Facebook   Twitter
 
Բանգկոկում տեղի է ունեցել ՄԱԿ-ի 73-րդ նստաշրջանը. Նստաշրջանին մասնակցել է նաև Հայաստանի պատվիրակությունը

Բանգկոկում տեղի է ունեցել ՄԱԿ-ի 73-րդ նստաշրջանը. Նստաշրջանին մասնակցել է նաև Հայաստանի պատվիրակությունը

19 Մայիսի 2017 - 14:48
Մայիսի 17-ից 19-ը Բանգկոկում տեղի է ունեցել ՄԱԿ-ի Ասիայի և Խաղաղօվկիանիայի տարածաշրջանի տնտեսական և սոցիալական հանձնաժողովի 73-րդ նստաշրջանը, որը նվիրված էր հանձնաժողովի ստեղծման 70-ամյակին: Նստաշրջանի աշխատանքներին մասնակցել է նաև Հայաստանի պատվիրակությունը՝ Չինաստանում ՀՀ դեսպան Սերգեյ Մանասարյանի գլխավորությամբ:
Ինչպես տեղեկացնում են ԱԳՆ լրատվության և հասարակայնության հետ կապերի վարչությունից, նստաշրջանի ընթացքում քննարկվել են Հայաստանի համար կարևոր նշանակություն ունեցող հարցեր՝ մակրոտնտեսական քաղաքականությանը, աղքատության նվազեցմանը, առևտրին և ներդրումներին, տրանսպորտային ենթակառուցվածքների զարգացմանը, բնապահպանությանը, գիտությանն ու տեխնոլոգիաներին, էներգետիկային, արտակարգ իրավիճակներում համագործակցությանը, սոցիալական զարգացմանն ու այլ բնագավառներում համագործակցությանն առնչվող խնդիրների լայն շրջանակ:

Դեսպան Մանասարյանը, հանդես գալով ելույթով, նշել է, որ Հայաստանը կարևորում է Դեպի ծով ելք չունեցող զարգացող երկրների՝ մինչև 2024թ. Վիեննայի գործողությունների ծրագրի պատշաճ իրականացումն ու, չնայած տարածաշրջանում ստեղծված բարդ աշխարհաքաղաքական իրավիճակի և երկու հարևան երկրների կողմից շարունակվող շրջափակմանը, Հայաստանը ջանքեր է գործադրում ներկա մարտահրավերները հաղթահարելու և միջազգային ու տարածաշրջանային ինտեգրացիոն գործընթացներում հնարավորինս ներգրավվելու ուղղությամբ:

Դեսպան Մանասարյանն անդրադարձել է Եվրասիական տնտեսական միությանը ՀՀ անդամակցության հետ կապված համագործակցության նոր հեռանկարներին, մասնավորապես՝ սահմանափակ ներքին շուկայի ընդլայնման և ներդրումների խրախուսման առումով:

Տրամադրելով մանրամասն վիճակագրական տվյալներ՝ ՀՀ պատվիրակության ղեկավարը ներկայացրել է ՀՀ տնտեսության առաջնային ոլորտներում տեղի ունեցող կարևոր զարգացումներն ու հեռանկարները, ինչպես նաև իրականացվող և նախատեսվող ծրագրերն ու նախագծերը, ՀՀ կառավարության կողմից իրագործվող ներդրումների համար նպաստավոր քաղաքականությունը:

Միջազգային և տարածաշրջանային համագործակցության խթանման գործում Սերգեյ Մանասարյանը կարևորել է նաև Եվրամիության հետ գործակցության հեռանկարներն ու հարևան Իրանի և Վրաստանի հետ իրականացվող համատեղ խոշոր ենթակառուցվածքային ծրագրերը: Նստաշրջանի արդյունքում ընդունվել են մի քանի տասնյակ որոշումներ և բանաձևեր՝ ուղղված տարածաշրջանում սոցիալ-տնտեսական զարգացմանն ու տնտեսության տարբեր բնագավառներում համագործակցության խթանմանը:

HayNews.am
 
Նմանատիպ նորություններ
«Հանրային խորհրդի մասին» օրինագծին Կառավարությունը հավանություն է տվել
18 Հունվարի 2018 - 12:10
Կառավարությունը հավանության է արժանացրել «Հանրային խորհրդի մասին» օրինագիծը։ Այն հունվարի 18-ի նիստի ժամանակ ներկայացրել է արդարադատության նախարար Դավիթ Հարությունյանը։
Մոսկվայի ավտոճանապարհներին ձյան տեղումների պատճառով 8 բալանոց խցանումներ են առաջացել
18 Հունվարի 2018 - 12:08
Ռուսաստանի մայրաքաղաք Մոսկվայի ավտոճանապարհներին առավոտյան ժամերին ձյան տեղումների պատճառով 8 բալանոց խցանումներ են առաջացել, գրում է РИА Новости գործակալությունը՝ հղում անելով «Яндекс.Пробки» ծառայության տվյալներին:
Ղազախստանի Ակտյուբինսկի շրջանում ավտոբուսը այրվել է. 52 մարդ զոհվել է
18 Հունվարի 2018 - 12:02
Իրգիզսկի նահանգի Ակտյուբինսկի շրջանում ավտոբուս է այրվել, 52 մարդ է զոհվել, հաղորդում է Tengrinews.kz-ն՝ վկայակոչելով Ներքին գործերի նախարարության արտակարգ իրավիճակների կոմիտեի պաշտոնական ներկայացուցիչ Ռուսլան Իմանկուլովին։
Մենք պետք է մեկ անգամ ֆունդամենտալ լուծենք այս խնդիրը. Վարչապետ
18 Հունվարի 2018 - 11:32
Կառավարության հունվարի 18-ի նիստին գործադիրի ղեկավար Կարեն Կարապետյանն անդրադարձավ տարիներ շարունակ չվճարված, կուտակված հարկերին, տուրքերին և այլ վճարներին:
Մեքսիկայում 33 անհայտ անձի գերեզման է հայտնաբերվել
18 Հունվարի 2018 - 11:30
Մեքսիկայի Նայարիտ նահանգում 33 մարդու թաղված դիակ է հայտաբերվել, փոխանցում է «ՌԻԱ Նովոստի»-ն՝ վկայակոչելով Universal պորտալը:
Էլիտար գիշերային ակումբներին Ստամբուլում ադրբեջանցու գլխավորած հանցախումբը թմրամիջոցներ է վաճառել
18 Հունվարի 2018 - 11:17
Թուրքիայի ոստիկանությունը լայնամասշտաբ հատուկ գործողության ընթացքում ձերբակալել է հանցավոր խմբի անդամների, որոնք տևական ժամանակ թմրամիջոցներ են մատակարարել Ստամբուլի մի շարք էլիտար գիշերային ակումբների, այս մասին գրում է թուրքական haberler.com կայքը:
Զբոսանավի միջադեպից հետո Ռուփերտ Մերդոկին անմիջապես հոսսպիտալացրել են
18 Հունվարի 2018 - 11:15
Ամերիկացի գործարար, The Wall Street Journal-ի, The Times-ի եւ New York Post-ի սեփականատեր Ռուփերտ Մերդոկը վնասել է մեջքը որդուն պատկանող զբոսանավում հանգստանալու ժամանակ։ Հաղորդում է Vanity Fair-ն՝ վկայակոչելով իր աղբյուրները։
Իսրայելում ԱՄՆ դեսպանատան տեղափոխումը Երուսաղեմ 2018-ին տեղի չի ունենա. Թրամփ
18 Հունվարի 2018 - 10:40
ԱՄՆ նախագահ Դոնալդ Թրամփը բրիտանական Reuters գործակալությանը տված հարցազրույցի ընթացքում հերքել է Իսրայելի վարչապետ Բինյամին Նեթանյահուի հայտարարությունը, որի համաձայն Իսրայելում ԱՄՆ դեսպանատունը կարող է Երուսաղեմ տեղափոխվել մինչև այս տարվա վերջ։
1 | 2 | 3 | 4 | 5 | 6 | 7 | 8 | 6493
 
Լրահոս`
 
 
 
 
 
 
 
 
 
 
 
 
 
 
 
 
 
 
ՊՆ 30-ամյա ծառայողը վիրավորվել է
Հասարակություն, Հայոց Բանակ - 25