Facebook   Twitter
 
 Վարչապետը կգլխավորի Անվտանգության խորհուրդը

Վարչապետը կգլխավորի Անվտանգության խորհուրդը

13 Հոկտեմբերի 2017 - 16:32
Գաղտնիք չէ, որ Ազգային անվտանգության խորհուրդը ներկայումս ձեւական մարմնի կարգավիճակ ունի պետական կառավարման համակարգում: ՕԵԿ առաջնորդ Արթուր Բաղդասարյանից հետո ցայսօր Անվտանգության խորհրդի ղեկավար պաշտոնը ըստ էության թափուր է, և այդ բացն անգամ չի էլ նկատվում: Սակայն նոր Սահմանադրության եւ դրանից բխող օրենքների համաձայն այդ խորհուրդը բավականին ուժեղ ֆիգուր է դառնալու:
Բոլորովին վերջերս քննարկումներ ծավալվեցին առ այն, որ Սերժ Սարգսյանը 2018-ից հետո կգլխավորի այդ խոհուրդը, որը բռի մեջ է հավաքելու ուժային բոլոր բլոկները ու իրական այլընտրանք ներկայանելու վարչապետին:

Պաշտպանության մասին նոր օրինագծով այժմ ՀՀ նախագահին վերագրվող մի շարք լիազորություններ, որոնցով նա վերահսկում է ուժային կառույցների գործութնեությունը, անցնում են Անվտանգության խորհրդին:

Կառավարության կողմից օգոստոսի 31-ին հաստատված և ԱԺ ուղարկված օրինագծում նշվում է, որ Անվտանգության խորհուրդը սահմանում է պաշտպանության ոլորտի քաղաքականության հիմնական ուղղությունները, այդ թվում՝

1) իրականացնում է պաշտպանության ռազմավարական պլանավորում եւ վերանայում,

2) հաստատում է՝ զինված ուժերի զարգացման պլանը, այլ զորքերի զարգացման պլանը. զինված ուժերի ծավալման պլանը, զինված ուժերի զորահավաքային պլանը, զինված ուժերի կիրառման պլանը, Հայաստանի Հանրապետության տարածքի պաշտպանության օպերատիվ սարքավորման պլանը, քաղաքացիական պաշտպանության հանրապետական պլանը։

Զինված ուժերի եւ այլ զորքերի բարձրագույն հրամանատարական կազմի պաշտոնների, բարձրագույն սպայական կազմի պաշտոնների եւ դրանց համապատասխանող բարձրագույն սպայական զինվորական կոչումների ցանկերը ևս հաստատելու է Անվտանգության խորհուրդը. մի բան, որն այժմ իրականացնում է ՀՀ նախագահը:

Սակայն ՀՀ Սահմանադրության 152-րդ հոդվածը սահմանում է, որ վարչապետն է գլխավորում Անվտանգության խորհուրդը, որի կազմավորման և գործունեության կարգը սահմանվում է օրենքով. «Վարչապետը Կառավարության ծրագրի շրջանակներում որոշում է Կառավարության քաղաքականության հիմնական ուղղությունները, ղեկավարում է Կառավարության գործունեությունը եւ համակարգում է Կառավարության անդամների աշխատանքը: Վարչապետը կարող է Կառավարության անդամներին կոնկրետ հարցերով հանձնարարականներ տալ: Վարչապետը գլխավորում է անվտանգության խորհուրդը, որի կազմավորման եւ գործունեության կարգը սահմանվում է օրենքով»:

Ի դեպ, կառավարությունն է հայտարարում ռազմական եւ արտակարգ դրություններ.<<Հայաստանի Հանրապետության վրա զինված հարձակման, դրա անմիջական վտանգի առկայության կամ պատերազմ հայտարարվելու դեպքերում Կառավարությունը հայտարարում է ռազմական դրություն, ուղերձով դիմում է ժողովրդին և կարող է հայտարարել ընդհանուր կամ մասնակի զորահավաք:
Ռազմական դրություն հայտարարվելու դեպքում իրավունքի ուժով անհապաղ գումարվում է Ազգային ժողովի հատուկ նիստ:
Ազգային ժողովը կարող է պատգամավորների ընդհանուր թվի ձայների մեծամասնությամբ վերացնել ռազմական դրությունը կամ չեղյալ հայտարարել ռազմական դրության իրավական ռեժիմով նախատեսված միջոցառումների իրականացումը:

