Facebook   Twitter
 
Պարոնայք պատասխանատուներ, զսպե´ք Ալոյան տեսակի ախորժակը

Պարոնայք պատասխանատուներ, զսպե´ք Ալոյան տեսակի ախորժակը

12 Մայիսի 2017 - 18:49
Ոչ միայն Հայաստանի այլ նաեւ նախկին ԽՍՀՄ-ի, իսկ այսօր արդեն աշխարհին ներկայանալու թիվ մեկ ըմպելիքը՝ Ջերմուկի հանքային ջուրն է, մինչդեռ զբոսաշրջության կենտրոններից համարվող համանուն քաղաքի ապագան ոչ միայն պատված է թանձր մշուշով, այլեւ կարող ենք փաստել՝ ծայրաստիճան վտանգված է: Վտանգված է նաեւ մերձակա համայնքների զարգացման հեռանկարը: Կասկածելի պայմաններում ընդունված որոշմամբ, առանց լուրջ բնապահպանական անվտանգության երաշխիքների, առանց տեղաբնակների անվտանգության, սկսվեցին Ամուլսարի ոսկու հանքի ուսումնասիրությունները եւ ինչ-ինչ շինաշխատանքներ:
Ցավալին այն է, որ այդ ամենը կազմակերպում եւ իրականացնում է օֆշորում գրանցված, իբրեւ թե միջազգային ճանաչում ունեցող Լիդիան Արմենիա ընկերությունը, որը շատ կարճ ժամանակում ապացուցեց որ թքած ունի եւ արհամարում է ոչ միայն Հայաստանի քաղաքացուն, այլ հենց պետությանը, քանի որ այն գործելաոճը, որը որդեգրել է այս կազմակերպությունը, հեռու է միջազգային չափանիշներից:

Առաջիկայում մենք կանդրադառնանք Լիդիան Արմենիայի տնօրեն Հայկ Ալոյանին: Պարզապես առայժմ մեր զարմանքն ենք արտահայտում, որ նա այսուհետ պետք է ղեկավարի Հայստանի հանքագործների եւ մետալուրգների միությունը: Ի վերջո, ամոթն էլ լավ բան է, մեր երկրում ինչպե՞ս եւ ինչո՞ւ պետք է ճանաչված եւ ընդունված Մաքսիմ Հակոբյանին փոխարինի մեկը, ում ոչ միայն հաշված թվով մարդիկ են ճանաչում, այլեւ բարեգործության անվան տակ, իր էժանագին քայլերով մասնակցում է մեր երկրի կործանմանը: Քանի որ մեր ուշադրության կենտրոնում է Ջերմուկի, Գնդեվազի եւ մյուս բնակավայրերի բնակիչներին մտահոգող բնապահպանական եւ իրենց առողջությունը վտանգող խնդիրները, մենք հաճախ տեղերից կներկայացնենք այն լարված եւ պայթյունավտանգ իրավիճակը, որ առկա է: Կարիք չկա մի քանի պատվիրված նյութերով մոլորեցնել հասարակությանը, իբրեւ թե Լիդիան Արմենիան տարածաշրջանում բարեգործությամբ է զբաղված:

Նախ փորձ արվեց մի քանի լումա ներդնելով խմորեղենի փոքրիկ արտադրամասը ներկայացնել իբրեւ թե բարեգործություն, հետո էլ անընդհատ թմկահարել թե իբր արդեն իսկ հազարավոր աշխատատեղեր են ստեղծվել, իսկ վերջերս էլ այդ կազմակերպության աշխատակիցներից մեկը ի լուր հայտարարեց. «Լիդիան Արմենիան տարածաշրջանում ոչ ավել, ոչ պակաս խթանել է ծնելիությանը»: Հետաքրքրիր է 3 ամսում, այդ ինչպես է ավելացրել ծնելիությունը, եւ այդ ինչպես են գնահատել այդ ամենը, բա ասեք թող ձեզ հետ սերտ համագործակցող կառավարությունն էլ իմանա այդ մեթոդի մասին…

