Facebook   Twitter
 
Ինչպե՞ս նորաձև լինել այս աշնանը. ոճաբանի խորհուրդները (Լուսանկար)

Ինչպե՞ս նորաձև լինել այս աշնանը. ոճաբանի խորհուրդները (Լուսանկար)

12 Հոկտեմբերի 2017 - 16:50
Ամեն եղանակի համար նորաձևության աշխարհն իր պահանջներն ու առաջարկն է անում: Ձեզ միշտ գեղեցիկ տեսնելու ցանկությամբ, HayNews.am-ը զրուցել է կյանքի ոճաբան, բլոգեր ARGATA-ի հետ, պարզելու, թե որո՞նք են այս աշնան նորաձևության տենդենցները:
«Նախ փորձենք հասկանալ ի՞նչ բան է նորաձևությունը։ Այսօր այն կրում է բացառապես կոմերցիոն և ստեղծագործական իմաստ։ Եթե տարիներ առաջ նորաձևությունը ոճ էր թելադրում և շատ դեպքերում օգնում գրագետ հագնվել, այսօր դրան հետևելը առօրյայում գրեթե հնարավոր չէ, հետևաբար ինքս երբեք չեմ առաջնորդվում նորաձևության տենդենցներով և նույնը խորհուրդ եմ տալիս այն կանանց և աղջիկներին, ովքեր դիմում են ինձ»,-ասաց ոճաբանն ու հորդորեց չմոռանանլ այն մասին, որ մենք ապրում ենք մի երկրում, որտեղ բնակչության հիմնական մասը մտածում է պրակտիկ և հարմարավետ հագուստի մասին, և ոչ նորաձևության տենդենցների։

Այնուամենայնիվ, ըստ ARGATA-ի նորաձևությունն իր ողջ հմայքով գոյություն ունի և դիզայներները շարունակում են առաջարկել, թելադրել, ցուցադրել իրենց մտքի թռիչքը, ինչին շատ հետաքրքիր է հետևել։

«2017-2018 աշուն ձմեռ նորաձևությունն ընդգրկում է կանացիություն և էքստրավագանտություն։ Դիզայներները կրկին վերադարձել են 70-80-ականների ոճին՝ լայն ուսերով պիջակներ, վանդակավոր պրինտ, ռետրո մորթյա բաճկոններ»,-մանրամասնեց մասնագետը, տեղեկացնելով, որ գործվածքներից այս տարի ակտուալ են թավիշը և վելվետը։

«Ցուցադրություններում իրենց ուրույն տեղն ունեն կարմիր թավշե զգեստները։ Կարմիրն այս աշնանը կարևորագույն շեշտադրում ունի և նույնիսկ ձմռան մռայլ եղանակին այն իր ակտուալությունը չի կորցնի»-ասաց ոճաբանը։

Շարունակելով խոսել պահանջված գույներից, ARGATA-ին ընդգծեց, որ կարևոր է, թե գրագիտության առումով ո՞ր գույներն է ճիշտ կրել աշնանը։

«Աշունը շատ բազմագույն եղանակ է, և բնությունն ինքն էլ օգնում է ճիշտ գույներ ընտրել։ Աշնանն ակտուալ են ավելի տաք գույներ, օրինակ մուգ վարդագույնը, ավելի հստակ գինու գույնը, որը հոյակապ համադրվում է ոսկեգույնի հետ։ Պետք է խուսափել շատ բաց երագներից»,-ասաց ոճաբանը։

Աշնան ամենագեղեցիկ հագուստը, ըստ բլոգերի, կարդիգանն է, այն շատ պրակտիկ է ու հարմարավետ, և հաղորդում է տեսքին հատուկ կանացիություն։

