Facebook   Twitter
 
Լճաշենում համայնքապետի ու որոշ գյուղացիների ջուրը մի առվով չի գնում

Լճաշենում համայնքապետի ու որոշ գյուղացիների ջուրը մի առվով չի գնում

04 Օգոստոսի 2017 - 12:24
Մոտ 5000 բնակիչ ունեցող Լճաշենի համայնքապետ Կորյուն Մարգարյանը վտահ է, որ իր 19 տարի առանց ընմիջման կառավարման գաղտինքը համագյուղացիների ավելի քան 99%-ի վստահության արդյունքն է, սակայն վերջինիս կարծիքի հետ համաձայն չեն HayNews.am-ին դիմած գյուղացիները:
Խմբագրություն են դիմել Լճաշենի մի խումբ բնակիչներ, որոնք բարձրացրել են գյուղում առկա հիմնահարցեր, ինչպես նաև գյուղապետին են վերագրում մի շարք անօրինականություններ, որպեսզի մեր կողմից պատրաստվող նյութը միակողմանի չլինի՝ մեղադրանքների մեկանաբանության ակնկալիքով զրուցեցինք Կորյուն Մարգարյանի հետ:

Անասնապահությամբ ու բուսաբուծությամբ ապրուստ վաստակող լճաշենցիներն աշխատատեղերի պակաս ունեն, ինչի արդյունքում գյուղացիներից շատերը հանապազօրյա հացն արտագնա աշխատանքով են ապահովում:

Բայց նշվածն, ըստ բնակիչների, միակ խնդիրը չէ Լճաշենում: Այս հարցում էլ գյուղապետը համակարծիք չէ համագյուղացիների հետ. «Քիչ բան չեմ արել գյուղի համար, խմելու և ոռոգման ջրի հարցն է լուծված, ճանապարհներն՝ ասֆալտապատված, աղբահանությունն՝ անվճար, լուսավորույթունն է ապահոված, արվեստի ու սպորտի դպրոցներ են գործում: Գյուղը նաև մանկապարտեզ ունի, ուր 83 երեխա է հաճախում, իսկ նրանց խնամքով 13 աշխատող է զբաղվում: Նշեմ նաև, նախակրթարանին համայնքի կողմից տրվում է 11000.0 հազ դրամ սուբսիդիա»,-մատնանշեց Կորյուն Մարգարյանն ու հավելեց, որ սոցիալական ծանր պայմաններում գտնվող գյուղացիներին 30-50 հազար դրամ սոցիալական օգնությունն է տրվում:

Ի հակառակ ասվածի գյուղացիներն էլ վստահեցնում են, որ օգնությունը տրամադրվում է համայնքապետի շրջապատի մարդկանց և ընտրություններում նրան աջակցածներին:

980142.0 հազար դրամ բյուջե ունեցող համայնքի բնակիչները գյուղապետին մեղադրում են նաև միջոցների, ոչ նպատակային վատնելու մեջ, ինչին ի պատասխան Կորյուն Մարգարյանն ընդգծեց. «Եթե համայնքի միջոցները վատնում եմ, այդ ի՞նչ գումարներով ենք կարողացել գյուղում վերը նշված աշխատանքներն իրականացնել: Ավելին՝ այս պահին ընթացքի մեջ է եկեղեցու, սպորտդպրոցի և թանգարանի շինարարությունը: Ընդ որում այս օբյեկտների շինարարությունը կատարվում է համայնքի բյուջեի հաշվին»:

Մեղադրանքներն ու արդարացումները կարող են շարունակական լինեն, բայց մի բան հաստատ է՝ ինչպես ժողովուրդն է ասում առանց կրակ ծուխ չի լինում:

Նյութը պատրաստ էր հրապարակման, երբ ՀՀ կառավարության Տարածքային կառավարման և զարգացման նախարարության միջնորդությամբ ստացանք Լճաշեն համայնքի ղեկավարի 2-րդ գրությունը, որտեղ ճշտված էին բյուջեի բոլոր թվերը: Նամակի պատասխանը ներկայացված է ստորև.

