Facebook   Twitter
 
Մեկ տարում ՊԵԿ-ն ավելի քան 1 տրիլիոն 139 մլրդ դրամ եկամուտներ է ապահովել պետբյուջե. Վախթանգ Միրումյան

Մեկ տարում ՊԵԿ-ն ավելի քան 1 տրիլիոն 139 մլրդ դրամ եկամուտներ է ապահովել պետբյուջե. Վախթանգ Միրումյան

12 Սեպտեմբերի 2017 - 14:19
Բիզնեսին ներդրումների արագ հետգնման և շրջանառու միջոցներ ունենալու հնարավորություն է ընձեռվում, այս մասին սեպտեմբերի 12-ին լրագրողների հետ հանդիպմանը նշել է պետական եկամուտների կոմիտեի նախագահի տեղակալ Վախթանգ Միրումյանը, հաղորդում են ՊԵԿ լրատվական ծառայությունից:
ՊԵԿ-ը Ազգային ժողովի քննարկմանն է ներկայացրել հարկային համակարգի համար արմատական 2 փոփոխություն, որից մեկը վերաբերում է ՀՀ ներմուծվող արտադրական նշանակության հումքի և մեքենասարքավորումների համար մաքսային սահմանին ԱԱՀ չգանձելուն, մյուսը՝ արտահանողներից բացի նաև հանրապետության ներսում գործունեություն իրականացնողներին ԱԱՀ վերադարձնելուն:

«Նախագծերի կյանքի կոչմամբ էականորեն բարելավվելու է երկրի ներդրումային գրավչությունը, և նախադրյալներ են ստեղծվելու՝ երկարաժամկետ հատվածում տնտեսական աճի ապահովման համար, ինչը ռազմավարական ծրագրի առաջնահերթություններից է»,- նշել է Վախթանգ Միրումյանը:

Սահմանին ԱԱՀ չվճարելով տնտեսվարողն ունենում է շրջանառու միջոց, որը կարող է ներդնել տնտեսական գործունեության ընդլայնման համար: Փոխարենը պետությունը ԱԱՀ-ի գումարը կստանա արտադրանքի իրացման փուլում հաշվարկվող հարկի գանձումից: Նախագիծն ուժի մեջ է մտնելու 2018թ. հունվարի 1-ից, սակայն որպեսզի ներդրողներն այդքան չսպասեն, անցումային դրույթ է մշակվել այն տնտեսվարողների համար, ովքեր կառավարության ներդրումային ծրագրով ներկրված մեքենասարքավորումների համար ԱԱՀ-ի վճարումը 3 տարով հետաձգելու արտոնություն են ստանում.

«Օրենքի հրապարակումից հետո համապատասխան սարքավորումներ ներկրողները նույնպես հետաձգման փոխարեն կազատվեն ԱԱՀ-ի վճարումից»,- հայտնել է ՊԵԿ նախագահի տեղակալը:

Նա տեղեկացրել է նաև, որ կառավարության հավանությանն արժանացած ներդրումային ծրագրերի դեպքում հարկ վճարողներն իրենց ընտրությամբ, կախված տնտեսական գործունեության տեսակից, կարող են շահութահարկի տեսքով կատարվող ներդրումները հետգնել 1 տարվա ընթացքում: Կոմիտեի ներկայացրած մյուս նախագծով, որն ուժի մեջ է մտնելու 2018թ. հուլիսի 1-ից, պետությունը հանրապետության ներսում գործունեություն իրականացնողներին 6 ամիս հետո վերադարձնելու է մատակարարների հետ գործարքներից առաջացած ԱԱՀ-ի գումարը:

ՊԵԿ նախագահի տեղակալ Վախթանգ Միրումյանի դիտարկմամբ, այս համարձակ նախաձեռնությունների համար երաշխիք է ծառայել հարկային եկամուտների աճը.

