Facebook   Twitter
 
Ադրբեջանական խնձորի ներկրման գործող մեղադրանք է առաջադրվել 8 անձի, այդ թվում` ՊԵԿ պաշտոնյաների. ՀՔԾ

Ադրբեջանական խնձորի ներկրման գործող մեղադրանք է առաջադրվել 8 անձի, այդ թվում` ՊԵԿ պաշտոնյաների. ՀՔԾ

16 Մայիսի 2017 - 12:54
ՀՀ հատուկ քննչական ծառայությունը տեղեկացնում է, որ օբյեկտիվ, լրիվ և բազմակողմանի նախաքննություն կատարելու նպատակով` գյուղատնտեսական տարբեր ապրանքների, այդ թվում` ադրբեջանական ծագման խնձորի ապօրինի ներկրումների և ՀՀ ԿԱ ՊԵԿ աշխատակիցների կողմից կաշառք ստանալու դեպքերի վերաբերյալ ծառայությունում քննվող երկու քրեական գործերը միացվել և քննվում են մեկ վարույթում:

Այս մասին հայտնում են ՀՀ Հատուկ քննչական ծառայությունից։

Քննությամբ պարզվել է, որ մի շարք ձեռնարկատերեր առանց անհրաժեշտ մաքսային ձևակերպումների ապօրինի ճանապարհով ներկրել են առևտրային քանակի միրգ-բանջարեղեն, ինչին նպաստել են ՀՀ ԿԱ պետական եկամուտների կոմիտեի աշխատակիցները, ովքեր դրա դիմաց հիշյալ անձանցից պարբերաբար տարբեր չափերի կաշառքներ են ստացել: Նշված հանցավոր արարքները կատարելու համար 4 քաղաքացիների և ՊԵԿ 4 պաշտոնյաների մեղադրանքներ են առաջադրվել:

Մասնավորապես, քննությամբ պարզվել է, որ Երևանի բնակիչներ Հ. Ֆ.-ն ու Ա. Ե.-ն ՀՀ Տավուշի մարզի Բագրատաշեն համայնքի բնակիչներ Ա. Խ.-ի ու Գ. Թ.-ի օժանդակությամբ առանց հայտարարագրելու պարբերաբար Բագրատաշենի մաքսակետով հանրապետություն են ներկրել մեծ քանակությամբ գյուղմթերք և դրա հետևանքով չեն վճարել օրենքով սահմանված խոշոր չափերով` 7.341.312 ՀՀ դրամի հարկերն ու տուրքերը: Բացի այդ, հիշյալ անձինք զբաղվել են նաև ապօրինի ձեռնարկատիրությամբ. ներկրված ապրանքները վաճառել են «Մալաթիա» գյուղմթերքների շուկայում` առանց պետական գրանցման և հարկային մարմիններում հաշվառման, որի հետևանքով չի վճարվել նաև զգալի չափերով` 907.680 ՀՀ դրամի շրջանառության հարկ:

Քննությամբ պարզվել է նաև, որ գյուղմթերքն առանց հայտարարագրման ներկրելու և օրենքով սահմանված խոշոր չափերով հարկերից խուսափելու նպատակով` Հ. Ֆ.-ն ու Ա. Ե.-ն նախնական պայմանավորվածություն են ձեռք բերել Բագրատաշենի բնակիչներ Ա. Խ.-ի և Գ. Թ.-ի հետ, ովքեր համապատասխան վարձատրության դիմաց համաձայնվել են օժանդակել նրանց. այսպես, տեղափոխվող ապրանքի ամբողջական ծավալը քողարկելու և առանց հայտարարագրման ներկրվող ապրանքների` օրենքով թույլատրելի չափաքանակ ապահովելու համար, Ա. Խ.-ն ու Գ. Թ.-ն Վրաստանի Հանրապետության սահմանամերձ տարածքում գյուղմթերքը բաշխել են իրենց, իսկ որոշ դեպքերում՝ նաև այլ անձանց կողմից շահագործվող տարբեր մարդատար ավտոմեքենաների մեջ, այնուհետև` ՀՀ տարածք տեղափոխելուց հետո, դրանք վերաբարձել են Հ. Ֆ.-ի և Ա. Ե.-ի բեռնատար ավտոմեքենան: Հիշյալ անձանց անօրինական գործողությունների հետևանքով պետությանը պատճառվել է ավելի քան 8 մլն ՀՀ դրամի վնաս:

Մի շարք դեպքերում էլ, գյուղմթերքն առանց խոչընդոտների հանրապետություն ներկրելու համար, Բագրատաշենի բնակիչ Ա. Խ.-ն նախնական պայմանավորվածությամբ տարբեր չափերի կաշառքներ է տվել ՊԵԿ նախաբացթողումային հսկողության վարչության Բագրատաշենի բաժանմունքի մաքսային ծառայողներին:

Բացի այդ, ՊԵԿ Բագրատաշենի բաժանմունքի աշխատակիցները կաշառքներ են ստացել նաև մի շարք այլ տնտեսվարողներից` նրանց օգտին անօրինական գործողություններ կատարելու և Բագրատաշենի մաքսակետով ներկրվող գյուղմթերքը մաքսային ձևակերպումների չենթարկելու համար: Քննությամբ պարզվել է, որ ՊԵԿ նախաբացթողումային հսկողության վարչության Բագրատաշենի բաժանմունքի մաքսային տեսուչներ Ա. Վ.-ն, Կ. Ն.-ն, Դ. Ա.-ն և նույն բաժանմունքի հերթափոխի պետի պարտականությունները կատարող Վ. Մ.-ն խմբի կազմում` նախնական համաձայնությամբ, անհատ ձեռնարկատերեր Գ. Ա.-ից և Լ. Ս.-ից կաշառքներ են ստացել` վերջիններիս թույլ տալով առանց մաքսային ձևակերպումների և անհրաժեշտ լաբորատոր հետազոտությունների Բագրատաշենի մաքսակետով ներկրել տարբեր տեսակի միրգ-բանջարեղեն, այդ թվում` ադրբեջանական խնձոր:

Այսպիսով, խմբի կազմում` նախնական համաձայնությամբ կաշառք ստանալու համար տեսուչ Ա. Վ.-ին, Դ. Ա.-ին և Վ. Մ.-ին մեղադրանքներ են առաջադրվել ՀՀ քրեական օրենսգրքի 311-րդ հոդվածի 3–րդ մասի 2-րդ կետով, Կ. Ն.-ին` 311-րդ հոդվածի 2-րդ մասով: Պաշտոնյաներից երկուսի նկատմամբ որպես խափանման միջոց է ընտրվել կալանավորումը:

Հարկերից խուսափելու և ապօրինի ձեռնարկատիրությամբ զբաղվելու համար Հ. Ֆ.-ին և Ա. Ե.-ին մեղադրանքներ են առաջադրվել ՀՀ քրեական օրենսգրքի 188-րդ և 205-րդ հոդվածների 1–ին մասերով, իսկ վերջիններիս օժանդակելու համար` Ա. Խ.-ին և Գ. Թ.-ին` 38-188-րդ և 38-205-րդ հոդվածների 1-ին մասերով:

HayNews.am
 
Նմանատիպ նորություններ
ՃՈ առանձին ծառայողներ դրսեւորում են լկտի վարքագիծ. Սերժ Սարգսյան
23 Հոկտեմբերի 2017 - 22:58
Վերջին տարիներին բարելավվել են քաղաքացիների հետ ճանապարհային ոստիկանների շփումները։ Այդ մասին ոստիկանության կոլեգիայի ընդլայնված նիստին ունեցած ելույթում ասել է նախագահ Սերժ Սարգսյանը։

