Facebook   Twitter
 
Աչաջուրում գյուղապետ է, թե՞ խոպանչի…

Աչաջուրում գյուղապետ է, թե՞ խոպանչի…

29 Սեպտեմբերի 2017 - 00:03
HayNews.am լրատվական էլեկտրոնային կայքին են դիմել Տավուշի մարզի Աչաջուր համայնքի մի խումբ բնակիչներ` ահազանգելով համայնքում լարված մթնոլորտի վերաբերյալ, մինչդեռ գյուղապետ Կամո Ղալթախչյանն այդ ամենը չտեսնելու է տալիս և շարունակում իր անօրինականությունները:
Ըստ նամակագիրների տարվա կեսից ավելին համայնքի ղեկավարը Ռուսաստանի Դաշնությունում է անցկացնում իր օրերը, իսկ այդ ընթացքում ներդրումային ծրագրերի և այլ գումարներից օգտվում է նրա տեղակալը, որն ըստ համայնքի բնակիչների առնչություն չունի այս պատմության հետ: Այդ ամենի մեղավորը միայն համայնքի ղեկավարն է` պարզապես քավության նոխազ դարձել է տեղակալը:

Ինչևէ գործը գտնվում է իրավապահ մարմինների քննության ներքո, սակայն աչաջուրցիները հակված են մտածելու, որ ինչպես նախորդ անգամ, այս անգամ ևս գյուղապետ Ղալթախչյանին կհաջողվի կոծկել գործը և ինչպես ինքն է տեղի անտեղի շեշտում՝ ունի հզոր թիկունք հանձինս Տավուշի մարզպետ Հովիկ Աբովյանի: Վերջինս Ղալթախչյանի արած լավության դիմաց աչք է փակում և թույլ տալիս, որ Աչաջուրի համայնքապետն ամիսներով աշխատանքից բացակայի և զբաղվի Ռուսաստանում իր բիզնես գործերով:

Աչաջուրում արտոնյալ են այն ընտանիքները, որոնք քվեարկել են Ղալթախչյանի համար, և հակառակը՝ մեկուսացված, անտարբերության են մատնված բոլոր նրանք, ովքեր ձայն չեն տվել գործող համայնքապետին: Ու եթե այս մարդկանց տեղեկանք կամ համայնքապետարանի աջակցությունն է պետք լինում` ստանում են բացասական պատասխան:

Ներկայացնենք Աչաջուրի համայնքային բյուջեից մի քանի թվային տվյալներ, փաստի վրա հրավիրելով ՀՀ տարածքային կառավարման և զարգացման նախարարության ուշադրությունը` թե ինչպես է համայնքի ղեկավարի կողմից մսխվում համայնքի բյուջեն:

Ծառայությունների և ապրանքների ձեռքբերում տողով նախատեսված է 19.920.000 դրամ, անցած 6 ամսվա ընթացքում ծախսել են 10.368.000 դրամ, այն դեպքում երբ որևէ նոր ապրանք կամ ծառայություն այդ ընթացքում ձեռք չի բերվել: Ընդ որում, նույնքան գումար է նախատեսված է եղել նաև 2016 թվականին:

2016 թվականին նորոգում և պահպանում հոդվածով նախատեսված է եղել 5.565.000 դրամ, ծախսվել է 5.486.000 դրամ, թե ինչ է նորոգել գյուղապետն աչաջուրցիների համար անհասկանալի է, գուցե գյուղապետը բարի լինի ներկայացնի թե ինչ է արել և ում համար: Այս տարվա համար այդ նույն հոդվածով նախատեսվել է 4.460.000 դրամ, որից ուղիղ կեսն արդեն ծախսվել է: Կոմունալ ծառայությունների անվան տակ, մասնավորապես աղբահանության համար նախատեսված է 7 մլն դրամ, այն դեպքում, երբ համայնքում աղբահանությունը մեղմ ասած ողբալի վիճակում է: Համայնքային ենթակայության կազմակերպությունների համար նախատեսված է 46 մլն դրամ, որից միայն մանկապարտեզին նախատեսված է շուրջ 21 մլն դրամ, այդ գումարի մեջ չի մտնում նախակրթարանի սաների ծնողավճարները: Մշակութային օջախների պահպանության համար նախատեսված է 10.500.000 դրամ: Ըստ նամակագիրների, այդ կուռույցներին լի ու առատ գումար է տրամադրվում, քանի որ աշխատում են Ղալթախչյանի հարազատները:

Շուրջ 35 մլն դրամ աշխատավարձն ինչի դիմաց են ստանում, երբ համայնքի ղեկավարը հանրապետությունից ամիսներով բացակայում է և համայնքապետարանի դռներն էլ օրերով փակ են:

Նամակագիրները մեր կայքի միջոցով փորձում են հստակեցնել, թե ինչպես է ստացվել, որ համայնքի ղեկավարը պարտաճանաչ աշխատավարձ է ստանում, այն դեպքում երբ աշխատում է անպարտաճանաչ ձևով` ամիսներով գյուղում չլինելով, ուր են նայում Տավուշի մարզպետի և մարզպետարանի աշխատակիցների աչքերը, ինչ են լսում նրա ականջները, որ հարցն այս չի լուծվում:

Հոգ չէ, որ պետությունը պատշաճ կերպով է կատարում իր պարտավորություններն Աչաջուրի նկատմամբ, պետբյուջեյով նախատեսված 73.3 մլն դրամը հատկացնում է ժամանակին` ըստ ամիսների, իսկ ահա «վայ պարոն գյուղապետն իր քեֆին աջ ու ձախ ֆռֆռալով» բյուջեի տարբեր հոդվածների անվան տակ պարզապես ցպնում է իրեն վստահված համայնքային բյուջեն, իսկ ավագանին տարիներ շարունակ լռում է:

Դե ինչ, եթե Տավուշի մարզպետն այս ամենը վերցրել է իր հովանու ներքո, հարցի կարգավորմանը հրավիրում ենք ՀՀ տարածքային կառավարման և զարգացման նախարարության ուշադրությունը:

Հ.Գ. HayNews.am-ը հետևում է Աչաջուրի համայնքապետարանի աշխատակիցների դեմ հարուցված քրեական գործին և առաջիկայում խնդիրը կներկայացնի ավելի խորքային:

HayNews.am
 
Նմանատիպ նորություններ
«Տրանսպորտը վատ է աշխատում, չեն կարող գնալ, գալ». Վանաձորում ծնողները դեմ են 2 դպրոցները միացնելուն
22 Հոկտեմբերի 2017 - 12:16
Լոռու մարզի Վանաձորի Մարշալ Բաղրամյանի անվան թիվ 26 հիմնական դպրոցը մեկ այլ դպրոցի միացնելու Կառավարության որոշումը հունից հանել է ծնողներին:
Կենտրոնի ոստիկանները պարզել են «Անհաղթ հերոս Քաջն Նազարին», ով աղբամանով հարվածել է բժշկական համալսարանի տնտեսական վարչության պետին
22 Հոկտեմբերի 2017 - 12:08
Հոկտեմբերի 16-ին տեղեկություն էր հրապարակել Երևանի պետական բժշկական համալսարանի տնտեսական վարչության պետին մարմնական վնասվածքներ պատճառելու փաստով, ով սալջարդ ախտորոշմամբ տեղափոխվել էր Թիվ 1 համալսարանական հիվանդանոց:
Ամերիկացի ուսուցիչը մեղադրվում է անչափահաս աշակերտին գայթակղելու մեջ
22 Հոկտեմբերի 2017 - 10:55
Ամերիկացի ուսուցիչը մեղադրվում է անչափահաս աշակերտին գայթակղելու մեջ: Այս մասին հաղորդում է Life.ru-ն:
Կոնտակտային կարիեսն աննկատ է պացիենտի համար. ստոմատոլոգ
22 Հոկտեմբերի 2017 - 09:43
Գեղեցիկ ժպիտն ու առողջ ատամնաշարը ոչ միայն էսթետիկ հմայք են հաղորդում մարդուն, այլև հանդիսանում են նրա առողջության գրավականը:
Ջեննիֆեր Լոպեսը կրկին կամուսնանա
22 Հոկտեմբերի 2017 - 09:38
Ջենիֆեր Լոպեսը պատրաստվում է չորրորդ անգամ ամուսնանալ: Երգչուհու նոր ամուսինը կլինի բեյսբոլիստ Ալեքս Ռոդրիգեսը, փոխանցում է Poliksal.ru-ն:


Արարատի ոստիկանները հայտնաբերեցին Սախա-Յակուտիայում 10 տարի առաջ կողոպուտ կատարած անձին
22 Հոկտեմբերի 2017 - 09:35
Ոստիկանության Արարատի մարզային վարչության Աշտարակի բաժնի ծառայողները, իրացնելով ստացված օպերատիվ տվյալները, հոկտեմբերի 20-ին՝ ժամը 17.00-ին, Աղձք գյուղից բերման են ենթարկվել 1970 թ. ծնված Արթուր Պ.-ին։
Ընտանիքում որևէ մեկի կախվածությունը մյուսին «օգնում է» շեղվել սեփական խնդիրներից. հոգեբան
22 Հոկտեմբերի 2017 - 09:30
Այսօր բոլորս էլ այս կամ այն կերպ կապված ենք նորագույն տեխնոլոգիաներից և գրեթե անհնար է պատկերացնել կենցաղն առանց դրանց:
1 | 2 | 3 | 4 | 5 | 6 | 7 | 8 | 8312
 
Լրահոս`