Facebook   Twitter
 
Ճամբարակում ջրամատակարարումը 10-ից 24 ժամի է հասցվել (Լուսանկարներ)

Ճամբարակում ջրամատակարարումը 10-ից 24 ժամի է հասցվել (Լուսանկարներ)

30 Հունիսի 2017 - 19:51
Գեղարքունիքի մարզի Ճամբարակ համայնքում մարդիկ տարիներ շարունակ զրկված են եղել մաքուր ջրից: Բնակչությանը մատակարարվող ջուրը որակական առումով այնքան էլ աչքի չի ընկել: HayNews.am-ի հետ զրույցում «Վեոլիա ջուր» ՓԲԸ-ի Ճամբարակ տեղամասի գլխավոր ինժեներ Գագիկ Բալյանը նշեց, որ կատարված լայնածավալ շինաշխատանքների արդյունքում հնարավոր եղավ մարդկանց ապահովել աղբյուրի որակյալ ջրով:
««Վեոլիա ջուր» ընկերության «Արևելք» տարածաշրջանի տնօրինության ղեկավար Կարապետ Օհանյանի և «Արևելք» տարածաշրջանի տնօրինության մարզային տնօրենի տեղակալ Սպարտակ Մկրտչյանի ջանքերով հնարավոր եղավ Ճամբարակում նախկին 10 ժամվա փոխարեն ապահովել 24-ժամյա ջրամատակարարում: Բոլոր նորմերին ու չափանիշներին համապատասխան իրականացվում է նաև քլորացում»,-նշեց Գագիկ Բալյանը:

«Վեոլիա ջուր» ՓԲԸ-ի Ճամբարակ տեղամասի գլխավոր ինժեների խոսքով, խնդիրները քիչ չեն, բայց համակարգված աշխատանքի շնորհիվ հնարավոր է դառնում դրանք լուծել ու վերականգնել վնասված ինժեներա-տեխնիկական միջոցառումների համալիրը՝ կապտաժները, որոնցից մեկն, օրինակ՝ հունվարին էր վնասվել և ստորերկրյա ջրերի բացումը դեպի արտաքին միջավայր վատթարացել էր:

«Ճամբարակ քաղաքի, Գարեգին Նժդեհի թիվ 150 տան դիմաց մասնագիտական լեզվով ասած առկա էր «գաղտնի վթար»: Ջուրը գետնի երես դուրս չէր գալիս, աչքի համար անտեսանելի էր, այն ստորգետնյա հոսքով լցվում էր հարեւան թվով 5 տնտեսությունների տարածք՝ տներ, նկուղներ, բակեր` հարուցելով բնակիչների դժգոհությունը: Ճամբարակում ձմեռը բավականին խստաշունչ է, իսկ գարունը՝ ցուրտ ու անձրեւային:

Մենք, Ճամբարակի քաղաքապետարանի կոմունալ բաժնի աշխատակիցների հետ համատեղ, ձեռնամուխ եղանք խնդրի լուծմանը: Պարզվեց, որ վթարվել էր ընկերությանը պատկանող 160մմ տրամագծով ջրատարի՝ անհատական տնատիրություններով անցնող հատվածը, որի պատճառով առաջացել էր վայրկյանում 2-3 լիտր քանակությամբ ջրակորուստ: Նորոգվեց խողովակը, վերացան մարդկանց բողոքները»,-
հավելեց Բալյանը:

Ըստ նրա այսօր էլ հիմնական խնդիր շարունակում են մնալ ներքին վթարները: Օրինակ՝ թաղված փականներ կան, որոնք անտեսանելի են, սակայն որոշ մարդիկ հայտնաբերում են դրանք և կրկին վերանորոգում: Ճամբարակում նաև 1000 խմ տարողությամբ ջրամբար կա, շնորհիվ որի հնարավոր է բոլոր փողոցները ջրով ապահովել:

