Facebook   Twitter
 
Հայ-թուրքական հարաբերությունները կկարգավորվեն միայն այն ժամանակ, երբ Թուրքիան ճանաչի Ցեղասպանությունը. Վիգեն Չեթերյան

Հայ-թուրքական հարաբերությունները կկարգավորվեն միայն այն ժամանակ, երբ Թուրքիան ճանաչի Ցեղասպանությունը. Վիգեն Չեթերյան

19 Մայիսի 2017 - 23:13
Հայ-թուրքական հարաբերությունները կկարգավորվեն միայն այն ժամանակ, երբ Թուրքիան ճանաչի Հայոց ցեղասպանությունը, այլապես երկու երկրների հարաբերությունները մնալու են սառեցված:

Այս մասին Tert.am-ի հետ զրույցում ասաց Ժնևի համալսարանի և Ժնևում Վեբստեր համալսարանի միջազգային հարաբերությունների դասախոս, միջազգային փորձագետ Վիգեն Չեթերյանը:

«Թուրքիան Խորհրդային Միության փլուզումից հետո Հայաստանի հետ հարաբերությունները չկարգավորեց Ցեղասպանության պատճառով: Թուրքիան երեք խնդիր ունի Հայաստանի հետ: Առաջին երկուսը պատմական են. առաջինը, որ Հայաստանը չպահանջի Ցեղասպանության միջազգային ճանաչումը, իսկ երկրորդը սահմանների ճանաչումն էր: Այստեղ խնդիր կար, որպեսզի Հայաստանը չունենար հողային պահանջ Թուրքիայից: Այս երկու խնդիրներն ուղիղ կերպով կապված են Ցեղասպանության հետ, իսկ Թուրքիայի երրորդ պահանջը շատ ավելի ուշ է եղել՝ 1992-ի պահանջ է, որը պայմանավորված է Ղարաբաղի հակամարտությամբ: Հայաստանի և Թուրքիայի հարաբերությունների հիմնական խնդիրը 1915 թվականի Ցեղասպանությունն է»,- ասաց Չեթերյանը:

Դիտարկմանը, թե Խորհրդային տարիներին ևս հայ-թուրքական հարաբերությունները կատարյալ չէին այդ թվականի համեմատ, Չեթերյանն ասաց, որ խորհրդային տարիներին Հայաստանը չի ընկալվել որպես անկախ միավորում:

«Հայաստանի անկախությունից առաջ հայկական սփյուռքն իր միջոցներով փորձեց պայքարել, բայց այդ ժամանակ ամբողջ աշխարհը պատրաստ չէր լսել հայերին: Ցեղասպանության մասին աշխարհը լսեց 1965-ին, երբ ցույցեր տեղի ունեցան Հայաստանում, ինչի արդյունքում էլ 50-րդ տարելիցի կապակցությամբ կառուցվեց Ծիծեռնակաբերդը, իսկ հետո սկսվեց ճանաչման փուլը»,-ասաց միջազգային փորձագետը:

Հարցին, թե հայաստանյան արտաքին դիվանագիտությունը օգտագործո՞ւմ է իր ողջ պոտենցիալը հայ-թուրքական հարաբերությունների կարգավորման համար և բավարա՞ր պահանջատեր է ցեղասպանության միջազգային ճանաչման հարցում, Չեթերյանը պատասխանեց, որ անկախության տարիների սկզբին հայկական դիվանագիտությունը հակասական է եղել:

«Լևոն Տեր-Պետրոսյանի օրոք հույսեր կային, որ հայ-թուրքական հարաբերությունները սրությամբ պետք է կարգավորվեն, հետո Հայաստանը հայտնեց իր պատրաստակամությունը առանց նախապայմանների հարաբերությունները կարգավորելու մասին: Ի վերջո, հիմնական հարցը Թուրքիայի ներքին քաղաքական հարաբերությունների զարգացումն է, երբ Թուրքիան զարգանա ժողովրդավարության ուղով, այն ժամանակ հայկական հարցը կլինի Թուրքիայի օրակարգում, իսկ երբ փակ դռների քաղաքականություն է վարում, այդ հարցը չի լուծվի»:

Վիգեն Չեթերյանը հավելեց, որ միևնույն է, մի օր Թուրքիան բացելու է իր փակ դռները և Ցեղասպանությունը ճանաչվելու է:
 
