Facebook   Twitter
 
Որոշել ենք գյուղացիների պարտքերը զիջել, այսուհետ շատ կոշտ կարգադրությամբ գնում ենք, նայեք՝ նկարչություն չլինի. վարչապետի հանձնարարականները

Որոշել ենք գյուղացիների պարտքերը զիջել, այսուհետ շատ կոշտ կարգադրությամբ գնում ենք, նայեք՝ նկարչություն չլինի. վարչապետի հանձնարարականները

14 Սեպտեմբերի 2017 - 12:28
Կառավարության այսօրվա նիստին վարչապետ Կարեն Կարապետյանն անդրադարձավ գյուղատնտեսական ոլորտում զանազան ծրագրերով գյուղացիներին տրամադրվող պարարտանյութերի և սերմերի դիմաց պարտքերի հավաքագրման խնդրին:
Խոսելով 2012-2016 թվականների ընթացքում ձևավորված պարտքի մասին՝ վարչապետը հիշեցրեց, որ դեռևս մայիսին տրվել էր հանձնարարական, որ կազմեն ցանկն այն գյուղացիների, ովքեր դեռևս պարտքեր ունեն: Գյուղատնտեսության նախարար Իգնատի Առաքելյանը հայտնեց, որ դիմել են Տարածքային կառավարման նախարարություն ու մարզպետարաններ, որպեսզի հասցեատերերի ցուցակները ներկայացնեն:

«Դեռևս հստակ չկան ցուցակները, քանի որ մարզպետարանները տրամադրում են դրանք, հետո պարզվում է, որ թերի են լինում, նորից հետ ենք տալիս, նորից լրացումներ կատարում: Մինչև չլինեն անվանական ցուցակները, չենք կարող ամփոփել ու ներկայացնել կառավարություն՝ զիջելու կամ այլ կարգադրություն տալու համար»,-ասաց գյուղատնտեսության նախարարը:

Վարչապետի դիտարկմամբ՝ 2017թ.-ին այս առումով պարտք չի եղել և նշեց, որ այս տարի սուբսիդավորման մեխանիզմների տրամադրման ժամանակ ֆինանսական կարգապահությունը 100 տոկոսով է եղել:

«Մենք որոշել ենք, որ այն պարտքերը, որոնք կուտակվել են գյուղացիների մոտ, զիջել համապատասխան փաստաթղթերի առկայության դեպքում և մաքուր էջից սկսել, քանի որ պրակտիկան թույլ է տալիս առանց պարտքերի կարգավորել այդ խնդիրը»,-հայտնեց նա:

Վարչապետը հանձնարարեց մարզպետներին մեկ ամսվա մեջ կազմել պարտապանների վերջնական անվանական ցանկերը ու ներկայացնել, որն էլ նախարարությունն էլ մեկ ամսում պետք է ամփոփի:

Բացի այդ, Կարեն Կարապետյանը գյուղատնտեսության նախարարին հանձնարարեց պարտքի ցանկը ստանալուն պես համապատասխան առաջարկություն ներկայացնել պարտքերի զիջման մեխանիզմների կիրառմամբ:

«Այսուհետ շատ կոշտ կարգագրությամբ գնում ենք, բոլոր միջնորդ կազմակերպություններին հանում ենք, աշխատում ենք ուղիղ հասցեատիրոջ հետ, մի անգամ պայմանավորվում ենք խաղի կանոնների մասին ու գնում ենք առաջ»,-ասաց նա:

Խնդրի շրջանակներում վարչապետը տարածքային կառավարման նախարար Դավիթ Լոքյանին էլ հանձնարարեց մաքսիմալ ուշադիր լինել այդ ցուցակների նկատմամբ, քանի որ նախկին պրակտիկայի մեջ դեպքեր են եղել, որ «ֆիկտիվ հասցեատերեր են եղել»:

Արձագանքելով ասվածին՝ Դավիթ Լոքյանը նշեց, որ պարզապես կան գյուղապետեր, ովքեր չեն բաշխել գյուղատնտեսական այդ սերմերը, պարարտանյութերը և այլն, և նրանցից ոմանք օրինակ ՀՀ-ում չեն, և խնդիրը հենց սա է:

«12 տոկոսով է պակաս ամբողջ գումարից, 12 տոկոսը այն գյուղապետերն են, ովքեր ստացել են, չեն բաշխել կամ այլ խնդիր է եղել»,-ասաց նա:

Ի պատասխան ասվածին վարչապետը հարցրեց, թե այսինքն՝ 12 տոկոսը հասցե չունի՞, իսկ նախարարը դրական պատասխանեց:

«Գյուղապետերի մեծ մասը կա՞ն»,-շարունակեց հարցադրումները վարչապետը և Դավիթ Լոքյանը կրկին դրական պատասխան տվեց, որից հետո վարչապետն ասաց. «Դե ֆսյո գյուղապետերից ստացեք, գյուղացուց մի ստացեք, գյուղապետերից ստացեք, եթե հասցեատիրոջը չի հասել, ինչո՞ւմն է խնդիրը։ Նայեք, որ նկարչություն չլինի»:

