Facebook   Twitter
 
Վոլոդյա Խլոյանի խուսափողական և ոչինչ չասող պատասխանները մտածելու տեղիք են տալիս

Վոլոդյա Խլոյանի խուսափողական և ոչինչ չասող պատասխանները մտածելու տեղիք են տալիս

07 Հոկտեմբերի 2017 - 16:59
Ինչպես և կանխատեսվում էր Գեղարքունիքի մարզի Վարդենիս համայնքում թեժ ընտրապայքար է սպասում: Խոշորացվող համայնքում ղեկավարի պաշտոնի համար առաջադրվել է 5 թեկնածու՝ գործող քաղաքապետ Վոլոդյա Խլոյանը, Սմբատ Սիմոնյանը, Պարգև Խչեյանը, Կարեն Մկրտչյանը և Արամ Հարությունյանը: Մեր թղթակցի բոլոր ջանքերը ապարդյուն էին, նա այդպես էլ չկարողացավ հանդիպել գործող քաղաքապետ և քաղաքապետի թեկնածու Վոլոդյա Խլոյանի հետ: Նա մեկ զբաղված էր, մեկ անհասանելի: Մեզ հետաքրքրող հարցերի պատասխանները ուղղեցինք գրավոր և ստացանք գրեթե ոչինչ չասող և խուսափողական պատասխանները: Ենթադրել կարելի է, այս այօրինակ պատասխան կարող է հնչեցնել մարդը, ով վախենալու կամ թաքցնելու բան ունի: Ինչևէ հետևությունները թողնում ենք ընթերցողին և ստորև ներկայացնում Խլոյանի պատասխանները:
-Պարոն Խլոյան, ըստ մամուլում շրջանառվող տեղեկությունների մասնավորապես «Չորրորդ Իշխանություն» թերթում տեղ գտած հոդվածի, դուք հանդիսանալով ՀՀԿ Վարդենիսի տարածքային կազմակերպության խորհրդի նախագահ, նոյեմբերի 5-ին Վարդենիսում կայանալիք ՏԻՄ ընտրությանը ՀՀԿ-ն չի սատարելու Ձեր թեկնածությունը և պաշտպանելու է մեկ այլ թեկնածուի: Վարդենիսում շրջանառվող լուրերի համաձայն Ձեզ պարտադրվել է ընդհանրապես չառաջադրել Ձեր թեկնածությունը, միգուցե հաշվի է առնվել այն փաստը, որ Ձեր կուսակցության ղեկավար լինելուց մինչ օրս Համապետական ընտրություններում Վարդենիսում ՀՀԿ-ն պարտվել է ԲՀԿ-ին:

- Օրերս կայացած ՀՀԿ գործադիր մարմնի նիստից պարզ դարձավ, որ այս անգամ Դուք լինելով ՀՀԿ Վարդենիսի տարածքային կազմակերպության խորհրդի նախագահ ՀՀԿ-ն չպաշտպանեց Ձեր թեկնածությունը, ժողովրդի լեզվով ասած «Դաբրո» չստացաք: Միթե այս փաստը արդեն իսկ պարտություն չէ Ձեզ համար և անվստահություն Ձեր անձի նկատմամբ գործող իշխանության կողմից:

- «Չորրորդ Իշխանություն» թերթը նաև նշել էր, որ ՀՀ նախագահն ու վարչապետը դժգոհ են ձեր կատարած աշխատանքներից, ինչը նաև պարզ դարձավ, որ 2017թ.-ի ապրիլի 2-ին կայացած համապետական ընտրությունների քարոզարշավի ժամանակ ՀՀ վարչապետի և Վարդենիսի ազգաբնակչության հանդիպման ժամանակ Կարեն Կարապետյանի կողմից հնչեցված հայտարարությունը այն մասին, որ վարդենիսի բնակչությունը պետք է բարձրանա ձեր շալակը և չիջնի այնքան ժամանակ միչև չկատարեք ժողովրդի արադարացի պահանջը: Ինչպես կմեկնաբանեք այս փաստը:

- 1, 2, 3 - 04.09.2017 ՀՀԿ Վարդենիսի շրջանային կազմակերպության խորհրդի նիստի որոշմամբ2017թ.-ի նոյեմբերի 5-ին ՏԻՄ ընտրություններում ՀՀԿ-ի կողմից Վարդենիսի համայնքի ղեկավարի թեկնածու առաջադրվել է իմ Վոլոդյա Ասատուրի Խլոյանի թեկնածությունը: Իսկ մյուս պատասխանները կարող եք ստանալ 28.09.2017թ. ՀՀԿ գործադիր մարմնի նիստից հետո Էդուարդ Շարմազանովի լրագրողների հետ ունեցած հարցազրույցից:

- Բնակչության շրջանակում շրջանառվող տեղեկություններով Վարդենիս քաղաքում ձեր հովանավորության ներքո կատարվում են մեծ ծավալի ապօրինի շինարարություններ: Մասնավորապես քաղաքի կենտրոնում գտնվող խաղաղության հրապարակի` խաղաղություն խորհրդանշող հուշաքարը ապամոնտաժվել է, որտեղ ապօրինի կերպով կառուցվել է ժողովրդի լեզվով ասաց «մեյմանդարի շուկան»` քաղաքապետարանի աշխատակազմի ղեկավարի բարեկամների կողմից: Մի շարք ապօրենի շինարարություններէել պատկանու են Ձեր ազգականներին և համախոհներին: Բնակչության կարծիքով այս ապօրինություններին հովանավորել էք գալիք ընտրությանը ձեզ քվե ապահովելու համար:

- Համայնքում կատարվող ցանկացած գործունեություն իրականացվում է օրենքի սահմաններում:

- Ինչպես կմեկնաբանեք այն փաստը, որ շուրջ 15 տարի ձեր քաղաքապետ եղած տարիներին Վարդենիսի աղբահանությունը և քաղաքապետարնի կողմից պատվիրված ցանկացած շինարարություն կատարել է ձեր արյունակից եղբայր Ֆելիքս Խլոյանի շինարարական կազմակերպությունը:

-Վարդենիս համայքում աղբահանությունը իրականացվել է Ֆելիքս Խլոյանի շինարարական կազմակերպության կողմից, ըստ օրենքի՝ մրցութային կարգով, իսկ այլ շինարարությունների մասին փաստարկումները զուտ հերյուրանքներ են:

- Մամուլում շրջանառվող տեղեկությունների համաձայն 2016 թվականին Ձեր իսկ աշխատասենյակում եղել են մի քանի աղմկահարույց դեպքեր, ըստ այդմ հարուցվել է մի շարք քրեական գործեր: Դուք տարբեր անձանց կողմից ծեծի էք ենթարկվել Ձեր իսկ աշխատավայրում, մասնավորապես Իվան Տկաչենկոն Ձեր բողոքի արդյունքում ԳԴ3/0048/01/16 քրեական գործով ենթարկվել է քրեական պատասխանատվության Վարդենիսի դատարանի կողմից: Ինչպես կմեկնաբանեք նմանատիպ դեպքերի կրկնվելու փաստը:

- Ձեզ տրված ինֆորմացիան իրականությանը չի համապատասխանում, բացառությամբ Իվան Տկաչեմկոյի դեպից:

-Ըստ շրջանառվող լուրերի նոյեմբերի 5-ին ՏԻՄ ընտրությանը Վարդենիս քաղաքում առաջադրվելու էք դուք, Կարեն Մկրտչյանը, Արամ Հարությունյանը, Ավետք Խչեյանը, որ թեկնածուին էք համարում Ձեզ լուրջ հակառակորդ և ինչ նախընտրական ծրագրով էք պայքարելու նրանց դեմ:

-Որևէ թեկնածուի ես հակառակորդ չեմ համարում, մենք մրցակիցներ ենք: Իսկ ընտրությունը ժողովրդինն է:

Հ.Գ - Զարմանալին այն է, որ նման մտածելակերպի և քաղաքականապես նման «հասունության» տեր անձնավորությունը ղեկավարում է իշխող կուսակցության Վարդենիսի գրասենյակը:

Հ.Գ - 1 Ըստ ՀՀԿ կազմակերպչական հանձնաժովի նախագահ Ռուբեն Թադևոսյանի հայտարարության՝ Վարդենիսում ՀՀԿ-ն կոնկրետ թեկնածուի չի պաշտպանում:

HayNews.am
 
Նմանատիպ նորություններ
Նոյեմբերի 5-ի ՏԻՄ ընտրությունները լուսաբանելու համար հավատարմագրվել է 24 լրատվամիջոցի 275 ներկայացուցիչ
21 Հոկտեմբերի 2017 - 18:54
2017 թվականի նոյեմբերի 5-ին հանրապետության 69 համայնքներում կայանալիք տեղական ինքնակառավարման մարմինների ընտրությունների ժամանակ դիտորդական առաքելություն իրականացնելու նպատակով հավատարմագրվելու կամ հավատարմագրված դիտորդների ցանկում փոփոխություններ կատարելու համար դիմումներ ՀՀ կենտրոնական ընտրական հանձնաժողով կարող էին ներկայացվել մինչև ս.թ հոկտեմբերի 21-ը:
Չսահմանված վայրում աղբ թափելու և շրջակա միջավայրը աղտոտելու համար նախատեսվում է 16000-ից մինչև 5մլն դրամ տուգանք. Դավիթ Լոքյան
21 Հոկտեմբերի 2017 - 16:55
ՀՀ տարածքային կառավարման և զարգացման նախարար Դավիթ Լոքյանը համապետական երրորդ շաբաթօրյակի շրջանակներում այցելել է ՀՀ Արարատի և Արմավիրի մարզեր: Նախարարը պատասխանելով լրագրողնելի հարցերին` նշել է, որ «Վարչական իրավախախտումների մասին» ՀՀ օրենքում նախատեսվող փոփոխությունների արդյունքում հունվարի մեկից կոշտ վարչական պատասխանատվության միջոցներ կկիրառվեն չսահմանված վայրում աղբ թափելու և շրջակա միջավայրը աղտոտելու համար սկսած 16000-ից մինչև 5մլն դրամ:
Մեկնարկել է նոյեմբերի 5-ին կայանալիք ՏԻՄ ընտրությունների քարոզարշավը
18 Հոկտեմբերի 2017 - 09:05
Այսօրվանից մեկնարկում է նոյեմբերի 5-ին կայանալիք ՏԻՄ ընտրությունների քարոզարշավը: HayNews.am-ը պատրաստ է լուսաբանել թեկնածուների քարոզարշավը, նաև հետևելու է տեղերում զարգացող իրադարձություններին:
Տավուշում փաստահավաք աշխատանքների վերաբերյալ ՄԻՊ հատուկ զեկույցը հասանելի է նաև ֆրանսերենով
13 Հոկտեմբերի 2017 - 17:13
Ադրբեջանի զինուժի թիրախում հայտնված Տավուշի մարզի Վազաշեն, Բարեկամավան սահմանամերձ գյուղերում կատարված փաստահավաք աշխատանքների վերաբերյալ ՀՀ մարդու իրավունքների պաշտպանի հատուկ զեկույցը հասանելի է նաև ֆրանսերենով:
Հանդարտ հոսող ջրերը Շատինում դարձյալ պղտորվում են
12 Հոկտեմբերի 2017 - 17:25
HayNews.am-ը կրկին դատապարտում է վերջին օրերին, նախ «Լոռի» հեռուստաընկերության տնօրեն Նարինե Ավետիսյանի, այնուհետև Վայոց ձորի մարզի Շատին համայնքում armday.am-ի լրագրող Փայլակ Ֆահրադյանի նկատմամբ կիրառված բռնության դեպքերը և կոչ անում բոլոր նրանց, ում նյարդերը ամուր չեն, իրենց զայրույթն ու ուժը թող օգտագործեն սեփական շրջապատում:
Համայնքի ղեկավարի հերթական ընտրություններին 49 համայքում գրանցվել է 135 թեկնածու. ԿԸՀ
12 Հոկտեմբերի 2017 - 10:30
2017 թվականի նոյեմբերի 5-ին տեղական ինքնակառավարման մարմինների ընտրություններ տեղի կունենան հանրապետության 69 համայնքներում, որոնցից 3-ում կանցկացվեն համայնքի ղեկավարի արտահերթ ընտրություններ, իսկ 34-ը խոշորացված համայնքներ են:
Ինչ է թաքցնում Վոլոդյա Խլոյանը. փակագծերը բացում են վարդենիսցիները
08 Հոկտեմբերի 2017 - 15:42
ՀՀ Գեղարքունիքի մարզի Վարդենիս քաղաքում 1990-ականների սկզբին փակվեց ժամացույցի գործարանը, հայտարարվեց, որ շենքը օգտագործվելու է այլ նպատակով, պետք է ժամացույցները հանել այդտեղից:
Քաղաքականությունը՝ բարեկամ-խնամի չի հարցնում. Վարդենիսում առաջադրված քաղաքաետի թեկնածու Կարեն Մկրտչյան
06 Հոկտեմբերի 2017 - 18:04
2017թ.-ի նոյեմբերի 5-ին ՀՀ Գեղարքունիքի մարզի Վարդենիս խոշորացված համայնքում (այստեղ փունջ կձևավորվի Վարդենիս, Վերին Շորժա, Ներքին Շորժա և Այրք բնակավայրերից) կկայանան ՏԻՄ ընտրություններ: Վարդենիսում առաջադրվել է 5 թեկնածու՝ գործող քաղաքապետ Վոլոդյա Խլոյանը, Սմբատ Սիմոնյան, Պարգև Խչեյանը, Կարեն Մկրտչյանը և Արամ Հարությունյանը: HayNews.am-ը հանդիպել և զրուցել է քաղաքապետի թեկնածու Կարեն Մկրտչյանի հետ:
Սիսիանում քաղաքապետի պաշտոնի համար առաջադրվել է 2 թեկնածու
05 Հոկտեմբերի 2017 - 20:19
Նոյեմբերի 5-ին ընտրություններ են նախատեսված նաև Սյունիքի մարզի Սիսիանի խոշորացված համայնքում:
1 | 2 | 3 | 4 | 5 | 6 | 7 | 8 | 9
 
Լրահոս`