ՀՀ-ից ԱՄՆ արտահանվող ապրանքներից կեսից ավելին օգտվում է GSP համակարգից. Գարեգին Մելքոնյան

«Այսինքն` Հայաստանից ԱՄՆ արտահանվող ապրանքների ամբողջության մեջ կեսից ավելին` 59 տոկոսը, շնորհիվ GSP+-ի, մաքսազերծվում է ԱՄՆ զրոյական մաքսատուրքով: Ընդհանուր առմամբ այն ապրանքները, որոնք, ըստ էության, կարող էին օգտվել դրանցից, փաստացի օգտվում են գրեթե հարյուր տոկոսով։ Այսինքն՝ օգտագործելիության տոկոսը 97-98 է, որը շատ բարձր ցուցանիշ է»,-ասաց նա և նշեց, որ Հայաստանը այս համակարգից լավագույնս օգտվողներից է:

«Անշուշտ, համակարգը շատ կարևոր է մեր գործարարների համար, քանի որ այն նպաստում է ֆինանսական ռեսուրսների տնտեսմանը, տեղական ծագում ունեցող ապրանքների՝ ամերիկյան շուկայում համեմատաբար ավելի մատչելի գնով իրացնելուն: Այս առումով շատ կարևորում ենք այս համակարգի կարևորությունը և շարունակականությունը»,-ասաց նա:

Գարեգին Մելքոնյանը նշեց, որ 2016 թվականին և 2017 թվականի առաջին կիսամյակի կտրվածքով ունենք բավական աճ առևտրաշրջանառության՝ և արտահանման, և ներմուծման առումով:

«Ես միշտ կարծում եմ, որ կարելի է անել ավելին»,-ասաց նա և նշեց, որ ամենից շատ ԱՄՆ արտահանվում է ալյումինե փայլաթիթեղ, վերամշակված սնունդ, ոսկերչական ապրանքներ: Ինչ վերաբերում է ներմուծմանը, ապա նա ասաց, որ ներմուծումը շատ ավելի տարբերակված է:

ԹԵՐԹ.am