Ռազմական դրության իրավական ռեժիմը սահմանվում է օրենքով, որն ընդունվում է պատգամավորների ընդհանուր թվի ձայների մեծամասնությամբ:>> նախատեսում է Սահմանադրության 119 հոդվածը,155 հոդվածի համաձայն Կառավարության ենթակայության ներքո են ՀՀ զինված ուժերը.<< Զինված ուժերի կիրառման մասին որոշումն ընդունում է Կառավարությունը: Անհետաձգելի անհրաժեշտության դեպքում զինված ուժերի կիրառման մասին որոշումը, պաշտպանության նախարարի առաջարկությամբ, կայացնում է վարչապետը և այդ մասին անհապաղ տեղեկացնում Կառավարության անդամներին>: Փոխարենը <<Պաշտպանության ոլորտի քաղաքականության հիմնական ուղղությունները սահմանում է Անվտանգության խորհուրդը: Պաշտպանության նախարարն այդ հիմնական ուղղությունների շրջանակներում իրականացնում է զինված ուժերի ղեկավարումը>>: Այնպես որ, ով դարձավ վարչապետ , նա էլ
Սահմանադրության համաձայն կգլխավորի Անվտանգության խորհուրդ եւ որեւէ հակակշիռ էլ չի առաջանա:

hayeli.am
 
Նմանատիպ նորություններ
Հայտնի են թիվ 9/48 ընտրատեղամասի քվեարկության նախնական արդյունքները. «Իմ քայլը» առաջին տեղում է
23 Սեպտեմբերի 2018 - 23:33
Երեւանի ավագանու ընտրություններում 9/48 ընտրական տեղամասում քվեարկության նախնական արդյունքները արդեն հայտնի են:
Նիկոլ Փաշինյանի ելույթը ՄԱԿ-ում նախատեսվում է երեքշաբթի երեկոյան․ «Ամերիկայի ձայն»
23 Սեպտեմբերի 2018 - 23:06
Կիրակի Հայաստանի վարչապետ Նիկոլ Փաշինյանը Նյու Յորք է ժամանում՝ մասնակցելու ՄԱԿ-ի գագաթաժողովի աշխատանքներին: Հաղորդում է «Ամերիկայի ձայնը»։
Լևոն Տեր-Պետրոսյանը, Ռոբերտ Քոչարյանը, Սերժ Սարգսյանը և Արմեն Սարգսյանը ընտրություններին չեն մասնակցել
23 Սեպտեմբերի 2018 - 22:05
Երևանի ավագանու ընտրություններին չեն մասնակցել Լևոն Տեր-Պետրոսյանը, Ռոբերտ Քոչարյանը, Սերժ Սարգսյանը և Արմեն Սարգսյանը:
Ով որքան ձայն է ստացել՝ նախնական տվյալներով
23 Սեպտեմբերի 2018 - 21:44
Ինչպես հայտնի է` ժամը 20:00-ի դրությամբ փակվել են բոլոր ընտրատեղամասերը և հրապարակվում են նախնական տվյալներ Երևանի ավագանու ընտրությունների արդյունքների վերաբերյալ:
Նախկինում գազելներով տանում էին քվեարկելու իշխանության օգտին, հիմա այդ պրակտիկան չկա, և մասնակցության առումով ավելի բնական ցուցանիշ է լինելու. քաղաքագետ
23 Սեպտեմբերի 2018 - 20:45
Մեծամասնություն լինելը հենց քաղաքական հաղթանակ է լինելու, այսինքն՝ երբ «Իմ քայլը» դաշինքը կվերցնի ձայների մեծամասնությունը՝ առանց որևէ խոչընդոտի՝ դառնալով քաղաքային իշխանություն։
Երեւանի ավագանու արտահերթ ընտրությունների քվեարկությունն ավարտվեց
23 Սեպտեմբերի 2018 - 20:06
Ժամը 20.00-ին Երեւանի ավագանու արտահերթ ընտրությունների քվեարկությունն ավարտվեց: Այս րոպեներին Երեւանի ողջ տարածքում ընտրական տեղամասերը փակվում են, սկսվում է ընտրությունների արդյունքներն ամփոփելու գործընթացը:
Աջափնյակում 6/51 ընտրատեղամասում ԲՀԿ-ի եւ «Իմ քայլը» դաշինքի վստահված անձանց միջեւ քաշքշուկ է եղել. «Անկախ դիտորդ»
23 Սեպտեմբերի 2018 - 19:57
Աջափնյակ վարչական շրջանի 6/51 ընտրատեղամասում ԲՀԿ վստահված անձը քաշքշուկ է սկսել «Իմ քայլը» դաշինքի վստահված անձի հետ: Այս մասին նշված է «Անկախ դիտորդ» դաշինքի արձանագրած խախտումներում:
Արմեն Սարգսյանը` Ֆրանսիայում Մտքերի գագաթնաժողովին
23 Սեպտեմբերի 2018 - 18:46
Աշխատանքային այցով Ֆրանսիայում գտնվող Հայաստանի Հանրապետության նախագահ Արմեն Սարգսյանը սեպտեմբերի 22-ին մասնակցել է Շամոնի քաղաքում անցկացվող ամենամյա Մտքերի գագաթնաժողովին (Summit of Minds)։
1 | 2 | 3 | 4 | 5 | 6 | 7 | 8 | 4626
 
Լրահոս`