Facebook   Twitter
 
Խոսրովի անտառում հրդեհից կարճ ժամանակ անց նկատվում է բույսերի վերաճ. ԲՆ

Խոսրովի անտառում հրդեհից կարճ ժամանակ անց նկատվում է բույսերի վերաճ. ԲՆ

13 Սեպտեմբերի 2017 - 15:16
«Այրված տարածքների վերականգնման եւ արտակարգ իրավիճակների կանխարգելման» աշխատանքային խմբի ամերիկացի մասնագետներն այցելել են «Խոսրովի անտառ» պետական արգելոց» ՊՈԱԿ-ի վարչական շենքից, որտեղ տեղակայված թանգարանում հյուրերն տարածական քարտեզի միջոցով ծանոթացել են այրված տեղանքին, կենսաբազմազանության նմուշներին:
Մի քանի օր մասնագիտական խումբն ուսումնասիրություններ է կատարել արգելոցի այրված մի շարք տեղամասերում, իրականացրել փաստագրումներ եւ գնահատումներ:

Ամերիկացի մասնագետները դիտարկել են «Խոսրովի անտառ» արգելոցում առկա ջրային համակարգերը, հակահրդեհային ենթակառուցվածքների առկա համակարգերը /ճանապարհները, գետերը, աղբյուրները/, գնահատել անտառային եւ խոտածածկ հատվածներին հասցված վնասը, հողի մակերեսի այրվածքների խորությունը:

Բնապահպանության նախարարությունից NEWS.am-ին հայտնում են, որ դիտարկումների արդյունքում ձեւավորվելիք մասնագիտական եզրակացությունները կներկայացվեն ավելի ուշ, սակայն խմբի անդամներն ուրախությամբ եւ զարմանքով արձանագրել են, որ հրդեհից արդեն կարճ ժամանակ անց տարածքներում նկատվում է բույսերի վերաճ, ինչը վկայում է այն մասին, որ դրանց արմատային համակարգերը վնասված չեն: Տերեւակալումներ են նկատվել նաեւ հրդեհից վնասված լայնատերեւ ծառերի մի մասի մոտ:

Հայաստանում ԱՄՆ դեսպանատան տնտեսական եւ առեւտրի գծով պատասխանատու Ռաֆայել Սամբուն շեշտել է, որ հրդեհի առաջին իսկ օրվանից իրազեկված են եղել աղետի ընթացքի վերաբերյալ, առաջարկել են իրենց օգնությունը եւ կարճ ժամանակահատվածում մասնագիտական խումբը կազմավորվել եւ հրավիրվել է Հայաստան, որպեսզի աջակցի վերականգնողական աշխատանքներին: Ըստ բանախոսի, մասնագիտական գնահատականները կտրամադրվեն նաեւ հասարակական կազմակերպություններին:

Անտառային գենետիկայի մասնագետ Էնդրյու Բաուերը նշել է, որ արգելոցում պետք է նպաստել բնական վերականգնման գործընթացին, ինչն արդեն այսօր նկատելի է:

ՀՀ բնապահպանության նախարարության աշխատակազմի կենսառեսուրսների կառավարման գործակալության հատուկ պահպանվող տարածքների եւ դենդրոպարկերի բաժնի պետ Արամ Աղասյանը նկատել է, որ ուսումնասիրություններ եւ մոնիթորինգ իրականացնելու նպատակով նախատեսվում է այրված տարածքներում գիտական նպատակներով առանձնացնել փորձահրապարակներ, որտեղ իրականացվելիք ուսումնասիրությունների արդյուքները թույլ կտան հետագայում մոդելավորել եւ կանխատեսել բնական էկոհամակարգերի վերականգնման ընթացքը:

Հիդրոլոգ Դանա Բաթլերը նշել է, որ գնահատելու են ռիսկերը` հետագայում հրդեհները կանխարգելելու նպատակով:

Սեպտեմբերի 13-ին խումբը մեկնել է Արտավանի անտառներ` տեղում վիճակին ծանոթանալու նպատակով: Ըստ Միացյալ Նահանգների անտառային ծառայության տարածաշրջանային համակարգող Մարիամ Թեւզաձեի` ԱՄՆ մասնագետների խումբը կգնահատի վնասները եւ կտրամադրի կարճաժամկետ եւ երկարաժամկետ մասնագիտական օժանդակության առաջարկներ: ՀՀ եւ ԱՄՆ կառավարություններին տրամադրվելիք եզրակացությունը հիմք կարող է հանդիսանալ նաեւ տեխնիկական աջակցություն ցուցաբերելու համար:

