Facebook   Twitter
 
Միկրոավտոբուսներն ամբողջությամբ դուրս կգան երթուղային ցանցից, 100 դրամ սակագինը, հավանաբար, չի փոխվի

Միկրոավտոբուսներն ամբողջությամբ դուրս կգան երթուղային ցանցից, 100 դրամ սակագինը, հավանաբար, չի փոխվի

13 Հոկտեմբերի 2017 - 11:59
Տրանսպորտի, կապի և ՏՏ նախարարությունը հանրապետության բոլոր համայնքների տրանսպորտային սպասարկումն ապահովելու նպատակով առաջարկվում է ստեղծել միասնական երթուղային ցանց։
Նախագիծը կառավարության նիստում ներկայացրեց նախարար Վահան Մարտիրոսյանը՝ նշելով, թե սկզբի համար մարզերից մեկում կիրականացվի պիլոտային ծրագիր։ Վարչապետն էլ հորդորեց շտապել ժամկետներում։

Որքանով է այն ձեռնտու ուղևորին, գծատերերն արդյոք այս դեպքում ձեռնունայն չեն մնա, ուղեվարձի թանկացում կլինի, թե՝ ոչ։ Այս հարցերի շուրջ Aysor.am-ը զրուցեց Ուղևորափոխադրողների միության նախագահ Հրանտ Եղիազարյանի հետ։

«Հավանական է, որ միասնական երթուղային ցանցը լինի արդյունավետ։ Իշխանությունները պետք է լուծեն մի հետաքրքիր հարց, ուղեվարձը պետք է մնա նույնը, ընկերությունը կամ մեկ օպերատորն աշխատի շահութաբեր։ Հակառակ դեպքում կունենանք այն, ինչ այսօր է», - ասաց Հրանտ Եղիազարյանը։

Հրանտ Եղիազարյանն ասաց, թե ինքը ևս ներգրավված է միասնական երթուղային ցանց ստեղծելու ծրագրի մշակման աշխատանքային խմբում. «Եթե մենք մեր աշխատանքային խմբում չկարողանանք այդպիսի լուծում գտնել, ուրեմն, իմ կարծիքով, պետք է անցնել այն տարբերակին, որ ամեն մարդ վճարի իր անցած կիլոմետրի համար»։

Նրա խոսքով՝ միասնական համակարգի անցնելու դեպքում վճարումն անկանխիկ է լինելու, ուղևորը տրանսպորտ բարձրանալիս կգրանցվի իր քարտով և քանի կիլոմետր անցնի, իր քարտից այդքան գումար կգանձվի։

Սա, ըստ Եղիազարյանի, ամենաարդարացի վճարման տարբերակն է, թեև հնարավոր են որոշ բարդություններ։

Հարցին, թե մոտավոր ի՞նչ հաշվարկներ կարող է ներկայացնել, օրինակ, որքա՞ն գումար պետք է վճարի ուղևորը Օպերայից Բարեկամության կայարան հասնելու համար, Եղիազարյանը պատասխանեց, որ այն, մոտավոր կկազմի 70 դրամ։

«Օրինակ, Քանաքեռից մինչև Աէրացիա հասնելը կկազմի 300 դրամ»։

Հարցին, թե արդյոք այս տարբերակը ձեռնտու կլինի քաղաքացիներին, Հրանտ Եղիազարյանը պատասխանեց.

«Ո՛չ»։

Մյուս հարցին, թե այդ դեպքում լավագույն լուծումը ո՞րն է լինելու, նա արձագանքեց. «Օպտիմալ լուծումը կլինի այն, որ լինի միասնական գին և այն չլինի ավելի, քան 100 դրամն է, բայց, միևնույն ժամանակ, այնպիսի երթուղային ցանց և շարժակազմ նախատեսվի, որը հնարավորություն կտա, որ այդ ընկերությունը ոչ թե տապալվի կամ «նստի» դոտացիաների վրա, այլ ինքն իրեն կարողանա պահել»։

