Facebook   Twitter
 
Սկսվել է «Իսլամական պետության» պառակտման գործընթացը

Սկսվել է «Իսլամական պետության» պառակտման գործընթացը

16 Հուլիսի 2017 - 14:53
Պատմականորեն ապացուցված իրողություն է՝ որևէ կառույց, խմբավորում վերելքի ընթացքում՝ շռնդալից հաղթանակների, ձեռքբերումների արձանագրմանը զուգահեռ, ընդլայնում է սեփական դիրքերն ու մասշտաբները, մինչդեռ դրանք, համեմատական առումով, գրեթե նույն տրամաբանությամբ էլ պառակտվում, տրոհվում են արդեն «անկման» ճանապարհին:
«Արդեն շուրջ 1 տարի «Իսլամական պետություն» (ԻՊ) ահաբեկչական խմբավորման դեմ իրականացվող առավել սկզբունքային և որակապես նոր մակարդակի հասած հակաահաբեկչական պայքարը մինչ այս արդեն իսկ պատճառ էր դարձել կառույցի շարքերում զանգվածային դասալքության գործընթացի, ինչն ԻՊ-ի ղեկավարությունը փորձում էր կանխել հնարավոր ամենաբիրտ եղանակներով»,-HayNews.am-ի հետ զրույցում նշեց արաբագետ Արմեն Պետրոսյանն ու հավելեց, որ արդեն ընթացիկ տարվա կեսերին ահաբեկչական խմբավորումն ավելի արագ թափով սկսեց զիջել սեփական վերահսկողության ներքո գտնվող բավական հանգուցային նշանակության շրջաններ:

«Հատկապես Սիրիայում կառույցի համար առանցքային նշանակություն ունեցող Հալեպ նահանգից հեռանալը, նաև այդ երկրում ԻՊ-ի փաստացի կենտրոնը հանդիսացող ալ-Ռակկաի մոտալուտ զիջումը, իսկ Իրաքում Մոսուլի կորուստը, կառույցի ղեկավար շրջանակի որոշ ներկայացուցիչների և պատկառելի թվով առանցքային գրոհայինների վնասազերծումը պատճառ դարձան ոչ միայն դասալքության առավել մեծ ալիքի, այլև պառակտման գործընթացի»,-ընդգծեցն փորձագետը:

Արաբագետի խոսքով՝ ըստ իրաքյան մի շարք լրատվամիջոցների, այդ երկրի Թալ Աֆար քաղաքում, որը վերահսկող ԻՊ-ի զինյալները օրեր առաջ ընդունել էին կառույցի առաջնորդ Աբու Բաքր ալ-Բաղդադիի մահվան փաստը, նախօրեին էլ հայտարարել են հիմնական կառույցից առանձնանալու և նոր ինքնուրույն «Իսլամական պետություն» հռչակելու մասին. նոր կառույցի առաջնորդի մասին տվյալներ դեռևս չեն հաղորդվում:

«Թեպետ վերոնշյալը լոկալ օրինակ է, այսուհանդերձ, մեծ հավանականությամբ, գործընթացը շարունակություն կունենա նաև շղթայական ռեակցիայի տրամաբանությամբ, ինչպես և համատարած դասալքության իրողությունը. օտարերկրացի «ջիհադականներից» բացի, ներկայում կառույցն ակտիվորեն լքում են նաև բռնի կերպով հավաքագրված զինյալները, ովքեր ԻՊ-ի շարքերը համալրել էին սեփական անձի և ընտանիքների հետ կապված մտավախությունների պատճառով»,-ասաց Արմեն Պետրոսյանն ու շարունակեց. «Կասկածից վեր է, որ արդեն ուրվագծվող միտումները «մերօրյա խալիֆայության անկման» հետագա ընթացքին առվել լայն թափ կստանան»:

Մինչդեռ, ըստ արաբագետի, առկա է մի շատ կարևոր իրողություն, որը, կարծես, ցայժմ արժանիորեն չի գիտակցվում. ԻՊ-ի դեմ դեռևս տոնվում է բացառապես ռազմական բնույթի հաղթանակ, թեպետ կառույցի ծայրահեղ արմատական գաղափարախոսությունը շարունակում է մնալ ազատագրված շրջաններում:

«Որևէ կասկած չկա, որ ազատագրող ուժերի կողմից անհրաժեշտ գաղափարական աշխատանքներ չիրականացնելու, առկա ծայրահեղականին հակոտնյա գաղափարական վաակումը չլցնելու պարագայում վերոնշյալ գաղափարները նոր փաթեթավորմամբ միս ու արյուն կարող են ստանալ ինչպես նախկին կառույցների բեկորների, այնպես էլ՝ բոլորովին նոր այդօրինակ խմբավորումների կողմից»,-շեշտադրեց Արմեն Պետրոսյանը:

Տաթև Առաքելյան
 
Նմանատիպ նորություններ
Գորիսում բնակելի շենքի շքամուտում բնակիչները օձի բույն են հայտնաբերել
25 Հուլիսի 2017 - 21:24
Սյունիքի մարզի Գորիս քաղաքում բնակելի շենքի բակում բնակիչները օձի բույն են հայտնաբերել:
Մոսկվայում տղամարդը բնակելի շենքի պատուհանից կրակ է բացել անցորդների վրա
25 Հուլիսի 2017 - 21:15
Մոսկվայի հյուսիս-արևմուտքում տղամարդը կրակ է բացել անցորդների վրա բնակելի շենքի տան պատուհանից, այս մասին հայտնում է moslenta.ru-ն։
«Շումախերական» ավտովթար Երևանում. կողաշրջված ավտոմեքենայի միջից վիրավոր վարորդին դուրս են բերել «Վի-Էլ-Վի» խանութի աշխատակիցները, ում հետո հիվանդանոց է տեղափոխել տաքսու վարորդը
25 Հուլիսի 2017 - 20:02
Այսօր հուլիսի 25-ին խոշոր ավտովթար է տեղի ունեցել Երևանում: Ժամը 18:00-ի սահմաններում «Բյութ» մակնիշի 29 ՏՕ 526 համարանիշի ավտոմեքենայի վարորդը Շիրազի փողոցում «Վի-Էլ-Վի» էլեկտրատեխնիկայի խանութի հարևանությամբ դուրս է եկել ճանապարհի երթևեկելի գոտուց, հայտնվել կանաչ խոտածածկի վրա, առաջ ընթացել և կողաշրջվելով հայտնվել բետոնե սալիկների վրա:
Կրասնոյարսկում վաճառքի է հանվել Լենինի տունը (Լուսանկար)
25 Հուլիսի 2017 - 19:53
Ռուսաստանի Դաշնության Կրասնոյարսկի շրջանում հերթական անգամ վաճառքի է հանվել տունը, որտեղ Վլադիմիր Լենինը աշխատել է 1897թ.-ի մարտ-ապրիլ ամիսներին, այս մասին հայտնում է dom.lenta.ru-ն։
Ձմերուկը որպես դիետիկ սնունդ
25 Հուլիսի 2017 - 19:49
Ձմերուկի մասին բազմաթիվ առասպելներ են պտտվում, եւ ամենահայտնին վերաբերում է դրա դիետիկ հատկություններին. շատերը վստահ են, որ ձմերուկը գերազանցապես ջրից է կազմված, եւ այն հաճախ օգտագործելու դեպքում կարելի է նիհարել:
Պաղպաղակի վտանգը ամռանը
25 Հուլիսի 2017 - 19:40
Քյոլնի համալսարանի աշխատակիցները բացատրել են, թե ինչ բացասական գործոններ կարող են ազդել ամռան շոգին պաղպաղակ ուտող մարդկանց առողջության վրա: Գիտնականների խոսքով՝ հետեւանքների մեկը կարող է լինել քաղցկեղային հիվանդությունների զարգացումը:
Թուրքական բանտից փախած Սևան Նշանյանը տեղափոխվել է Աթենք
25 Հուլիսի 2017 - 19:37
Թուրքիայի սահմանը հատած հայ մտավորական Սևան Նշանյանն սկսել է համարձակ կերպով երևալ հանրության մեջ:
Անահիտ Սիմոնյանի նոր լուսանկարները Փարիզից
25 Հուլիսի 2017 - 19:33
Երգչուհի-դիզայներ Անահիտ Սիմոնյանն այս օրերին գտնվում է Փարիզում:

1 | 2 | 3 | 4 | 5 | 6 | 7 | 8 | 9002
 
Լրահոս`
 
 
 
 
 
 
 
 
 
 
 
Պաղպաղակի վտանգը ամռանը
Հասարակություն
 
Թուրքական բանտից փախած Սևան Նշանյանը տեղափոխվել է Աթենք
Միջազգային, Հասարակություն, Քաղաքական