Facebook   Twitter
 
Տարվա ընթացքում այս թեման մենք արծարծել ենք տարբեր առիթներով. մշակույթի նախարարը՝ «Խավարում» ցուցահանդեսի մասին

Տարվա ընթացքում այս թեման մենք արծարծել ենք տարբեր առիթներով. մշակույթի նախարարը՝ «Խավարում» ցուցահանդեսի մասին

14 Սեպտեմբերի 2017 - 13:24
Կառավարության նիստից հետո ՀՀ մշակույթի նախարար Արմեն Ամիրյանը լրագրողների հետ զրույցում անդրադարձավ Թումանյանի տուն-թանգարանի նախաձեռնած՝ բոլշևիկյան բռնատիրության զոհերին նվիրված «Խավարում» խորագիրը կրող ցուցահանդեսի փակմանը, ինչի պատճառը, ըստ Մշակույթի փոխնախարար Արև Սամուելյանի, դրա «քաղաքականացված» լինելն է:
«Թեմայի հետ կապված մենք որևէ առարկություն չունենք, առավել ևս տարվա ընթացքում այս թեման մենք արծարծել ենք տարբեր առիթներով: Թանգարանային գիշերն ունեցել է թեմայի ենթավերնագիր, սեպտեմբերի 22-ին Ազգային գրադարանում բացվում է նույն թեմայով ցուցադրություն, հրատարակվել են գրքեր, հանձնարարական ունենք ՀՀ նախագահից՝ մշակել առանձին թանգարան՝ ստալինյան բռնապետության զոհերի հետ կապված»,-ասաց նա:

Նախարարը նշեց, որ ցուցահանդեսի փակման պատճառը աշխատանքային ներքին կանոնակարգն է: Նա ասաց, որ որևէ ցուցադրություն թանգարանը պիտի համապատասխանեցնի նախարարության հետ, նախարարության ներկայացրած տարեկան սուբսիդիայի պայմաններում որևէ տեղ նշված չկա այս ցուցադրության մասին:

Ինչ վերաբերում է նրան, թե 22 օր եղել է ցուցադրությունը, ապա նոր փակվել է, Արմեն Ամիրյանն արձագանքեց. «Սուբսիդիայի պայմաններում կամ առանձին համաձայնեցված ոչ մի պայմանավորվածություն չի եղել նախարարության հետ: Այո, մենք տեղյակ չենք եղել այդ ցուցադրության մասին, ես տեղեկացվել եմ կիսամյակին հաշվետվության ժամանակ՝ բացումից 1 շաբաթ հետո մոտավորապես: Խոսքը աշխատանքային փոխհարաբերություններին է վերաբերում: Մենք առաջարկել ենք վերատեսության ենթարկել, գա ու նախարարության համապատասխան վարչության հետ համաձայնեցնեն, ձևակերպումներ անելուց հետո ցուցադրությունը նորից կարող է վերականգնվել, բովանդակության հետ կապված ոչ մի առարկություն չունենք»,-ասաց նա:

Անդրադառնալով թանգարանի տնօրեն Նարինե Թուխիկյանի հայտարարություններին, թե իրեն սպառնացել են ԱԱԾ-ից, որպեսզի ցուցադրությունը փակի, նախարարը շեշտեց, որ որևէ մեկն իրավունք չունի թանգարանի տնօրենին սպառնալ: Նա ասաց, որ եթե եղել են սպառնալիքներ, ապա սպառնացողը պատասխան կտա: «Ես անձնապես որևէ խնդիր չունեմ բովանդակության հետ, որովհետև այնտեղ ցուցադրված նյութում արծարծվում են նաև իմ ազգականների անունները»,-ասաց նա և նշեց, որ կնախաձեռնի, որպեսզի ցուցադրությունը վերաբացվի: Ըստ նրա՝ Նարինե Թուխիկյանը լավագույն տնօրեններից է:

HayNews.am
 
Նմանատիպ նորություններ
Իրանում կործանված օդանավում եղած բոլոր անձինք զոհվել են. հերքվել է ողջ մնացածների մասին լուրերը
18 Փետրվարի 2018 - 14:24
Իրանի կենտրոնական մասում կործանված օդանավում եղած 66 մարդն էլ զոհվել է, հայտնում է ISNA գործակալությունը՝ վկայակոչելով իրանական Aseman Airlines ավիաընկերությանը:
Դժբախտ դեպք. 3-ամյա աղջնակը մահացել է մանկապարտեզում (Տեսանյութ)
18 Փետրվարի 2018 - 14:21
3-ամյա Զախարը մահացել է № 2120 մանկապարտեզում զբոսանքի ժամանակ Նոր Մոսկվայում, հայտնում է Life.ru կայքը:
Առաջիկա օրերի եղանակի տեսությունը
18 Փետրվարի 2018 - 14:17
Հանրապետության տարածքում՝

Փետրվարի 18-ի ցերեկը, 19-ի գիշերը և առավոտյան ժամերին շրջանների զգալի մասում ժամանակ առ ժամանակ սպասվում են տեղումներ, լեռնային գոտիներում` թաց ձյան, նախալեռնային և հովտային գոտիներում անձրևի տեսքով։
Իրանի հատուկ ծառայությունները չեն կարողանում հասնել լեռներում կործանված օդանավի աղետի վայր
18 Փետրվարի 2018 - 14:16
Իրանական Iran Asseman Airline ավիաընկերության օդանավը կործանվել է Զագրոս լեռներում, ինչի հետ կապված օպերատիվ ծառայությունները չեն կարողանում աղետի վայր հասնել ո՛չ ուղղաթիռով, ո՛չ մեքենայով, փոխանցում է DW-ն
Հայաստանի եւ Իրանի արտգործնախարարները քննարկել են փոխգործակցության հարցերը
18 Փետրվարի 2018 - 13:42
Փետրվարի 18-ին Մյունխենում ՀՀ Նախագահի գլխավորած պատվիրակության կազմում գտնվող Հայաստանի արտաքին գործերի նախարար Էդվարդ Նալբանդյանը հանդիպեց Իրանի արտաքին գործերի նախարար Մոհամմադ Ջավադ Զարիֆին:
Արտակարգ դեպք Գեղարքունիքի մարզում. 53-ամյա կինը ամուսնու հետ վիճաբանելուց հետո ինքնասպանություն գործելու նպատակով «ժուկի դեղ» տեսակի թունաքիմիկատ է խմել
18 Փետրվարի 2018 - 13:41
Հայաստանի քննչական կոմիտեի Գեղարքունիքի մարզային քննչական վարչության Մարտունու քննչական բաժնում նյութեր են նախապատրաստվում փետրվարի 16-ին Մարտունու բժշկական կենտրոնից ստացված ահազանգի փաստով։
Քաղաքապետարանը աճուրդի է հանել 12 մեքենա
18 Փետրվարի 2018 - 13:39
Երևանի քաղաքապետարանը քաղաքի սեփականությունը համարվող 12 ծառայողական մեքենա է աճուրդի հանել։ Աճուրդին մասնակցել ցանկացող անձիք աճուրդի կազմակերպման և անցկացման ընթացակարգին կարող են ծանոթանալ Երևանի քաղաքապետարանում, ինչպես նաև Երևանի քաղաքապետարանի ինտերնետային կայքում՝ www.yerevan.am։
Հայաստանում Ֆրանսիայի դեսպանն այցելել է Սարդարապատի հուշահամալիր
18 Փետրվարի 2018 - 13:37
Հայաստանի Հանրապետությունում Ֆրանսիայի հանրապետության արտակարգ և լիազոր դեսպան պարոն Ժոնաթան Լաքոտը փետրվարի 16-ին այցելել է Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան։
1 | 2 | 3 | 4 | 5 | 6 | 7 | 8 | 10149
 
Լրահոս`
 
 
 
 
 
 
 
 
 
Վրաստանում ցանկացել են վաճառել 1,5 կգ հերոին
Միջազգային, Հասարակություն