծանրաբեռնվածության բեռնաթափման առումով: Այն խնդիրները, որ դնում է Միջազգային բակալավրիատն իր առջև, իսկապես համահունչ է 21-րդ դարի պահանջներին: Դրանով է պայմանավորված նաև վերջինիս մեծ ներկայացվածությունը ողջ աշխարհում»,-նշել է նախարարը:

Նշենք, որ հայկական կողմից համաժողովի կազմակերպչական ապահովումն իրականացնելու է «Շիրակացու ճեմարան» միջազգային գիտակրթական համալիրը, որը տարածաշրջանում ասոցիացիայի միակ անդամն է:

Համաժողովի շրջանակներում կքննարկվեն կրթության ոլորտում արդյունավետ համագործակցության ուղղություններն աշխարհում, ինչպես նաև կրթական հաստատություններում նոր մանկավարժական մեթոդաբանության և միջազգային կրթական չափորոշիչների՝ ներդնելու հնարավորությունները: Համաժողովի ընթացքում կներկայացվեն Միջազգային բակալավրիատի ծրագրի առանձնահատկությունները, ինչպես նաև կանցկացվեն հետաքրքիր, բազմաշերտ սեկցիաներ, սեմինարներ և կլոր սեղաններ:

HayNews.am
 
Նմանատիպ նորություններ
Ես իմ երեխային կասկածելի պատվաստանյութով չեմ պատվաստի, ուրիշին էլ խորհուրդ չեմ տա. բժիշկը՝ գարդասիլի մասին
22 Նոյեմբերի 2017 - 11:15
Հայ հասարակությունում լուրջ վիճաբանություն է սկսվել մարդու պապիլոմավիրուսի դեմ պատվաստման հարցով: Հիշեցնենք, որ Հայաստանի առողջապահության նախարարությունը ծրագրում է դեկտեմբերից սկսել 13-ամյա աղջիկներին պատվաստել գարդասիլ պատվաստանյութով, որը հանրապետությանը տրամադրելու է հայտնի GAVI հիմնադրամը:
Ճապոնիայում հանձնաժողովը կքննարկի կայսեր հրաժարականի հարցերը
22 Նոյեմբերի 2017 - 11:10
Կայսերական ընտանիքի հարցերով հանձնաժողովը, որը պետք է քննարկի Ակիհիտո կայսեր հրաժարականի հետ կապված հարցերը, կգումարվի դեկտեմբերի 1-ին, արահերթ հրավիրված մամուլի ասուլիսում լրագրողներին հայտնել է Ճապոնիայի կառավարության քարտուղար Յոսիհիդե Սուգան, փոխանցում է «ՌԻԱ Նովոստի»-ն:
Կանխվել է մաքսային կանոնների խախտմամբ զգալի քանակությամբ դեղորայքի ներկրման 2 փորձ. ՊԵԿ
22 Նոյեմբերի 2017 - 11:03
Օրերս ՀՀ ԿԱ պետական եկամուտների կոմիտեն հերթական անգամ կանխել է մաքսային կանոնների խախտմամբ զգալի քանակությամբ դեղորայքի ներկրման երկու փորձ, տեղեկացնում է ՀՀ ԿԱ ՊԵԿ տեղեկատվության և հասարակայնության հետ կապերի բաժինը:
Մեքսիկացի TV մագնատի վրա պատահաբար կրակել է սեփական թիկնապահը
22 Նոյեմբերի 2017 - 11:00
Մեքսիկայի եւ Լատինական Ամերիկայի հեռուստատեսային խոշորագույն ցանցերից մեկի՝ Televisa-ի մեջ մտնող հեռահաղորդակցության Izzi Telecom ընկերության ղեկավար Ադոլֆո Լագոս Էսպինոսայի վրա սեփական թիկնապահը կրակել է կողոպուտին խոչընդոտելու փորձի ժամանակ: Այս մասին հայտնել է Մեխիկո նահանգի դատախազ Ալեխանդրո Գոմեսը, փախանցում է «ՌԻԱ Նովոստի»-ն:
Նոյեմբերի 21-ին մայրաքաղաքում ծնվել է 76 երեխա
22 Նոյեմբերի 2017 - 10:53
Երևանի քաղաքապետարանի աշխատակազմի առողջապահության վարչությունից հայտնում են, որ նոյեմբերի 21-ին մայրաքաղաքում ծնվել է 76 երեխա՝ 44 տղա, 32 աղջիկ:
Ստեփանծմինդա-Լարս ավտոճանապարհը ծանրաքաշ մեքենաների համար փակ է
22 Նոյեմբերի 2017 - 10:39
Վրաստանի ենթակառուցվածքների նախարարության ճանապարհային դեպարտամենտից ՀՀ տրանսպորտի, կապի և տեղեկատվական տեխնոլոգիաների նախարարությանը տեղեկացնում են, որ Ստեփանծմինդա - Լարս ավտոճանապարհը նոյեմբերի 22-ին՝ ժամը 10:00-ի դրությամբ, բաց է միայն թեթև մարդատար ավտոմեքենաների համար:
Առավոտյան աշխատանքի էի գնում, երբ ավտոբուս բարձրացավ ձեռնափայտով մի տարեց տղամարդ․ Վարորդի արարքը իսկապես հարգանքի է արժանի
22 Նոյեմբերի 2017 - 10:30
Առավոտյան գնում էի ավտոբուսով աշխատանքի, եթե անկեղծ շատ վատ տրամարդություն ունեի և կարծես արդեն առավոտյան հոգնած լինեի։ Այդ ամենի հետ մեկտեղ ուշանում էի աշխատանքից։ 2-րդ կանգառում ավտոբուս բարձրացավ մի ձեռնափայտով տարեց տղամարդ։ Նա հանեց գրպանից մետաղդրամները և սկսեց հաշվել դրանք։
Ավտոմեքենան ընկել է ջրանցքը. նախնական տվյալներով՝ կա 5 տուժած
22 Նոյեմբերի 2017 - 10:25
Հայաստանի ԱԻՆ-ում, այսօր՝ նոյեմբերի 22-ին, ժամը 07:53-ին տեղեկություն է ստացվել, որ Երևան-Երասխ ավտոճանապարհին տեղի է ունեցել ավտոթվար. «Honda Elysion» մակնիշի ավտոմեքենան դուրս է եկել ճանապարհի երթևեկելի հատվածից, շրջվել և հայտնվել ջրանցքում. անհրաժեշտ է փրկարարների օգնությունը:
1 | 2 | 3 | 4 | 5 | 6 | 7 | 8 | 10264
 
Լրահոս`