Facebook   Twitter
 
ՀՀ ԱԺ պատգամավոր Էդմոն Մարուքյանի ելույթը ԵԽԽՎ նիստում  իրավունքի գերակայության նոր գործիքի մասին

ՀՀ ԱԺ պատգամավոր Էդմոն Մարուքյանի ելույթը ԵԽԽՎ նիստում իրավունքի գերակայության նոր գործիքի մասին

13 Հոկտեմբերի 2017 - 14:11
Հարգարժա՛ն տիկնայք և պարոնայք,
նախևառաջ, ես կցանկանայի շնորհակալություն հայտնել երկու զեկույցները ներկայացնողներին և Վենետիկի հանձնաժողովին իրենց արտառոց աշխատանքի և այս կարևոր գործիքի՝ Իրավունքի գերակայության ստուգաթերթի մշակման համար, որը նպաստում է Եվրոպայի խորհրդի հիմնարար սկզբունքներից մեկի՝ իրավունքի գերակայության սկզբունքի, համապատասխանության գնահատման նոր միասնական չափանիշների ներդրմանը:
Այս կիրառական գործիքն անկասկած կդառնա մոնիտորինգի և կանխարգելման արդյունավետ միջոց: «Լիբերալների և դեմոկրատների ալյանս հանուն Եվրոպայի» (ALDE) կուսակցությունը մեծապես աջակցում է բանաձևին և զեկույցին կիսելով այս քայլերի հիմքում ընկած տեսլականը:

Անշուշտ, այն կիրառելով որոշակի անդամ պետությունների նկատմամբ՝ ակնհայտ է, որ նույնիսկ Եվրոպայի խորհրդի անդամ պետությունների թվում կան լուրջ վտանգներ օրենքի գերակայության համար: Այն դեպքերում, երբ իրավունքի գերակայության ստուգաթերթի կիրառմամբ իրականացված վերլուծության արդյունքները մտահոգություններ են առաջացնում, ապա դրանք պետք է կոշտ արձագանք գտնեն բոլոր այն անձանց կողմից, որոնք ներգրավված են օրենքի գերակայության սկզբունքների խթանման և ամրապնդման մեջ:

Իհարկե, մենք Իրավունքի գերակայության ստուգաթերթը համարում ենք կիրառական գործիք ոչ միայն Եվրոպայի Խորհրդի երկրների, այլև ազգային և միջազգային այլ շահագրգիռ կողմերի համար, լինի դրանք ազգային կամ տեղական պետական ինստիտուտներ, այլ միջազգային կազմակերպություններ կամ քաղաքացիական հասարակություն: Այն բոլոր երկրների համար կդառնա ժողովրդավարացման, իրավունքի գերակայության հաստատման և մարդու իրավունքների նկատմամբ հարգանքի ճանապարհային քարտեզ և ուղեցույց:

Թույլ տվեք հղում կատարել Արիստոտելի աշխատությանը, որը շարունակում է մնալ ազդեցիկ և արդիական նույնիսկ պատմության այս շրջափուլում: Թեև նա ձևակերպեց այն հարցը, թե արդյոք ավելի լավ է ղեկավարվել լավագույն մարդու, թե լավագույն օրենքների կողմից, միևնույն ժամանակ նա հարցին մոտեցավ իրատեսորեն՝ նշելով, որ դա կախված է ոչ միայն օրենքի տեսակից, այլ նաև այն ռեժիմի տեսակից, որը գործադրել և կիրառել է խնդրո առարկա օրենքը (Քաղաքականություն 1282բ):

Սա է պատճառը, որ ես ցանկանում եմ խորը մտահոգություն հայտնել ազատական ժողովրդավարությունների հետընթացի վերաբերյալ, որտեղ իրավունքի գերակայությունը կորցնում է իր հիմնարար իմաստը: Աճող պոպուլիստական ուժերը փորձում են օրենքի մեջ ներդնել անորոշ ձևակերպումներ, ինչը հետագայում թույլ կտա նրանց գործել ընդդեմ ժողովրդավարական սկզբունքների՝ միևնույն ժամանակ «գործելով օրենքի շրջանակներում» և այդ կերպ փորձելով ստիպել մեզ շեղվել մեր սկզբունքներից:

Իրավունքի գերակայության ստուգաթերթն այսպիսի հանգամանքներում կիրառելու դեպքում, թերևս տեղիք չէր տրվի թյուրընկալումների համար և վնաս չէր հասցվի ժողովրդավարությանը: Ստուգաթերթը պետք է պարտադիր փաստաթուղթ դառնա բոլոր անդամ պետությունների և մյուս երկրների համար, որոնք փորձում են հասնել այդ արժեքների ներդրմանը՝ դառնալով հենակետ բոլորի համար: Այսպիսով, մենք պարտավոր ենք հավատարիմ մնալ ժողովրդավարության, մարդու իրավունքների և իրավունքի գերակայության սկզբունքներին՝ ցույց տալով մեր իրական և համապարփակ ինքնությունը, որպես Եվրոպայի խորհրդի լիիրավ անդամներ:
Տիկնայք և պարոնայք, «Լիբերալների և դեմոկրատների ալյանս հանուն Եվրոպայի» (ALDE) կուսակցության անունից կոչ եմ անում Եվրոպայի Խորհրդի բոլոր հաստատություններին օգտագործել այս ստուգաթերթը որպես մոնիտորինգի գործիք և պայքարել այն արժեքների համար, որոնց վրա է խարսխված այս հեղինակավոր հաստատությունը՝ շարունակելով օրինակ ծառայել ժողովրդավարացման ճանապարհին գտնվող բոլոր պետությունների համար։