Դիտարկմանը, թե մտահոգություն կա քաղաքացիների շրջանում, որ մի կետից մյուսը հասնելու համար քաղաքացիները ստիպված կլինեն փոխել մի քանի տրանսպորտ, փոխադրողների միության նախագահն արձագանքեց. «Դա էլ չի խանգարի, որովհետև միասնական անկանխիկ համակարգի դեպքում ուղևորը կվճարի մեկ անգամ։ Տեղափոխումն, իհարկե, հնարավոր է, ավելի երկար տևի, բայց՝ հարմարավետ»։

Փոխադրողների միության նախագահն ասաց, թե տարբեր հաշվարկներով այսօր մոտ 50 հազար մարդ վճարում է 200 դրամ, քանի որ մի կետից մյուսը հասնելու համար երկու տրանսպորտ է փոխում։

Առկա երթուղային ցանցն, ըստ մասնագետի, ուղևորի տեսանկյունից, իդեալական է, բայց այն սպասարկող ընկերություններին չի ապահովում շահութաբերություն, վերջիններս վնասով են աշխատում.

«Եղած միկրոավտոբուսները 100 տոկոսով դուրս են գալու երթուղային ցանցին, գալու են աշխատելու մեծ և միջին տեղատարողությամբ ավտոբուսներ»։

Նախնական տարբերակով, ըստ Եղիազարյանի, լինելու են սնուցող և հիմնական երթուղիներ։ Սնուցող երթուղիները մարդկանց ինչ-որ կետերից կհասցնեն մինչև հիմնական երթուղի, այն էլ կշարունակի երթևեկությունը՝ առանց լրավճարման։

Ինչ վերաբերում է գծատերերին, Հրանտ Եղիազարյանն ասաց, թե երբեք ոչ մի բան հենց այնպես միայն դրական չի լինում։

«Եթե մտածենք այն մասին, թե բա ինչ անենք, բա այդ մարդիկ ինչ պետք է անեն, մենք տեղ չենք հասնի», - ասաց Եղիազարյանն ու հիշեցրեց, թե ինչպես տարիներ առաջ որոշում կայացվեց և Երևանում արգելվեցին КВЗ տեսակի ավտոբուսները։

Անդրադառնալով ուղեվարձին՝ Եղիազարյանը նշեց, թե Երևանում միջին փոխադրման հեռավորությունը, որն ընկերությունների համար շահութաբերություն կապահովի, 14 կմ-ն է։

«14 կմ երթևեկելու համար 100 դրամ գինը լրիվ բավարար է, որպեսզի փոխադրողը կարողանա աշխատել։ Այն երթուղիները, որոնք 14 կմ-ից ավելի են, նրանք չեն կարողանա շահութաբերություն ապահովել։ Հետևաբար երթուղային ցանցը պետք է փոխվի այնպես, որ շահութաբերություն ապահովի»։

