Facebook   Twitter
 
Դեռեւս հսկայական ժամանակ կա. նախագահը՝ 2018թ. վարչապետ դառնալու մասին (Տեսանյութ)

Դեռեւս հսկայական ժամանակ կա. նախագահը՝ 2018թ. վարչապետ դառնալու մասին (Տեսանյութ)

17 Հուլիսի 2017 - 09:04
Մինչեւ 2018 թվականի ապրիլը դեռ հսկայական ժամանակ կա: «Արմենիա» հեռուստաընկերության «Ռ-Էվոլյուցիա» հաղորդման ընթացքում այսպես է Սերժ Սարգսյանն արձագանքել նախագահի լիազորություններն ավարտվելուց հետո իր՝ վարչապետ դառնալու հնարավորության մասին հարցին:

«Ես բազմաթիվ անգամ անկեղծորեն ասել եմ՝ ես երբեք չեմ մտածել, թե որն է լինելու իմ հաջորդ գործունեության ոլորտը: Նույն կերպ հիմա եմ շարունակում մտածել: Դեռեւս հսկայական ժամանակ կա: Իսկ ի՞նչ էական է դա: Էական չի, չէ՞»,- ասել է Սերժ Սարգսյանը:

Նախագահը հիշեցրել է, որ խորհրդարանական կառավարման պայմաններում վարչապետին առաջադրելու է Ազգային ժողովում մեծամասնություն կազմած քաղաքական ուժը:

«Մեր երկրում եղել է քաղաքական պրոցես՝ ընտրություններ: Մեր երկիրն արդեն խորհրդանական կառավարման երկիր է: Ով խորհրդարանում ունի մեծամասնություն, նա էլ առաջադրելու է վարչապետի իր թեկնածուին: Իհարկե, անձերից շատ բան է կախված, բայց Հայաստանն արդեն անձակենտրոն իշխանություն չունի: Կարծում եմ՝ դա մեր ժողովրդի վաստակն է: Մեր ժողովուրդը, կարծում եմ, դրա դրական ազդեցությունը տեսավ ընտրություններից հետո, երբ առաջին անգամ պատմության մեջ մարդիկ չհավաքվեցին եւ չասացին, որ հիմա իրենք հեղափոխություն են անելու: Կարեւորը սա է»,- ասել է նա:

HayNews.am
 
Նմանատիպ նորություններ
Արցախում 23-ամյա նախրապանը պայթել է ականի վրա
19 Նոյեմբերի 2017 - 20:02
Արցախում, այսօր՝ նոյեմբերի 19-ին, արտակարգ դեպք է տեղի ունեցել. ժամը 15։00-ի սահմաններում Հադրութի շրջանում հանդամասերից մեկում խոշոր եղջերավոր անասուններ արածացնելիս ականի վրա պայթել է Սյունիքի մարզի Տեղ գյուղի բնակիչ՝ 23-ամյա Հարություն Ավագյանը։
Օդանավակայանում լքված շունը մահացել է տիրոջ կարոտից
19 Նոյեմբերի 2017 - 15:59
Կոլումբիայի օդանավակայանում լքված շունը մահացել է տիրոջ կարոտից:
1 | 2 | 3 | 4 | 5 | 6 | 7 | 8 | 362
 
Լրահոս`