Facebook   Twitter
 
Մուտք ենք գործում առավել առաջադիմական խորհրդարանական կառավարման համակարգ, ինչը կապահովի ՀՀ ժողովրդավարական անշրջելի զարգացումը. ՀՀ Նախագահ

Մուտք ենք գործում առավել առաջադիմական խորհրդարանական կառավարման համակարգ, ինչը կապահովի ՀՀ ժողովրդավարական անշրջելի զարգացումը. ՀՀ Նախագահ

14 Սեպտեմբերի 2017 - 11:39
Նախագահ Սերժ Սարգսյանն այսօր ուղերձ է հղել Բորիս Մինցի ինստիտուտի և Հայ-ռուսական համալսարանի կազմակերպած «Փոքր անցումային տնտեսություններ. տեղային պատասխաններ համընդհանուր մարտահրավերներին» թեմայով նստաշրջանի առթիվ՝ մաղթելով նստաշրջանի աշխատանքներին արդյունավետ ընթացք և օգտակար քննարկումներ:
Այս մասին տեղեկացնում է ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչությունը։

Նախագահը, մասնավորապես, ասել է.

«Բորիս Մինցի ինստիտուտի խորհրդի հարգելի՛ անդամներ,

Հայ-ռուսական համալսարանի գիտական խորհրդի հարգելի՛ անդամներ,
Սիրելի՛ դասախոսներ և ուսանողներ,

Ողջունում եմ «Փոքր անցումային տնտեսություններ. տեղային պատասխաններ համընդհանուր մարտահրավերներին» թեմայով Բորիս Մինցի ինստիտուտի և Հայ-ռուսական համալսարանի կազմակերպած հայաստանյան նստաշրջանի անցկացումը:

Կարևոր և արդիական եմ համարում այս միջոցառումը Հայ-ռուսական համալսարանում, որն այս տարի տոնում է հիմնադրման 20-ամյակը և տարիների ձեռքբերումներով հաստատուն տեղ է գրավել մեր երկրի գիտակրթական կյանքում:

Անկախության տարիների փորձով Հայաստանը, անկասկած, հետաքրքրություն է ներկայացնում քաղաքագիտության և տնտեսագիտության ժամանակակից տեսաբանների համար: Հայաստանն առաջինն էր հետխորհրդային երկրներից, որ իրականացրեց գյուղատնտեսական նշանակության հողերի սեփականաշնորհումը, էներգետիկ համակարգի վերափոխումը և արդիականացումը, ենթակառուցվածքների համապատասխանեցումը շուկայական տնտեսության կանոններին: Բարդ աշխարհաքաղաքական, արտաքին և ներքին մարտահրավերների պայմաններում մեզ հաջողվեց ամուր հիմքերի վրա դնել ժողովրդավարական կառավարման սկզբունքները, ստեղծել քաղաքացիական հասարակության և ազատական տնտեսության հիմքերը:

Նշված բոլոր բնագավառներում մենք հարուստ փորձ ենք կուտակել և պատրաստ ենք փոխանցելու մեր ձեռքբերումներն ու դասերը: Սահմանադրության առումով այժմ մենք գտնվում ենք նոր որակի անցումային շրջանում՝ մուտք ենք գործում առավել առաջադիմական խորհրդարանական կառավարման համակարգ, ինչը, վստահ եմ, կապահովի Հայաստանի Հանրապետության ժողովրդավարական անշրջելի զարգացումը:

Երկրի տնտեսությունը նույնպես կանգնած է նոր մարտահրավերների առջև: Այժմ միջազգային գործարար լայն շրջանակներին մեր տնտեսության զարգացման ծրագրերի մեջ ընդգրկելու նոր փուլի շեմին ենք: Հիմնվելով առաջադեմ օրենսդրության և միջազգային ամենաարդյունավետ փորձի վրա՝ լիահույս ենք, որ կկարողանանք ստեղծել օտարերկրյա ներդրողների համար անհրաժեշտ գործիքակազմ, վստահելի տնտեսական համակարգ և արտահանման հնարավորություններ:

Անցումային փուլի հաղթահարմանն առնչվող այս հարցերի և Հայաստանի դասերի ու հնարավորությունների քննարկմամբ, հուսով եմ, դուք ապագայում հանդես կգաք նոր և շահավետ լուծումներով ու մոտեցումներով, որոնք շահեկան կլինեն ինչպես Հայաստանի, այնպես էլ նույն խնդիրներին բախվող այլ երկրների համար»։

