Facebook   Twitter
 
Վերաֆինանսավորման տոկոսադրույքն անփոփոխ՝ 6 տոկոս

Վերաֆինանսավորման տոկոսադրույքն անփոփոխ՝ 6 տոկոս

15 Օգոստոսի 2017 - 19:05
Այսօր՝ օգոստոսի 15-ի նիստում ԿԲ խորհուրդը որոշել է անփոփոխ թողնել վերաֆինանսավորման տոկոսադրույքը՝ սահմանելով 6.0%, տեղեկացնում են ԿԲ լրատվական ծառայությունից:
2017 թ. երկրորդ եռամսյակի ավարտին 12-ամսյա գնաճը կազմել է 1.1%, որը 0.3 տոկոսային կետով գերազանցել է երկրորդ եռամսյակի դրամավարկային քաղաքականության ծրագրով սպասվող մակարդակը: Իսկ հուլիսին արձանագրվել է 2.6% գնանկում՝ պայմանավորված գյուղմթերքների գների սեզոնային անկմամբ, որի պարագայում 12-ամսյա գնաճը փոքր-ինչ նվազել է՝ հուլիսի վերջի դրությամբ կազմելով 0.9%:

Արտաքին հատվածում պահպանվել են համաշխարհային տնտեսության աճի բարելավման հեռանկարները, իսկ միջազգային ապրանքային շուկաներում գները դրսևորել են կայունացման միտումներ: Ելնելով դրանից՝ ԿԲ խորհուրդն առաջիկա ամիսներին արտաքին հատվածից էական գնաճային ազդեցություններ չի ակնկալում:

Խորհուրդն արձանագրում է, որ 2017 թ. երկրորդ եռամսյակի փաստացի արդյունքներով պահպանվել են տնտեսական բարձր ակտիվությունն ու ներքին պահանջարկի վերականգնման տեմպերը, ինչին, իրականացվող զսպողական հարկաբյուջետային քաղաքականության պայմաններում, շարունակում է նպաստել ընդլայնողական դրամավարկային քաղաքականությունը:

Այս իրավիճակում ԿԲ խորհուրդը նպատակահարմար է գտնում անփոփոխ թողնել դրամավարկային պայմանները, ինչի արդյունքում գնաճն աստիճանաբար կավելանա. 2017 թվականի վերջում այն կձևավորվի տատանումների թույլատրելի միջակայքում, իսկ կանխատեսվող հորիզոնում կկայունանա նպատակային ցուցանիշի շուրջ: ԿԲ խորհուրդը գտնում է, որ, կանխատեսվող սցենարով մակրոտնտեսական զարգացումների պարագայում, դրամավարկային պայմանները որոշ ժամանակ կպահպանվեն խթանող:

Միևնույն ժամանակ, տնտեսական զարգացման հեռանկարներից և գնաճի վերականգնման հետագծից շեղման ռիսկերի դրսևորման պարագայում ԿԲ-ն համապատասխանորեն կճշգրտի դրամավարկային քաղաքականության ուղղությունները՝ միջնաժամկետ հատվածում ապահովելով գնաճի նպատակի իրագործումը:

Տոկոսադրույքի մակարդակի որոշման հիմքում ընկած մանրամասն տեղեկատվությանը կարող եք ծանոթանալ մինչև 2017 թ. օգոստոսի 25-ը հրապարակվելիք Գնաճի հաշվետվությունում (Դրամավարկային քաղաքականության 2017 թ. երրորդ եռամսյակի ծրագրում):