Դոն Պիպոյի սպանության փորձի մեջ մեղադրվողի կյանքին վտանգ է սպառնում. ՀՔԱՎ
23 Հոկտեմբերի 2017 - 21:37
Հելսինկյան քաղաքացիական ասամբլեայի Վանաձորի գրասենյակը քրեական հեղինակություն Արթուր Ասատրյանի (Դոն Պիպոյի) սպանության փորձի նախապատրաստման մեջ մեղադրվող Արկադի Քոչինյանի անվտանգությունն ապահովելու հարցով 2017 թ. հոկտեմբերի 6-ին դիմել է ՀՀ արդարադատության նախարար Դ. Հարությունյանին:
Խոշոր ավտովթար-հրդեհ Երևան–Արմավիր ճանապարհին. կան վիրավորներ
23 Հոկտեմբերի 2017 - 21:33
Քիչ առաջ խոշոր ավտովթար-հրդեհ է տեղի ունեցել Արմավիրի մարզում:
Հինգ միֆ հղիության մասին, մեկնաբանում է մանկաբարձ-գինեկոլոգը
23 Հոկտեմբերի 2017 - 21:00
Չնայած որ ժամանակակից բժշկությունը հնարավորություն է տալիս ժամանակին ախտորոշել և կանխել հղիության բարդությունները, թերևս չկա մի մայր, որ բարի ծանոթներից խորհուրդներ լսած չլինի:
Սեռական հարաբերություն՝ բռնության գործադրմամբ, իսկ հետո տուժողը փող է շորթել՝ խոստանալով բողոքը հետ վերցնել
23 Հոկտեմբերի 2017 - 20:13
Հոկտեմբերի 5-ին, ոստիկանության Երեւան քաղաքի մետրոպոլիտենի պահպանության բաժին դիմել մի կին՝ հայտնելով ոստիկաններին, որ հոկտեմբերի 4-ին Նոյեմբերյանի ոլորաններում ավտոմեքենայում մի տղամարդ բռնություն գործադրելով, իր կամքին հակառակ իր հետ սեռական հարաբերություն է ունեցել։
Դոնալդ Թրամփը հայտարարել է, որ սոցցանցերում 125 մլն հետեւորդ ունի
23 Հոկտեմբերի 2017 - 19:47
ԱՄՆ նախագահ Դոնալդ Թրամփը Fox Business հեռուստաալիքին տված հարցազրույցում ասել է, որ համացանցում ինքը 125 մլն հետեւորդ ունի։


Որոնք են հայերիս մոտ ավելի հաճախ հանդիպող անոթային հիվանդությունները
23 Հոկտեմբերի 2017 - 19:22
Հայաստանում անոթային հիվանդությունների տարածվածության հստակ վիճակագրություն գոյություն չունի։ Սակայն կան մի քանի հիվանդություններ, որոնք ակնհայտորեն ավելի հաճախ են հանդիպում մեր ազգաբնակչության շրջանակներում։
Լուսանկարիչը նկարահանել է բնության զարմանալի պահ. գորտը կուլ է տալիս օձին
23 Հոկտեմբերի 2017 - 19:13
EstusFiend ծածկանունով լուսանկարիչը Reddit-ում հազվագյուտ լուսանկար է հրապարակել, որում գորտը կուլ է տալիս օձին: Դժբախտ օձը ընդմիշտ անհետանում է գորտի ստամոքսում:
Համատիրությունների էլեկտրոնային կառավարումից մինչև աղբահանության խելացի կազմակերպում. հայտնի են երևանյան հաքաթոնի հաղթողները
23 Հոկտեմբերի 2017 - 18:57
Ավելի քան 60 ծրագրավորող Երևանի քաղաքապետարանում հանգստյան օրերին մասնակցել է «Խելացի քաղաք» 24-ժամյա հաքաթոնին, հայտնի են հաղթողները:
1 | 2 | 3 | 4 | 5 | 6 | 7 | 8 | 8626
 
Լրահոս`