Facebook   Twitter
 
ԿԳՆ-«Հեղինակային մանկավարժություն» ծրագրի արդյունքների ամփոփում (Լուսանկարներ)

ԿԳՆ-«Հեղինակային մանկավարժություն» ծրագրի արդյունքների ամփոփում (Լուսանկարներ)

19 Մայիսի 2017 - 17:24
ՀՀ կրթության և գիտության նախարարությունում տեղի է ունեցել «Մխիթար Սեբաստացի» կրթահամալիրի նախաձեռնությամբ իրականացված «Հեղինակային մանկավարժություն» ծրագրի արդյունքների ամփոփման շնորհանդեսը:
Ողջունելով միջոցառմանը ներկա կրթահամալիրի տնօրենին, մանկավարժներին և աշակերտներին՝ ՀՀ ԿԳ նախարարի պաշտոնակատար Լևոն Մկրտչյանը նշել է, որ հեղինակային կրթական ծրագրերը, որոնք տարիներ շարունակ իրականացվում են հանրապետության տարբեր դպրոցներում, այդ թվում նաև «Մխիթար Սեբաստացի» կրթահամալիրում, կուտակել են կրթական որոշակի արդյունքներ և ուսանելի փորձ, որը կարելի է կիրառական դարձնել և տարածել նաև հանրակրթական մյուս դպրոցներում.

«Հեղինակային կրթական ծրագրերի շատ հետաքրքիր փորձ է կուտակվել, որը տարիների ընթացքում արդեն բռնել է քննություն, հետևաբար այն այլևս չի կարելի դիտարկել այլընտրանքային կամ փորձնական: Մենք հասել ենք մի փուլի, երբ նմանատիպ դպրոցները պետք է հասարակությանը և պետությանը պարզորոշ ներկայացնեն իրենց ձեռքբերումները, խնդիրներն ու արդյունքները, մասնավորապես, որ հարցերում են հաջողել, որտեղ ունեն բացթողումներ: 21–րդ դարն ունի կրթության նոր պահանջներ, մենք կրթական միջավայրը դիտարկում ենք ազատ նախաձեռնությունների հարթակ. կրթական ձևաչափերն այնքան արագ են զարգանում, որ ֆորմալ սահմանափակումներ մտցնելու յուրաքանչյուր փորձ կարող է բացասական անդրադառնալ կրթության որակի վրա»,- իր խոսքում նշել է Լևոն Մկրտչյանը՝ հավելելով, որ նախատեսվում է աշխատանքների նոր փուլ սկսել առանձնահատուկ մոդելներով աշխատող տարբեր դպրոցների հետ:

Նպատակը, ըստ ԿԳ նախարարի, տարբեր հեղինակային ծրագրերից ընտրված նախագծերի վերլուծությունն է. «Մենք այսօր ունենք տարբեր ծրագրերի հաջողված փորձ. Ֆիզմաթ դպրոցների փորձը, հմտությունների զարգացման Սեբաստացի կրթահամալիրի փորձը և այլն: Ընդհանրացված կերպով մենք այսօր ունենք բազմաշերտ կրթական հանրույթ: Նրանց հաջողությունները կարող են ներառվել դպրոցների զարգացման համալիր ծրագրերում և ներդրվել նաև այլ դպրոցներում: Տարբեր ծրագրերին միավորում է մեկ ընդհանուր գաղափար. այն է՝ նրանք բոլորը ձևավորում են ՀՀ անկախ պետականության քաղաքացիներ: Այս առումով կարևոր է, որ ձևավորվող քաղաքացին ազատ, ստեղծագործ անհատ լինի՝ ազգային և համամարդկային արժեքների կրող: Մեր նպատակը կրթական ընդհանուր չափորոշիչների պահպանումն է, իսկ ձևի ընտրության մեջ մենք կարող ենք և պատրաստ ենք տալ ազատություններ դպրոցին»:

Միջոցառման ընթացքում «Մխիթար Սեբաստացի» կրթահամալիրի տնօրեն Աշոտ Բլեյանը ներկայացրել է կրթահամալիրում կիրառվող հեղինակային կրթական ծրագիրը. «Մեր գլխավոր ձեռքբերումը ստեղծարար ուսուցիչն է, որը կրթության որակի ամենաակտիվ և պատասխանատու օղակն է: Մենք սահմանել ենք ուսուցչի մեր չափանիշը. Դա անընդհատ սովորող ուսուցիչն է, որը կարողանում է անընդհատ սովորելու գործընթացի մեջ ներառել նաև աշակերտին: Նա այս գործընթացում ձեռք է բերում ստեղծական որակներ, մշակում է իր անհատական դասընթացը, ծրագրերը, հավաքում է դրա համար անհրաժեշտ նյութեր, ընտրում է դասավանդման ձևը և ամենակարևորը դառնում է այս կրթական մոդելի տարածողը»,- նշել է Ա. Բլեյանը:

Որպես հեղինակային կրթական ծրագրի առանձնահատկություն՝ նա ընդգծել է բաց կրթական միջավայրը, բլոգային և մեդիա կրթության մեծ կիրառումը, ինտերակտիվությունը, անհատական կրթական ծրագրի կազմումը և ընտրությունը, գնահատման առանձնահատկությունները, լրացուցիչ կրթության ներառումը կրթական ծրագրում և այլն: Հանդիպման ընթացքում ծավալվել է արդյունավետ քննարկում՝ հեղինակային կրթական ծրագրերի ձեռքբերումների և խնդիրների մասին:

HayNews.am
 
Նմանատիպ նորություններ
Դեկտեմբերի 18-ից նոր արագաչափեր կգործարկվեն Երեւանի Թբիլիսյան խճուղում եւ Դաշտենցի փողոցում
14 Դեկտեմբերի 2017 - 18:32
Ճանապարhային ոստիկանությունը տեղեկացնում է, որ շարունակվում են երթեւեկության նկատմամբ վերահսկողության, իրավախախտումների արձանագրման տեսախցիկների եւ արագաչափ սարքերի տեղադրման աշխատանքները:
Իրաքում մահապատժի են ենթարկել ահաբեկչության մեջ մեղադրվող 38 դատապարտյալներ
14 Դեկտեմբերի 2017 - 18:22
Իրաքի իշխանությունները մահապատժի են ենթարկել ահաբեկչության մեջ մեղադրվող 38 դատապարտյալներին, հաղորդում է Իրաքի արդարադատության նախարարությունը:
Եթե պետությունը չմիջամտեր՝ այս շաբաթ կկայանար Պոլսո Հայոց պատրիարքի ընտրությունը. «Ակօս»
14 Դեկտեմբերի 2017 - 17:53
Եթե չլիներ Թուրքիայի իշխանությունների միջամտությունը՝ Թուրքիայի հայությունն այս շաբաթ կընտրեր իր նոր պատրիարքին, սակայն դա այդպես էլ չիրականացավ, գրում է Ստամբուլի հայկական պարբերականներից «Ակօսը»:
Հարուցվել է քրեական գործ՝ էլեկտրաքարշի կողմից 50-ամյա տղամարդուն վրաերթի ենթարկելու դեպքի առթիվ
14 Դեկտեմբերի 2017 - 17:47
ՀՀ քննչական կոմիտեի Լոռու մարզային քննչական վարչությունում ձեռնարկվում են անհրաժեշտ քննչական եւ դատավարական այլ գործողություններ՝ դեկտեմբերի 13-ին Վանաձոր քաղաքի բնակչին էլեկտրաքարշի կողմից վրաերթի ենթարկելու դեպքի հանգամանքները պարզելու ուղղությամբ:
Արգենտինայից հրավիրված մարզչական խումբը կորդինացնելու է Հայաստանի մանկապատանեկան հավաքակաների աշխատանքը
14 Դեկտեմբերի 2017 - 17:42
Հայաստանի ֆուտբոլի ֆեդերացիայի հրավերով Հայաստան էր ժամանել արգենտինացի մարզիչների խումբ:
ՍԱՊԾ-ը կվերանայի ռիսկերի գործող համակարգը
14 Դեկտեմբերի 2017 - 17:38
ՀՀ գյուղատնտեսության նախարարության սննդի անվտանգության պետական ծառայությունը կվերանայի ռիսկերի գործող համակարգը: Լրագրողների հետ հանդիպմանն այս մասին հայտարարեց ՀՀ ԳՆ ՍԱՊԾ սննդամթերքի անվտանգության և որակի հսկողության տեսչության պետ Վահե Դանիելյանը:
«Հայրենասեր»-ն իր հայրենասեր գործունեությամբ Քաշաթաղում կշարունակի տրամադրություն փոխել
14 Դեկտեմբերի 2017 - 17:33
ԱՄՆ-ում գործող «Հայրենասեր» բարեգործական, հասարակական կազմակերպությունը Քաշաթաղի շրջանում իրականացրել է կենսական նշանակության մի շարք ծրագրեր:
Եթե ամեն ինչ պարզ լիներ չեմպիոնական մրցավազքում, կմեկնեի Լոս Անջելես հանգստի. Մոուրինյու
14 Դեկտեմբերի 2017 - 17:29
Անգլիական «Մանչեսթեր Յունայթեդի» գլխավոր մարզիչ Ժոզե Մոուրինյուն «Բորնմութին» հաղթելուց հետո խոսել է չեմպիոնական մրցավազքի մասին:
1 | 2 | 3 | 4 | 5 | 6 | 7 | 8 | 8879
 
Լրահոս`