Facebook   Twitter
 
Սեմինար՝ տնտեսական ոլորտը լուսաբանող լրագրողների համար

Սեմինար՝ տնտեսական ոլորտը լուսաբանող լրագրողների համար

17 Հուլիսի 2017 - 18:28
Հուլիսի 15-16 –ը ՀՀ ֆինանսների նախարար Վարդան Արամյանի մասնակցությամբ Հանքավանում տեղի է ունեցել տնտեսական ոլորտը լուսաբանող լրագրողների համար սեմինար, որը կազմակերպվել էր Գերմանիայի միջազգային համագործակցության ընկերության աջակացությամբ:
Ողջունելով ներկաներին՝ նախարար Վարդան Արամյանը կարևորել է նման միջոցառումները՝ ընդգծելով, որ արդեն ավանդույթ դարձած այս հանդիպումների միջոցով լրատվական դաշտի ուշադրությանն են ներկայացվում հանրությանն առավել հետաքրքրող հարցերն ու թեմաները: «Այս սեմինարի ընթացքում առավելապես կփորձենք ներկայացնել մեր աշխատանքի հիմնական տրամաբանությունն ու մեր կողմից որդեգրված քաղաքականության հիմնական սկզբունքները»,-ասել է նախարարը:

Սեմինարի առաջին օրը ՀՀ ֆինանսների նախարարության աշխատակազմի պետական բյուջեի եկամուտների ֆինանսական ծրագրավորման բաժնի պետ Ռուզաննա Գաբրիելյան ներկայացրել է Հայաստանի Հանրապետության 2018-2020 թթ. պետական միջնաժամկետ ծախսերի ծրագիրը:

ՄԺԾԾ-ի վերաբերյալ նախարար Վարդան Արամյանը և նախարարի առաջին տեղակալ Ատոմ Ջանջուզազյանը նշել են այն հիմնական կարևոր սկզբունքները, որոնք դրվել են դրա կազմման հիմքում:

«Պետք է շեշտադրում կատարվի կապիտալ ծախսեր և պակասուրդ հարաբերակցության վրա, որն էլ միտված կլինի կապիտալ ծախսերի՝ և՛ անվանական առումով, և՛ ՀՆԱ-ի կշռով ավելի բարձր լինելուն: Ներկայումս ճիշտ, խելամիտ հարկաբյուջետային քաղաքականությամբ պետք է անկումը վերականգնել և պոտենցիալ աճի տեմպերն ուժեղացնել, պետք է բարեփոխումներն ավելի արագ տեմպերով արվեն: 2018թ. հարկային եկամուտները կավելանան 0.4 տոկոսով, իսկ հաջորդ տարիներին` 0.3-ական տոկոսով: Կանխատեսվող ցուցանիշների 0.1 տոկոսի տարբերությունը պայմանավորված է նրանով, որ հաջորդ տարվանից Հարկային նոր օրենսգիրքն ամբողջությամբ սկսելու է գործել, ինչի արդյունքում կարձանագրվի եկամուտների ավելացում», -նշել է Արամյանը՝ պարզաբանելով, որ տարեկան ավելացումը նախատեսվում է վարչարարության խստացման և ստվերի կրճատման հաշվին:

Անդրադառնալով 2017 թվականի բյուջեով նախատեսված պաշտպանության ծախսերին՝ նախարարը տեղեկացրել է, որ ոլորտի համար հատկացվել է շուրջ 226 միլիարդ դրամ՝ ներառյալ կապիտալ ծախսերը, և նախատեսվում է մինչև 2020 թվականը յուրաքանչյուր տարի ծախսերն ավելացնել 26-27 միլիարդ դրամով, որը կլինի ՀՆԱ-ի 4 տոկոսի սահմաններում:

Սեմինարի ժամանակ ներկայացվել է նաև ՀՀ կառավարության պարտքի կառավարման 2018-2020 թվականների ռազմավարական ծրագիրը, որի շրջանակներում պետական պարտքի կառավարման վարչության պետ Արշալույս Մարգարյանն ասել է, որ պարտքի կառավարման հիմնական էությունը կայանում է դեֆիցիտի ֆինանսավորման կայուն և անխափան գործընթացը ապահովելու մեջ: «Մեր խնդիրն այն է, որ կարողանանք նվազագույն ռիսկերով և ծախսերով իրականացնել պարտքի կառավարումը, ինչը բավականին բարդ է»,- նշել է Ա. Մարգարյանը՝ համառոտ ներկայացնելով պետական պարտքի կառավարման զարգացման և հաշվետվողականության վերջին տարիների փոփոխությունները:

