Facebook   Twitter
 
Նիկշա Բավցեւիչ. Մենք այս պահին լավ իրավիճակում ենք

Նիկշա Բավցեւիչ. Մենք այս պահին լավ իրավիճակում ենք

12 Օգոստոսի 2017 - 15:20
Բասկետբոլի Հայաստանի ազգային հավաքականի խորվաթ գլխավոր մարզիչ Նիկշա Բավցեւիչն անդրադարձել է Սոլվակիայի թիմի դեմ 2019թ. աշխարհի առաջնության ընտրական մրցաշարի չորրորդ տուրի խաղին, որը կկայանա օգոստոսի 12-ին՝ Երեւանի ժամանակով 22:00-ին, Սլովակիայի մայրաքաղաք Բրատիսլավայում:
«Առաջիկա հանդիպումը շատ կարեւոր է մրցող թիմերի համար։ Կարծում եմ, որ հաղթանակի դեպքում մենք գործնականում կապահովենք մեր տեղը հաջորդ փուլում։ Բավական հավասար խումբ է, որտեղ տանտերերը հաղթել են բոլոր խաղերում։ Մենք այս պահին լավ իրավիճակում ենք, քանի որ հաղթել ենք տնային 2 խաղերում։ Չորրորդ տուրի մյուս խաղում Բոսնիա եւ Հերցեգովինան հյուրընկալելու է Շվեդիային։ Այս տուրից հետո կստանանք շատ հարցերի պատասխաններ։

Սլովակիայի հավաքականին լավ ենք ծանոթ, քանի որ օգոստոսի 2-ին մրցել ենք նրանց հետ Երեւանում։ Ունեն հավասար կազմ, որտեղ առանձնանում է Ռանչիկը՝ Սլովակիայի պատմության լավագույն բասկետբոլիստը։ Եթե Սլովակիան պարտվի, ապա 90 տոկոսով դուրս կմնա հետագա պայքարից, ուստի սա նրանց համար լինել կամ չլինելու խաղ է։

Ցավոք, մենք որոշակի կադրային խնդիրներ ունենք։ Ալան Հեսը վնասվածքի պատճառով չմասնակցեց Բոսնիա եւ Հերցեգովինայի դեմ խաղին։ Նա սկսել է մարզվել եւ խաղը ցույց կտա, թե որքանով է վերականգնվել։ Վերջին խաղում գլխին հարված էր ստացել Անդրանիկ Չրաբաշը եւ նրա մասնակցությունը հարցականի տակ է։ Խաղից առաջ կտեսնենք, թե արդյոք Չրաբաշը պատրաստ է հանդիպմանը:

Եթե մենք ցանկանում ենք հաղթել, ապա չպետք է թույլ տանք մրցակցին վաստակել 70-ից ավել միավոր։ Պետք է պաշտպանությունում շատ ուշադիր լինենք եւ առավելագույնս կենտրոնացած գործենք»,- խորվաթ մասնագետի խոսքը մեջբերում է Հայաստանի բասկետբոլի ֆեդերացիայի մամուլի ծառայությունը:

Հիշեցնենք, որ ԱԱ-2019-ի նախորդ 3 տուրերում Հայաստանի հավաքականը տնային հաղթանակներ էր տարել Սլովակիայի (75:61) եւ Շվեդիայի (82:69) թիմերի նկատմամբ եւ պարտվել Բոսնիա եւ Հերցեգովինայի թիմին (85:98):

HayNews.am

 
Նմանատիպ նորություններ
«Ռեալը»՝ աշխարհի ակումբային առաջնությունների եռակի չեմպիոն. ՏԵՍԱՆՅՈՒԹ
16 Դեկտեմբերի 2017 - 23:10
Եվրոպական Չեմպիոնների լիգայի գավաթակիր, Իսպանիայի չեմպիոն Մադրիդի «Ռեալը» նվաճեց Արաբական Միացյալ Էմիրություններում անցկաված աշխարհի ակումբային առաջնության չեմպիոնի կոչում: Եզրափակիչում ֆրանսիացի Զինեդիին Զիդանի գլխավորած թիմը մրցեց Հարավային Ամերիկայի Լիբերտադորեսի գավաթի խաղարկության հաղթող, բրազիլացի «Գրեմիոյի» հետ եւ առավելության հասավ պորտուգալացի հարձակվող Կրիշտիանու Ռոնալդուի գոլի շոնորհիվ՝ 1:0:

Ալաշկերտը և բրազիլական Բոտաֆոգոն պաշտոնապես համաձայնության եկան
16 Դեկտեմբերի 2017 - 22:30
Դեկտեմբերի 14-ին Ռիո դե Ժանեյրոյում կայացավ «Ալաշկերտի» և բրազիլական հանրահայտ «Բոտաֆոգո» ակումբի ղեկավարության միջև հանդիպումը:
ՊՍԺ-ն խոշոր հաշվով հաղթեց Ռենին (տեսանյութ)
16 Դեկտեմբերի 2017 - 22:20
Ֆրանսիայի առաջնությունում կայանում են 18-րդ տուրի հանդիպումները:
«Բավարիային» հաղթանակ բերեց Մյուլերի գոլը, օրվա արդյունքները
16 Դեկտեմբերի 2017 - 20:48
Գերմանիայի առաջնության 17-րդ տուրում չեմպիոն Մյունխենի «Բավարիան» մրցակցի խաղադաշտում հանդիպեց «Շտուտգարտի» հետ:
Մոուրինյո. «ՄՅՈՒ»-ն պատրաստ է վաճառել Մխիթարյանին
16 Դեկտեմբերի 2017 - 17:44
«Մանչեսթեր Յունայթեդի» գլխավոր մարզիչ Ժոզե Մոուրինյոն տեղեկացրել է, որ ակումբը պատրաստ է հունվարին հրաժեշտ տալ կիսապաշտպան Հենրիխ Մխիթարյանին և պաշտպան Լյուք Շոուին, եթե ակումբի համար ֆինանսական տեսանկյունից շահավետ առաջարկ ստացվի, հայտնում է Championat.com-ը:
Պիրլոն կարող է վերսկսել կարիերան պերուական ակումբում
16 Դեկտեմբերի 2017 - 13:28
«Յուվենտուսի» և Իտալիայի հավաքականի նախկին կիսապաշտպան Անդրեա Պիրլոն կարող է վերսկսել խաղային կարիերան, հայտնում է «Советский спорт»-ը:
Հեծանվորդ Էդգար Ստեփանյանն արծաթե մեդալ է նվաճել միջազգային մրցաշարում
16 Դեկտեմբերի 2017 - 12:55
Պորտուգալիայի Անադիա քաղաքում ընթացող հեծանվահրապարակի միջազգային մրցաշարում Էդգար Ստեփանյանն արծաթե մեդալակիր դարձավ սկրեչ մրցաձևում։
Ներկայացվել է «Պեկին-2022» ձմեռային Օլիմպիական խաղերի լոգոտիպը
16 Դեկտեմբերի 2017 - 12:45
Պեկին-2022 խաղերի կազմակերպիչներ հանրության դատին են հանձնել 24-րդ ձմեռային Օլիմպիական և Պարալիմպիկ խաղերի լոգոտիպը:
Հայտնի է Մխիթարյանի և Մոուրինյուի տարաձայնության պատճառը
16 Դեկտեմբերի 2017 - 12:42
Հայտնի է դարձել, թե երբ են Մխիթարյանը և Մոուրինյուն տարաձայնություն ունեցել: Այս մասին գրում է ESPN-ն: Պարբերականի պնդմամբ դեռևս նոյեմբերին «Բրայթոն»-ի դեմ խաղից հետո պորտուգալացի մասնագետը խաղընկերների ներկայությամբ քննադատել է Մխիթարյանին:
1 | 2 | 3 | 4 | 5 | 6 | 7 | 8 | 1525
 
Լրահոս`