Facebook   Twitter
 
570 միլիոն դրամի արտահանման պատվերներ. Հայաստանի սննդարդյունաբերությունը ներկայացված է «WorldFood Moscow 2017»-ին

570 միլիոն դրամի արտահանման պատվերներ. Հայաստանի սննդարդյունաբերությունը ներկայացված է «WorldFood Moscow 2017»-ին

12 Սեպտեմբերի 2017 - 11:22
Սննդարդյունաբերության ոլորտի 16 ընկերություններ Հայաստանի զարգացման հիմնադրամի աջակցությամբ՝ սեպտեմբերի 11-14-ը Մոսկվայում միասնական տաղավարով մեր երկիրը ներկայացնում են «WorldFood Moscow 2017» ցուցահանդեսին։
Հայաստանյան ընկերությունները միջազգային գնորդներին են առաջարկում մրգային, բանջարեղենային, ձկան, մսի պահածոներ, հյութեր, կոմպոտներ, շոկոլադ, մեղր, չիր, հանքային և աղբյուրի ջուր, գարեջուր, ձկնամթերք, մսամթերք, թեյի տեսականի։ Նաև՝ Ավստրիական զարգացման գործակալության Օրգանական գյուղատնտեսության աջակցության նախաձեռնության ծրագրով հայկական տաղավարում առաջին անգամ ներկայացված է 6 ընկերությունների արտադրած օրգանական սննդամթերքի տեսականին։

Արտադրանքը միջազգային շուկային ներկայացնելու համար հիմնադրամն ընկերություններին աջակցում է արտահանման խթանման ու արտադրանքի ճանաչելիության բարձրացման՝ Կառավարության ռազմավարության շրջանակում։ Նախորդ ցուցահանդեսին մասնակիցները շուրջ 570 միլիոն դրամի սննդամթերքի արտահանման 12 պայմանագիր են կնքել։

«Անցած էքսպոյին հայկական արտադրողներն այս ցուցահանդեսի համար ռեկորդային ծավալի արտահանման պայմանագրեր են կնքել։ Բայց սա էլ բավարար չենք համարում. մասնակից ընկերությունների առջև մենք խնդիր ենք դնում ավելի ճկուն լինել, արտադրանքի տեսքը, որակն ու ծավալները համապատասխանեցնել միջազգային տարբեր շուկաների պահանջներին ու ավելացնել կնքվող պայմանագրերի ծավալները»,- նշել է Հայաստանի զարգացման հիմնադրամի գործադիր տնօրեն Արմեն Ավակ Ավակյանը։

Ցուցահանդեսի երկրորդ օրը հայկական տաղավարում կանցկացվի համտես, որի ընթացքում այցելուներին, մեծածախ գնորդներին ու դիստրիբյուտորներին կներկայացվեն ռուսական շուկայի համար նախատեսված ապրանքատեսակները։ Այդ թվում՝ նորերը. լցնովի գարեջուր, հունական յոգուրտ, «Արֆետտո» պանիր, բիոթթվասեր ու բիոկաթնաշոռ։ Ընկերություններից մի քանիսը մասնակցելու են մրցույթների։

«WorldFood Moscow 2017»-ին մասնակցում են շուրջ 1500 ընկերություններ՝ ավելի քան 65 երկրներից, սպասվում է շուրջ 29 հազար մասնագետի այցելություն։ Ցուցահանդեսի հայկական տաղավար են այցելել նաև ՀՀ գյուղատնտեսության նախարար Իգնատի Առաքելյանը և ՌԴ-ում Հայաստանի դեսպան Վարդան Տողանյանը։