Նմանատիպ նորություններ
Չեխիան Իսրայելի միջոցով ապօրինի զենք է վաճառում Ադրբեջանին
25 Ապրիլի 2018 - 00:41
Երբ ադրբեջանական բանակը գովազդային տեսահոլովակով ցուցադրում էր 2017 թ. սեպտեմբերի 18-22-ը անցկացված զորավարժությունների ժամանակ իր կիրառած զինատեսակները, դիտորդները նկատեցին չեխական արտադրության ռազմական տեխնիկա, այդ թվում՝ 18 կմ հեռահարություն ունեցող «Դանա» ինքնագնաց հաուբիցներ եւ 20 կմ հեռահարություն ունեցող Rm-70 հրթիռային կայանքներ:
Մենք կանգնած ենք հայ ժողովրդի կողքին. Դոնալդ Թրամփի ուղերձը Ցեղասպանության տարելիցին
25 Ապրիլի 2018 - 00:25
ԱՄՆ նախագահ Դոնալդ Թրամփըը հայտարարություն է տարածել Հայոց ցեղասպանության 103-րդ տարելիցի կապակցությամբ՝ կատարվածը կրկին անվանելով Մեծ Եղեռն: Ինչպես հաղորդում է «Արմենպրես»-ը՝ վկայակոչելով Սպիտակ տան պաշտոնական կայքը, ուղերձում ասվում է.
Ոստիկանության քրեական հետախուզության գլխավոր վարչություն բերման է ենթարկվել Գարեգին Չուգասզյանը. ՀՀ ոստիկանություն
25 Ապրիլի 2018 - 00:23
ՀՀ ազգային անվտանգության ծառայության և ոստիկանության աշխատակիցների փոխգործակցության և համատեղ ձեռնարկած օպերատիվ հետախուզական միջոցառումների արդյունքում Երևանի Աթենքի փողոցում հայտնաբերվել և ոստիկանության քրեական հետախուզության գլխավոր վարչություն բերման է ենթարկվել Գարեգին Չուգասզյանը։
Իմ և Նիկոլ Փաշինյանի միջև նախօրոք պլանավորված հանդիպումը չի կայանա, քանի որ Փաշինյանի կողմից միակողմանի առաջադրվել են նոր պահանջներ. Կարեն Կարապետյան
25 Ապրիլի 2018 - 00:12
Վարչապետի պաշտոնակատար Կարեն Կարապետյանը հանդես է եկել հայտարարությամբ՝ նշելով, որ իր և Նիկոլ Փաշինյանի միջև նախօրոք պլանավորված հանդիպումը չի կայանա, քանի որ Փաշինյանի կողմից միակողմանի առաջադրվել են նոր պահանջներ՝ մասնավորապես` հանդիպման ձևաչափի, օրակարգի և լուսաբանման առումով:
Սալահը կրկին անում է իր գործը` շքեղ հարվածով գրավելով իր նախկին թիմի դարպասը (տեսանյութ)
25 Ապրիլի 2018 - 00:09
Չեմպիոնների լիգայի խաղարկության կիսաեզրափակչում «Լիվերպուլը» սեփական հարկի տակ ընդունել է «Ռոմային»:
Հավաքվում ենք Հանրապետության հրապարակում շարունակելու և ավարտին հասցնելու թավշյա հեղափոխությունը. Փաշինյան (Տեսանյութ)
25 Ապրիլի 2018 - 00:03
Քիչ առաջ ԱԺ «Ելք» խմբակցության ղեկավար Նիկոլ Փաշինյանը ելույթ ունեցավ ֆեյսբուքյան ուղիղ եթերով, որում նշեց, որ այսօր առաջարկել է վարչապետի պաշտոնակատար Կարեն Կարապետյանին, ԱԺ նախագահ Արա Բաբլոյանին և ԱԺ «ՀՀԿ» խմբակցության ղեկավար Վահրամ Բաղդասարյանին վաղը նստել բանակցային սեղանի շուրջ 3-3 ֆորմատով:
Ուկրաինայում անցկացվել են Հայոց ցեղասպանության 103-րդ տարելիցին նվիրված միջոցառումներ
24 Ապրիլի 2018 - 23:29
Ուկրաինայում Հայոց ցեղասպանության 103-րդ տարելիցը նշվել է բոլոր խոշոր հայկական համայնքներում:
Նիկոլ Փաշինյանի և Կարեն Կարապետյանի միջև նախատեսված հանդիպումը վաղը չի կայանա
24 Ապրիլի 2018 - 22:50
Վաղը վարչապետի ժամանակավոր պաշտոնակատար Կարեն Կարապետյանի և Նիկոլ Փաշինյանի միջև նախատեսված բանակցությունները տեղի չեն ունենա:
1 | 2 | 3 | 4 | 5 | 6 | 7 | 8 | 3945
 
Լրահոս`
Չեխիան Իսրայելի միջոցով ապօրինի զենք է վաճառում Ադրբեջանին
Միջազգային, Հասարակություն, Քաղաքական