Facebook   Twitter
 
Լիճքեցիները մեղադրում են, համայնքապետը՝ արդարանում

Լիճքեցիները մեղադրում են, համայնքապետը՝ արդարանում

04 Հուլիսի 2017 - 19:18
Չնայած Լիճքի խոհանոցում, ինչպես համայնքապետն է նշում, ավանդական ուտեստների պակաս չի նկատվում, սակայն Գնել Գրիգորյանը ավանդական բաղադրատոմսով պատրաստված ձուկ ու խեցգետին համտեսելու է հրավիրում:
«Իմ գյուղն է, պետք է գովեմ, բայց դե չափազանցրած չի լինի եթե ասեմ, որ 5480 բնակիչ ունեցող համայնքում իսկապես հյուրասեր ժողովուրդ է ապրում»,- HayNews.am-ի հետ զրույցում նշեց Լիճքի համայնքապետը:

Արդեն տասը տարի Լիճքը ղեկավարող Գրիգորյանը, նշում է գյուղում հրատապ խնդիրներ շատ է տեսնում, դրանցից են ասֆալտապատման, խմելու ջրագծերի վերանորոգման, լուսավորության անցկացման հարցերը: Տեղին է նշել, որ 2012թ.-ին ՀՀ տրանսպորտի և կապի նախարարությունը այստեղ 160 մլն 600 հազար դրամի ասֆալտապատման աշխատանքներ է իրականացրել: Մինչդեռ գյուղապետը փաստում է, որ Լիճքում ասֆալտապատման կարիք ունեն:

«Այնպես չէ, որ ոչինչ չի արվել, պարզապես վերը նշված խնդիրները դեռ մասնակի ենք լուծել, ֆինանասական միջոցների սղության պատճաով: Տարեվերջին ակնկալում ենք ավարտել մանկապարտեզի շենքի վերանորոգումը»,-ասաց Գնել Գրիգորյանը և ավելեցրեց, որ վերանորոգման կարիք ունի գյուղի միջնակարգ դպրոցը ևս, իսկ հիմնական դպրոցն անմխիթար վիճակում է. կառավարությունը խոստացել է գումար հատկացնել:

Լիճքի համայնքապետարանի 2017թ.-ի բյուջեն կազմել է 121 միլիոն 440 հազար դրամ, գյուղապետարանում և ենթակա կառույցներում միասին վերցրած 41 մարդ է աշխատում:

Լիճքի մի խումբ բնակիչներ նամակով դիմել էին HayNews.am-ին՝ գյուղապետին մեղադրելով մի շարք անօրինականություններիր մեջ:

Տարեկան որքան գումար է ծախսվում համայնքի գրենական պիտույքների եւ այլ ծախսերի հոդվածով եւ ումից եք գնում նախատեսված ապրանքները, այսպիսի հարց էինք ուղղել գյուղապետին: Նամակագիրները հավաստիացնում էին, որ այդ ապարնքները գյուղապետարանը գնում է Գնել Գրիգորյանի բարեկամին պատկանող խանութից:

Համայնքապետը պատասխան նամակում գրել է. «Համայնքապետարանի գրենական պիտույքների և այլ ծախսերի հոդվածով տարեկան ծախսվում է 800000 /ութ հարյուր հազար/ դրամ: Այդ ծախսերի մեջ ներառվում է նաև Լիճքի միջնակարգ և հիմնական դպրոցների առաջին դասարանցիներին /մոտ 100 աշակերտ/ տրված մոտավորապես 150000 /հարյուր հիսուն հազար/ դրամ գրենական պիտույքները: Գնումներն իրականցվել են ՀՀ գնումների մասին օրենքի հանաձայն «Տարոն 97» ՍՊԸ-ից»:

Գյուղի բնակիչների նամակում այսպիսի հարց էլ կար. «Որքան եւ ինչ հիմնունքներով է գյուղի պատմության մասին տպագրված գրքին համայնքային բյուջեից գումար հատկացվել»: Պատասխանում նշված է. «Լիճք գյուղի պատմության մասին գիրքը գրելու և տպագրելու համար ծախսվել է 3350000 /երեք միլիոն երեք հարյուր հիսուն հազար/ դրամ գումար: Այդ նպատակի համար հատկացված գումարի չափը սահմանվել է ավագանու որոշումներով»:

Նամակագիրներ հետաքրքրում էր թե որքան է կազմում սոցիալական օգնություների ֆոնդը եւ ինչ սկզբունքով է համայնքապետարանը տրամադրում դրանք: «Սոցիալապես անապահով անձանց տրամադրվող նպաստների /օգնությունների/ համար տարեկան նախատեսված է 6500000 /վեց միլիոն հինգ հարյուր հազար/ դրամ գումար: Այն տրամադրվում է ավագանու որոշումների հիման վրա»,-նշված է նամակում:

Գյուղապետի խոսքով իրենք տարեկան 100 առաջին դասարանցի են ունում, միջինում Լիճքում տարեկան 100 ծնունդ է գրանցվում: Գնել Գրիգորյանի խոսքով ունեն 5480 բնակիչ: Տպավորություն է ստեղծվում, որ Լիճքում երեխա են բերում անգամ զառամյալ տատիկները:

Բնակիչները «մեղադրում» են, համայնքապետը՝ «արդարանում» և նշում, որ Վերահսկիչ պալատից ևս ստուգումներ իրականացվել են, սակայն մեղադրանքները հիմանվորող ոչ մի ապացույց չեն գտել, Գնել Գրիգորյանի հավաստմամաբ, դրանց բացակայության պատճառով:

Խոսելով գյուղի մասին, համայնքապետը փաստեց, որ համայնքը աշխատատեղերի լուրջ պակաս ունի, ինչի արդյունքում գյուղացիները հիմանականում արտագնա աշխատանքով են վաստակում: «Արտագաղթ ևս կա գյուղից, բայց սարսափելի թվեր չեն»,-ասաց Գնել Գրիգորյանը:

Տաթև Առաքելյան
 
Նմանատիպ նորություններ
Ձերբակալված Դավիթ Սանասարյանի հայտարարությունը
23 Ապրիլի 2018 - 00:07
Այսօր կեսգիշերին ձերբակալված Դավիթ Սանասարյանի կինը՝ Սոնա Հովհաննիսյանը, Ֆեյսբուքյան իր էջում տարածել է Սանասարյանի հայտարարությունը՝ ուղղված ՀՀ քաղաքացիներին։ Դրանում, մասնավորապես, ասված է.
Նիկոլ Փաշինյանը Սևանի ոստիկանության բաժնում է
22 Ապրիլի 2018 - 23:46
Նիկոլ Փաշինյանը գտնվում է Սևանի ոստիկանության բաժնում: Այս մասին տեղեկացվել է Փաշինյանի ֆեյսբուքյան էջում:
Ֆրանսիայի հրապարակում ոստիկանները բերման են ենթարկում ցուցարարներին (Տեսանյութ)
22 Ապրիլի 2018 - 23:37
Ոստիկանները Ֆրանսիայի հրապարակում բերման են ենթարկում ցուցարարներին: Այստեղ կուտակված են ոստիկանական ուժեր:
Ես անում եմ իմ քայլը, և միանում եմ իմ ժողովրդին. «Դատապարտյալների հիվանդանոց» ՔԿՀ վարչության պետ
22 Ապրիլի 2018 - 23:34
«Դատապարտյալների հիվանդանոց» քրեակատարողական հիմնարկի վարչության պետ Արման Աղաքարյանը ֆեյսբուքյան իր էջում հայտնել է, որ միանում է բողոքի ակցիայի մասնակիցներին:
Բողոքի ակցիա շերեփների հարվածով
22 Ապրիլի 2018 - 23:15
Այս պահին քաղաքի տարբեր հատվածներում ակցիա է. շերեփներով հարվածում են, այդ կերպ արտահայտում իրենց բողոքը:
Լևոն Բարսեղյանին մեղադրանք առաջադրվեց. նախաքննական մարմինը կալանավորելու միջնորդություն է ներկայացրել
22 Ապրիլի 2018 - 23:04
Գյումրիի լրագրողների «Ասպարեզ» ակումբի նախագահ Լևոն Բարսեղյանին քիչ առաջ մեղադրանք է առաջադրվել: Այս մասին News.am-ին ասաց նրա պաշտպան Արաքս Մելքոնյանը:
Հայրենիքիցս շատ հեռու եմ, բայց չեմ կարող անտարբեր մնալ երկրումս կատարվող իրադարձությունների նկատմամբ. Անի Երանյան
22 Ապրիլի 2018 - 22:58
Անի Երանյանը «Instagram»-ի իր էջում գրել է. «Ես ՀՀ քաղաքացի եմ և չեմ պատկանում որևէ կուսակցության։ Այս պահին գտնվում եմ հայրենիքիցս շատ հեռու, բայց չեմ կարող անտարբեր մնալ երկրումս կատարվող իրադարձությունների նկատմամբ։
1 | 2 | 3 | 4 | 5 | 6 | 7 | 8 | 12441
 
Լրահոս`