1. Լճաշեն համայնքի 2017թ. տարեկան բյուջեն կազմում է 122142.2 հազար դրամ, որից` վարչական մաս 110110.0 հազար դրամ, ֆոնդային մաս 16032.2 հազար դրամ, աշխատավարձի ֆոնդը 41980.0 հազար դրամ:

2. Սոցիալական օգնությունները տրվում են սոցիալական հանձնաժողովի կողմից դրական եզրակացություն ստացված անձանց, որոնք գտնվում են սոցիալական ծանր պայմաններում` ավագանու որոշմամբ:

3. Մեկ երեխայի համար մանկապարտեզի ամսական վճարը կազմում է 4000.0 դրամ:

4. Լճաշենի մանկապարտեզին տրվող գումարի չափը համայնքի 2017թ. բյուջեով նախատեսվել էր 11000.0 հազար դրամ, բայց հաշվի առնելով այն հանգամանքը, որ մանկապարտեզում իրականացվում է վերանորոգման աշխատանքներ, ավագանու թիվ 37 որոշումով պակասեցվել է 3520 հազար դրամ և հաստատվել է 7480.0 հազար դրամ:

Հ.Գ. -Առաջիկայում HayNews.am-ի աշխատակիցները հենց տեղում՝ Լճաշենում ուսումնասիրություններից հետո կներկայացնեն համայնքում տիրող իրավիճակը:

HayNews.am
 
Նմանատիպ նորություններ
Վթար Մյասնիկյան պողոտայում
16 Դեկտեմբերի 2017 - 23:38
Դեկտեմբերի 16-ին, ժամը 17:49-ին ահազանգ է ստացվել, որ Երևան քաղաքի Մյասնիկյան պողոտայում` կենդանաբանական այգու մոտակայքում, ավտոմեքենայից ծուխ է նկատվում. անհրաժեշտ է փրկարարների օգնությունը:
Աշտարակի կամրջի տակ հայտնաբերված աղջիկը փորձել է ինքնասպան լինել աշխատանք չգտնելու պատճառով. հարազատներ
16 Դեկտեմբերի 2017 - 23:31
Դեկտեմբերի 15-ի գիշերը Աշտարակի կամրջի տակ հայտնաբերված 23-ամյա Ա.Չ.-ն փորձել է ինքնասպանություն գործել աշխատանք գտնելու մի շարք անհաջող փորձերից հետո: Այս մասին NEWS.am- ի թղթակցին հայտնել են աղջկա հարազատները:
Ուղեղի համար վտանգավոր 10 սովորություն, որոնցից պետք է անհապաղ ազատվել
16 Դեկտեմբերի 2017 - 23:17
Ուղեղը մարդու օրգանիզմի չափազանց կարևոր օրգաններից մեկն է, քանի որ այն օրգանիզմի կառավարման գլխավոր կենտրոնն է։
Ինչո՞ւ են տղամարդիկ դավաճանում իրենց կանանց
16 Դեկտեմբերի 2017 - 23:13
Սեռական բավականություն
Սեքսի բացակայություն։ Եթե կինը չի գոհացնում ամուսնուն սեքսում՝ տղամարդը փորձում է այդ հաճույքը ստանալ մեկ այլ կնոջ հետ։
Ապարան քաղաքում 17մ բարձրությամբ տոնածառ են տեղադրում (Լուսանկարներ)
16 Դեկտեմբերի 2017 - 22:45
Արագածոտնի մարզի Ապարան քաղաքում տոնածառ են տեղադրում։

Էմինեմը թողարկել է նոր ալբոմ (Լուսանկար, Տեսանյութ)
16 Դեկտեմբերի 2017 - 22:17
Ռեփի երկրպագուները չորս տարի սպասում էին այս պահին։
Մակրոնը թագավորական ոճով իր 40-ամյակը նշում է Շամբոր ամրոցում
16 Դեկտեմբերի 2017 - 21:48
Ֆրանսիայի նախագահ Էմանուել Մակրոնն իր ծննդյան օրը շաբաթ նշում է թագավոր Ֆրանցիսկ I-ի նշանավոր ամրոցում, եւ այս ընտրությունը կարող է միայն ուժեղացնել իր՝ որպես «հարուստների նախագահի» ընկալումը:
Հայերը ծագել են ամերիկացիներից. Գարիկ Մարտիտոսյան
16 Դեկտեմբերի 2017 - 21:33
Գարիկ Մարտիրոսյանը Ռուսական 1-ին հեռուստաալիքի «ՊրոժեկտորՊերիսՀիլտոն» (ПрожекторПерисХилтон) հումորային հաղորդման այսօրվա՝ դեկտեմբերի 16-ի թողարկման ընթացքում անդրադարձել է Թրամփի սկանդալային հայտարարությանը:
1 | 2 | 3 | 4 | 5 | 6 | 7 | 8 | 8910
 
Լրահոս`