«Արդյունավետ վարչարարության և ստվերի կրճատման շնորհիվ հաջողվել է 2016թ. սեպտեմբերից մինչև 2017թ. օգոստոս ամիսներին ապահովել ավելի քան 1 տրիլիոն 139 մլրդ դրամ հարկային և մաքսային եկամուտներ, ինչը շուրջ 6.6%-ով կամ ավելի քան 70.8 մլրդ դրամով գերազանցում է նախորդ տարվա նույն ժամանակաշրջանի ցուցանիշը: Ընդ որում, առանց ԱԱՀ վերադարձի գումարների եկամուտները կազմել են ավելի քան 1.08 տրիլիոն դրամ, ինչը մոտ 6.2%-ով կամ 62.9 մլրդ դրամով գերազանցում է նախորդ տարվա նույն ժամանակաշրջանի համապատասխան ցուցանիշը»:

Նախորդ տարվա նույն ժամանակաշրջանի համեմատ կրճատվել են նաև պետական բյուջե հավաքագրվող հարկատեսակներին վերաբերող գերավճարները և ապառքները՝ համապատասխանաբար շուրջ 6.4 և 7.4 մլրդ դրամով: Իսկ արտահանողներին վերադարձվող ԱԱՀ գերավճարները կազմել են ավելի քան 57.3 մլրդ դրամ, ինչը 7.9 մլրդ դրամով ավելի է նախորդ տարվանից:

Ցուցանիշների աճը Վախթանգ Միրումյանը պայմանավորում է ոչ միայն արտահանման դրական տեմպերով, այլև վարչապետի հանձնարարությամբ կոմիտեի նախաձեռնած մի քանի բարեփոխումներով:

«Մասնավորապես՝ կառավարության որոշմամբ մինչև 20 մլն դրամ ԱԱՀ-ի հայտերի դեպքում գերավճարների վերադարձման ժամկետը սահմանվել է առավելագույնը 4 օր՝ նախկին 90+90 օրվա փոխարեն, 20 մլն դրամից ավելի հայտերի դեպքում ժամկետը կրճատվել է մինչև 77 օր, ինչպես նաև կրկնակի նվազեցվել է օտարերկրյա անձանց ԱԱՀ գումարների վերադարձման սահմանաչափը»:

ՊԵԿ նախագահի տեղակալը կարևորել է այն հանգամանքը, որ հարկային եկամուտների աճն արձանագրվել է հարկային ստուգումների 47.8% կրճատման պարագայում.

«Ապավինել ենք անհատական վերլուծություններով հսկողական գործիքակազմի կիրառման պրակտիկային և մոնիթորինգի կենտրոնի գործարկմանը»:

Մաքսային բնագավառի բարելավումները, ըստ Վախթանգ Միրումյանի, նույնպես անդրադարձել են վարչարարության վրա.

«Ժամանակակից տեղեկատվական տեխնոլոգիաների շարունակական ներդրմամբ նվազեցվել է մաքսավոր-հայտարարատու անմիջական շփումը, բարձրացվել մաքսային հսկողության արդյունավետությունը, ազատականացվել է մաքսային հայտարարագրման դաշտը», - ասել է Վ. Միրումյանը:

Անդրադառնալով ընթացքի մեջ գտնվող նախաձեռնություններին՝ նա կարևորել է մաքսային հսկողության «Կապույտ ուղի» ընթացակարգի ներդրումը, ինչպես նաև 2018թ.-ից 1 միասնական գանձապետական հաշվի գործարկումը, որը իրավական հարթությունում վերացնելու է «գերավճար խնդրելու» պրակտիկան, որը խստիվ արգելվում է նաև ՊԵԿ նախագահի հանձնարարականով:

HayNews.am
 
Նմանատիպ նորություններ
«Գազպրոմ Արմենիա»-ի պարզաբանումը՝ բնակիչների ստորագրությունների վերաբերյալ
26 Ապրիլի 2018 - 19:32
«Գազպրոմ Արմենիա» ՓԲԸ-ն գազաբաշխման ցանցում նախատեսված պլանային աշխատանքներն իրականացնում է ՀՀ հանրային ծառայությունները կարգավորող հանձնաժողովի համապատասխան որոշմամբ հաստատված Բնական գազի մատակարարման և օգտագործման կանոններով սահմանված կարգով, բաժանորդներին նախապես տեղեկացնելով դրանց անցկացման վերաբերյալ:
Չի եղել այնպիսի տարի, որ սոցիալական ոլորտն աչքաթող արած լինենք. Վարդան Արամյան
26 Ապրիլի 2018 - 18:19
Կառավարութան այսօրվա նիստից հետո ՀՀ ֆինանսների նախարարի պաշտոնակատար Վարդան Արամյանն անդրադարձավ հարցին, թե որ թվականին էր վերաբերում նախկին վարչապետ Սերժ Սարգսյանի հայտարարությունը, որ աշխատավարձերի ու թոշակների բարձրացում է լինելու:
Արտարժույթի փոխարժեքները ապրիլի 26-ին
26 Ապրիլի 2018 - 17:55
ԱՄՆ դոլարի փոխարժեքն այսօր՝ ապրիլի 26-ին, կազմել է 481.96 դրամ՝ նախորդ օրվա համեմատ աճել է 1.50 դրամով: Այդ մասին հայտնում են Կենտրոնական բանկի մամուլի ծառայությունից:
Մինչև 2022-ը նախատեսվում է արևային կայաններից ստացվող էլեկտրաէներգիայի մասնաբաժինը հասցնել 10%
26 Ապրիլի 2018 - 17:43
ՀՀ կառավարությունը հաստատել է «Մասրիկ-1» արևային ֆոտովոլտային կայանի կառուցման ծրագրի շրջանակներում անցկացված մրցույթի արդյունքները և հաղթող ընկերությանը հրավիրում է իրագործելու այն։ Ֆեյսբուքյան ասուլիսի ձևաչափով թեմային անդրադարձավ ՀՀ էներգետիկ ենթակառուցվածքների և բնական պաշարների նախարարի տեղակալ Հայկ Հարությունյանը:
Բոլորս բնականոն աշխատում ենք, շարունակում ու շարունակելու ենք աշխատել. Վահան Մարտիրոսյան
26 Ապրիլի 2018 - 16:00
Հայաստանի կառավարությունը բնականոն աշխատում է։ Այդ մասին այսօր՝ ապրիլի 26-ին կառավարության նիտիս ցհետո լրագրողներին ասել է տրանսպորտի, կապի եւ տեղեկատվական տեխնոլոգիաների նախարարի ժամանակավոր պաշտոնակատար Վահան Մարտիրոսյանը։
2017-ին գրանցվել է 10% հարկահավաքության աճ. Վարդան Արամյան
26 Ապրիլի 2018 - 15:54
Կառավարությունում հաստատել ենք բյուջեի կատարողականը, և մայիսի 1-ին սահմանված կարգով այն կգտնվի ԱԺ-ում. ասուլիսի ժամանակ հայտարարեց ֆինանսների նախարարի պաշտոնակատար Վարդան Արամյանը:
Սինգապորում բացվեց «Food and Hotel Asia 2018» միջազգային ցուցահանդեսը. մասնակցում է նաև Հայաստանի 5 արտադրող
26 Ապրիլի 2018 - 14:30
Սինգապորում բացվեց «Food and Hotel Asia 2018» (FHA) 1978 թ.-ից անցկացվող միջազգային ցուցահանդեսը: Այն խոշորագույններից մեկն է ամբողջ Ասիայում: Առաջին անգամ ցուցահանդեսին մասնակցում է նաև Հայաստանի 5 արտադրող: Ցուցահանդեսը տևելու է մինչև ապրիլի 28-ը:
Մինչեւ 2023 թվականը Audi-ն կկրկնապատկի մեքենաների արտադրությունըՉինաստանում
26 Ապրիլի 2018 - 09:09
Գերմանական Audi ավտոարտադրողը չինական FAW-ի հետ համատեղ նախատեսում է 5 տարվա ընթացքում երկու անգամ ավելացնել չինական շուկայում թողարկվող մեքենաների ծավալը։ Այս մասին նշված է ընկերության հայտարարությունում, փոխանցում է ՏԱՍՍ-ը։ Այս որոշումը ընդունվել է համաշխարհային ավտոարտադրողների ձգտումների ֆոնին տեղայնանալ Չինաստանում՝ խոշորագույն ավտոմեքենայի շուկայում։
Արտարժույթի փոխարժեքները ապրիլի 25-ին
25 Ապրիլի 2018 - 17:53
ԱՄՆ դոլարի փոխարժեքն այսօր՝ ապրիլի 25-ին, կազմել է 480.46 դրամ՝ նախորդ օրվա համեմատ աճել է 0.33 դրամով: Այդ մասին հայտնում են Կենտրոնական բանկի մամուլի ծառայությունից:
1 | 2 | 3 | 4 | 5 | 6 | 7 | 8 | 631
 
Լրահոս`