Facebook   Twitter
 
Գյուղացի երեխան կգնա քաղաք, կիմանա տուալետից օգտվելու ձևը. Այգեստանի գյուղապետ (Լուսանկարներ)

Գյուղացի երեխան կգնա քաղաք, կիմանա տուալետից օգտվելու ձևը. Այգեստանի գյուղապետ (Լուսանկարներ)

27 Հունիսի 2017 - 10:34
Արարատի մարզի Այգեստան գյուղը, իր խնդիրներով ու հոգսերով, իր այգաբացով ու մայրամուտով ոչնչով չի տարբերվում Հայաստանի մյուս բնակավայրերից: Անասնապահություն, հողագործություն, այգեգործություն. սրանք այն հիմնական զբաղմունքներն են, որ աքլորականչի հետ այգեստանցուն արթնացնում են:
Այգեստանն էլ է դատարկվում, մոտ 500 մարդ լքել է բերրի հողեր ու համեղ միրգ, բանջարեղենով հարուստ գյուղը: Նրանց մեծ մասը անվերադարձ է գնացել, հավաստիացնում է համայնքապետը: «Մոտ 100 փակ դուռ ունենք: Գյուղում տուն առնող էլ չկա»,- սաում է Սոկրատ Հովսեփյանը:

Մասնագիտությամբ բանասեր, ինժիներ և իրավաբան գյուղապետը իր խոսքով ամեն բան անում, որ գյուղացու համար լավ լինի, բայց արի ու տես, որ լավությունը շատ դեպքում գյուղապետի դեմ ամենատարբեր պաշտոնյաներին բողոք-նամակներ գրելու առիթ է դառնում:

«Ես շատ վիրավորված են իմ գյուղացիների վարքագծից, որ այդքան անելուց հետո իմ դեմ նամակներ են գրում: Բայց ես հայի այլ տեսակ եմ: Ինձ համար կարևորը օրենքն է»,- ասում է 75-ամյա գյուղապետը:

HayNews.am-ին հասցեագրված նամակի հետքերով մենք էլ Այգեստանում ենք:

Մերգելյանի ինստիտուտի ավագ ինժեներ, «Հայշինանտառթուղթմատառ» արտադրական միավորման իրավաբանական բաժնի պետ, ՀՀ գլխավոր դատախազության դատախազ, իսկ 2008թ.-ից Այգեստանի համայնքապետի պաշտոնը ստանձնած Սոկրատ Հովսեփյանը, առանձնացնում է այն աշխատանքները, որ հասցրել է կյանքի կոչել:

1965թ.-ին շահագործման հանձնված դպրոցում, սանհագույց չի եղել և աշակերտները ամառ, թե ձմեռ իրենց կարիքները հոգացել են դպրոցամերձ տարածքում կառուցված զուգարանում: 42 աշխատող և 320 աշակերտ ունեցող դպրոցում աղջիկների համար զուգարանն արդեն պատրաստ է, տղաներինը՝ ընթացքի մեջ: Անցկացվել է 78 մետր երկարությամբ կոյուղի: Աշխատանքների համար գյուղապետարանը տրամադրել է շուրջ 1 մլն դրամ:

«Գյուղացի երեխան կգնա քաղաք, կիմանա տուալետից օգտվելու ձևը: Գյուղացի երեխան կիմանա թե ինչ է քաղաքակիրթ ապրելը»,- նշում է Այգեստանի գյուղապետը:

Սոցներդրումների հիմնադրամի հատկացրած 70 և համայնքի 5 միլիոն ներդրմամբ, 2011թ.-ից գյուղում գործում է հիմնանորոգված ու կահավորված մանկապարտեզը: 18 աշխատող ունեցող նախակրթարան է հաճախում 120 փոքրիկ, նաև հարևան համայնքներից են այստեղ գալիս: «Սոկրատ ասում էր ինչ տարբերություն, որ գյուղի երեխա է՝ թող կրթվեն, թող մարզվեն»,- ասում է Հովսեփյանը:

Լուծված է նաև Այգեստանի խմելու ջրի խնդիրը: Շախմատաձև իրար խաչվող 16 փողոցներում մոտ 20 կմ ջրագիծ է անցկացվել: «Իմ դեմ գրողներից մեկը մի օր էկավ մոտս ասաց. «Սոկրատ ջան, շնորհակալ եմ քեզ, տարիներ շարունակ նաֆարս տաշտի մեջ էր լողանում»»,- պատմում է համայնքապետը:

Համայնքի զարգացման համար Հովսեփյանը, ոչ միայն իր անձնական կապերն է օգտագործում, այլև՝ իր խելքը, շնորքն ու աշխատասիրությունը:

«Ես վերևների համար ընդունելի մարդ չեմ, որովհետև գրում ու անհանգստացնում եմ իրենց, ընդունելի մարդ չեմ նաև գյուղացիներից շատերի համար»,- ասում է համայնքապետ Սոկրատը:

Ոչ միայն գյուղացիներն են նրա դեմ բողոք դիմում գրում այլ նաև ինքը: «Մեկը մշակույթի տան դիմացի թթի ծառը կտրել էր, գրեցի ոստիկանություն եկան 120.000 դրամ տուգանեցին: էդ մարդը կարող է ինձ սիրի, իհարկե ոչ: Այսինքն գյուղապետին բանի տեղ չես դնում: Սխալ եմ արել որ գրել եմ, թող մյուսների համար դաս ու օրինակ լինի»,- նշեց նա:

Հողի հարկ չվճարողների անուններն էլ գյուղապետի թեթև ձեռքով դատական ակտերի հարկադիր կատարողների մետ են հայտնվել:

Երբ 9 տարի առաջ ներկայիս համայնքապետը ստանձնեց պաշտոնը՝ համայնքի բյուջեյում 23.000 դրամ գումար կար, հենց այդ նույն տարում ավելի քան 41 մլն դրամով հիմնանորոգեց գյուղապետարանի շենքն ու նոր գույք գնեց: «Աթոռ չկար, սեղան չկար, փոշու, կեղտի մեջ կորած էր գյուղապետարանը»,- հավաստիացնում է Հովսեփյանը:

Գյուղում կանոնավոր աղբահանություն իրականացնելու նպատակով համայնքային բյուջեից 4 մլն դրամով տրակտոր է գնել: Սա ևս դարձավ հերթական խոսակցության թեմա, թե Սոկրատը դա իր կարիքների համար է օգտագործում, գյուղապետը հերքում է պտտվող լուրերը. «Ես այն տվել եմ մեր համագյուղացիներից մեկին, ով և´ աշխատեցնում է, և´ հոգում բոլոր ծասերը»:

Մոտ 1500 ընտրող ունեցող Այգեստանում, վերջին ընտրություների ժամանակ գործող գյուղապետին դեմ է քվեարկել 440-ը, ինչն էլ խորը վիրավորել է նրան: «Ես ագիտացիա չեմ արել, մարդկանց տներ չեմ գնացել, չեմ ասել ինձ ձայն տվեք: Ասել եմ, եթե գնահատում են իմ աշխատանքը թող ընտրեն: Բայց վիրավորված եմ: Մեկն էկել է, խնդրել է, ես էլ գնացել եմ մարզպետարան մորը տարել եմ վիրահատության, սա ինձ դեմ է քվերակել»,- ասում է Այգեստանի համայնքապետն ու իբրև վերջաբան հավելում. «Ես գիշերը պառկում են քնելու, մտածում եմ վաղն ինչ անեմ: Ճիշտ է վիրավորված եմ, շատ եմ վիրավորված, ասում եմ բա էսքանն անես ու չգնահատեն…»:

HayNews.am
 
Նմանատիպ նորություններ
Վահրամ Բաղդասարյանը հերքեց, որ «ՎԱԲԱ» ընկերությունը իրեն է պատկանում
21 Հունիսի 2018 - 18:03
Հանրապետական խմբակցության պատգամավոր Վահրամ Բաղդասարյանը վստահեցնում է, որ «ՎԱԲԱ» ՍՊԸ–ն իրեն չի պատկանում, այլ իր մտերիմին։
Թուրքիան ԱՄՆ-ից ապրանքների համար պատասխան մաքսատուրքեր է սահմանել
21 Հունիսի 2018 - 17:57
Թուրքիայի կառավարությունը որոշում է կայացրել լրացուցիչ մաքսատուրքեր սահմանել ԱՄՆ-ից 22 անուն ապրանքների համար: Այդ մասին հայտարարել է երկրի էկոնոմիկայի նախարար Նիհաթ Զեյբեկչին, հաղորդում է ТАСС գործակալությունը:
Խոշոր չափերով գողություն Երևանում (Տեսանյութ)
21 Հունիսի 2018 - 17:53
Քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժնում քննվող քրեական գործով միջոցներ են ձեռնարկվում՝ պարզելու ՓԲԸ-ի սպասարկման սրահից գողություն կատարած անձի ինքնությունը։
Իտալիան պատրաստ է Հայաստանի հետ զարգացնել գործարար հարաբերությունները
21 Հունիսի 2018 - 17:52
ՀՀ տրանսպորտի, կապի և տեղեկատվական տեխնոլոգիաների նախարար Աշոտ Հակոբյանը հունիսի 21-ին ընդունեց Հայաստանի Հանրապետությունում Իտալիայի Հանրապետության արտակարգ և լիազոր դեսպան Վինչենցո դել Մոնակոյին։ Այս մասին տեղեկացրին ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայությունից:
Հոկտեմբերի 27-ից հետո Մանվել Գրիգորյանը ԵԿՄ-ով դուրս էր եկել Ռոբերտ Քոչարյանի դեմ. հիշեցնում է սահմանապահ զորքերի նախկին հրամանատարը (Տեսանյութ)
21 Հունիսի 2018 - 17:46
«Դա հորինված բան չէ, դա ընդունված կարգ է, եթե ապացուցվի ամեն ինչ, իհարկե, Մանվել Գրիգորյանը կզրկվի բոլոր կոչումներից»,- այսօր լրագրողների հետ հանդիպման ժամանակ ասել է Հայաստանի սահմանապահ զորքերի նախկին հրամանատար, գեներալ-մայոր Լևոն Ստեփանյանը։
Ռոբ Քարդաշյանի նախկին ընկերուհին երեկույթին ներկայացել էր բաց զգեստով
21 Հունիսի 2018 - 17:45
Էմբեր Ռոուզը Simply Red ապրանքանիշի հետ միասին Լոս Անջելեսում երեկույթ էր կազմակերպել, որին չէր կարող ներկա չգտնվել Ռոուզի ամենամտերիմ ընկերուհին՝ Ռոբ Քարդաշյանի նախկին ընկերուհի Բլեք Չայնան։
Կենդանաբանական այգի այցելելը լիովին անվտանգ է
21 Հունիսի 2018 - 17:34
«Ներկա դրությամբ կենդանաբանական այգում անասնուժական միջոցառումները լիարժեք ավարտին են հասցված, կենդանիների շրջանում տուբերկուլոզ չկա, ինչի մասին հավաստիացրել է նաև կենդանաբանական այգու ղեկավար կազմը»,-հայտնում են առողջապահության նախարարությունից:
Հայաստանում առաջին անգամ հակակարկտային և կարկտապաշտպան ցանցեր կարտադրվեն
21 Հունիսի 2018 - 17:32
Կառավարության այսօրվա նիստում ընդունված որոշման համաձայն, երեք տարի ժամկետով հետաձգվեց «ՎԱԲԱ» ՍՊԸ-ի կողմից իրականացվող ներդրումային ծրագրի շրջանակում 2018 թվականի հունիսի 19-ից մինչև 2019 թվականի հունիսի 19-ը ներառյալ ներմուծվող ապրանքների՝ մաքսային և հարկային մարմինների կողմից հաշվարկվող ավելացված արժեքի հարկի վճարման ժամկետը:
Մի տարբերակ էլ կա, որ ռեյտինգային կարգը լինի հանրապետութան տարածքով մեկ. Մարուքյան
21 Հունիսի 2018 - 17:30
«Ելք» խմբակցության պատգմավոր Էդմոն Մարուքյանը կարծում է, որ մարզերից պատգամավորների մասնակցությունը պետք է ապահովվի խորհրդարանում եւ դրա համար պետք է քննարկվեն մեխանիզմներ, որ դա պահպանվի։ Այսօր Ազգային ժողովում այս մասին լրագրողների հետ զրույցում հայտարարել է Էդմոն Մարուքյանը։
1 | 2 | 3 | 4 | 5 | 6 | 7 | 8 | 12343
 
Լրահոս`