«Նորաձևությունն այսօր (ի ուրախություն ինձ) վերադարձրել է բազմազան գլխարկները՝ տարբեր գործվածքների և ձևի, որոնք շատ տեղին ու գեղեցիկ համալրում են կերպարը։ Չմոռանանք նաև շարֆերի մասին, որոնք նույնպես իսկական աշնանային աքսեսուարներ են և այնքան բազմազան են, որ հնարավոր է ցանկացած կերպարին համապատասխան գտնել»,-մանրամասնեց ARGATA-ն:

Վերջինիս խոսքով՝ այսօր շատ նորաձև են լայն, հաստ գործվածքով շարֆերը, որոնք երբեմն կրում են, որպես կարդիգան։

«Մնացած բոլոր աքսեսուարները եղանակային սահմանափակում չունեն՝ կարևորը գրագետ համադրություն ստանալն է»,-նկատեց փորձագետը:

HayNews.am-ի այն հարցին, թե որո՞նք են այն պարտադիր երեք սկզբունքները, նորաձև և գեղեցիկ լինելու համար, ARGATA-ն վստահեցրեց. «Նախ և առաջ՝ պետք չէ լինել նորաձև։ Իմ խորհուրդը իմ շատ սիրելի կանանց։ Մոռացե՛ք այդ բառը։ Փնտրեք ձեզ համապատասխան ոճ ու կերպար։ Հագնվեք այնպես, ինպես հարմար է Ձեզ, ինչպես Դուք Ձեզ դուր եք գալիս։ Մեր նորաձևությունը մենք ենք ստեղծում։ Այն ամբողջապես անհատական գաղափար է»։

Նորաձևության փոխարեն, ոճաբանն առաջարկեց խոսել կնոջ գեղեցկության սկզբունքի մասին։

«Նախ յուրաքանչյուր կին պարտավոր է լինել կանացի: Գեղեցկության հաջորդ սկբունքը կայանում է էլեգանտ լինելու մեջ։ Իրականում այս գաղափարը իր մեջ ներառում է գեղեցկության բոլոր մասնիկները՝ ներաշխարհ, արտաքին տեսք, խոսելաձև, շարժուձև, ժպիտ և այլն»,-ընդգծեց զրուցակիցս ու հավելեց, որ երրորդ սկզբունքը սեքսուալությունն է։ Շատերն, ըստ բլոգերի, հաճախ շփոթում են սեքուսալությունը վուլգարության հետ։

«Լինել սեքսուալ չի նշանակում մերկ դուրս գալ փողոց՝ ի ցույց դնելով բոլոր բարեմասնությունները։ Սեքսուալությունը գաղտնիության մեջ է, այն կարող է լինել թեկուզ մեկ ժպիտի, հայացքի և ձեռքի շարժման մեջ։ Լինել կին նշանակում է լինել կանացի, էլեգանտ և սեքսուալ»,-վստահ է ARGATA-ն։

Տաթև Առաքելյան
 
Նմանատիպ նորություններ
Փաստաբանը հաղթել է ՀՀ տրանսպորտի, կապի և տեղեկատվական տեխնոլոգիաների նախարարության, ՀՀ տրանսպորտային տեսչությանը.վարչական ակտը ճանաչվել է անվավեր
18 Նոյեմբերի 2017 - 00:22
Թիվ ՎԴ/7067/05/17 վարչական գործով ըստ հայցի Մարտիրոս Իշխանյանի (ներկայացուցիչ Արկադի Հովհաննիսյան) ընդդեմ ՀՀ տրանսպորտի, կապի և տեղեկատվական տեխնոլոգիաների նախարարության ՀՀ տրանսպորտային տեսչության պետի ժամանակավոր պաշտոնակատարի կողմից 28.12.2016թ. ընդունված <<Վարչական պատասխանատվության ենթարկելու մասին>> թիվ 003088-Ն/1 որոշումը բեկանվել է:
Ջիգարխանյանի կինը խլել է նրա ունեցվածքը, իսկ թատրոնը նրան բաժին չի հասնի. Արթուր Սողոմոնյան (Տեսանյութ)
17 Նոյեմբերի 2017 - 22:18
Վերջին ժամանակներս թատրոնի եւ կինոյի հայտնի դերասան Արմեն Ջիգարխանյանը բարդ վիճակում է: Այս մասին NEWS.am-ի թղթակցի հետ զրույցում նշել է գործարար, հայկական «Փյունիկ» ֆուտբոլային ակումբի սեփականատեր Արթուր Սողոմոնյանը, ով մտերիմ հարաբերություններ ունի Արմեն Ջիգարխանյանի հետ:

Լուսանկար. Շուշանը մի կողմից ցուցադրում է իր գեղեցկությունը, մյուս կողմից՝ փնթիությունը
17 Նոյեմբերի 2017 - 21:53
Boomnews.am-ը գրում է. Այն, որ Շուշան Երիցյանը գեղեցկուհի է դա չի քննարկվում, ավելին՝ Շուշանը հնարավորինս փորձում է չթաքցնել իր գեղեցկությունը, իսկ ժամանակ առ ժամանակ նույնիսկ չի թաքցնում իր մարմնի մի քանի մասերը։
Լիլուն ցուցադրել է սլացիկ ոտքերը
17 Նոյեմբերի 2017 - 21:08
Մինչ մենք Երևանում պատրաստվում ենք ձմռանը, արևոտ Լոս Անջելեսում բնակվող Լիլուն հերթական սադրիչ լուսանկար է հրապարակել:
Բուլղարիայում ոստիկանները XII դարի ոսկե գանձ են գտել
17 Նոյեմբերի 2017 - 20:30
Բուլղարիայում ոստիկանական հատուկ գործողության ժամանակ գանձ է հայտնաբերվել։ Գտածոն իրենից ներկայացրել է XII դարի ոսկե արտեֆակտներ՝ 3 կգ ընդհանուր քաշով։
Երևանը Մոնթե Մելքոնյանի և Լեոնիդ Ազգալդյանի անունները կրող փողոցներ կունենա
17 Նոյեմբերի 2017 - 20:24
Երևանի քաղաքապետարանի Մշակույթի, կրթության և սոցիալական հարցերի մշտական հանձնաժողովում քննարկվել են Երեւանի մի շարք փողոցների վերանվանման հարցերը:
«Չկա տղամարդ, չկա պրոբլեմ». Էվա Խաչատրյանի կարծիքով ներկայացումը երկար կյանք է ունենալու
17 Նոյեմբերի 2017 - 19:51
Երեւանի պետական կամերային թատրոնում դերասանուհիներ Էվա Խաչատրյանը, Նոնա Գրիգորյանը, Արմինե Նազարի-Դեխնավինրին, Սոֆյա Սողոմոնյանը հուշում են`«Չկա տղամարդ, չկա պրոբլեմ»: Սա թատրոնի նոր ներկայացումն է, որտեղ կանայք քննարկում եւ բարձրաձայնում են այնպիսի թեմաներ ու խնդիրներ, որոնց մասին առօրյայում հաճախ են կանայք խոսում: Թատրոնի գեղարվեստական ղեկավար եւ ներկայացման հեղինակ Արա Երնջակյանի մտահղացմամբ`աղջիկները համախմբվել եւ որոշել են ստեղծել մայրիշխանություն՝ իրենց շարժումն անվանելով ՀՀՖՇ (Հայաստանի հանրապետության ֆեմինիստական շարժում):
Յուրաքանչյուր հինգշաբթի մայրաքաղաքի վարչական շրջաններում կազմակերպվում են բնակիչների ընդունելություններ
17 Նոյեմբերի 2017 - 19:40
Երևանցիներին հուզող խնդիրները քննարկելու և օրենքի սահմաններում դրանց լուծումներ տալու նպատակով յուրաքանչյուր հինգշաբթի վարչական շրջանների ղեկավարների աշխատակազմերում շարունակվում է քաղաքացիների ընդունելությունը:
1 | 2 | 3 | 4 | 5 | 6 | 7 | 8 | 8767
 
Լրահոս`