Aysor.am
 
Նմանատիպ նորություններ
Ոստիկանությունը մանրամասներ է ներկայացրել Բաշինջաղյան փողոցում տեղի ունեցած դանակահարության դեպքից
19 Փետրվարի 2018 - 12:05
Փետրվարի 18-ին, ժամը 18.20-ին, հիվանդանոցից ոստիկանության Մաշտոցի բաժնում հաղորդում է ստացվել, որ «աջ ազդրի կտրած-ծակած վերք» ախտորոշմամբ բուժօգնության է դիմել 1973 թ. ծնված Մանաս Վ.-ն:
Չի թույլատրվելու, որ հաշմանդամություն ունեցող երեխաների անվան տակ այլ ծրագրեր կատարվեն. ԿԳ նախարար
19 Փետրվարի 2018 - 12:01
Հայաստանն օրենսդրության պահանջով մինչեւ 2022 թվականը պարտավոր է անցում կատարել համատարած ներառական կրթության: Այս մասին, այսօր՝ փետրվարի 19-ին, լրագրողների հետ հանդիպման ժամանակ նշել է հայաստանի ԿԳ նախարար Լեւոն Մկրտչյանը:
Օլիգարխին խայտառակած մարմնավաճառ Նաստյա Ռիբկան հեռուստահաղորդավարուհի է դարձել (Տեսանյութ)
19 Փետրվարի 2018 - 11:55
Օլիգարխ Օլեգ Դերիպասկային խայտառակած մարմնավաճառ Նաստյա Ռիբկան հեռուստահաղորդավարուհի է դարձել։ Աղջիկն իր Instagram-ում հրապարակել է տեսահոլովակ, որտեղ երևում է, որ նա որոշել է հեռուստահաղորդավարուհու փառք ձեռք բերել։
Լեւոն Մկրտչյանն ամփոփում է ԿԳՆ-ի՝ 2017-ի գործունեությունը (Ուղիղ)
19 Փետրվարի 2018 - 11:52
Հայաստանի Կրթության եւ գիտության նախարար Լեւոն Մկրտչյանն ամփոփում է նախարարության 2017 թվականի գործունեությունը:
35-ամյա վարորդը Ծովագյուղում Nissan-ով կողաշրջվել է. ուղևորը տեղափոխվել է հիվանդանոց
19 Փետրվարի 2018 - 11:48
15։00-ի սահմաններում Գեղարքունիքի մարզի Սեմյոնովկա գյուղի բնակիչ՝ 35-ամյա Կարեն Դավթյանը Ծովագյուղի 1-ին փողոցում իր վարած Nissan Teana մակնիշի 22 XX 223 համարանիշի ավտոմեքենայով դուրս է եկել ճանապարհի երթևեկելի գոտուց և կողաշրջվել։
Մարսելոյի մասնակցությունը ՊՍԺ-ի հետ խաղին քիչ հավանական է
19 Փետրվարի 2018 - 11:45
Մադրիդի «Ռեալի» պաշտպան Մարսելո Ժունիորը կարող է չմասնակցել Չեմպիոնների լիգայի 1/8 եզրափակչի` ՊՍԺ-ի հետ պատասխան խաղին, հայտնում է «Marca»-ն:
Մահացել է ճանաչված երգչուհի Մարիետա Բադալյանը (Տեսանյութ)
19 Փետրվարի 2018 - 11:38
Այսօր առավոտյան մահացել է ճանաչված երգչուհի Մարիետա Բադալյանը: Նշենք, որ Մարիետան բազմաթիվ միջազգային մրցույթների դափնեկիր էր:
ԱՄՆ-ում Uber-ի վարորդը կրակել է հաճախորդին
19 Փետրվարի 2018 - 11:33
Uber Eats սննդի առաքման ծառայության վարորդը սպանել է հաճախորդին, հայտնում է Ատլանտայի ոստիկանությունը։ Իրավապահների տվյալներով՝ դեպքը տեղի է ունեցել երեկոյան մոտավորապես ժամը 11.30-ին, Բաքհեդ շրջանում, երբ 30-ամյա տղամարդը սնունդ է պատվիրել բջջային հավելվածով։
Արտակարգ իրավիճակ Կոտայքի մարզում. «Չայնի»-ի ոլորաններում մերկասառույցի պատճառով ավտովթարներ են տեղի ունեցել
19 Փետրվարի 2018 - 11:31
Երեկ՝ փետրվարի 18-ին, ճանապարհի մերկասառույցի պատճառով ավտովթար է տեղի ունեցել Կոտայքի մարզում: Ժամը 19:30-ի սահմաններում Երևան-Սևան ավտոճանապարհի 27-րդ կմ հատվածում բախվել են Mercedes մակնիշի 17 TC 007 համարանիշի, Mitsubishi մակնիշի 35 LR 943 համարանիշի, Mercedes մակնիշի 13 TS 013 համարանիշի ավտոմեքենաները և ճանապարհին աղ ցանող КамАЗ մակնիշի 851 SU 43 համարանիշի բեռնատարը:
1 | 2 | 3 | 4 | 5 | 6 | 7 | 8 | 9933
 
Լրահոս`
 
 
 
 
 
 
 
 
ԱՄՆ-ում Uber-ի վարորդը կրակել է հաճախորդին
Միջազգային, Հասարակություն