Պետական պարտքի կառավարման վարչության ռազմավարության և ռիսկերի կառավարման բաժնի պետ Արթուր Համբարձումյանը ներկայացրել է պարտքի կառավարման միջնաժամկետ ռազմավարությունը և ընդգծել ռազմավարության դերն ու կարևորությունը ՀՀ կառավարության պարտքի կառավարման բնագավառում, ռազմավարության նպատակադրումները, վերջին տարվա ընթացքում արձանագրված զարգացումները, ծախսերի և ռիսկերի վերլուծությունը, նաև ռիսկերի կառավարման ուղենշային ցուցանիշները:

Վարչության պետի տեղակալ-հաշվառման և սպասարկման բաժնի պետ Արտակ Մարությանը մեկնաբանել է ՀՀ կառավարության պարտքի կառավարման ռազմավարության ներքին ու արտաքին աղբյուրներից ստացվող միջոցների կառուցվածքն ու փոխառու զուտ միջոցների հաշվին պետական բյուջեի դեֆիցիտի ֆինանսավորման քաղաքականությունը:

Ֆինանսների նախարարության ոլորտի պատասխանատուները հայտնել են, որ ՀՀ կառավարության պարտք/նախորդ տարվա ՀՆԱ ցուցանիշը 2016թ. տարեվերջին կազմել է 52.2 տոկոս: 2017թ. ՀՀ պետբյուջեի դեֆիցիտը ծրագրվել է` հաշվի առնելով «Պետական պարտքի մասին» ՀՀ օրենքով սահմանված սահմանափակումը: Դեֆիցիտի ֆինանսավորումը ներքին փոխառու զուտ միջոցների հաշվին 2016թ. նախատեսված 42 մլրդ դրամի դիմաց փաստացի կազմել է 171 մլրդ դրամ:

Սեմինարի երկրորդ օրը մեկնարկել է ֆինանսների նախարար Վարդան Արամյանի մամուլի ասուլիսով, որին հաջորդել է Գանձապետական պահառու համակարգի զարգացման ներկայացումը:

Պետական պարտքի կառավարման վարչության գանձապետական պահառուի աշխատանքների կազմակերպման բաժնի պետ Աննա Եգանյանը ներկայացրել է Գանձապետական պահառուի միջոցով վաճառվող պետական պարտատոմսերն ու դրանց ձեռքբերման եղանակները, ինչպես նաև մանրամասն նկարագրել է առցանց համակարգի միջոցով ներդրողների գրանցումն ու պարտատոմսերի ձեռքբերումը: Ներդրված Գանձապետական պահառուի պետական պարտատոմսերի մանրածախ վաճառքի առցանց համակարգի միջոցով 2017թ. հունիսի 8-ին առաջին անգամ հաջողությամբ տեղաբաշխվել են 30 տարի մարման ժամկետով տեղական արժույթով պարտատոմսեր:

Երկօրյա սեմինարն ամփոփվել է ՀՀ ֆինանսների նախարարության պաշտոնական կայքի ներկայացմամբ, որի շրջանակներում մասնակիցներին ներկայացվել է կայքի ընդհանուր կառուցվածքն ու բովանդակությունը, տվյալների և գրաֆիկների որոնման տրամաբանությունը և կիրառված վերջին նորամուծությունները: Պաշտոնական կայքի ներկայացմանը հաջորդել է ինտերակտիվ քննարկում, որը լրատվամիջոցների ներկայացուցիչներին հնարավորություն է տվել հղել իրենց հուզող հարցերը:

HayNews.am
 
Նմանատիպ նորություններ
Իտալիան պատրաստ է Հայաստանի հետ զարգացնել գործարար հարաբերությունները
21 Հունիսի 2018 - 17:52
ՀՀ տրանսպորտի, կապի և տեղեկատվական տեխնոլոգիաների նախարար Աշոտ Հակոբյանը հունիսի 21-ին ընդունեց Հայաստանի Հանրապետությունում Իտալիայի Հանրապետության արտակարգ և լիազոր դեսպան Վինչենցո դել Մոնակոյին։ Այս մասին տեղեկացրին ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայությունից:
Հոկտեմբերի 27-ից հետո Մանվել Գրիգորյանը ԵԿՄ-ով դուրս էր եկել Ռոբերտ Քոչարյանի դեմ. հիշեցնում է սահմանապահ զորքերի նախկին հրամանատարը (Տեսանյութ)
21 Հունիսի 2018 - 17:46
«Դա հորինված բան չէ, դա ընդունված կարգ է, եթե ապացուցվի ամեն ինչ, իհարկե, Մանվել Գրիգորյանը կզրկվի բոլոր կոչումներից»,- այսօր լրագրողների հետ հանդիպման ժամանակ ասել է Հայաստանի սահմանապահ զորքերի նախկին հրամանատար, գեներալ-մայոր Լևոն Ստեփանյանը։
Ռոբ Քարդաշյանի նախկին ընկերուհին երեկույթին ներկայացել էր բաց զգեստով
21 Հունիսի 2018 - 17:45
Էմբեր Ռոուզը Simply Red ապրանքանիշի հետ միասին Լոս Անջելեսում երեկույթ էր կազմակերպել, որին չէր կարող ներկա չգտնվել Ռոուզի ամենամտերիմ ընկերուհին՝ Ռոբ Քարդաշյանի նախկին ընկերուհի Բլեք Չայնան։
Կենդանաբանական այգի այցելելը լիովին անվտանգ է
21 Հունիսի 2018 - 17:34
«Ներկա դրությամբ կենդանաբանական այգում անասնուժական միջոցառումները լիարժեք ավարտին են հասցված, կենդանիների շրջանում տուբերկուլոզ չկա, ինչի մասին հավաստիացրել է նաև կենդանաբանական այգու ղեկավար կազմը»,-հայտնում են առողջապահության նախարարությունից:
Հայաստանում առաջին անգամ հակակարկտային և կարկտապաշտպան ցանցեր կարտադրվեն
21 Հունիսի 2018 - 17:32
Կառավարության այսօրվա նիստում ընդունված որոշման համաձայն, երեք տարի ժամկետով հետաձգվեց «ՎԱԲԱ» ՍՊԸ-ի կողմից իրականացվող ներդրումային ծրագրի շրջանակում 2018 թվականի հունիսի 19-ից մինչև 2019 թվականի հունիսի 19-ը ներառյալ ներմուծվող ապրանքների՝ մաքսային և հարկային մարմինների կողմից հաշվարկվող ավելացված արժեքի հարկի վճարման ժամկետը:
Մի տարբերակ էլ կա, որ ռեյտինգային կարգը լինի հանրապետութան տարածքով մեկ. Մարուքյան
21 Հունիսի 2018 - 17:30
«Ելք» խմբակցության պատգմավոր Էդմոն Մարուքյանը կարծում է, որ մարզերից պատգամավորների մասնակցությունը պետք է ապահովվի խորհրդարանում եւ դրա համար պետք է քննարկվեն մեխանիզմներ, որ դա պահպանվի։ Այսօր Ազգային ժողովում այս մասին լրագրողների հետ զրույցում հայտարարել է Էդմոն Մարուքյանը։
Հանրապետական զորակոչային հանձնաժողովի կազմը սահմանվում է նոր կառավարության կազմին համապատասխան
21 Հունիսի 2018 - 17:29
Կառավարությունն ընդունեց որոշում, որով նախատեսվում է Հանրապետական զորակոչային հանձնաժողովի կազմը սահմանել նոր կառավարության կազմին համապատասխան, բացի այդ, կենտրոնական բժշկական հանձնաժողովի կազմում ընդգրկվում է նաև ՀՀ ՊՆ վերահսկիչ վարչության աշխատակից:
Հակակարկտային կայանները չեն աշխատել այն մակարդակով, որքան կուզեինք. գյուղնախարար
21 Հունիսի 2018 - 17:10
Օրերս հանրապետության մի շարք համայնքներում տեղացած կարկուտի ժամանակ հակակարկտային կայանները չեն աշխատել այն մակարդակով, որքան կուզեինք: Այս մասին այսօր՝ հունիսի 21-ին կառավարության նիստից առաջ լրագրողների հետ զրույցում ասաց ՀՀ գյուղատնտեսության նախարար Արթուր Խաչատրյանը:
Կրթական հաստատություններում 16 մլն դրամի չափով գումար է հափշտակվել. հարուցվել է 13 քրգործ
21 Հունիսի 2018 - 17:06
Քննչական կոմիտեի ստորաբաժանումների վարույթում քննվում է 13 քրեական գործ՝ նախադպրոցական, դպրոցական հաստատություններում արձանագրված չարաշահումների դեպքերի առթիվ: Այս մասին հայտնում են ՔԿ-ի մամուլի ծառայությունից:
1 | 2 | 3 | 4 | 5 | 6 | 7 | 8 | 11987
 
Լրահոս`