HayNews.am
 
Նմանատիպ նորություններ
Փարիզի հյուսիսում ոստիկանը սպանել է երեք մարդու
19 Նոյեմբերի 2017 - 12:20
Փարիզի հյուսիսում գտնվող Սարսել քաղաքում ոստիկանը կրակել է երեք մարդու վրա եւ վիրավորել եւս երեքի: Այս մասին հաղորդում է ՏԱՍՍ- ը՝ վկայակոչելով France Info ռադիոկայանին:
Համացանցում ցուցադրվել է «թռչող ռադար»-ի առաջին թռիչքը (Տեսանյութ)
19 Նոյեմբերի 2017 - 12:14
Համացանցում տեսանյութ է հրապարակվել, որտեղ ցուցադրվել է «թռչող ռադար» Ա-100-ի առաջին թռիչքը: Տեսագրությունը հրապարակել է ռուսական Звезда հեռուստաալիքը:
Վանաձորում ՀՀԿ-ն և ՀՎԿ-ն համագործակցության հուշագիր ստորագրեցին
18 Նոյեմբերի 2017 - 22:27
Հայաստանի հանրապետական (ՀՀԿ) և «Հայկական վերածնունդ» (ՀՎԿ) կուսակցությունների Վանաձորի տարածքային կառույցներն այսօր համագործակցության հուշագիր են կնքել՝ «քաղաքի կառավարման համամասնորեն և համատեղ պատասխանատվությունը ստանձնելու մասին»։ Ըստ հուշագրի՝ «Հայկական վերածնունդ»-ը կստանա քաղաքապետի տեղակալի պաշտոնը։
ԿԸՀ-ը չի ընդունում նոր Սահմանադրությունը. Պարույր Հայրիկյանը հացադուլ կսկսի (տեսանյութ)
18 Նոյեմբերի 2017 - 22:21
Tert.am-ն «Ազգային ինքնորոշում միավորում» կուսակցության նախագահ Պարույր Հայրիկյանի հետ զրուցել է Սահմանադրությունը փոփոխելու նպատակով ստորագրահավաքի և ԿԸՀ-ի դիմաց հացադուլ անելու մասին: Նրա խոսքով՝ հացադուլի նպատակը ԿԸՀ-ի հակասահմանադրական գործողությունների դեմ ընդվզելն է: ԿԸՀ-ն չի ընդունում նոր Սահմանադրությունը: Հայրիկյանը նշեց, որ իրենք այս պահին քաղաքական այլ ուժերի հետ քննարկումներ կանեն` հետագա գործողությունների հետ կապված:

ՀՀ 2018 թ-ի բյուջետային հայտերի նախագծով կկրճատվեն ոչ ուսուցչական անձնակազմի հաստիքներից. ԿԳՆ
18 Նոյեմբերի 2017 - 19:15
Հանրակրթական ուսումնական հաստատությունների կառավարման արդյունավետության բարձրացման շրջանակում թվով 13 դպրոց վերակազմակերպվել է. Tert.am-ի հարցմանը ի պատասխան, թե քանի քաղաքային և մարզային հանրակրթական դպրոց է օպտիմալացվել, նշել են Կրթության և Գիտության նախարարությունից՝ թվարկելով վերակազմավորած դպրոցների ցանկը:
Վանաձորի քաղաքապետը կշարունակի հակասահմանադրական դրույթով առաջնորդվել
18 Նոյեմբերի 2017 - 19:03
Վանաձորի ավագանու հերթական նիստը նոյեմբերի 23–ին է։ Սահմանադրական դատարանի որոշումից հետո հայտնի չէ՝ ինչ օրենքով են նիստը գումարելու։ Բանն այն է, որ մինչեւ այս պահը Մամիկոն Ասլանյանը նիստերը գումարելիս օգտվել է ՏԻՄ օրենքի այն դրույթով, որը օրեր առաջ Սահմանադրական դատարանը հակասահմանադրական ճանաչեց։ Սա նշանակում է, որ մինչ այս պահը ավագանու ընդունած որոշումները հակասահմանադրական են։ Այս պարագայում ենթադրվում էր, որ ավագանին պետք է լուծարվի եւ նոր ընտրություն նշանակվի։ Սակայն քանի որ այս օրենքի ժամկետը լրանում է 2018–ի մարտի 30–ին, որոշել են, որ նոր օրենքում արդեն փոփոխություն կանեն եւ այն կհամապատասխանեցնեն Սահմանադրությանը։
Հայաստան կայցելի Ռուսաստանի արտգործնախարար Սերգեյ Լավրովը
18 Նոյեմբերի 2017 - 17:25
Նոյեմբերի 20-21-ը ԱԳ նախարար Էդվարդ Նալբանդյանի հրավերով Հայաստան պաշտոնական այց կկատարի Ռուսաստանի արտգործնախարար Սերգեյ Լավրովը, այս մասին տեղեկացնում է ՀՀ ԱԳՆ մամուլի ծառայությունը։
Ռազմական խորհրդի նիստ Արցախում
18 Նոյեմբերի 2017 - 17:20
Նոյեմբերի 18-ին ՊԲ շտաբի նիստերի դահլիճում ԱՀ ՊՆ, ՊԲ, հրամանատար, գեներալ-լեյտենանտ Լեւոն Մնացականյանի նախագահությամբ անց է կացվել ռազմական խորհրդի նիստ, որի օրակարգային թեմաները առնչվում էին ՊԲ-ի մարտական, թիկունքային եւ տեխնիկական ապահովման վիճակին, առկա խնդիրներներին եւ կատարելագործման ուղիներին:
1 | 2 | 3 | 4 | 5 | 6 | 7 | 8 | 3507
 
Լրահոս`