Facebook   Twitter
 
Ադրբեջանի ղեկավարությանը ԵԱՀԿ Մինսկի խմբի համանախագահները կոչ են արել  խուսափել հետագա լարվածությունից

Ադրբեջանի ղեկավարությանը ԵԱՀԿ Մինսկի խմբի համանախագահները կոչ են արել խուսափել հետագա լարվածությունից

19 Հունիսի 2017 - 19:09
ԵԱՀԿ Մինսկի խմբի համանախագահները կոչ են արել Ադրբեջանի ղեկավարությանը Լեռնային Ղարաբաղի հակամարտության շփման գծում խուսափել հետագա լարվածությունից: Այդ մասին ասված է տարածաշրջան այցի արդյունքներով ԵԱՀԿ Մինսկի խմբի համանախագահների տարածած հայտարարությունում:
Հայտարարությունում նշվում է, որ ԵԱՀԿ Մինսկի խմբի համանախագահներ Իգոր Պոպովը (Ռուսաստան), Ռիչարդ Հոգլանդը (ԱՄՆ) և Ստեֆան Վիսկոնտին (Ֆրանսիա) ԵԱՀԿ գործող նախագահի անձնական ներկայացուցիչ դեսպան Անջեյ Կասպշիկի հետ միասին հունիսին այցելել են տարածաշրջան: Ինչպես նշված է հայտարարությունում, համանախագահների այցի գլխավոր նպատակը ապրիլի 28-ին Մոսկվայում արտգործնախարարների եռակողմ հանդիպումից հետո Լեռնային Ղարաբաղի խաղաղ կարգավորման գործընթացում հետագա քայլերի ուղղությամբ կողմերի դիրքորոշումը և, ընդհանուր առմամբ, հակամարտության գոտում իրավիճակը քննարկելն էր:

Ինչպես նշվում է հայտարարությունում, Բաքվում ունեցած բանակցությունների ընթացքում համանախագահներն իրենց խորը մտահոգությունն են հայտնել Ադրբեջան իրենց այցի նախօրեին հրադադարի վերջին խախտումների և դրանց հետևանքով շփման գծում գրանցված զոհերի վերաբերյալ:

«Բաքվում ունեցած բանակցությունների ընթացքում համանախագահներն իրենց խորը մտահոգությունն են հայտնել Ադրբեջան իրենց այցի նախօրեին հրադադարի վերջին խախտումների վերաբերյալ, որոնք շփման գծում զոհերի պատճառ են դարձել: Նրանք կոչ են արել Ադրբեջանի ղեկավարությանը խուսափել հետագա լարվածությունից»,- ասված է հայտարարությունում:

Համանախագահները նշել են, որ նույն ուղերձն են հղում նաև Հայաստանի և Լեռնային Ղարաբաղի իշխանություններին: Նրանք խրախուսել են կողմերին միջոցներ ձեռնարկել, որոնք կնվազեցնեն լարվածությունը շփման գծում և Հայաստանի ու Ադրբեջանի միջև միջազգային սահմանին:

Հայտարարությունում նշվում է, որ երկու մայրաքաղաքներում համանախագահները կոչ են արել կողմերին «բարեխղճորեն և քաղաքական կամք ցուցաբերելով վերաներգրավվել բանակցություններին»: Նրանք ընդգծել են, որ սա «միակ ճանապարհն է, որով կարելի է տևական խաղաղություն բերել տարածաշրջանի ժողովուրդներին, որոնք ակնկալում են և որոնք արժանի են հակամարտության կարգավորման գործընթացում առաջընթացի»:

«Նախագահներն իրենց մտադրությունն են արտահայտել վերսկսել քաղաքական երկխոսությունը՝ փորձելով փոխզիջումային լուծում գտնել կարգավորման ամենավիճահարույց հարցերի համար»,- ասված է հայտարարության տեքստում:

Ինչպես նշված է հայտարարությունում, համանախագահները հուլիսի 3-ին կայցելեն Վիեննա՝ Մինսկի խմբի անդամներին տեղեկություններ փոխանցելու համար: Նրանք նաև ծրագրում են շուտով կրկին հանդիպել Հայաստանի ու Ադրբեջանի արտգործնախարարների հետ՝ քննարկելու առաջիկա աշխատանքի ձևաչափերը:

HayNews.am
 
Նմանատիպ նորություններ
Հնդկաստանի գերագույն դատարանը մուսուլմաններին արգելել է նույն բառը 3 անգամ կրկնելով արագ ամուսնալուծվել
22 Օգոստոսի 2017 - 14:58
Հնդկաստանի գերագույն դատարանը հակասահմանադրական է ճանաչել մուսուլման տղամարդկանց կողմից 3 անգամ «թալաք» (ամուսնալուծություն) բառը կրկնելու ու դրա միջոցով արագ ամուսնալուծվելու երևույթը:
Թուրքիայի խորհրդարանի հայազգի պատգամավոր Փայլանը դատի է տվել քրիստոնյաներին «գյավուր» անվանած թուրք սյունակագրին
22 Օգոստոսի 2017 - 14:51
Թուրքիայի ընդդիմադիր Ժողովրդադեմոկրատական կուսակցության անդամ, խորհրդարանի հայազգի պատգամավոր Կարո Փայլանը բողոք է ներկայացրել Թուրքիայի հանրապետական դատախազություն ընդդեմ թուրքական «Յենի Շաֆաք» պարբերականի սյունակագիր Հայրեթթին Քարամանի, այս մասին գրում է t24.com.tr կայքը:
«Oրենքով գող» Շաքրո Մոլոդոյին Մոսկվայի քաղաքային դատարանը կալանքի տակ է թողել
22 Օգոստոսի 2017 - 14:46
Մոսկվայի քաղաքային դատարանը մերժել է Շաքրո Մոլոդոյ մականունով հայտնի Զախարի Քալաշովի կալանքի տակ պահման ժամկետի երկարաձգման մասին որոշման դեմ պաշտպանության բողոքը: Այդ մասին հայտնում է mskagency.ru-ն:

Սոս Ջանիբեկյանի զուգընկերուհին դերասանի հետ ռոմանտիկ լուսանկար է հրապարակել
22 Օգոստոսի 2017 - 14:39
Սոս Ջանիբեկյանի զուգընկերուհին՝ Մադոննան, դերասանի հետ ռոմանտիկ լուսանկար է հրապարակել Instagram-ի իր էջում, որն ուղեկցել է ոչ պակաս ռոմանտիկ գրառմամբ.
Վենեսուելայում հորդառատ անձրևները դարձել են չորս մարդու մահվան պատճառ
22 Օգոստոսի 2017 - 14:32
Վենեսուելայի հյուսիսում տեղացած հորդառատ անձրևները հանգեցրել են չորս մարդու մահվան, ևս մի քանի հոգի անհայտ կորած է համարվում: Այդ մասին հայտնել է երկրի ՆԳՆ ղեկավար Նեստոր Ռևերոլը:
Ամփոփ տեղեկատվություն՝ «Կանեփ-կակաչ-2017» համալիր օպերատիվ-կանխարգելիչ միջոցառման անցկացման արդյունքների վերաբերյալ (22.08.2017թ. դրությամբ)
22 Օգոստոսի 2017 - 14:19
Միջոցառման անցկացման ընթացքում` օգոստոսի 21-ից 22-ը ընկած ժամանակահատվածում հանրապետության տարածքում հայտնաբերվել և այրման միջոցով ոչնչացվել է 4619 կգ կանեփի վայրի աճած կանաչ զանգված:
Սերժ Սարգսյանն աշխատանքային այցով կմեկնի Սոչի. Վլադիմիր Պուտինի հետ հանդիպմանը կքննարկվի նաև ԼՂ հարցը
22 Օգոստոսի 2017 - 14:12
Նախագահ Սերժ Սարգսյանը օգոստոսի 23-ին աշխատանքային այցով կմեկնի Ռուսաստանի Դաշնություն՝ Սոչի, որտեղ հանդիպում կունենա ՌԴ Նախագահ Վլադիմիր Պուտինի հետ:
Երևանում օպերլիազորը ծեծել է, հետո կրակոցներ արձակել
22 Օգոստոսի 2017 - 14:07
ՀՀ հատուկ քննչական ծառայության վարույթ է ընդունվել իշխանության ներկայացուցչի նկատմամբ բռնություն գործադրելու և խարդախության դեպքերի առթիվ ՀՀ քննչական կոմիտեում քննված քրեական գործը: Այս մասին հայտնում է ՀՔԾ լրատվական ծառայությունը:
Աբխազիայում ծեծի են ենթարկել ազգությամբ հայ ոստիկանին
22 Օգոստոսի 2017 - 14:00
Օգոստոսի 20-ի երեկոյան Սուխումիի Տուրբազի շրջանում պետավտոտեսչության աշխատակիցները կանգնեցրել են ավտոմեքենան, որի վարորդը 1992 թվականին ծնված Ավիձբա Այնար Անզորովիչն էր, փոխանցում է «Նաշա Աբխազիա»-ն։
1 | 2 | 3 | 4 | 5 | 6 | 7 | 8 | 10543
 
Լրահոս`