Շնորհակալություն։

HayNews.am
 
Նմանատիպ նորություններ
Հավայիի դատարանը մասամբ արգելափակել է Թրամփի նոր միգրացիոն հրամանագիրը
18 Հոկտեմբերի 2017 - 13:23
Հավայի նահանգի դաշնային դատավոր Դերիկ Ուոթսոնը երեքշաբթի՝ հոկտեմբերի 17-ին, հրահանգել է մասամբ արգելափակել ԱՄՆ նախագահ Դոնալդ Թրամփի նոր միգրացիոն հրամանագիրը՝ դրա ուժի մեջ մտնելուց ժամեր առաջ:
2017–ի ընթացքում արդեն 250 մլն դոլարի ներդրում է արվել, բացվել է 3200 նոր աշխատատեղ. Սուրեն Կարայան
18 Հոկտեմբերի 2017 - 13:17
ՀՀ տնտեսական զարգացման և ներդրումների նախարար Սուրեն Կարայանը այսօր մամուլի ասուլիսին ամփոփել է 2017-ի առաջին կիսամյակ արդյունքները և ներկայացրեց ներդրումների ոլորտում գրանցված արդյունքները։
Շվեդիայի Հելսինգբորգ քաղաքում պայթեցվել է ոստիկանության շենքի դուռը
18 Հոկտեմբերի 2017 - 12:59
Հոկտեմբերի 17-ի լույս 18-ի գիշերը Շվեդիայի հարավային մասում գտնվող Հելսինգբորգ քաղաքում անհայտ անձինք պայթեցրել են ոստիկանության մուտքի դուռը: Այս մասին հայտնում է РИА Новости–ն՝ հղում անելով քաղաքի ոստիկանության կայքին:
Քայլեր են պետք արտերկրացի պատգամավորների այցերն Արցախ ակտիվացնելու համար. Շարմազանով
18 Հոկտեմբերի 2017 - 12:53
Արցախի անկախությանն այլընտրանք չկա. հետագա ճակատագիրն Արցախի քաղաքացիների որոշելու խնդիրն է: Այս մասին, այսօր՝ հոկտեմբերի 18-ին, Արցախի ԱԺ նախագահի տեղակալ Վահրամ Բալայանի հետ հանդիպման ժամանակ նշել է ԱԺ նախագահի տեղակալ Էդուրադ Շարմազանովը:
Իրկուտսկում տարեցների ապաստարանում հրդեհի հետևանքով տուժել է 14 մարդ
18 Հոկտեմբերի 2017 - 12:47
Իրկուտսկի երկհարկանի առանձնատանը հրդեհ է բռնկվել. շինությունն օգտագործվել է որպես սահմանափակ կարողություններով տարեց մարդկանց համար ժամանակավոր ապաստարան:
Թիվ 27 երթուղու միկրոավտոբուսում տեղի ունեցած դրամապանակի գողությունն օրեր անց բացահայտվել է
18 Հոկտեմբերի 2017 - 12:40
Հոկտեմբերի 11-ին, ժամը 13.30-ին, ոստիկանության Երևան քաղաքի վարչության օպերատիվ կառավարման կենտրոնից Մալաթիայի բաժնում հաղորդում էր ստացվել, որ իրենց է զանգահարել 1987 թ. ծնված Գրիգորի Կ.-ն և հայտնել, որ նույն օրը, ժամը 13.15-ին, Ծիծեռնակաբերդի խճուղու 3 հասցեում գործող առևտրի կենտրոնի մոտ՝ թիվ 27 երթուղու միկրոավտոբուսի սրահում, իր տաբատի գրպանից գողացել են դրամապանակը:
Պորտուգալիայում եւ Իսպանիայում անտառային հրդեհների զոհերի թիվը հասել է 45-ի
18 Հոկտեմբերի 2017 - 12:34
Պորտուգալիայի կենտրոնական եւ հյուսիսային մասերում ու Իսպանիայի Հյուսիս–արեւմուտքում մոլեգնած անտառային հրդեհներից զոհվել է առնվազն 45 մարդ։ Այս մասին հայտնում է TSF պորտուգալական ռադիոկայանը։
Ռուսաստանի և Բելառուսի քննչական կոմիտեների հետ փոխըմբռնման հուշագրեր են ստորագրվել. ՀՀ քննչական կոմիտե
18 Հոկտեմբերի 2017 - 12:28
Հոկտեմբերի 17-ին աշխատանքային այցով Երևան են ժամանել Ռուսաստանի Դաշնության քննչական կոմիտեի նախագահ Ալեքսանդր Բաստրիկինը և Բելառուսի Հանրապետության քննչական կոմիտեի նախագահ Իվան Նոսկևիչը։
Սերժ Սարգսյանը մի շարք օրենքներ է ստորագրել
18 Հոկտեմբերի 2017 - 12:19
ՀՀ նախագահ Սերժ Սարգսյանն այսօր՝ հոկտեմբերի 18-ին, մի շարք օրենքներ է ստորագրել:
1 | 2 | 3 | 4 | 5 | 6 | 7 | 8 | 11152
 
Լրահոս`