HayNews.am
 
Նմանատիպ նորություններ
Քայլեր են ձեռնարկվում Թալին-Լանջիկ, Լանջիկ - Գյումրի հատվածներում շինաշխատանքների արագացման ուղղությամբ
14 Օգոստոսի 2018 - 12:04
ՀՀ տրանսպորտի, կապի և տեղեկատվական տեխնոլոգիաների նախարար Աշոտ Հակոբյանն այցելել է «Հյուսիս-հարավ ճանապարհային միջանցքի ներդրումային ծրագրի» Թալին-Լանջիկ, Լանջիկ - Գյումրի հատվածներ։
Շուտով Հայաստանում կսկսի աշխատել իտալական տեխնոլոգիաներվ աշխատող կարկտապաշտպան ցանցեր արտադրող գործարան. Գյուղնախարար
13 Օգոստոսի 2018 - 16:44
Գյուղատնտեսության նախարար Արթուր Խաչատրյանը Facebook-ի իր էջում գրել է. «Գիտակցելով կարկտապաշտպան ցանցերի կարևորությունը` ՀՀ գյուղատնտեսության նախարարությունը նախաձեռնել է կարկտապաշտպան ցանցերի ներդրման համար տրամադրվող վարկերի տոկոսադրույքների սուբսիդավորման ծրագիրը»։
Վերջին 1 տարում շաքարավազի գինը նվազել է 16.8%-ով, իսկ մսամթերքի և ձկան գներն աճել են 7.6% և 7.3%-ով. ԱՎԾ
13 Օգոստոսի 2018 - 14:49
Վերջին 1 տարում շաքարավազի գինը նվազել է 16.8%-ով, իսկ մսամթերքի և ձկան գներն աճել են 7.6% և 7.3%-ով. ԱՎԾ
2018 թ. հունվար-հուլիս ամիսներին 2017թ. հունվար-հուլիսի նկատմամբ սպառողական շուկայում գնաճը կազմել է 2.4 տոկոս, մինչդեռ 2017թ. դեկտեմբերի նկատմամբ 2018 թ.-ի հուլիսին գրանցվել է 1.7 տոկոս գնանկում: Այս մասին տեղեկանում ենք ՀՀ ազգային վիճակագրական ծառայության կայքից:
Շարունակվում են Դավթաշեն-Աշտարակ և Բաբաջանյան-Աշտարակ ճանապարհահատվածների կառուցման աշխատանքները
13 Օգոստոսի 2018 - 14:44
Երևանի շրջանցիկ ճանապարհի Դավթաշեն-Աշտարակ և Բաբաջանյան-Աշտարակ ճանապարհահատվածների կառուցման ընթացքին տեղում ծանոթանալու նպատակով Երևանի քաղաքապետի առաջին տեղակալ, քաղաքապետի պաշտոնակատար Կամո Արեյանը և քաղաքապետի տեղակալ Վահե Նիկոյանը այցելել են վերոնշյալ շինհրապարակներ:
Վանաձոր-Ալավերդի ավտոճանապարհին գտնվող թունելի շինարարական աշխատանքները շարունակվում են
13 Օգոստոսի 2018 - 11:39
ՀՀ արտակարգ իրավիճակների նախարարությունը տեղեկացնում է, որ օգոստոսի 13-ին ժամը 11:00-ի դրությամբ ՀՀ տարածքում բոլոր ավտոճանապարհներն անցանելի են:
Այս տարվա հուլիսին 2017թ. հուլիսի համեմատ բենզինի գինն աճել է 17.1%-ով
11 Օգոստոսի 2018 - 23:51
2018թ. հուլիսին հունիսի համեմատ ոչ պարենային ապրանքների շուկայում արձանագրվել է 0.5% գնանկում: ՀՀ վիճակագրական կոմիտեի հրապարակած տվյալների համաձայն, նշված ժամանակահատվածում հանրապետությունում գրանցվել է հագուստի՝ 3.7%, տարբեր տեսակի կոշկեղենի՝ 3.0%, մաքրող, լվացող միջոցների և բնակարանի խնամքի այլ պարագաների՝ 1.1%, ապակե ամանեղենի, ճաշասպասքի և տնային կահ-կարասու՝ 0.5%, բնակարանի նորոգման և սպասարկման նյութերի՝ 0.3%, ոսկերչական զարդերի՝ 0.3%, դեղագործական ապրանքների 0.1% գնանկում:
Մետաղական հանքերում լինելու են շատ լուրջ ստուգումներ. Փաշինյան
11 Օգոստոսի 2018 - 19:15
Դիլիջանում լրագրողներին վարչապետ Նիկոլ Փաշինյանը ասաց, որ Հայաստանի տնտեսության զարգացման կարևորագույն հենասյուներից մեկը էկո Հայաստանի հայեցակարգն է:
Հուլիսին Իրանը օրական 40.000 բարելով նվազեցրել է նավթի արդյունահանումը
10 Օգոստոսի 2018 - 21:18
Հուլիսին Իրանը հունիսի համեմատ օրական 40.000 բարելով` մինչեւ 3.75 մլն բարե, նվազեցրել է նավթի արդյունահանումը, ինչը 2017 թվականի ապրիլից ամենացածր մակարդակն է:
Samsung-ը թողարկել է ամենաթանկարժեք Android սմարթֆոնը
10 Օգոստոսի 2018 - 21:11
Samsung ընկերությունը ներկայացրել է Galaxy Note 9 սմարթֆոնը՝ գրում է lenta.ru-ն:
1 | 2 | 3 | 4 | 5 | 6 | 7 | 8 | 686
 
Լրահոս`