Facebook   Twitter
 
Ապրիլյան պատերազմում ևս քաջաբար կատարել էր իր մարտական խնդիրը. Արցախում զոհված Նարեկ Գասպարյանին հուղարկավորեցին զինվորական կարգով (Տեսանյութ)

Ապրիլյան պատերազմում ևս քաջաբար կատարել էր իր մարտական խնդիրը. Արցախում զոհված Նարեկ Գասպարյանին հուղարկավորեցին զինվորական կարգով (Տեսանյութ)

19 Հունիսի 2017 - 16:32
Այսօր զինվորական կարգով հողին հանձվեց հունիսի 17-ին Արցախում հակառակորդի կրակոցից զոհված 20-ամյա զինծառայող Նարեկ Գասպարյանը: Նրա մարմինը Նորք Մարաշ վարչական շրջանի գերեզմանատուն էին տեղափոխել Սուրբ Աստվածածին եկեղեցուց: Մինչ գերեզմանատուն տանելը նրա մարմինը նաև հարազատ տան բակ էին տարել:
Tert.am-ի հետ զրույցում մայոր Զավեն Խաչատրյանը նշեց, որ Նարեկը եղել է բանիմաց և կարգապահ զինծառայող:

«Ինքն իրեն դրսևորել է նաև որպես հերոս. ապրիլյան մարտական գործողությունների ժամանակ ևս քաջաբար կատարել էր իր առջև դրված խնդիրը՝ ոսոխին ստիպելով հետ քաշվել։ Իր մարտական ընկերները, զորամասի ողջ անձնակազմը ասում են՝ իրեն բացակա չեն դնելու»,-շեշտեց նա:

Զոհված զինծառայողի հարազատները և հարևանները պատմեցին, որ Նարեկը ապրիլին մարտական գործողություններին մասնակցել է Թալիշում, մեկ ամիս առաջ Արցախում տոնական միջոցառումների ժամանակ պարգևատրվել է Արցախի ՊԲ հրամանատարի կողմից:

Զինծառայողի հարևաններից Աշոտ Գևորգյանը նշեց, որ Նարեկի հոր հետ միասին ապրիլյան պատերազմին մասնակցել են որպես կամավոր, եղել են Նարեկի կողքին:

«Միշտ խիզախություն է ցուցաբերել, սահմանային իրավիճակի մասին խոսել չէր սիրում, ապրիլին էլ, եթե մասնակից չլինեինք, մանրամասներ չէինք իմանա։ Աստված անի, վերջին զինվորի մահը սգանք»,-շեշտեց նա:

Հարևաններից Միսակ Ավետիսյանն էլ տեղեկացրեց, որ զինծառայողը «օտպուսկ» էր եկել 2 ամիս առաջ, զորացրվելու էր հուլիսի 14-ին: Նարեկը երկու քույր, մեկ եղբայր ունի:

Հիշեցենք, որ հունիսի 17-ի առավոտյան ադրբեջանական կողմը հյուսիսային ուղղությամբ դիմել էր հերթական սադրանքի, որի հետևանքով ժամը 09.40-ի սահմաններում մահացու հրազենային վիրավորում էր ստացել Նարեկ Գալստյանը:

Արցախի Հանրապետության նախագահ Բակո Սահակյանը հունիսի 17-ին ստորագրել է հրամանագիր, համաձայն որի՝ Լեռնային Ղարաբաղի Հանրապետության պետական սահմանը պաշտպանելիս ցուցաբերած արիության համար ԼՂՀ պաշտպանության բանակի N զորամասի զինծառայող Նարեկ Գասպարյանը հետմահու պարգևատրվել է «Մարտական ծառայություն» մեդալով։


Մանրամասները՝տեսանյութում։

Tert.am
 
Նմանատիպ նորություններ
Սողանքի պատճառով գազատարը վնասվել է. դադարեցվել է Դիլիջանի գազամատակարարումը
23 Հոկտեմբերի 2017 - 11:52
Սողանքի հետեւանքով վնասված մայրուղային գազատարի վթարավերականգնման աշխատանքների իրականացման նպատակով ս.թ. հոկտեմբերի 23-ին՝ ժամը 11:00-ից դադարեցվել է Դիլիջան քաղաքի գազամատակարարումը:
Մեքսիկացի խորհրդարանականները ծաղիկներ են խոնարհել Ծիծեռնակաբերդի անմար կրակի մոտ
23 Հոկտեմբերի 2017 - 11:49
Մեքսիկայի խորհրդարանի պատգամավորներ Բլանկա Մարգարիտա Կուատա Դոմինգեսը, Մարիա Կրիստինա Տերեսա Գարսիա Բռավոն, Կառլոս Էռնանդես Միրոն ՀՀ ԱԺ նախագահի տեղակալ Էդուարդ Շարմազանովի և ՀՀ ԱԺ ապատգամավոր Մարգարիտ Եսայանի ուղեկցությամբ այցելել են Ծիծեռնակաբերդի հուշահամալիր։
Ահազանգ ԱԻՆ-ում. ավտոմեքենան ընկել է ձորը
23 Հոկտեմբերի 2017 - 11:13
ՀՀ արտակարգ իրավիճակների նախարարություն հոկտեմբերի 23-ին, ժամը 08:29-ին ահազանգ է ստացվել, որ Ագարակաձոր-Գնիշիկ ավտոճանապարհին ավտոմեքենան ընկել է ձորը:

ՀՀ ԱԺ պատգամավորները բաց դասախոսություն են կարդացել Արցախի համալսարանի ուսանողների համար
23 Հոկտեմբերի 2017 - 11:09
ՀՀ ԱԺ ՀՀԿ խմբակցության պատգամավորներ Արման Սաղաթելյանը, Հրայր Թովմասյանը, Կարեն Բեքարյանը և Միհրան Հակոբյանը այսօր՝ հոկտեմբերի 23-ին, «ՊանԱրմենիան Մեդիա Գրուպ»-ի նախաձեռնությամբ, Ստեփանակերտում բաց դասախոսություն են կարդացել Արցախի պետական համալսարանի ուսանողների համար:
Հակառակորդը հայկական դիրքերի վրա արձակել է ականանետի 5 արկ և «ՍՊԱՅԿ» տիպի մեկ հակատանկային հրթիռ. Պատասխանը լինելու է ցավոտ. Արցախի ՊՆ (Տեսանյութ)
23 Հոկտեմբերի 2017 - 10:52
Երեկ Ադրբեջանի զինված ուժերը խախտելով վերջերս ԵԱՀԿ Մինսկի խմբի համանախագահների միջնորդությամբ Հայաստանի և Ադրբեջանի նախագահների միջև Ժնևում տեղի ունեցած հանդիպման ժամանակ ձեռք բերված պայմանավորվածությունը՝ հակամարտ զորքերի շփման գծի հյուսիսարևելյան (Մարտակերտ-Մատաղիս) ուղղությամբ կիրառել են հրետանային զինատեսակներ, հայկական դիրքերի վրա արձակելով ականանետի 5 արկ և «ՍՊԱՅԿ» տիպի մեկ հակատանկային հրթիռ:
Հարկադիր կատարման ծառայությունը տեղեկացնում է
23 Հոկտեմբերի 2017 - 10:48
Հարկադիր կատարման ծառայությունը տեղեկացնում է, որ 2017 թվականի հոկտեմբերի 16-ից 20-ը Ծառայության կողմից ֆիզիկական և իրավաբանական անձանցից ստացվել է 2253 դիմում և գրություն, իսկ թեժ գիծ ծառայության կողմից ստացվել և ընթացք է տրվել թվով 409 հեռախոսազանգի:
Վթար Էջմիածին-Մարգարա ավտոճանապարհին. Վարորդն արգելափակվել է մեքենայում
23 Հոկտեմբերի 2017 - 10:43
Հոկտեմբերի 23-ին, ժամը 02:47-ին ահազանգ է ստացվել, որ Էջմիածին-Մարգարա ավտոճանապարհի 4-րդ կմ-ին տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Վթարի պատճառով 7 ջուր չի լինելու Գյումրիում
23 Հոկտեմբերի 2017 - 10:37
«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված, ս.թ. հոկտեմբերի 23-ին ժամը 11.00-18.00-ն կդադարեցվի Շիրակի մարզի Գյումրի քաղաքի` Ղանդիլյան, Սավոյան, Շիրակացի փողոցների, 224, 228 տարածքների ջրամատակարարումը:
Ժամկետային զինծառայող Չապլին Մարգարյանի մահվան առթիվ հարուցված քրեական գործով մայոր է ձերբակալվել
23 Հոկտեմբերի 2017 - 10:28
2017թ. հոկտեմբերի 10-ին հակառակորդի կողմից արձակած կրակոցից կրծքավանդակի շրջանում հրազենային վիրավորում էր ստացել պարտադիր ժամկետային զինծառայող, շարքային Չապլին Արմենի Մարգարյանը, ով մահացել էր զինվորական հոսպիտալ տեղափոխվելուց հետո: Նույն օրը հակառակորդի կողմից ապօրինաբար դիտավորությամբ Չ. Մարգարյանին կյանքից զրկելու դեպքի առթիվ ՀՀ քննչական կոմիտեի ԶՔԳՎ վեցերորդ կայազորային քննչական բաժնում հարուցվել է քրեական գործ՝ ՀՀ քրեական օրենսգրքի 34-104-րդ հոդվածի 2-րդ մասի 13-րդ կետով:
1 | 2 | 3 | 4 | 5 | 6 | 7 | 8 | 8341
 
Լրահոս`