«Ասեմ, որ պոմպ չենք օգտագործում, ու դրա շնորհիվ էլ այս տարվա հունվարին խնայել ենք շուրջ 100. 000 կվտ/ժ էներգիա: Սարերից ինքնահոս ջուր ենք ստանում, վայրկյանում 8 լիտր: Կառավարությանը 5 տարվա ծրագիր ենք ներկայացրել, ըստ որի ցանկություն ունենք ջրի քանակը ավելացնել ու ամբողջ Ճամբարակը ապահովել մշտական ու անխափար ջրամատակարարմամբ: Նախատեսում ենք առաջիկայում կարգավորել նաև ոռոգման ջրի հարցը, որ մարդկանց ապահովենք ոռոգման ջրով»,-նշեց Գագիկ Բալյանը:

Սյուզի Ասատրյան
 
Նմանատիպ նորություններ
Ձերբակալված Դավիթ Սանասարյանի հայտարարությունը
23 Ապրիլի 2018 - 00:07
Այսօր կեսգիշերին ձերբակալված Դավիթ Սանասարյանի կինը՝ Սոնա Հովհաննիսյանը, Ֆեյսբուքյան իր էջում տարածել է Սանասարյանի հայտարարությունը՝ ուղղված ՀՀ քաղաքացիներին։ Դրանում, մասնավորապես, ասված է.
Նիկոլ Փաշինյանը Սևանի ոստիկանության բաժնում է
22 Ապրիլի 2018 - 23:46
Նիկոլ Փաշինյանը գտնվում է Սևանի ոստիկանության բաժնում: Այս մասին տեղեկացվել է Փաշինյանի ֆեյսբուքյան էջում:
Ֆրանսիայի հրապարակում ոստիկանները բերման են ենթարկում ցուցարարներին (Տեսանյութ)
22 Ապրիլի 2018 - 23:37
Ոստիկանները Ֆրանսիայի հրապարակում բերման են ենթարկում ցուցարարներին: Այստեղ կուտակված են ոստիկանական ուժեր:
Ես անում եմ իմ քայլը, և միանում եմ իմ ժողովրդին. «Դատապարտյալների հիվանդանոց» ՔԿՀ վարչության պետ
22 Ապրիլի 2018 - 23:34
«Դատապարտյալների հիվանդանոց» քրեակատարողական հիմնարկի վարչության պետ Արման Աղաքարյանը ֆեյսբուքյան իր էջում հայտնել է, որ միանում է բողոքի ակցիայի մասնակիցներին:
Բողոքի ակցիա շերեփների հարվածով
22 Ապրիլի 2018 - 23:15
Այս պահին քաղաքի տարբեր հատվածներում ակցիա է. շերեփներով հարվածում են, այդ կերպ արտահայտում իրենց բողոքը:
Լևոն Բարսեղյանին մեղադրանք առաջադրվեց. նախաքննական մարմինը կալանավորելու միջնորդություն է ներկայացրել
22 Ապրիլի 2018 - 23:04
Գյումրիի լրագրողների «Ասպարեզ» ակումբի նախագահ Լևոն Բարսեղյանին քիչ առաջ մեղադրանք է առաջադրվել: Այս մասին News.am-ին ասաց նրա պաշտպան Արաքս Մելքոնյանը:
Հայրենիքիցս շատ հեռու եմ, բայց չեմ կարող անտարբեր մնալ երկրումս կատարվող իրադարձությունների նկատմամբ. Անի Երանյան
22 Ապրիլի 2018 - 22:58
Անի Երանյանը «Instagram»-ի իր էջում գրել է. «Ես ՀՀ քաղաքացի եմ և չեմ պատկանում որևէ կուսակցության։ Այս պահին գտնվում եմ հայրենիքիցս շատ հեռու, բայց չեմ կարող անտարբեր մնալ երկրումս կատարվող իրադարձությունների նկատմամբ։
1 | 2 | 3 | 4 | 5 | 6 | 7 | 8 | 10962
 
Լրահոս`