Facebook   Twitter
 
Մինչև 20 միլիոն դրամ հայտերի հիման վրա 70  տնտեսվարողի վերադարձվել է 812 միլիոն դրամ ավելացված արժեքի հարկի գումար

Մինչև 20 միլիոն դրամ հայտերի հիման վրա 70 տնտեսվարողի վերադարձվել է 812 միլիոն դրամ ավելացված արժեքի հարկի գումար

14 Սեպտեմբերի 2017 - 13:17
Պարզեցվել է զրոյական դրույքաչափով հարկվող գործարքների գծով ԱԱՀ-ի փոխհատուցման ընթացակարգը
Գործարար միջավայրի բարելավման միջոցառումների շրջանակում, ՀՀ վարչապետի հանձնարարականի համաձայն, Պետական եկամուտների կոմիտեն պարզեցրել է զրոյական դրույքաչափով հարկվող գործարքների գծով ԱԱՀ-ի փոխհատուցման ընթացակարգը.
Մինչև 20 միլիոն դրամ հայտերի հիման վրա ավելացված արժեքի հարկի գումարների՝ միասնական հաշվին մուտքագրման պարզեցված կարգը ներդրվել է ընթացիկ տարվա ապրիլի 13-ից: Գործընթացն, ըստ ՊԵԿ ստուգումների կազմակերպման և դիտարկման վաչության պետ Տիգրան Կիրակոսյանի, լրացուցիչ խթան է տնտեսվարողների ներդրումային ակտիվության բարձրացման գործում. «ՀՀ կառավարության որոշմամբ սահմանված չափորոշիչները բավարարելու դեպքում, մինչև 20 միլիոն դրամ հայտերի հիման վրա ԱԱՀ-ի գումարների միասնական հաշիվ մուտքագրումն ու վերադարձն իրականացվում է առանց հարկային մարմնի ուսումնասիրության կամ ստուգման՝ ընդամենը 4 աշխատանքային օրվա ընթացքում: 2017 թվականի ապրիլի 13-ից (կառավարության որոշման գործողության ժամկետի սկզբից) մինչև օգոստոսի 31-ը 70 տնտեսվարողի արդեն իսկ վերադարձվել է 812 միլիոն դրամ, այդ թվում՝ պարզեցված ընթացակարգով 11 տնտեսվարողի՝ 137,3 միլիոն դրամ ավելացված արժեքի հարկի գումար»:

Նորարարությունից արդեն իսկ օգտված հարկ վճարողների հավաստմամբ՝ գործընթացը հնարավորություն է ընձեռում խնայել ժամանակ, շրջանառու միջոցներ և դրանք ուղղել նոր նախագծերի իրագործմանն ու բիզնեսի ընդլայնմանը:
Տիգրան Կիրակոսյանի տեղեկացմամբ՝ մինչև 2018 թվականի ավարտը գործարկվելու է մեկ միասնական գանձապետական հաշվի համակարգը, ինչի արդյունքում էական փոփոխվելու է «հաշվանցում» ընթացակարգը: «Մասնավորապես բարձրանալու է հարկային մարմինների աշխատանքի արդյունավետությունը, նվազագույնի են հասցվելու միասնական հաշվին գումարների մուտքագրման և միասնական հաշվից դրանց վերադարձման գործընթացի աշխատատարությունը և հարկ վճարողների կողմից օրենքով սահմանվածից ավելի վճարված գումարների վերադարձման ժամկետները»:

Ընդհանուր առմամբ, հարկ վճարողների դիմումների հիման վրա ԱԱՀ-ի զրոյական դրույքաչափով հարկվող գործարքներից առաջացած գումարների ուսումնասիրության արդյունքով՝ 2017 թվականի 8 ամսվա ընթացքում 133 տնտեսվարողի վերադարձվել է ավելի քան 37,1 միլիարդ դրամ ԱԱՀ, նախորդ տարվա համադրելի ժամանկահատվածում՝ 78 կազմակերպության՝ 28,8 միլիարդ դրամ ԱԱՀ: Նման ցուցանիշն, ըստ Տիգրան Կիրակոսյանի, պայմանավորված է արտահանմամբ զբաղվող տնտեսվարողների թվի աճով: Իսկ 2016 թվականի սեպտեմբերից մինչև 2017թ. օգոստոս ամիսներին 175 հարկ վճարողի վերադարձվել է ավելի քան 56,4 միլիարդ դրամ: ՊԵԿ նախագահի հանձնարարությամբ, տարեսկզբից աշխատանքներ են տարվել ԱԱՀ-ի ստացման 180-օրյա ժամանակահատվածը կրճատելու ուղղությամբ:
Այժմ ԱԱՀ-ի գումարների վերադարձն իրականացվում է 90-օրյա ժամկետում, ինչը հնարավոր է դարձել եկամուտների աճի շնորհիվ:
Տիգրան Կիրակոսյանի խոսքով՝ զգալի ավելացել է oտարերկրյա քաղաքացիների կողմից ՀՀ տարածքում ձեռք բերված ապրանքների արտահանման ժամանակ ԱԱՀ-ի վերադարձի գումարը. Tax free հաշիվներով 2017 թվականի 8 ամիսների ընթացքում վերադարձվել է 340,2 միլիոն դրամ՝ 2016 թվականի համադրելի ժամակահատվածի` 217,9 միլիոն դրամի դիմաց: Ընդհանուր առմամբ, 2016թ. սեպտեմբեր-2017թ. օգոստոս ժամանակահատվածում ՀՀ պետական բյուջեից օտարերկրյա քաղաքացիներին վերադարձված ընդհանուր գումարը կազմել է 585,9 միլիոն դրամ:

Տիգրան Կիրակոսյանի դիտարկմամբ՝ աճել են նաև ՀՀ պետական բյուջեից հիպոթեքային վարկի տոկոսների մարմանն ուղղվող եկամտային հարկի գումարները, ինչպես նաև օրենքի ընձեռած հնարավորություններից օգտվող անձանց թիվը: Այսպես, բնակարանի ձեռքբերման կամ անհատական բնակելի տան կառուցապատման նպատակով վարձու աշխատողի, անհատ ձեռնարկատիրոջ և նոտարի կողմից ստացված հիպոթեքային վարկի սպասարկման համար վճարվող տոկոսների մասով 2017 թվականի 8 ամսվա ընթացքում վարկառուներին (համավարկառուներին) վերադարձվել է ավելի քան 1,6 միլիարդ դրամ եկամտային հարկի գումար, նախորդ տարվա համադրելի ժամանակահատվածում՝ 900 միլիոն դրամ: Իսկ 2016թ. սեպտեմբերից 2017-ի օգոստոս ամիսներին վերադարձված եկամտահարկը կազմել է ավելի քան 2,1 միլիարդ դրամ: Գործընթացում այժմ ներգրավված է 2000-ից ավելի քաղաքացի:


ՀՀ ԿԱ պետական եկամուտների կոմիտեի
տեղեկատվության և հասարակայնության հետ կապերի բաժին
 
Նմանատիպ նորություններ
Քիմ Քարդաշյանին քննադատել են 22 տարվա վաղեմության լուսանկարի համար
18 Հունվարի 2018 - 21:30
Քիմ Քարդաշյանը վերջերս հաճախ է արխիվային լուսանկարներ հրապարակում իր Instagram-ում։
Գայանե Բաղդասարյանը՝ կիսամերկ լուսանկարով, հաղորդել է արձակուրդի ավարտի մասին
18 Հունվարի 2018 - 21:25
Միլիոնավոր տղամարդկանց սիրելի Գայանե Բաղդասարյանը Instagram-ում լուսանկար է հրապարակել, որտեղ ցույց է տվել իր մերկ հետույքը։ Աստղը գրել է, որ ավարտվում է Թաիլանդում իր արձակուրդը և ինքը պատրաստվում է Մոսկվա վերադառնալ։

Ռուսաստանի ամենասեքսուալ կինը հանվել է Լոս-Անջելեսում
18 Հունվարի 2018 - 21:21
Ռուսական հայտնի երգչուհի Վերա Բրեժնևան, ում 2007-ին անվանել են Ռուսաստանի ամենասեքսուալ կին, Instagram-ի իր էջում ոչ միանշանակ նկար է տեղադրել:



«Յուրաքանչյուր ստորաբաժանում պետք է հստակ ձևակերպի իր խնդիրը». Կարեն Կարապետյանն այցելել է աշխատանքի և սոցիալական հարցերի նախարարություն
18 Հունվարի 2018 - 21:15
Վարչապետ Կարեն Կարապետյանն այսօր այցելել է ՀՀ աշխատանքի և սոցիալական հարցերի նախարարություն՝ ծանոթանալու 2017 թ. գերակա խնդիրների կատարման և միջոցառումների իրականացման արդյունքներին ու 2018 թ. անելիքներին:
Տորթեր երեխայի ծննդյան կապակցությամբ, որոնց նայելիս ոչ միայն ախորժակդ է կորդում, այլև նաև խոսելու ունակությունդ. ֆոտոշարք
18 Հունվարի 2018 - 20:59
Երեխայի ծնունդը ծնողների համար հրաշալի իրադարձություն է։ Շատերն են ցանկանում այդ օրը նշել այնպես, որ այն երկար հիշվի։
Խոսրովի անտառում չինացու նկատմամբ սեքսուալ բնույթի բռնի գործողության գործով վկա է Գերմանիայի քաղաքացին
18 Հունվարի 2018 - 20:48
Խոսրովի անտառի հարակից տարածքում 2017թ. հոկտեմբերի 1-ին Չինաստանի Ժողովրդական Հանրապետության քաղաքացու նկատմամբ սեքսուալ բնույթի բռնի գործողություն կատարելու գործը գտնվում է դատական քննության փուլում: Այս մասին տեղեկացրել է Արարատի մարզի դատախազ Սևակ Հովհաննիսյանը:
Apple-ը թողարկել է ատամի «խելացի» խոզանակ
18 Հունվարի 2018 - 20:45
Apple-ի կայքում հայտնվել է ատամի «խելացի» խոզանակ։ Այն պատրաստվել է Colgate-ի հետ համատեղ։
1 | 2 | 3 | 4 | 5 | 6 | 7 | 8 | 9354
 
Լրահոս`
 
 
 
 
 
 
 
 
 
Apple-ը թողարկել է ատամի «խելացի» խոզանակ
Տնտեսություն, Հասարակություն