HayNews.am
 
Նմանատիպ նորություններ
Ճարպերն այրող 5 արդյունավետ մթերք
16 Հուլիսի 2018 - 22:07
Գիտնականներն անվանել են նյութափոխանակությունը բարելավող 5 արդյունավետ մթերք՝ գրում է newsyou.info-ն:
Պուտինը պատմել է Ղրիմի հարցով Թրամփի դիրքորոշման մասին
16 Հուլիսի 2018 - 22:06
ԱՄՆ-ի նախագահ Դոնալդ Թրամփը Ղրիմի միացումը Ռուսաստանին անօրինական է համարում. Մոսկվան այլ դիրքորոշում ունի: Այս մասին Հելսինկիում իր ամերիկացի գործընկերոջ հետ համատեղ մամուլի ասուլիսի ժամանակ հայտարարել է ՌԴ նախագահ Վլադիմիր Պուտինը:
Վաղն ԱԺ-ում քննարկվելու են ՀՀ ԸՕ բարեփոխումները
16 Հուլիսի 2018 - 22:05
Հուլիսի 17-ին՝ ժամը 12-ին, ԱԺ 334 սրահում տեղի կունենա ՀՀ ընտրական օրենսդրության բարեփոխումների նպատակով ստեղծված խորհրդարանական աշխատանքային խմբի նիստը: Այս մասին տեղեկացնում է ՀՀ ԱԺ լրատվության և հանրության հետ կապերի վարչությունը։

Շնորհավորական ուղերձ՝ ՀՀ լեռնամետաղագործական ճյուղի աշխատակիցներին
16 Հուլիսի 2018 - 22:03
«ՀՀ հանքարդյունաբերության ոլորտի հարգելի՛ աշխատակիցներ,

«ԳեոՊրոՄայնինգ» ընկերությունների խմբի և անձամբ իմ անունից, պատիվ ունեմ շնորհավորել Ձեզ՝ լեռնագործի և մետաղագործի մասնագիտական տոնի առթիվ և իմ երախտագիտությունը հայտնել ՀՀ հանքարդյունաբերության զարգացման ճանապարհին՝ Ձեր մեծագույն ավանդի համար։
Քննչական կոմիտեի նախագահն ընդունել է ԱՄՆ-ից Հայաստան ժամանած ռազմական գծով փորձագետներին
16 Հուլիսի 2018 - 21:59
ՀՀ քննչական կոմիտեի նախագահ Հայկ Գրիգորյանը հուլիսի 16-ին ընդունել է ՀՀ-ում ԱՄՆ դեսպանատան ռազմական համագործակցության ծրագրի պատասխանատու Դոնալդ Հարպերին և ԱՄՆ-ից Հայաստան ժամանած ռազմական գծով փորձագետներին։
Դուրս նետեք այդ թեփը ձեր գլխից, խնդրում եմ. Պուտինը՝ Թրամփի դեմ կոմպրոմատի մասին
16 Հուլիսի 2018 - 21:55
Ռուսաստանի նախագահ Վլադիմիր Պուտինը անհեթեթություն է անվանել լուրերն այն մաիսն, որ ռուսական իշխանություններն իբր կոմպրոմատ ունեն ԱՄՆ-ի նախագահ Դոնալդ Թրամփի վրա, փոխանցում է «Ինտերֆաքս»-ը:
Համագործակցության համաձայնագիր և քննարկում Արցախում նախատեսվող բիզնես համաժողովի շուրջ. Արմեն Ավակ Ավակյանն Արցախում է
16 Հուլիսի 2018 - 21:52
Արցախի էկոնոմիկայի եւ արտադրական ենթակառուցվածքների նախարար Լեւոն Գրիգորյանն այսօր՝ հուլիսի 16-ին ընդունել է Բիզնես Արմենիայի (վերաբրենդավորված Հայաստանի զարգացման հիմնադրամի) գործադիր տնօրեն Արմեն Ավակ Ավակյանի գլխավորած պատվիրակությանը։ Այս մասին տեղեկանում ենք ԱՀ էկոնոմիկայի եւ արտադրական ենթակառուցվածքների նախարարության մամլո ծառայությունից:
Ինչպես է Փարիզը դիմավորում Ֆրանսիայի հավաքականին. ուղիղ միացում (Տեսանյութ)
16 Հուլիսի 2018 - 21:50
Երեկ Ռուսաստանում ավարտվեց ֆուտբոլի աշխարհի 2018 թվականի առաջնությունը։ Եզրափակչում Ֆրանսիան, 4։2 հաշվով հաղթելով Խորվաթիային, հռչակվեց աշխարհի չեմպիոն։
Բժիշկները պնդում են, որ բարձրեը կարող են վտանգավոր լինել առողջության համար
16 Հուլիսի 2018 - 21:40
Մասնագետները վստահ են, որ չափազանց փափուկ կամ չափազանց կոշտ բարձ օգտագործելը վզի շրջանում ցավեր է առաջացնում: Իսկ չափազանց կոշտ բարձով մեջքի վրա քնելը վիզը առաջ է բերում՝ գրում է telegraf.com-ը:
1 | 2 | 3 | 4 | 5 | 6 | 7 | 8 | 12428
 
Լրահոս`