Ամուլսարի շահագործման հարցը գտնվում է դատարանում, երկրի հայտնի եւ վաստակաշատ բնապահպան մասնագետները խիստ հիմնավորումներով դեմ են արտահայտվում հանքի շահագործմանը: Այս ամենից հետո, երբ Ամուլսարի հանքի շահագործումը չսկսած, երբ մեր երկրում ունենք հանքարդյունաբերության մեջ լուրջ հաջողություններ արձանագրած կազմակերպություններ եւ ղեկավարներ, ինչո՞ւ պետք է ոլորտի նորաթուխ կազմակերպության ոչ հայտնի ղեկավարը դառնա մեր երկրի տնտեսական ողնաշարը համարվող հանքարդյունաբերության միության նախագահ: Մեկը՝ ում այս ամիսների ընթացքում դարձել էր բնապահպանների քննադատության հիմնական թիրախը: Գուցե այս պաշտոնը Հայկ Ալոյանին պետք է, որ առաջիկայում կարողանա պաշտպանել իրեն եւ իր ղեկավարած կազմակերպությանը:

HayNews.am
 
Նմանատիպ նորություններ
ԿԳ նախարարը ցանկալի, սակայն առաջիկա տարիներին դեռ ոչ իրատեսական է համարում անվճար բարձրագույն կրթությունը
21 Մայիսի 2018 - 18:54
Բարձրագույն կրթությունն անվճար դարձնելը դեռ օրակարգային հարց չէ` հաշվի առնելով երկրի տնտեսական վիճակը: Այս մասին «Ազատություն ռադիոկայան»-ի «Ֆեյսբուքյան ասուլիս»-ում ասաց ՀՀ կրթության և գիտության նախարար Արայիկ Հարությունյանը:
Նիկոլ Փաշինյանն ու Բակո Սահակյանը հարցեր են քննարկել
21 Մայիսի 2018 - 18:48
Հայաստանի վարչապետ Նիկոլ Փաշինյանը, Հայաստանի եւ Արցախի նախագահներ Արմեն Սարգսյանն ու Բակո Սահակյանն այսօր՝ մայիսի 21-ին հանդիպում են ունեցել Արարատում՝ Սպարապետ վազգեն Սարգսյանի տանը։
Վահան Կոստանյանը՝ 1֊ին փոխվարչապետի գրասենյակի ղեկավար, Կարպիս Փաշոյանը՝ մամուլի խոսնակ
21 Մայիսի 2018 - 18:33
ՀՀ առաջին փոխվարչապետ Արարատ Միրզոյանը իր ֆեյսբուքյան էջում գրում է.

Թուրքական ավիաընկերության ինքնաթիռն արտակարգ վայրէջք է կատարել Վոլգոգրադում. բուժօգնության է դիմել 11 ուղևոր (Տեսանյութ)
21 Մայիսի 2018 - 18:28
Թուրքական Onur Air ավիաընկերության ինքնաթիռը, որն Անթալիայից Չելյաբինսկ թռիչք էր իրականացնում, արտակարգ վայրէջք է կատարել Վոլգոգրադում: Այդ մասին հայտնում է РИА Новости-ն՝ վկայակոչելով օդանավակայանի ներկայացուցչին:
ՊԵԿ տեղեկատվության ու հասարակայնության հետ կապերի բաժնի պետը հրաժարական է ներկայացրել
21 Մայիսի 2018 - 18:24
ՊԵԿ տեղեկատվության ու հասարակայնության հետ կապերի բաժնի պետ Նելլի Մանուչարյանը հրաժարական է ներկայացրել։
Կառավարությունը խոստանում է բիզնես միջավայրի բարելավման մեծածավալ փոփոխություններ
21 Մայիսի 2018 - 18:20
Հայաստանի կառավարությունն առաջարկելու է մեծածավալ փոփոխություններ թե հակամենաշնորհային քաղաքականության, թե բիզնես միջավայրի բարելավման, թե արտահանման հնարավորությունների նոր մեխանիզմների գործադրման ուղղությամբ:
«Երեխայի վրա տաշտ են դրել, որ շները չգտնեն, հետո հողով ծածկել են…». Աշտարակցի կինը սպանել է ամուսնու և նրա սիրուհու 3 ամսական երեխային
21 Մայիսի 2018 - 18:15
Արագածոտնի մարզի ընդհանուր իրավասության դատարանում Սամվել Ուզունյանի նախագահությամբ ավարտվել է Արմինե Խ.-ի գործի դատական քննությունը:
1 | 2 | 3 | 4 | 5 | 6 | 7 | 8 | 12946
 
Լրահոս`