HayNews.am
 
Նմանատիպ նորություններ
Թեյլոր Սվիթը հաղթել է դատը, որով նա սեռական ոտնձգությունների մեջ էր մեղադրում DJ Դավիթին
16 Օգոստոսի 2017 - 20:00
Ամերիկացի երգչուհի Թեյլոր Սվիթը հաղթել է իրավական պայքարում , որն ընթաանում էր նրա և DJ Դավիթ Մյուլլերի միջև:
Սոչիի օդանավակայանում վառել են Հայաստանից ներկրված 280 կգ ձուկը
16 Օգոստոսի 2017 - 19:04
Այսօր Կրասնոդարի երկրամասում «Ռոսսելխոզնադզորի» աշխատակիցներն առգրավել են 20 արկղ ձուկ, որն առողջավայր էր ուղարկել Հայաստանից։
Մշակույթի ոլորտում պաշտոնները ժառանգաբար փոխանցվելու միտում չկա. Արմեն Ամիրյան
16 Օգոստոսի 2017 - 12:16
Մշակույթի նախարար Արմեն Ամիրյանն արհեստական թեմա և շահարկում է համարում դիտարկումը, թե Հայաստանում նկատվում է միտում, որ մշակույթի ոլորտում ղեկավար պաշտոնները (միության նախագահ, գեղարվեստական ղեկավար) հորից երեխաներին են փոխանցվում:
Գիտնականները 91 հրաբուխ են հայտնաբերել Անտարկտիկայի սառցաշերտի տակ
13 Օգոստոսի 2017 - 12:55
Գիտնականները հայտնաբերել են երկրի ամենամեծ հրաբխային գոտին, որը գտնվում է 2կմ խորության վրա՝ Անտարկտիկայի արևմտյան հատվածի հաաստ սառցաշերի տակ:
Մասնագետների շարժական խմբերը ջավախքահայերին վրացերեն կսովորեցնեն
12 Օգոստոսի 2017 - 14:16
Ջավախքի Ախալքալաք քաղաքի ու մյուս բնակավայրերի բնակիչներին, որոնք հիմնականում հայեր են, սկսել են վրացերեն սովորեցնել, ասվում է Վրաստանի կրթության ու գիտության նախարարության մամուլի ծառայության հաղորդագրության մեջ, հաղորդում է «Sputnik-Վրաստանը»։
HBO-ն իր համակարգը կոտրած հաքերներին 250.000 դոլար է առաջարկել որպես «պարգևավճար»
11 Օգոստոսի 2017 - 18:42
HBO-ի համակարգերի վրա վերջերս հարձակում գործած և այդ թվում «Գահերի խաղը» հեռուստասերիալին առնչվող տվյալներ գողացած հաքերներն էլեկտրոնային նամակ են հրապարակել, որում ամերիկյան մալուխային հեռուստատեսային ցանցը նրանց 250.000 դոլար է առաջարկել որպես «պարգևավճար»:
Շանը ծեծելու համար ֆրանսիացուն կես տարվա կալանքի են դատապարտել
11 Օգոստոսի 2017 - 17:56
Ֆրանսիայի Վալ դե Մարն դեպարտամենտի բնակիչը 6 ամսվա կալանքի է դատապարտվել շանը ծեծելու համար։ Այս մասին հաղորդում է «ՌԻԱ Նովոստի»–ն՝ վկայակոչելով Parisien–ը։
Փաստաբանների պալատը պատասխանել է Քաղաքացիական համերաշխության պլատֆորմին
11 Օգոստոսի 2017 - 17:09
Փաստաբանների պալատը պատասխանել է Քաղաքացիական համերաշխության պլատֆորմի հասարակական կազմակերպությունների հայտարարությանը, որով Փաստաբանների պալատին կոչ էր արվում ձեռնպահ մնալ վարույթների հարուցումից և պատասխանատվության որևէ միջոցի կիրառումից։
«Ձվի սկանդալ» Եվրոպայում
11 Օգոստոսի 2017 - 13:09
Հավի ձվում ֆիպրոնիլի հետքեր են հայտնաբերվել Եվրոպայի եւս երեք երկրներում՝ Սլովակիայոմ, Ռումինիայում եւ Դանիայում։ Այս մասին հաղորդում է DW-ն՝ վկայակոչելով Rheinische Post-ը։ Այսպիսով, վարակված ձվերից տուժած երկրների թիվը հասել է 12-ի։
1 | 2 | 3 | 4 | 5 | 6 | 7 | 8 | 41
 
Լրահոս`