Facebook   Twitter
 
Տեղի է ունեցել «Արի տուն» ծրագրի 2017թ. առաջին փուլի բացման հանդիսավոր արարողությունը

Տեղի է ունեցել «Արի տուն» ծրագրի 2017թ. առաջին փուլի բացման հանդիսավոր արարողությունը

19 Հունիսի 2017 - 13:38
ՀՀ սփյուռքի նախարարությունում, այսօր՝ հունիսի 19-ին, տեղի է ունեցել սփյուռքահայ երիտասարդների հայրենաճանաչության «Արի տուն» ծրագրի 2017թ. առաջին փուլի բացման հանդիսավոր արարողությունը, որին մասնակցում է 163 սփյուռքահայ պատանի ու աղջիկ 7 երկրից՝ Ռուսաստանից, Ուկրաինայից, Վրաստանից, Ղազախստանից, Կանադայից, Քուվեյթից, Սիրիայից եւ Ֆրանսիայից:
Ողջույնի խոսքով հանդես եկավ ՀՀ սփյուռքի նախարար Հրանուշ Հակոբյանը: Նա նշեց, մինչ այդ՝ ապրիլի 10-20-ը «Արի տուն» ծրագրի հատուկ փուլով Հայաստան էին այցելել 66 պատանի ու աղջիկ Ֆրանսիայի Ալֆորվիլ քաղաքի «Ս. Մեսրոպ-Արապեան», Փարիզի «Դպրոցասեր» եւ Մարսելի «Համազգային» վարժարաններից՝ 10 ուսուցչի ուղեկցությամբ:

«Սիրելի՛ արիտունցիներ, բարով եք եկել Հայրենիք: Շնորհակալ ենք ձեր ծնողներին, ուսուցիչներին, որ վստահեցին եւ Հայաստան ուղարկեցին ձեզ՝ մասնակցելու հայրենաճանաչության այս լավագույն ծրագրին: Հյուրընկալ ընտանիքներում 9 եւ ճամբարային 5 օրերի ընթացքում դուք կայցելեք Հայաստանի պատմական ու տեսարժան վայրեր, թանգարաններ, հանդիպումներ կունենաք պետական, հասարակական, մշակութային գործիչների հետ: Հայաստանում սովորեք, կատարելագործեք Ձեր Մայրենին եւ հիշեք, որ միայն լավ մարդ եւ մրցունակ մասնագետներ դառնալով կկարողանաք ստեղծել ձեր արժանապատիվ ապագան եւ ձեր լուման կներդնեք Հայրենիքի շենացման գործին»:

ՀՀ սփյուռքի նախարարը շնորհակալություն հայտնեց պատկան գերատեսչություններին եւ համայնքային ծառայություններին՝ «Արի տուն» ծրագրի մասնակիցներին Հայաստանում հավուր պատշաճի ընդունելու, տեղավորելու, նրանց անվտանգությունն ու ժամանցը կազմակերպելու համար:

Այնուհետեւ նախարարը ավանդույթի համաձայն «Արի տուն» ծրագրի տարբերանշանով շապիկը հագցրեց ծրագրի ամենակրտսեր մասնակցին՝ Քուվեյթի ազգային վարժարանի սան Աբութ Ղտեին:

Շնորհակալություն հայտնելով մշտական ջերմ ընդունելության համար՝ ՌՀՄ Կրասնոդարի մասնաճյուղի կրթական խորհրդի ղեկավար Կարինե Եսայանը նշեց. «Արի տուն» ծրագիրը Հայրենիք-Սփյուռք կապերի մերձեցման իրական հնարավորություն է: Սիրելի՛ տիկին Հակոբյան, շնորհակալ ենք Ձեզ՝ ծրագրին մասնակցելու հնարավորություն ընձեռելու համար: Կրասնոդարի երկրամասի հայ պատանիներն ու աղջիկները մի քանի տարի շարունակ ոգեւորությամբ մասնակցում են եւ դեռ կմասնակցեն ծրագրին»:

Այնուհետեւ ելույթ ունեցավ Ղազախստանի մասնակից Լուսինե Սարգսյանը՝ նշելով, որ իր հետ կտանի Հայաստանից ստացած ջերմ եւ անկրկնելի տպավորությունները: Ատըրաուի դպրոցի սաները (Ղազախստան)՝ տնօրեն Ալեսանդ Կարապետյանի գլխավորությամբ խոսեցին ծրագրի կարեւորության մասին եւ ընդգծեցին, որ այսուհետ մշտապես պիտի մասնակցեն ծրագրին:

Այնուհետեւ նախարար Հրանուշ Հակոբյանը ՀՀ սփյուռքի նախարարության Երախտագիտության մեդալով պարգեւատրեց Արարատի մարզի «Արի տուն» ծրագրի պատասխանատու Ադիբեկ Խուրշուդյանին:

Ասմունքով եւ ազգային երգերի կատարումներով հանդես եկան Քուվեյթից Մարիա Ղտեն, Ռուսաստանից Արփինե Բակունցը, Կարինա Եսայանը եւ Հրաչ Շահինյանը: Պարային համար ներկայացրին Ախալքալակի Բարալեթ գյուղի դպրոցի պարախմբի աղջիկները:

HayNews.am
 
Նմանատիպ նորություններ
Արքայազն Հարրիի եւ Մեգան Մարքլի հարսանիքից նվերները հայտնվել են առցանց աճուրդներում
22 Մայիսի 2018 - 00:04
Արքայազն Հարրիի եւ Մեգան Մարքլի հարսանիքից երկու օր անց առցանց աճուրդներում վաճառքի են հանվել նվերներ, որոնք մատուցել են Վինձորում հարսանեկան արարողության հյուրերին, հաղորդում է BBC-ն:
«Ելք»-ի՝ ավագանու 3 անդամի լիազորությունները դադարեցվել են
21 Մայիսի 2018 - 23:55
Երևանի քաղաքապետն արձանագրություններ է ստորագրել․
Ամենայն Հայոց Գարեգին Բ կաթողիկոսն այցելել է Գարեգին Չուգասզյանին (լուսանկար)
21 Մայիսի 2018 - 23:51
Ամենայն Հայոց Գարեգին Բ կաթողիկոսն այսօր այցելել է «Հիմնադիր խորհրդարանի» նախագահ Գարեգին Չուգասզյանին, ով մի քանի օր է ինչ հացադուլ է հայտարարել:



Marca․ Գրիզմանը մնում է «Աթլետիկոյում»
21 Մայիսի 2018 - 23:49
Ֆրանսիայի հավաքականի հարձակվող Անտուան Գրիզմանը որոշել է մնալ «Աթլետիկոյում»։
Ուշ քնելու սովորությունը կարող է հոգեկան խանգարումների պատճառ դառնալ
21 Մայիսի 2018 - 23:46
Ուշ քնելու սովորությունը կարող է հանգեցնել հոգեկան խանգարումների։ Նման եզրակացության են հանգել Գլազգո համալսարանի գիտնականները՝ Լորա Լայալի ղեկավարությամբ։
Կաննում Հայոց ցեղասպանության մասին հոլովակը մեծ հետաքրքրություն է առաջացրել (Տեսանյութ)
21 Մայիսի 2018 - 23:38
Կաննի 71-րդ փառատոնի շրջանակում ցուցադրվել է Հայոց ցեղասպանության մասին պատմող հոլովակ:
Կենդանակերպի երեք՝ ի ծնե կախարդ նշանները
21 Մայիսի 2018 - 23:37
Աստղագուշակները պնդում են, որ բոլոր կանայք փոքր-ինչ կախարդ են, սակայն կենդանակերպի այս երեք նշանների ներկայացուցիչներին աստղերը կախարդական շնորհ են պարգևել։ Եվ այդ տիկնայք հաճույքով օգտագործում են այն։
Ալբանիայի մայրաքաղաքում Թումո կենտրոն ստեղծելու նախագիծ կա
21 Մայիսի 2018 - 23:31
Ալբանիայի մայրաքաղաքում խորհրդային շրջանի կառույցներից մեկը՝ Տիրանայի բուրգը կվերածվի նոր տեխնոլոգիական, արվեստի և մշակույթի կենտրոնի:
Մայքլ Փենսը Վենեսուելայում կայացած ընտրությունները «խայտառակություն» է կոչել
21 Մայիսի 2018 - 23:30
ԱՄՆ փոխնախագահ Մայքլ Փենսը Վենեսուելայում կայացած ընտրությունները «խայտառակություն» է կոչել: Նա կարծում է, որ դրանք ազատ եւ արդար չեն եղել, գրում է AP-ն:
1 | 2 | 3 | 4 | 5 | 6 | 7 | 8 | 11440
 
Լրահոս`
 
 
 
 
Marca․ Գրիզմանը մնում է «Աթլետիկոյում»
Միջազգային, Սպորտ, Հասարակություն