Facebook   Twitter
 
Քաղաքականությունը՝ բարեկամ-խնամի չի հարցնում. Վարդենիսում առաջադրված քաղաքաետի թեկնածու Կարեն Մկրտչյան

Քաղաքականությունը՝ բարեկամ-խնամի չի հարցնում. Վարդենիսում առաջադրված քաղաքաետի թեկնածու Կարեն Մկրտչյան

06 Հոկտեմբերի 2017 - 18:04
2017թ.-ի նոյեմբերի 5-ին ՀՀ Գեղարքունիքի մարզի Վարդենիս խոշորացված համայնքում (այստեղ փունջ կձևավորվի Վարդենիս, Վերին Շորժա, Ներքին Շորժա և Այրք բնակավայրերից) կկայանան ՏԻՄ ընտրություններ: Վարդենիսում առաջադրվել է 5 թեկնածու՝ գործող քաղաքապետ Վոլոդյա Խլոյանը, Սմբատ Սիմոնյան, Պարգև Խչեյանը, Կարեն Մկրտչյանը և Արամ Հարությունյանը: HayNews.am-ը հանդիպել և զրուցել է քաղաքապետի թեկնածու Կարեն Մկրտչյանի հետ:
- Պրն Մկրտչյան, շուրջ 20 տարի է, ինչ Վարդենիսում մինչ օրս կայացած և գալիք ՏԻՄ ընտրություններին սիստեմատիկ բնույթ է կրում Ձեր ընտանիքի կողմից առաջադրումները: Մասնավորապես նախկին ընտրություններին մի քանի անգամ առաջադրվել և պարտվել է Ձեր հայրը՝ Վիկտոր Ժորայի Մկրտչյանը և հիմա էլ էստաֆետը հանձնել է Ձեզ: Նախորդ ընտրությանը մասնակցել և պարտվել եք և այժմ կրկին առաջրել եք Ձեր թեկնածությունը: Ինչո՞ւ:

- Նման բան չկա: Հայրս իր թեկնածությունը վերջին անգամ առաաջադրել է 2002թ.-ին, դրանից հետո նա ընդհանրապես չի առաջադրվել: Հայրս միշտ էլ եղել է հզոր մրցակից, բայց նրան խնդրեցին ու նա չշարունակեց պայքարը, հանեց իր թեկնածությունը: Ձեր փաստարկը, թե շուրջ 20 տարի նա անընդմեջ առաջաադրվել է, իրականությանը չի համապատասխանում:

Ինչ վերաբերում է իմ պարտվելուն: Ես պաշտոնապես հայտարարում եմ, որ պարտություն չեմ կրել, հաղթել է ժողովուրդը, և հիմա ես որպես երիտասարդ տղա, տեսնելով Վարդենիս քաղաքի վիճակը, երևի դուք ևս ականատես եղաք, թե այն ինչ վիճակում է գտնվում, մի նպատակ ունեմ և ուզում եմ այս ծերացող քաղաքը երիտասարդացնել:

Ուժերիս առավելագույնով պայքարելու եմ, որ հասնեմ նպատակիս, որ Վարդենիսը դառնա բարեկարգ, գեղեցիկ քաղաք, և վարդենիսցին միանշանակ պետք է փոփոխություն տեսնի իմ ընտրվելու առաջին ամիսների ընթացքում: Ավելացնեմ՝ հպարտ եմ, որ իմ հոր որդին եմ, և մենք պայքարելու ենք, մեր ամբողջ նպատակն է՝ կլինի 20, թե 30 տարում, որ Վարդենիսի ազգաբնակչությունը լավ ու արժանապատիվ ապրի: Մեզ ճանաչողները լավ գիտեն, դուք Վարդենիսում չեք գտնի մի մարդ, որ դժգոհի մեր ընտանիքից, քանզի մենք միշտ կանգնած ենք եղել ժողովրդի կողքին:

- Ըստ Վարդենիսում շրջանառվող լուրերի, դուք ունեք հարազատական և խնամիական կապեր գործող քաղաքապետ Վոլոդյա Խլոյանի հետ: Փողոցներում մեր իրականացրած հարցախույզը վկայում է, որ միշտ էլ Ձեր և Ձեր հայրիկի առաջադրմամբ նպաստել եք գործող քաղաքապետի հաղթանակին: Տեղացիների լեզվով ասած. «ջուր եք լցրել նրա ջրաղացին»:

- Դրանք ընդամենը բանսարկություններ են, մենք գործող քաղաքապետի հետ ոչ մի թշնամական հարաբերություններ չունենք: Գիտեք, քաղաքականությունը այնպիսի բան է, որ բարեկամ-խնամի չի հարցնում: Իմ՝ որպես թեկնածու, նպատակն է որ Վարդենիսը դարձնեմ բարեկարգ քաղաք, և Հայաստանի բոլոր քաղաքներից այն տարբերվի իր լավ կողմերով: Բացարձակ նման բան չկա, որ մենք որևէ թեկնածուի հետ պայմանավորվածության մեջ մտնենք, որպեսզի նա ընդունվի:

- Նախորդ ՏԻՄ ընտրության ժամանակ Ձեր նախընտրական քարոզարշավի ընթացքում խոստացել էիք՝ չընտրվելու պարագայում Վարդենիս քաղաքին նվիրաբերել ջրցան-ավլող հատուկ տեխնիկա, բազմաբնակարան շենքերի բակերում կառուցել խաղահրապարակներ, ինչպես նաև Վարդենիսի մուտքն ազդարարող ցուցանակ կառուցել: Նախորդ ընտրությունից անցել է շուրջ մեկ տարի, խնդրում ենք պարզաբանեք, չընտրվելուց հետո մինչև օրս Ձեր կողմից խոստացված ծրագրերից քանիսն եք իրականացրել:

- Եթե դուք իմ նախընտրական ծրագրին ծանոթ եք, ես չընտրվելու դեպքում նման բան չեմ խոստացել: Այսինքն՝ էստեղ ոչ թե հարցն այն է, որ եթե ես ընտրվեի, ջրցանը կունենայինք, իսկ չընտրվեի, չէինք ունենա, այդպես չի եղել: Այո, խոստացել էի Վարդենիսի մուտքը ազդարարող ցուցանակ տեղադրել, քանի որ հիմա այցելում եք Վարդենիս և ոչ մի կերպ չեք կարող իմանալ, որ քաղաք եք մտնում, ես ընդամենը ասել եմ. «Ընտրվելու դեպքում իմ սեփական միջոցներով Վարդենիսի համար ջրցան մեքենա կգնեմ: Բայց քանի որ ես քաղաքապետ չեմ ընտրվել, իսկ այդ ցուցանակը կառուցվում է քաղաքապետի թույլտվությամբ, դա էլ թողնում եմ ձեր եզրակացությանը, թե այն ինչու մինչև այսօր չի կառուցել գործող քաղաքապետը: Չունենալով նման թույլտվություն, չեմ կատարել խոստումս:

- Մեր ունեցած տվյալներով դուք և Ձեր հայրը ՀՀԿ անդամ եք և նախկին ՏԻՄ ընտրությանը առաջադրվել եք որպես ՀՀԿ անդամ, ինչո՞վ էր պայմանավորված, որ 2012 թվականին կայացած ՏԻՄ ընտրություններին, որի ժամանակ առաջադրվել էր Ձեր հայրը` Վիկտոր Ժորայի Մկրտչյանը, հանելով իր թեկնածությունը, սատարեց ԲՀԿ Վարդենիսի տարածքային գրասենյակի ղեկավար Աշոտ Մարտիրոսյանին, որտեղ և Ձեր քաղաքական թիմով կրել եք հերթական պարտությունը, միաժամանակ ըստ Վարդենիսում շրջանառվող լուրերի դուք Համապետական ընտրություններին նույնպես չեք պաշտպանել ՀՀԿ ռեյտինգային թեկնածուներից որևէ մեկին, փոխարենը սատարելով ԲՀԿ ռեյտինգային թեկնածու Աշոտ Մարտիրոսյանին:

- Ասեմ, և կրկնեմ նորից, դա բանսարկու, պրովակացիոն խոսակցություններ են: Մենք ընտանիքով, եղբայրս 2003թվ. ՀՀԿ անդամ է, ավելին, երիտասարդական կուսակցության անդամ էր մինչև վերջերս, հայրս նմանապես, ես նմանապես: Մենք միշտ եղել ենք իշխող կուսակցության անդամ, երբեք չի եղել նման դեպք, դուք կարող եք հարցազրույց վերցնել ձեր նշած անձից, Աշոտ Մարտիրոսյանից, և տեսնեք, որ մենք նրան բացարձակապես չենք սատարել:

- Նոյեմբերի 5-ին ՏԻՄ ընտրությանը Վարդենիս քաղաքում առաջադրվելու եք դուք, գործող քաղաքապետ Վոլոդյա Խլոյանը, Արամ Հարությունյանը և Ավետք Խչեյանը, ո՞ր թեկնածուին եք համարում Ձեզ լուրջ հակառակորդ և ինչ նախընտրական ծրագրով եք պայքարելու նրանց դեմ:

- Ձեր նշած թեկնածուներից ոչ ոքի հետ ես թշնամական հարաբերություններ չունեմ, ովքեր արդեն առաջադրված են, ինձ համարում եմ մրցակից: Իմ պայքարը մրցակիցների դեմ չէ, այլ, որպեսզի մեր երիտասարդների կյանքը հետաքրքիր դարձնեմ: Հասնելու եմ նրան, որ մեր երիտասրադները ունենա ժամանցի վայրեր, որոնք բացակայում են, որպեսզի մեր բազմաբնակարան շենքերի տանիքների խնդիրը վերջապես լուծվի, մենք ունենք Բանավան թաղամաս, որ երկար տարիներ ունի կոյուղու խնդիր: Ես ինքս սպորտ սիրող մարդ եմ, հասնելու եմ նրան, որ Վարդենիս քաղաքում սպորտը զարգանա: Մեր Վարդենիսի մարզադաշտը, եթե հայաստանում իր մեծությամբ ոչ երրորդ, ապա չորրորդ տեղում է, բայց բարձիթողի վիճակում է, ոչինչ արված չէ, վերանորոգման կարիք ունի: Մշակութային ոլորտում ևս չունենք ոչ մի նվաճումներ, քաղաքում կան շատ զարգացած մարդիկ, որոնց պետք է ուղղորդենք, օգնենք, որ մշակույթը բարձր հիմքերի վրա լինի: Ամենակարևոր խնդիրը, քաղաքի մաքրությունն է, իմ ծրագրերի մեջ այն ևս ներառված է: Համայնքերի խոշորացում է սպասվում, ուստի իմ աչքից երբեք չի վրիպելու Վերին, Ներքին Շորժաները, որոնցում ահավոր վատ է ճանապարհների վիճակը:

Անուշ Կրկյաշարյան
 
Նմանատիպ նորություններ
Ընկնող ինքնաթիռը նկարահանել են ներսից
18 Հուլիսի 2018 - 22:00
Հուլիսիս 10-ին Հարավաֆրիկյան Հանրապետությունում վթարված ինքնաթիռի ուղևորները նկարահանել են օդանավի անկումը ներսից: Այդ մասին տեղեկացնում է News.com.au-ը:
Իսպանիայում տղամարդկանց կարգելեն սեքսով զբաղվել առանց միանշանակ համաձայնություն ստանալու
18 Հուլիսի 2018 - 21:52
Իսպանիայի վարչապետ Պեդրո Սանչեսը հայտարարել է, որ կառավարությունը նոր օրինագիծ է քննարկելու, որպեսզի բացառի սեռական բռնությանը վերաբերող յուրաքանչյուր թյուրըմբռնում: Այդ մասին տեղեկացնում է BBC-ն:
Գիտնականները կսկսեն արհեստական միս արտադրել
18 Հուլիսի 2018 - 21:47
Հոլանդական Mosa Meat ստարտափի շրջանակներում գիտնականները կարողացել են իսկական հրաշք իրագործել, որին այդքան երկար սպասել են սնունդ արտադրողները:
ԱՄՆ-ում հայտարարել են Grammy 61-րդ մրցանակաբաշխության անցկացման ամսաթիվը
18 Հուլիսի 2018 - 21:41
ԱՄՆ-ի Արվեստների և ձայնագրման տեխնիկայի ազգային ակադեմիան հայտարարել է Grammy 61-րդ երաժշտական մրցանակաբաշխության անցկացման ամսաթիվը:
Գերմանիան Վրաստանին կճանաչի անվտանգ երկիր
18 Հուլիսի 2018 - 21:26
Վրաստանը, Թունիսը, Մարոկոն եւ Ալժիրը մոտ ժամանակներս Գերմանիայի կողմից կարող են ճանաչվել անվտանգ երկրներ, ինչը կարագացնի այդ երկրների քաղաքացիներից ապաստանի տրամադրման միջնորդությունների մշակման գործընթացը։
Մեծ կրծքեր ունեցող աղջիկները բաց մեջքով հագուստ հագնելու եղանակ են գտել (Լուսանկարներ)
18 Հուլիսի 2018 - 21:23
Bravissiomo ներքնազգեստի բրենդ-արտադրողը ներկայացրել է Maidenform կրծկալի ժապավենային կարգավորիչը, որը թույլ է տալիս մեծ կրծքեր ունեցող աղջիկներին բաց մեջքով հագուստ հագնել: Այս մասին հաղորդում է The Sun-ը:
Ադրբեջանում և՞ս կդիտվի հեղափոխություն
18 Հուլիսի 2018 - 21:01
Ինչպես հայտնի է, Ադրբեջանի թվով ամենախոշոր քաղաքում՝ Գյանջայում տեղի ունեցած դեպքերը վեր հանեցին այն խնդիրները, կոր կան Ադրբեջանում, բայց որոնք այդքան ջանասիրաբար թաքցվում էին: Ադրբեջանագետ Տաթև Հայրապետյանի խոսքով սա ևս եկ ապացույց այն բանի, որ ոչ ամեն ինչ է վերահսկվում իշխող ընտանիքի կողմից:
Հնդիկ վիրաբույժները գլխի չափ հազվագյուտ ուռուցք են հեռացրել (Լուսանկար)
18 Հուլիսի 2018 - 21:00
55-ամյա Սոմայ անունով հնդիկը 20 տարի շարունակ անտեսել է իր պարանոցի վրա աճող ուռուցքը: Երկար ժամանակ նա մտածել է, որ դա ընդամենը բորբոքված վահանաձեւ գեղձն է, եւ անտեսել է խնդիրը:
1 | 2 | 3 | 4 | 5 | 6 | 7 | 8 | 13962
 
Լրահոս`
 
 
 
 
 
 
 
 
 
 
Ադրբեջանում և՞ս կդիտվի հեղափոխություն
Հասարակություն, Քաղաքական