Facebook   Twitter
 
Նոր ԱԺ-ի ձեւավորման վերջին պատասխանատու քայլը

Նոր ԱԺ-ի ձեւավորման վերջին պատասխանատու քայլը

02 Մայիսի 2017 - 11:32
Ապրիլի 2-ին կայացած ԱԺ ընտրություներին հաջորդող գործընթացի ավարտը ազդարարվեց Սահմանադրական դատարանում՝ անփոփոխ թողնելով ԿԸՀ-ի որոշումը: Մեր երկրի հերթական 6-րդ գումարման խոհրդարանը, որ կունենա 105 պատգամավոր, առաջին նիստը կգումարի մայիսի 18-ին:
Ովքեր կլինեն այդ 105 երջանիկները, դեռ հստակ չէ, առայժմ միայն ազգային փոքրամասնությունների հասանելիք 4 տեղերն են ամրագրված եւ մի քանի կուսակցական ղեկավարներ, մյուսները կորոշվեն մինչեւ մայիսի 15-16-ը:

Առաջիկա խորհրդարանում ամենամեծ խմբակցությունը՝ 58 պատգամավորով կլինի ՀՀԿ-ն (3-ը ՝ազգային փոքրամասնություններից): Մյուս 55 պատգամավորի ընտրությունը կկատարի անձամբ ՀՀ նախագահ Սերժ Սարգսյանը, առավել եւս, որ վերջինս շատ լավ տիրապետում է իր կուսակցության հաղթական պատկերին, ուստի լրջագույն ուսումնասիրության արդյունքում կընտրի այն լավագույններին, որոնց հետ էլ կշարունակի աշխատել, բարեփոխված սահմանադության պայմաններում: ՀՀԿ-ի կողմից խորհրդարան կանցնեն առաջին հերթին այն անհատները, ովքեր այս տարիներին ապացուցել են իրենց նվիրվածությունը, տարբեր իրավիճակներում այս ու այն խաղերի մեջ չեն մտել կամ հայտնվել, ովքեր ՀՀԿ-ի թե′ համապետական, թե′ ռեյտինգային ընտրացուցակում այդքան էլ շատ չեն, ուստի ՀՀԿ ղեկավարը կանգնելու է լուրջ ընտրության առաջ:

ՀՀԿ-ն լինելով մեծամասնություն կընտրի ԱԺ նախագահին, փոխնախագահներին եւ հանձնաժողովների նախագահներին, նրանց թեկնածությունը եւս կներկայացնի Սերժ Սարգսյանը: Որքան էլ այս օրերին, որոշ լրատվամիջոցներով շրջանառության մեջ դրվում այս ու այն անձանց անունները, միեւնույն է Սարգսյանն ունի իր դիրքորոշումը, որը հասարակության կներկայացնի Երեւան քաղաքի ավագանու ընտրություններից անմիջապես հետո: Լինելով գործի մարդ Սերժ Սարգսյանը լավ գիտի իր թիմի յուրաքանչյուր անդամի կարողությունն ու նվիրվածության աստիճանը:

Նոր խորհրդարանի 2-րդ ուժը՝ Գագիկ Ծառուկյանի ղեկավարած ուժն է՝ 31 պատգամավորով: Առայժմ հայտնի են նրանցին 2-ը Գագիկ Ծառուկյանն ու ազգային փոքրամասնության մեկ ներկայացուցիչ: Այս դաշինքի հաղթանակը պայմանավորված է միմիայն Գագիկ Ծառուկյան անձով եւ նրա ֆինանսներով, հենց վերջինս էլ կկազմի ցուցակն ու կբաշխի մանդատները: Քանի որ Ծառուկյանը արդեն իսկ հայտրարել է, որ լինելու է ընդդիմություն, բնականաբար, ԱԺ-ում կունենա փոխխոսնակի մեկ պաշտոն եւ շուրջ 3 հանձնաժողովի ղեկավար, ովքեր կլինեն դրանք այստեղ եւս որոշողը Ծառուկյանն է: Նա եւս կփորձի միմիայն իրեն հավատարիմ անձանց ներգարվվել պատասխանատու պաշտոններում, հետագայում զերծ մնալ որեւէ անակնկալներից, չի բացառվում, որ այդ պաշտոններում կընդրկի իր երկու փեսաներին:

3-րդ քաղաքական ուժը ԵԼՔ դաշինքն է, որտեղ կարծես թե ընդհանուր առմամբ, որոշված է թե ովքեր կգնան խորհրդարան: Այստեղ ինտրիգայինը շարունակում է մնալ խմբակցության ղեկավարի հարցը, ամենայն հավանականությամբ դա կլինի Մարուքյանը, հակառակ պարագայում հենց այդ հարցով էլ մեկնարկ կտվի այս դաշինքի հակասություններին…

Խորհրդարանի վերջին՝ 4-րդ ուժը ՀՅԴ է, այստեղ եւս հստակեցումների փուլում են, ովքեր կլինեն պատգամավոր պարզ կլինի ՀՀԿ-ի հետ համագործակցության հուշագիր ստորագրելուց հետո միայն, հաշվի առնելով թե նախարարական ինչ պորտֆելներ բաժին կհասնի նրանց: Այստեղ միակ հստակությունը՝ Արմեն Ռոստամյանի խմբակցության ղեկավար լինելն է:

Նոր սահմանադրության «առավելություններից» մեկն էլ այն է, որ ընտրություններից անգամ 1 ամիս հետո պարզ չէ, թե ով որտեղ կլինի:

Բոլորը հույսով սպասում են…

HayNews.am
 
Նմանատիպ նորություններ
Հայ ազգային կոնգրեսը «իր անվերապահ աջակցությունն է հայտնում խաղաղ ճանապարհով պայքարող ժողովրդին»
22 Ապրիլի 2018 - 22:08
Ընդդիմադիր Հայ ազգային կոնգրեսը հայտարարություն է տարածել, իր անվերապահ աջակցությունը հայտնելով ցուցարարներին:
Հանրահավաքն ավարտվեց. գործողությունները կշարունակվեն վաղն առավոտյան
22 Ապրիլի 2018 - 22:02
Հանրապետության հրապարակում ժամը 19:00-ից մեկնարկած հանրահավաքն ավարտվեց: Նախատեսվում է գործողությունները շարունակվել վաղն առավոտյան՝ ժամը 8:15-ից:
«Ժամը 10-ից հետո ոչ ոք փողոցում չի մնում». Ռուբեն Ռուբինյան
22 Ապրիլի 2018 - 21:37
«Քաղաքացիական պայմանագիր» կուսակցության խոսնակ Ռուբեն Ռուբինյանը Հանրապետության հրապարակում հավաքված քաղաքացիներին կոչ արեց ժամը 22:00-ից հետո չմնալ փողոցներում:
Ալաշկերտը ոչ-ոքի խաղաց, Բանանցը հաղթեց և շրջանցեց գործող չեմպիոնին (Տեսանյութ)
22 Ապրիլի 2018 - 21:22
Հայաստանի Բարձրագույն խմբի առաջնության 24-րդ տուրում կայացան 2 հանդիպումներ:
Եկեք հիշենք մեր զինվորներին, ովքեր կարող են հարցնել. լավ, այս ի՞նչ են անում, իսկ մենք այստեղ ո՞ւմ ենք պաշտպանում. Կարեն Կարապետյան
22 Ապրիլի 2018 - 21:16
ՀՀ առաջին փոխվարչապետ Կարեն Կարապետյանի համոզմամբ՝ որևէ զարգացած երկրում ոստիկանությունն այնքան համբերատար չի եղել, որքան Հայաստանում:
ՀՅԴ-ն ջահերով երթ է անելու, բայց կոչ է անում ցուցաբերել փոխըմբռնում
22 Ապրիլի 2018 - 21:12
ՀՅԴ Հայաստանի երիտասարդական և «Նիկոլ Աղբալյան» ուսանողական միությունները հայտարարում են ապրիլի 23-ին, ժամը 19:00-ին ավանդական ջահերով երթ իրականացնելու մասին՝ ի հիշատակ Հայոց ցեղասպանության անմեղ զոհերի:
ՀՀ հրապարակում ելույթ է ունենում Նիկոլ Փաշինյանի կինը՝ Աննա Հակոբյանը
22 Ապրիլի 2018 - 21:03
Նա նշեց, թե ինչու խոսք չտվեցին Զարուհի Փոստանջյանին, քանի որ նա հայտարարել էր, որ Նիկոլ Փաշինյանը «ծախված է»: Նա կոչ է անում չշեղվել ճանապարհից և քայլել նախնական պլանով:
1 | 2 | 3 | 4 | 5 | 6 | 7 | 8 | 12515
 
Լրահոս`