ԹԵՐԹ.am
 
Նմանատիպ նորություններ
20 համայնքում ՏԻՄ ընտրություններ են սպասվում. ամենաշատ թեկնածուներ առաջադրել է իշխող ՀՀԿ-ն
21 Փետրվարի 2018 - 16:49
Հայաստանի 6 մարզում մարտի 11-ին տեղի կունենան տեղական ինքնակառավարման մարմինների հերթական, իսկ Տավուշի մարզի մեկ համայնքում` արտահերթ ընտրություններ:
Երևան քաղաքի Ավան և Նոր Նորք վարչական շրջանների քննչական բաժինը ճանաչվել է 2017 թվականի լավագույն ստորաբաժանում
19 Փետրվարի 2018 - 16:09
Փետրվարի 14-ին Հայաստանի քննչական կոմիտեում տեղի ունեցած ընդլայնված կոլեգիայի նիստի ժամանակ քննչական կոմիտեի նախագահ Աղվան Հովսեփյանը հայտարարել է 2017 թվականի Հայաստանի քննչական կոմիտեի լավագույն ստորաբաժանման անունը։
Տարոն Մարգարյան. Մենք պետք է վերականգնենք Շենգավիթ վարչական շրջանի արդյունաբերական ներուժը
17 Փետրվարի 2018 - 22:34
Մայրաքաղաքի վարչական շրջանների ղեկավարների տարեկան հաշվետվությունների շրջանակում Երևանի քաղաքապետ Տարոն Մարգարյանն այսօր աշխատանքային խորհրդակցություն է անցկացրել Շենգավիթ վարչական շրջանի աշխատակազմի հետ:
Այս տարի ևս Հայաստանում լայնածավալ ճանապարհաշինություն կիրականացվի
15 Փետրվարի 2018 - 15:23
Այս տարի ևս Հայաստանում լայնածավալ ճանապարհաշինություն կիրականացվի, այս մասին HayNews.am-ի հարցմանն ի պատասխան տեղեկացրել են Տրանսպրտի, կապի և տեղեկատվական տեխնոլոգիաների նախարարությունից:
Արթիկ քաղաքի փակված քարհանքի թափոնների և ջրհեղեղների կառավարման պիլոտային ծրագիրի համար հատկացվել է 27.000 ԱՄՆ դոլար
12 Փետրվարի 2018 - 15:15
Հարմարվողականության հիմնադրամը 2017թ.-ի հոկտեմբեր ամսին հաստատել է «Արթիկ քաղաքի փակված քարհանքի թափոնների և ջրհեղեղների կառավարման պիլոտային ծրագիր»-ը, այդ նպատակով հատկացնելով 27 հազար ԱՄՆ դոլար:
Կառավարությունը միայն ամպագորգոռ հայտարարություններ է անում, նա ընդհանրապես չի պատկերացնում հայ գյուղացու խնդիրները. Սարգիս Սեդրակյան
12 Փետրվարի 2018 - 13:38
Համայնքների խոշորացման ծրագիրը, թեև բազմաթիվ քննադատություններին, մասնագիտական բացասական կարծիքներին, այնուամենայնիվ իրականացվեց, որի նպատակն էր Եվրոպայի և ԱՄՆ կողմից հենց այդ ծրագրի իրականացման համար եկած գումարներին համապատասխան հաշվի չառնելով ոչ մի բացասական կարծիք, ոչ մի վնաս, կյանքի կոչել այդպես կոչված բարեփոխումները:
Ունենք բավականին լավ հիմքեր, որպեսզի մոտակա տարիներին ապահովենք տնտեսական աճ. Կարեն Կարապետյանը գոհունակություն է հայտնել Կոտայքի մարզում 2017-ին արձանագրված ցուցանիշներից
10 Փետրվարի 2018 - 19:53
Վարչապետ Կարեն Կարապետյանն այցելել է Կոտայքի մարզ` ծանոթանալու 2017 թ. մարզի և համայնքների զարգացման ծրագրերի շրջանակում ըստ ոլորտների իրականացված միջոցառումների արդյունքներին ու 2018 թ. անելիքներին:
«Այսօր սկսում ենք մեր մարզային այցերը:
Գյուղատնտեսության զարգացման հիմնադրամի հոգաբարձուների խորհուրդը հաստատել է հիմնադրամի տարեկան հաշվետվությունը
06 Փետրվարի 2018 - 21:56
ՀՀ գյուղատնտեսության նախարարությունում տեղի է ունեցել Գյուղատնտեսության զարգացման հիմնադրամի հոգաբարձուների խորհրդի հերթական նիստը, որը վարում էր խորհրդի նախագահ, ՀՀ գյուղատնտեսության նախարար Իգնատի Առաքելյանը:
«Դաշտեր կան, որ դուրս են մնացել». Վարչապետը ծանոթացել է ՏԿԶ նախարարության 2017 թ. գործունեությանը
03 Փետրվարի 2018 - 17:42
Վարչապետ Կարեն Կարապետյանն այսօր այցելել է ՀՀ տարածքային կառավարման եւ զարգացման նախարարություն՝ ծանոթանալու 2017 թ. գերակա խնդիրների կատարման եւ միջոցառումների իրականացման արդյունքներին, ինչպես նաեւ 2018 թ. անելիքներին:
1 | 2 | 3 | 4 | 5 | 6 | 7 | 8 | 19
 
Լրահոս`
 
 
 
 
 
Հինգ առասպել սեքսի մասին
Հասարակություն
 
 
 
 
 
Հրդեհ Գալշոյան փողոցում
Հասարակություն
 
 
 
 
 
 
 
Դեռահասը վերջին 2 տարում 18 ձու է ածել
Միջազգային, Հասարակություն